木玥巷 (已結業)

今晚自己一個開餐，見到近排呢間台灣料理店都好多人讚，睇吓咩料先😌環境同個店名一樣以木做主題，感覺清新舒服，兩位妹妹店員尚算醒神先放低一小碟琥珀合桃，好味，鬆化，無油味，甜度適中，水準之作蟹肉金絲炒米粉：呢味我見其他食友講到不吃不可，我就覺得未至於，炒功係唔錯，炒得好乾身好散唔油無一舊舊嘅情況，新竹米粉質地係好幼好輕，大啖食都唔覺滯，蟹肉份量都算係好正常㗎喇，佢收得$96+1唔多唔少咁啦，質素有d彈d，有d林d，又未去到係霉嘅，所以亦係合格，其他配菜有芽菜，葱，瑤柱碎，個配搭恰到好處，但係佢個調味就真係清淡，我食兩啖就要攞辣醬，而個辣醬係麻辣醬嚟，都有少少驚喜喎，幫佢加番分啦玫瑰可可特飲：見到玫瑰兩個字我有d驚係伏野，好彩唔係，都幾好飲，係多冰左d啫，今次體驗唔錯啦，除咗少少貴，但都會回頭嘅

餐廳位置正正係朗屏站旁邊咁啱落雨我哋冇帶遮有天橋直接去到餐廳門口諗都唔洗諗就揀咗佢啦我哋嗌咗黯然銷魂安格斯滷肉飯同埋蟹肉金絲炒新竹米粉見我哋點左滷肉飯店員好主動話比我哋知裡面嘅伴菜有辣泡菜可以分定一碗俾小朋友先再撈飯 好貼心！！炒米粉口感煙韌 好啱我哋口味仲好足料 蟹肉份量夠晒多呢度啲嘢食好大份連啲嘢飲都特別大杯我哋叫咗木玥柳橙汁水果茶橙汁香濃 好好飲又好夠飲甜不辣炸得好乾身香口大人小朋友都好鍾意食店入面台同台中間距離好闊落好滿意佢地嘅服務態度一坐低我仲未開聲講嘢啲哥哥姐姐見到有小朋友已經主動拎小朋友餐具

對呢間餐廳嘅第一印象係每碟都大件夾抵食！俾個份量震撼咗視覺之後，連味覺都好震撼！🍗鹽酥炸春雞 $108 - 首推美食！好大隻，炸雞但絕對唔乾，切開勁Juicy。同快餐店嘅冇得比，真心全力推介，黎呢度，簡直係必叫🤤🤤🍜木玥招牌紅燒牛肉麵 $96 - 牛肉燜得好腍，麵質Q彈好食，加埋呢度嘅勁好食辣醬，即刻變咗碗麻辣牛肉麵😋🦀蟹肉金絲炒新竹米粉 $96 - 新竹米粉一向係我最愛嘅台灣美食，加埋蟹肉，好香🤤🥤木玥招牌水果茶 (西柚、百香果) $38🥤木玥黃金水果茶 (鳳梨、百香果) $38以上呢兩杯水果茶，首先同嘢食一樣都係勁大杯，再黎係勁足料，咬口同味道兼備，都係$38杯咋！真係好抵同好正😆而家去元朗想食台灣嘢，真係首選呢間😌😌

