東海堂 (已結業)

一向鍾情香濃軟滑的芝士蛋糕，偶爾路過這裡，看見有新推出的杯裝意大利芝士，即忍不住試試。意大利芝士$15@，用小酒桶型膠杯盛著，外觀討好。意大利芝士香濃軟滑，杯底一層薄薄的蛋糕滿有酒香，吃罷十分滿足。

生日係度買左個cheese cake食,個樣就好靚仔啦,一食就好似食緊普通水果蛋糕,唔係cheese cake...真係好失望,總唸住東海堂會好食d

單睇外觀, 個芒果撻都幾高, 芒果都好似幾厚幾多, 疊到好似一個小山丘, 我用叉慢慢品嚐, 最先食既當然係芒果, 一共有五片, 芒果片確實幾厚, 又大塊, 而且味道又鮮甜, 芒果片下面有好少好薄既白色cream, 再下面就係芒果mousse, 一樣好味, 最底就當然係個撻啦, 好鬆脆呀! 整個芒果撻都非常好味, 比我預算中好好多, 亦比起聖安娜個d淋晒既鮮果撻出色好多! $9買一個撻, 算冇白費!

最近發現東海堂有款新包叫草莓包(strawberry bread), 士多啤梨蛋糕我就見得見, 食得多, 但士多啤梨麵包就聞所未聞, 水果麵包一向都係我既心頭好, 所以我點會放過呢? 草莓包既外型與體積同椰檳沒大分別, 用眼所見, 草莓包上有d粉紅色既餡料, 憑眼判斷, 個d唔係果醬, 似果蓉, 當麵包放到咀邊, 可以聞到少少士多啤梨味, 食到落口, 都可以食出士多啤梨既味道, 但唔太突出, 甜中帶酸, 麵包本身冇咩味道, 都好, 我初時仲怕呢個麵包會好甜! 不過, d士多啤梨蓉分佈得唔平均, 大部份都係放於麵包既側邊和麵包底, 麵包有張紙墊底, 所以當我搣開張麵包紙既時候, 張紙就黏住d士多啤梨蓉, 攪到我要舐埋張紙! $6.5 既草莓包, 都算ok啦, 食一個就已經夠飽, 不過, 未算係好好味, 會令人「食過返尋味」個種!

呢個「綠豆綠茶棒」真係好搞o野, 要食綠豆? 無!! 係even 連d d 綠豆味都無!! 要綠茶? 有, 係好好好鬼淡o既綠茶粉味。我都唔知佢點解叫「綠豆綠茶棒」?!

嚴浩先生為宣傳電影《抹茶之戀味》，把片中的葡萄牙公主蛋糕之配方和製作權賣給東海堂，而東海堂則在五月中至六月一日限量售賣此蛋糕。我曾經兩次到葵芳東海堂買蛋糕來吃。第一次是在五月廿一日預訂，再在廿八日取蛋糕。鮮奶油層塗得又滿又厚，內層夾了鮮果；餅底似乎是用普通餅乾做的。我和姊姊吃完後，都讚嘆蛋糕很好吃。鮮奶油是不甜的，奶味卻非常濃郁，口感滑溜，一吃便知那不是下蛋白攪成的Ｍｏｕｓｓｅ。至於附送的抹茶粉，其實只夠以撒滿在蛋糕的大圓面，不過我們認為不下抹茶粉比較好吃。（註：如果真的要撒滿抹茶粉在蛋糕的全表層，便要下幾茶匙的抹茶粉在小篩子裡，先撒滿在蛋糕的大圓面，再微微斜起蛋糕，在側面撒上抹茶粉。）第二次是在五月三十日。因為這次是在店內即買而不是訂造的，所以鮮奶油層比上次的薄一些，不過依然好吃。連平時不嚐甜的家母也讚不絕口，吃得津津有味。（ＰＳ：請問如何做葡萄牙公主蛋糕?我正在網上找葡萄牙公主蛋糕正宗作法的資料。編按：請在飲食廣場回應）

前幾日雪儀試左呢個綠豆綠茶棒後, 又話我知唔算好差, 叫我試下! 我食完之後, 同雪儀既感覺一樣, 我只食到有綠茶味, 雖然見到有幾粒豆, 但係食唔到有豆味, 而包面既綠豆粉都係冇豆味, 可能綠豆本身係淡味掛! 不過, 勝在呢個棒棒都幾軟, 由於綠茶味唔多, 所以唔覺苦, 味道清清地都唔錯既!

