東海堂 (已結業)

我上次食個芝士辮包, 話覺得甜甜地, 冇錯喇, 就係之前雪儀講既芝士棒既沙律醬味道, 完全冇芝士味, 名不符實, 個包又太油!我覺得東海堂既麵包, 整體黎講只屬一般, ok啦!

係一件獨立包裝既蛋糕, $7.5, 有好多提子乾, 少量果皮和車厘子, 蛋糕成份佔好少, 食提子仲多過食蛋糕, 而且質感比較實, 講味道, 就酸酸地, 可能因為有太多提子, 我覺得麻麻地好食, 我覺得桑梅蛋糕好味d, 又平d , 呢件果子布甸唔會再食!

成日見人買, 又聽人話好食, 所以我都買黎試下, 長長既包又真係名副其實既幾軟, 入面搽左d cream, 個包本身冇香蕉味, 係d cream有少少, 係好少既香蕉味, 我估佢係加d 香蕉味既香油落d cream 到, 如果佢係用香蕉肉同d cream 一齊攪, 做成有香蕉茸既cream, 我相信d 香蕉味一定會香好多, 味道梗係會好味好多啦! 所以, 我個人覺得呢條包包只係一般, 未食佢之前, 諗住下次試牛油軟法包, 但而家唔打算試lu, 我估都係咁上下, 只不過冇左個丁丁既香蕉味, 咁就更加唔會有咩特別!

之前雪儀極力推介我試呢款蛋糕, 佢果然冇介紹錯, 打開包裝袋, 未食已經聞到好香甜既味道, 桑梅既味道應該好酸, 但件蛋糕一d都唔酸, 我反而覺得似strawberry 味道多d, 不過真係幾好味!

完全唔掂, 完全唔覺有一丁點既芝士味道,而且個包竟然係甜甜地, 咩芝士唔係應該鹹鹹地既咩? 個包雖然好軟, 但就好鬆, 幾啖就可以食完, 而且個包都幾油, 食完個包, 個膠袋好油,食完都唔知自己食左d咩落肚, 早知簡簡單單食個豬仔包or芝麻包仲好!!

長方形既蛋糕,可以分作五層(由底起):拿破崙;榛子蛋糕;拿破崙;榛子蛋糕;杏仁碎及榛子忌廉花。食落有少少榛子味,但係唔太濃,拿破崙就唔係咁鬆化,比較硬,不過整體上都ok既!

我認同雪儀既說法,我都有多少少補充...d 黑糖mousse 味道的確唔錯, 但我覺得好似唔夠滑,唔知係未因為用左比較多魚膠粉既緣故呢???

見到東海堂有新出既蛋糕,當然買黎試!我既感覺同一些牛奶差唔多,不過可以多少少補充...雖然呢個西餅名為拿破崙,但係層酥皮竟然唔係主角,只係在底薄薄一層,我覺得太少喇!主要係黑糖mousse同蛋白蛋糕,黑糖mousse甜甜地,好好味,蛋白蛋糕就無味道。所以黑糖mousse至係精緒所在。蛋糕面有兩粒紅莓,酸酸地,仲有一塊白朱古力,令到個蛋糕外型好靚!黑白拿破崙食得過!

我第一次食東海堂既西餅, 呢款係新產品,面頭係咖啡色,初時以為係咖啡mousse, 個sale 話係黑糖mousse,中間係蛋白蛋糕, 而最底就有塊拿破崙,黑糖mousse少少甜,幾啱我口味,但好似都有少少咖啡味,配合蛋白蛋糕, 好好食, 而塊拿破崙就很不錯, 很鬆化,唔會好油, 我好唔鍾意個d食到個口油膩膩既拿破崙or 酥皮,不過, 如果呢件餅冇左塊拿破崙, 只係有黑糖mousse加蛋白蛋糕, 已經好好味,塊拿破崙就為件餅錦上添花!!我覺得呢件黑白拿破崙好食過美心歐陸西餅既芒果拿破崙脆餅和楊梅拿破崙脆餅啦!!原來, 東海堂既西餅都幾好食喎!!

日期：2004.04.26時間：15:30食品：火雞蕃茄餡包價錢：$12/份評語：主餡料是從火雞胸拆出來的肉，副餡料是生菜、蕃茄、美乃滋；配以蕃茄味十足兼口感清新的的蕃茄麵包。好正。

日期：2004.04.26時間：20:00食品：芒果慕絲奶凍餅, 三色慕絲奶凍餅價錢：各$8/個評語：香味和口感都好香好滑。但肯定加入大量人造色素、人造香精（芒果味和士多草莓味），才可以造出那麼「優秀」的色香味！感想：好假啊！

有3層最上係cheese中係chocolate mossess下我估係strawberry cake唔好食...好奇怪d味,都唔match都係食返mango mossess cake好過