之前一直心思思想試屯門分店 咁啱見到元朗都開咗 決定要試吓先~🍴木玥招牌紅燒牛肉麵 HKD96上枱嘅時候會附送一小碟酸菜 餐廳員工細心咁話面頭嘅豆卜要浸一浸牛肉麵配料比想像中多 除咗有厚切嘅牛肉 仲有牛筋同肥牛 牛肉雖然厚切 但係食落好嫩滑 牛肉味濃 牛筋入口即溶 好重骨膠原牛仔麵湯底最緊要 飲落唔油膩 清清淡淡反而同麵條仲夾🍴黯然銷魂安格斯滷肉飯 HKD86見佢寫住用安格斯整滷肉咁巴閉 一定要試吓啦賣相好精緻 有隻好靚嘅荷包蛋 同配菜下面有一層滷肉！係滿滿嘅一層！滷肉醬汁香濃惹味 撈埋下面嘅珍珠米食嘅時候再將荷包蛋同泡菜放喺面 👍🏻🍴麻辣鴨血 HKD70見到面頭有一堆芫荽已經加咗分😂超中意個麻辣湯底 夠香而且唔會太辣 鴨血有5-6大件 食落又軟又滑 驚喜嘅有百頁豆腐 索囇啲麻辣湯汁🤤🍹木玥柳橙汁水果茶HKD38上枱見到咁大杯真係嚇一嚇親柳橙汁加埋百香果汁飲落唔會太酸撘配埋新鮮水果 好fresh 🍹白桃桂花烏龍清茶 HKD32有淡淡嘅白桃香味 茶味夠濃 而且唔甜好解膩🚩木玥巷 元朗媽橫路9號富來花園地下17-18號舖

#跟住我食唔中伏.上星期去 #元朗 搵friend早咗到，就和寶寶在朗屏西鐵站附近搵野食先😎見到呢間店環境幾好，價錢又唔貴就決定試下！.［黯然銷魂安格斯滷肉飯］真心！我第一次食台式牛肉滷肉飯😆估唔到都幾高質😍安格斯肉好重牛香始終係滷肉油脂會多少少，入囗香而滑👍🏻唔錯！除咗滷牛肉，黯然銷魂飯又點少得一隻半生熟嘅煎蛋🍳有佢成個飯即刻提升 level up💯.［蟹肉金絲炒新竹米粉］ *推介唔係度度都有得食炒新竹米粉，仲要係蟹肉🦀成個米粉炒得好靚金黃色❤️食落唔油膩，偏乾身但係唔會乾到好難吞嚥👍🏻蟹肉數量都幾多，大舊而且食落好鮮甜💞感覺好似係鮮拆出嚟嘅蟹肉！.［蜂蜜冰烤地瓜］估唔到番薯都可以整得咁好味🤤擺盤都好靚成個蕃薯烤到好甜好軟綿，入囗即溶嗰隻就咁食或者撈飯都勁完美！寶寶都勁中意❤️.嘢飲都好高質👍🏻今次真係誤打誤撞入咗間高質嘅小店［玫瑰可可鮮奶］啖啖重朱古力再慢回微微玫瑰香🌹［黑糖茉莉花冬瓜茶］成個配搭好夾！黑糖唔過重，成杯嘢係清香冬瓜茉莉花茶💞好好飲！.雖然lunch time時間好忙，但係店員都非常好人態度亦都好親切✨very nice💯如果去開呢頭都會好想再返嚟幫襯！😆.....#ca

上次喺屯門試過，覺得幾唔錯☺️所以見喺元朗開咗分店，而且地點仲幾方便，就即刻帶朋友去試吓啦😆😆雙色鹽酥雞 ($56)最初好好奇鹽酥雞點樣可以係雙色🤔原來係原味同南乳味😲雞炸得好酥脆，又唔會乾柴柴，仲有炸到脆卜卜嘅雞皮，好滋味🤤鳳梨蝦球 ($92)蝦球又多又大粒😍夠哂爽彈，加上沙律醬同香甜嘅鳳梨🍍好好食☺️蟹肉金絲炒新竹米粉 ($96)見好多介紹都話要試呢道菜，朋友亦表示試過咁多台灣菜都冇見過，覺得好新奇好想試😝 米粉炒得金黃剔透真係好特別，而且炒得夠乾爽唔油膩👍🏼蟹肉亦都比得好足，夠哂鮮味😋木玥招牌水果茶 ($38)呢度嘅大大杯水果茶必定要推介俾朋友試😌果然大杯到連佢都覺得好震撼🤪 柚子同百香果甜甜酸酸，清新又開胃😙白桃桂花烏龍清茶($32)如果唔想飲甜野呢個啱哂😆冇加任何糖漿，味道全來自嗰茶底，桂花香中帶微微嘅白桃甜，清清地，唔錯👍🏼