好想食d冇味道, 又可以用下牙力去咬既包, 於是就揀左呢個法包, 東海堂有兩種size既法包, 細既$4, 大既$5, 我打算早餐午餐都食包, 所以就要個大既, 可以食兩餐! 朝早買左, 大約半小時後先食, 麵包外面幾脆, 但有少少硬, 而入面就幾軟, 味道唔鹹又唔甜, 冇咩味, 正係我想要既味, 朝早食左一半, 下午再食另一半既時候, 麵包既味道冇變, 但係口感就變左, 麵包外面已經唔脆, 變得好韌, 所以食到我牙軟, 但入面就仍然係軟熟既! $5可以食到兩餐飽既, 真係好抵!

一個小小既包, 幾軟熟, 個包放到咀邊, 未食已經聞到幾香既玉桂味, 食落口, 果然食得出玉桂味, 但味道又未至於多到苦, 再加埋提子, 配合出黎既味道都唔錯, 食過東海堂其他包, 覺得味道好一般, 唔出味, 但呢個玉桂提子包就真係出到佢既味道喇!

bought a large coffee rasin bread ($9) as breakfast today. quite "coffee" and soft. i only eat 1/4 today. acceptable.

我同一些牛奶一樣,都係見到東海堂出左為聖誕而推出既大包,所以特別買黎食。我同意一些牛奶大部份意見,只係忌補充一下,對於好似我咁鍾意朱古力既人黎講,其實朱古力蘑菇包係好唔夠朱古力既!睇落去面頭好似有一層厚厚朱古力,但原來只係好薄,好在個包心有scattered 既朱古力醬。至於咖啡葉,我相信鍾意咖啡味人士會好岩,因為好少食到咁有咖啡味既包。不過兩隻包都好好笑,好似可以一包分二包咁,完全好似以兩個包疊埋砌成!

聖誕節將近, 推出兩款聖誕節麵包, 一款叫朱古力蘑菇頭, 另一款叫咖啡聖誕葉, 袋裝既麵包,各$9 一個!先講朱古力蘑菇頭, 圓形, 外貌有點似蘑菇, 但成份係花生粒, 朱古力粒和朱古力麵包! 我覺得佢係由兩個麵團疊成, 上層係混合了朱古力既麵團, 下層係普通麵團加入朱古力粒, 麵包上再鋪花生粒, 材料份量都適中! 味道方面, 唔差, 但又唔特別, 唔會太甜, ok啦! 不過, 因為花生粒唔係脆, 係冧既, 所以食唔出有花生既口感! 對我黎講, 就冇咩所謂, 因為我唔太鍾意花生!咖啡聖誕葉, 長形, 外貌有點似樹葉, 成份係杏仁片, 黑加倫子粒和咖啡麵包! 麵包中混合了黑加倫子粒, 有少少咖啡味道, 唔太濃, 幾合我口味, 因為我唔太好濃烈咖啡, 而麵包上再鋪杏仁片, 材料份量我覺得黑加倫子粒可以多些! 味道方面, 亦同樣唔特別, 杏仁片亦都係唔係脆, 係冧既, 所以同樣食唔出有杏仁既口感!整體而言, 兩款麵包都冇咩驚喜, ok啦! 我估呢兩款麵包都係唔會長期推出, 所以一試, 亦無妨!

食過一些牛奶所講既鮮奶包,我覺得唔錯喎!勝在夠軟同夠清!雖然唔係好香個隻,但係食茖甜甜地又唔會太甜,仲唔會令人覺得漏,220g,斜切成4件,都唔錯喎! 幾好味!

一個袋裝既麵包, 好似有二百幾克左右, 完全食唔到有奶味, 只係食到甜味同牛油味, 好在都算軟身, 不過我唔會再食!

特色三文治餐盒（$15/份），由三片白方包組成，內有三款餡料：a. 雞蛋沙拉醬；b. 鮪魚洋蔥沙拉醬：略油膩，可能用了油浸的罐頭吞拿魚；c. 洋火腿蕃茄芝士。份量十足，作午餐一流！