木玥巷 (已結業)

鹽酥雞味道不錯，但份量偏少，平日晚飯時間，星期六日就要收加一服務，價錢本身都相對偏貴，希望可以改善份量，唯飲品相對大杯，但加特飲要加25蚊，其實32蚊已經叫到一杯正價，所以見在場客人都比較少叫，感覺不是有套餐價錢中😅。

平時好少入元朗，今次放工去咗朋友屋企，咁我哋就喺附近揀咗一間台灣嘢食，估唔到有幾有驚喜喎！金沙抹茶奶泡抹茶味都幾濃，奶味適中，唔會好甜。玫瑰可可鮮奶飲落去好香玫瑰味，但又唔會遮蓋左可可鮮奶味，啱啱好。鳳梨蝦球呢個好好食😋！佢係炸左嘅蝦球配埋菠蘿同埋沙律醬，菠蘿酸酸甜甜，就算外層包左一層沙律醬，但加埋菠蘿一齊食都唔會漏，蝦球好爽口彈牙，呢個我哋好快就清晒！炒水蓮第一次食炒水蓮，本身食唔慣，但食食吓又覺得OK喎，佢係好爽口嘅菜，結果食下食下就成碟清晒😂。蟹肉金絲炒新竹米粉呢個推介必食！份量超多，而且蟹肉份量都唔少，米粉炒得好乾身，入面應該加咗啲芽菜同瓜，所以食落都幾爽口。地瓜條由於我係勁鍾意食番薯條嘅人，見到呢個忍唔住叫，上面加咗啲梅子粉，幾開胃。琥珀合桃其實呢樣嘢係一坐低佢就會送上嚟嘅，我都係第一次食台灣菜會送琥珀合桃，好食到我最後忍唔住買咗一盒走，佢色澤好靚，而且每一粒合桃都包左層糖衣咁，好香芝麻味，其實呢樣嘢好考功夫，因為好容易炸到燶咗有苦味，所以呢個真係有驚喜！

超推薦大西北驚喜木系台式小店😁😋 朗屏嘅好西都幾多🥰呢間新店嘅位置喺屯馬線站出口唔遠，木系裝修都幾舒服。店員態度良好😊好有禮貌，而且耐心解答客人問題。 核桃前菜🥰核桃香脆，加埋蜜味甜甜地，真係想食多幾碟 雞湯小卷米粉好鍾呢啲類清清地嘅湯粉麵🥰米粉好多但唔會滯，索到雞湯味。有好多好多墨魚🦑另有幾隻餃子形狀但蛋皮嘅東西，入面係（?魚肉），好得意好好味。 黯然銷魂安格斯滷肉飯好得意，竟然會係牛肉🤣好入味又無平時咁油膩😆😋配埋蛋同泡菜，味道層次豐富咗好多🤣 鹽水雞雞肉鹹香入味💁‍♀️除咗有雞，仲有菇、西蘭花，一樣都好入味，而且西蘭花一啲都唔硬。仲有幾片啤梨，好清甜好fresh🥰 炒水蓮🥬店員話呢隻台灣名菜，香港未必搵到第二度有。食起嚟爽口入味，微微蒜香又唔油膩😋 木玥招牌水果茶（百香果、西柚🍊）超級大杯，一上枱真係嚇一嚇😂「有一種有本事就隊哂佢啦」嘅感覺😂😂百香果味好香，冰凍、好有果味但唔甜唔澀💕有唔少果肉。結果我地真係好有本事咁隊哂。 白桃桂花烏龍茶🍑呢個係無外加糖嘅😁烏龍茶味好清淳，白桃桂花香唔太濃但好襯托到茶香。