今日去元朗行完山 喺朗屏西鐵站附近見到一間新開嘅台灣菜 於是就去試一試佢補充Energy💪🏻💪🏻好少台灣餐廳會提供嘅小食👍🏻抵讚👍🏻👍🏻食台灣野，點可以唔食鹽酥雞呢？香氣撲鼻的鹽酥雞，向來是台灣小吃排行榜中的第一位👍🏻雞肉鮮嫩多汁，炸過後表面酥脆，五香粉仲提升左料理的香氣，彰顯氣味的層次感。其實我唔係很喜歡食紅燒牛肉麵，因為總係覺得牛肉麵唔係太太鹹，就係味道好複雜好奇怪🤔不過食完木玥招牌紅燒牛肉麵，就對牛肉麵改觀，依碗牛肉麵係靠蔬菜的甜味及牛肉香氣撐起，這碗原汁牛肉麵非常樸實又單純的好滋味😻😻蒼蠅頭配刈包 第一次食刈包 感覺好新鮮😹😹有少少似食北京填鴨 不過配料換成肉碎而且刈包啱啱蒸好熱辣辣 軟綿綿 好好食！肉碎炒得非常香 好野味！蜂蜜冰烤地瓜：超級無敵甜！勁好食！非常啱夏天食 又開胃又好味！嘢飲方面朋友叫咗金莎抹茶奶泡 唔太甜 味道啱啱好 綠茶同牛奶嘅比例都適中😸我就叫咗木玥招牌水果茶 勁大杯！而且仲有好多唔同水果 建議大家可以同朋友仔happy share😽😽總括而言 我覺得今餐非常滿意 食咗好多好特別嘅台灣菜👏🏻👏🏻

元朗實在太多美食！！！今日係朗屏站附近搵左這家台灣店食午餐。裝修新淨，位置舒適，環境不錯。木玥巷 - 台灣文青Feel兩份午餐：黯然銷魂安格斯滷肉飯安格斯牛腩，牛腩入口即溶。加配泡菜及煎蛋，味道好夾！乾拌擔擔麵喜歡擔擔麵的味道， 味道濃沃，麵身不會太乾身！午餐有配冷盤小食- 茄子這是最有驚喜的食物，開胃，鮮甜！小食 - 台灣香腸回味一下台灣的夜市飲品 - 黃金水果茶 鳳梨+百香果，大大柸，勁Like！萬勿錯過，必選項目。

🌸朗屏美食🌸木玥巷🍽今天相約友人到元朗一帶閒逛❗️知道近來朗屏開了一間台式料理分店-「木玥巷」，而餐廳主打台式各款正宗台式料理如鹽酥雞、水果茶等❗️於是今晚決定去試試這間台式風味餐廳❗️小店鋪面光猛且五臟俱全❗️餐廳內牆身以簡約磚牆作佈置❗️裝修簡潔利落❗️而餐廳服務員的工作態度也十分友善健談，他們都非常之清楚了解餐廳提供的食物❗️能夠向客人詳盡地介紹餐點❗️台式食品即叫即製，而且每款便當配菜採用時令新鮮食材 ❗️🤩據知，餐廳的廚師班底更任職過一間本地知名五星級酒店的廚師工作❗️我們一行2人共點了以下餐點：1️⃣🌟鹽酥炸春雞 $108鹽酥炸春雞為原隻香炸春雞，份量十足❗️雞皮炸得金黃香脆，雞肉肉質鮮嫩，肉汁滿滿，配有2款餐廳秘製醬汁食用味道更為豐盛滋味❗️美味指數：⭕⭕⭕⭕️❌賣相指數：⭕⭕⭕⭕️❌抵食指數：⭕⭕⭕❌❌2️⃣🌟台式海鮮炒麵 $98台式海鮮炒麵配有多款海鮮如大蝦、鮮魷等，配以餐廳秘製醬油炒過的麵，麵質特別爽口彈牙，相當入味❗️美味指數：⭕⭕⭕❌❌賣相指數：⭕⭕⭕❌❌抵食指數：⭕⭕⭕❌❌3️⃣🌟雙色鹽酥雞 $56雙色鹽酥雞配搭翠綠蔬葉，而且粒粒香脆可口，外脆內軟，肉質鮮嫩多汁❗️美味指數：⭕⭕⭕⭕️❌賣相指數：⭕⭕⭕❌

屯門人氣嘅木玥巷開到嚟元朗國🙈呢度有得用GULU攞飛 估唔到都有前菜小食 一小碟合桃 甜甜地再鋪咗芝麻喺面麻辣鴨血 $68鴨血香濃 麻辣好香 辣度唔高 大概係譚仔五小辣底層有大量芽菜同金針菇 索晒麻辣湯🙈煎元貝干貝醬炒飯 $90份量好多 炒飯金黃色 粒粒分明 蛋絲好平均帶子煎得好香 大大粒好鮮甜 木玥招牌紅燒牛肉麵 $94牛肉麵好清甜 好重蘿蔔味 入面嘅蘿蔔都好諗好清甜面頭嘅豆卜浸喺湯一陣索哂湯汁 外邊脆卜卜牛肉有牛肉片 牛腱同牛筋 牛腱厚身好軟諗麵質彈牙兩杯超巨型嘅水果茶🤣 木玥招牌水果茶 $38西柚底 加上百香果 酸酸甜甜好開胃～木玥黃金水果茶 $38菠蘿底 加上百香果 好啱夏天～

今晚收工同老公來到元朗新開的木玥巷，成間餐廳無論裝修、餐具、餐牌都以木做主題，感覺幾舒服，坐低就有一碟合桃小食，甜甜脆脆以外地好食！黯然銷魂安格斯滷肉飯 $84呢個真係大讚！好簡單牛肉、泡菜、煎蛋配上飯可以咁好食！台式牛肉好淋身入味，同平時食開台式滷肉飯味道大不同，感覺似台式韓式港式fusion，好特別意想不到的味道一定要試下！塔香香辣牛肉炒飯 $88飯炒得乾身口感不錯，有點泰國香草的味道但又不太辣，充滿牛肉和蛋香，好食！台式炸物拼盤 $48有鹽酥雞、甜不辣、豆角、菇，完全係台灣的味道！最喜歡鹽酥雞炸得好香脆肉又juicy，配上椒鹽口味超級正！玫瑰可可鮮奶 $32玫瑰味好出，配上香濃朱古力，唔會太甜，好飲！金沙抹茶奶泡 $32一上枱個杯好靚！綠色的抹茶奶，面層舖上滿滿的cream和一粒金莎朱古力，賣相一流！飲落香濃抹茶配上香滑牛奶超級好飲！又唔太甜，正😄

見呢間餐廳新開張 裝修唔錯 所以就吸引左我同女朋友去食啦無set揀 全部自己單點上菜前有碟琥珀合桃 幾開胃 點左兩杯水果茶 超大杯 早知兩個人點一杯都夠水果茶好足料 西柚帶一點點酸甜而鳳梨就少左隻酸味 各有特色 女朋友點既黯然銷魂安格斯滷肉飯將港台韓混合 太陽蛋燶邊 再加少少泡菜餸飯主角當然係安格斯滷肉 份量十足 而且唔會太鹹仲十分有咬口 餸飯一流仲用左珍珠米我點既招牌紅燒牛肉麵 牛肉份量超多 仲另外有幾塊肥牛 啲麵仲好彈牙最後仲點左隻鹽酥炸春雞超有誠意 仲配左兩隻醬 牛肉醬 鳳梨醬 隻雞兩個人食差啲食唔哂外脆內軟