這間木玥巷位於朗屏鄰近西鐵站，係一間新開食台灣嘢嘅店舖，而去D食物都算唔錯🤔!.黯然銷魂安格斯滷肉飯呢碗滷肉飯望見冇乜特別🤔，其實黯然遮掩哂D好嘢😮，店家用咗安格斯滷肉切成粒狀，秘製而成令到肉質夠哂腍身入哂味😋，配咗D珍珠米令到更加好食😋，又有口感味道十足，我覺得真係幾正👍!.蟹肉金絲炒新竹米粉這碟金絲米粉賣相一般🤔，去嘅米粉係用咗新竹米粉，所以特別幼身同埋滑口，加咗D蟹肉令到米粉更加有口感😋，食到入口蟹肉味道都幾口😋，兩者加埋都可以接受!.宜蘭三星蒽餡餅睇見都好吸引😍，圓碌碌細細件，煎至兩面甘香😙，睇見都好想食😋，而去嘅饀料三七比例，三份肉七份蔥又完全唔覺得肥🤔，而去嘅餅皮口感烟韌，真係好有台灣嘅風味😋!.木玥招牌水果茶(鳳梨，百香果)木玥柳橙汁水果茶(柳橙汁，百香果)呢兩杯招牌果茶十分之大杯😲，係咁炎熱嘅天氣飲噃杯冰凍嘅飲品，真係唔錯之選👍，大大杯而去嘅水果非常之新鮮，飲到入口感覺好香嘅果味😋甜度適中，有得食又有得飲真係幾好!.*價籛一般，食物質素唔錯，值得可以試吓*

間唔中就會想食下台灣嘢，知道呢間餐廳喺屯門嘅鋪頭人氣高企，所以見到喺元朗開咗新嘅分店即刻嚟試吓！呢度嘅裝潢行木系風格，二人座位嘅高凳幾舒服～琥珀核桃 $0一入座就免費送上，有蜜糖同埋芝麻喺面頭，酥脆帶甜☺️木玥招牌紅燒牛肉麵 $94大大碗，好足料～ 牛肉方面有牛腱、牛筋、肥牛，牛腱厚身好大塊，口感軟腍；牛筋彈牙，滿滿嘅骨膠原；肥牛嘅牛味非常香濃，好高質👍🏻 另外仲有紅蘿蔔、白蘿蔔、豆卜，尤其白蘿蔔勁大舊！麵質就軟硬適中，有咬口，仲配有一碟酸菜～黯然銷魂安格斯滷肉飯 $84有太陽蛋、滷肉、泡菜，流心蛋黃拌飯一流，蛋味香濃，底下嘅滷肉份量多，食到最後一啖飯都仲有滷肉可以撈埋一齊食。味道又唔錯，肥瘦啱啱好，唔會成口肥膏～ 仲有泡菜可以提味，幾特別～雙色鹽酥雞 $54有七大舊，外層炸得酥脆，內裏嘅雞肉肉質嫩滑多汁，紫蘇葉拌碟～木玥招牌水果茶（西柚、百香果）$38好大杯，有西柚、百香果、鳳梨、青檸，酸酸地幾開胃涼爽，適合夏天飲～黑糖茉莉花冬瓜茶 $32呢個就比較甜，冬瓜茶可以清熱消暑，茉莉花增添香氣，加埋黑糖，甜甜地幾好飲～餐廳播嘅台灣歌都好relaxing，令人感覺舒服，而且年輕職員嘅服務態度都

木玥巷繼屯門紅橋開店 而家元朗都新開左分店啦🍴裝飾同樣係簡潔舒服😌 都係好多人等位Lunch 有午市套餐選擇 主菜連小食同飲品價錢相宜☺️紅燒牛肉麵 $68牛肉煮得非常之淋😍食落牛味仲係好重好香✨麵質軟硬度適中😋啱晒我哋兩個🐨👧🏻鳳梨糖醋咕嚕肉飯 $72咕嚕肉煮得好香脆✨用上嘅鳳梨糖醋配搭好夾鳳梨好香甜 唔會好酸🤤糖醋都用得剛剛好😍成個煮得好香好開胃配埋飯一齊食超正❤台式雙色腸(兩條) $32有兩款嘅腸 分別係墨汁腸同埋台式香腸食落都幾脆口🥰當小食食都唔錯 一路食一路配飲品 認真唔錯金莎抹茶奶泡 飲品上面有一粒棉花糖😍好正飲落都好香抹茶味🍵仲有滑滑嘅奶泡😋真係好香好好飲❤️木玥黃金水果茶(柳橙汁,百香果) 🍊飲落酸酸甜甜😋好開胃 味道唔會好甜仲要超大杯😍啱哂呢個大熱天時 小妹飲落真係好涼爽❄️