<Chill Chill 地 🥳 Farewell 下>元朗木玥巷 - 蟹肉金絲炒新竹米粉、鳯梨蝦球、炒水連、鹽水雞、木玥柳橙汁水果茶&白桃桂花烏龍茶作為Farewell Dinner ，今晚決定左揀返D特色野🤓食個台菜高興吓～ 木玥巷這塊寶地有一種奇妙嘅感覺，明明喺朗屏呼吸緊，但卻有一種置身台北居酒屋嘅感覺🥺umm….應該喺思鄉病發作了～想念陽明山嘅夜景、東區嘅夜生活、地道台菜嘅味道😫_鹽水雞： 依款夜市必食小食🥰每次去台灣一落機宵夜總喺會去整番一袋返酒店醫肚🤣而木玥巷嘅鹽水雞呢？雞肉好嫩滑，帶有少少咸味，而且蒜味唔太重同麻油味好香濃，搭配埋青瓜番石榴食，格外清新開胃💕_炒水連 ：水連依項蔬菜嘅口感絕對入到「包包至愛蔬菜」嘅三甲，一口咬落去爽脆清新，一啖接住一啖咁食，食到停唔到口😆如果可以加返辣椒仔炒一炒仲正😉_鳳梨蝦球 ： 酸酸甜甜好開胃，鳯梨方面喺用鮮鳳梨，可以做到冇乍嘅效果，而且蝦球方面做到彈牙冇雪味，配埋沙律醬食，不錯👍🏻_蟹肉金絲炒新竹米粉：依個米粉好乾身，配料方面芹菜、蛋絲、芽菜、蟹肉配上勁吸味嘅新竹米粉，真係做到冇油膩嘅感覺，yummy ~ 🥳_木玥柳橙

一直都聽聞過木玥巷抵食之餘食物有質素🤤🤤但一直都未有機會騎牛入屯門 新開左元朗分店就方便好多可以一試🐵🐵食完嘅感想係名符其實抵食 尤其想讚佢嘅飲品💁🏻‍♀️以下詳細再講😋雙色鹽酥雞($56)本身唔特別好煎炸野 但好有興趣知道點樣雙色法因為通常鹽酥雞都係想像到嘅味道答案係另一隻味道有啲南乳味而且仲配左一個有柚子味道嘅清新醬汁 都算係幾有新鮮感嘅鹽酥雞而且雞肉大舊嫩滑鹽酥雞愛好者更要試一試🤤🤤🍛煎元貝干貝醬炒飯($90)主菜方面叫左個炒飯份量非常大😂😂同朋友兩份食都好飽干貝有三大隻 肉質飽滿充實有鮮味炒飯唔算太濃味 想清淡少少都岩食重點係真係好大碟 食得曬先至好嗌食唔曬就要兩份食喇🤤🤤🍤鳳梨蝦球($92)當日同朋友都唔太肚餓 所以主菜兩份分 叫多份小菜蝦球🤤🤤鳳梨鮮甜 不過較少蝦球大大隻 肉質爽口彈牙🤪醬汁都幾惹味 不過冇白飯送就比較濃味🤪可以叫個白飯一齊食🍻水果菜($38)+玫瑰可可鮮奶($32)飲品係我覺得非常抵讚🤤水果茶係鳳梨配百香果非常巨型 我同朋友都覺得好抵飲枱枱都有叫水果茶😂😂😂玫瑰可可係有驚喜本身諗住都係面頭有啲玫瑰花瓣都未必有玫瑰味但全杯飲品真係有玫瑰味道非常特別 味道亦配合

🍜招牌紅燒牛肉麵：湯底夠香，麵條彈牙。最重要係牛肉半筋半肉，咬落又滑又淋😍，非常出色。索滿湯汁的豆卜亦好香口。🍚煎元貝干貝醬炒飯：厚肉元貝外脆內嫩，珍珠米亦充滿鑊氣，粒粒軟糯。雖然小妹好少食飯，但忍唔住食多幾啖。🍠蜂蜜冰烤地瓜：烤地瓜用蜂蜜浸泡完，雪凍食有另一番風味。既唔會甜膩，反而好似食蜂蜜雪糕🍦。玫瑰🌹可可鮮奶：玫瑰花同可可算夾，但偏甜。味道：🔅🔅🔅🔅新鮮：🔅🔅🔅🔅分量：🔅🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）