去開元朗，見新開屯門好評台灣食店不用排隊所以一試。竟然大中伏，食到O晒嘴。一個暗然銷魂安格斯滷肉飯令我眼界大開。眼見這飯全個餐牌第三貴， 想必有其特色。誰知一上枱竟然只是豉油肉碎煎蛋飯加泡菜， 84大元只有肉碎， 媽的， 元朗消費水平如此之高再眼見叫其他飯，如炸排骨飯（60餘）加10元已經可升級這高級的肉碎飯。 這營商手法真的不敢恭維。 縱使每家台式滷肉飯都有其獨家配方， 但一些茴香，花椒，八角的香味都沒有。 只有單純嘅甜同埋豉油味。 唯一可取的是蛋做到食神的脆邊要求。 基本上白飯及餸比例嚴重失衡。可笑是openrice看屯門分店食評，應該多件滷牛筋之類的。 誰知元朗店只有可憐幾啖牛肉碎，令人大失所望，就算味道可以都不會再光顧。

心血來潮想食台灣菜，就揀左呢間bookmark左好耐既台式餐廳。🔎木玥招牌紅燒牛肉麵($94)牛肉麵嗰湯底清甜，麵底都算彈牙，牛根炆得軟淋，但嚿牛肉就有少少嚡口。🔎鳳梨糖醋咕嚕肉($82)咕嚕肉甜酸適中，味道正常。🔎木玥黃金水果茶($38)水果茶好大杯，外觀都好靚。整體係好飲，只係我略嫌佢酸左少少。✏️ 留意返：餐廳會收加一服務費

🔎木玥巷 (元朗)💛又一新店加盟元朗國 食台灣嘢又多個選擇啦一坐低就會送上焦糖合桃 慢慢邊食邊等 甜甜地脆脆地 都幾好味🔹黯然銷魂安格斯滷肉飯 $84將平時嘅肥肉換咗做安格斯做滷肉 肉味會濃D又無咁肥 呢個選擇都幾特別 滷肉份量都幾多 個底仲有D汁 食哂成碗都係好夠味 但又唔會過咸 飯係用珍珠米 隻蛋仲要係流心架 🔹乾拌擔擔麵 $58原本對佢無咩期望 諗住配下鹽酥雞食 但一食又幾驚喜 麻醬味超濃 麵質係好煙韌 會咬多咗幾啖先吞 所以睇落份量唔多 但飽肚感絕對夠🔹雙色鹽酥雞 $56唔係細細粒嘅鹽酥雞 全部都係大大件熱辣辣外脆內軟嘅雞 就咁食同配埋酸酸甜甜嘅汁都唔錯 份量都唔少架 2-3個人share就最好*晚市設加一收費📍元朗媽橫路9號富來花園地下17-18號舖🍴搵返相關地區👉🏻 #90sfoodieshare_元朗#食在元朗#我食在元朗你卻在大排檔

知道木玥巷於朗屏開了分店，故決定到貴地嘗試一下。因為屯門店都比較多人訂坐，所以仍未曾試過😄說回正題，今次嘗試我點了「黯然銷魂安格斯鹵肉飯」因為相對於招牌牛肉麵，這個比較吸引（怎說也是用「食神」的決勝菜式來命名，故對其亦有所期待😂）等候時間不算長，在午飯時間滿坐的情況下也是用了約七至八分鐘便上菜。食物方面，有著黯然銷魂飯的招牌煎蛋、醬汁醃製的牛肉，雖没有令人黯然流淚既洋蔥，但以味道不太濃的醃泡菜去代替😁值得一讚的是牛肉的味道，那些醬汁有種混合了味噌及美式BBQ醬的味道、而且各自的味道亦不會過濃，導致覆蓋其他。質感方面牛肉在醬汁中的淆製時間足夠，入味之餘亦像手撕牛肉，卻完全不會黏牙😆。米飯是珍珠米，故有粒粒飽滿的感覺。配菜是津白，可以中和牛肉醬汁及泡菜帶來的重味。最後，這道菜式給我的感覺就是綜合了美國、韓國味道的台灣菜😂亦會有興趣再試其他菜式。