影片
更多
2004-05-15
39 浏览
星期五晚好多野做，搞到九點幾都未走得，豬朋狗友們來電說正在有骨氣吃火鍋，未食飯又正肚餓，當然二話不說就飛的去。去到有骨氣唔見佢地，原來去了樓上的有聲氣。上面有多個獨立房間，所以唔知多唔多人。呢度係典型麻雀房格局，就連檯都是有四個櫃桶的麻雀檯。間房好乾淨，有獨立廁所，亦係清潔非常。有兩部電視，有得睇有線，可惜睇唔到衛視体育，看不到今朝馬刺對湖人的大戰。兩部冷氣幾夠涼，所以近三十度食火鍋都完全唔覺熱。友人八點開始，已食左幾轉，見我來又叫了幾轉。湯底是豬骨煲同牛尾煲，豬骨煲仍多料，有幾多舊豬骨同粟米；牛尾煲以濃郁取勝，牛尾都軟腍好吃。相比之下還是喜歡豬骨煲，湯底甜又無咁膩也。總括來說食物新鮮，價錢唔太貴，幾唔錯，幾款有印象食物的簡評如下：雪花肥牛﹝50蚊﹞：一碟八塊左右，完全唔肥，所以淥落幾韌，唔抵食又唔使食。牛滑及魚滑﹝皆35蚊﹞：以一截竹筒載著，要自己「批」落煲。牛肉有陳皮及蔥，感覺似山竹牛肉，味道比普通牛丸有咬口，都可以整到幾多舊的，呢味抵食又食得過。豬潤﹝35蚊﹞：一碟都有十多塊，好新鮮，淥至僅熟即撈起，爽脆好味道，掂！炸魚皮﹝35蚊﹞：有成十塊，魚皮就咁食鬆脆，浸湯片刻即食，有湯的
去到有骨氣唔見佢地，原來去了樓上的有聲氣。上面有多個獨立房間，所以唔知多唔多人。呢度係典型麻雀房格局，就連檯都是有四個櫃桶的麻雀檯。間房好乾淨，有獨立廁所，亦係清潔非常。有兩部電視，有得睇有線，可惜睇唔到衛視体育，看不到今朝馬刺對湖人的大戰。兩部冷氣幾夠涼，所以近三十度食火鍋都完全唔覺熱。
友人八點開始，已食左幾轉，見我來又叫了幾轉。湯底是豬骨煲同牛尾煲，豬骨煲仍多料，有幾多舊豬骨同粟米；牛尾煲以濃郁取勝，牛尾都軟腍好吃。相比之下還是喜歡豬骨煲，湯底甜又無咁膩也。總括來說食物新鮮，價錢唔太貴，幾唔錯，幾款有印象食物的簡評如下：
雪花肥牛﹝50蚊﹞：一碟八塊左右，完全唔肥，所以淥落幾韌，唔抵食又唔使食。
牛滑及魚滑﹝皆35蚊﹞：以一截竹筒載著，要自己「批」落煲。牛肉有陳皮及蔥，感覺似山竹牛肉，味道比普通牛丸有咬口，都可以整到幾多舊的，呢味抵食又食得過。
豬潤﹝35蚊﹞：一碟都有十多塊，好新鮮，淥至僅熟即撈起，爽脆好味道，掂！
炸魚皮﹝35蚊﹞：有成十塊，魚皮就咁食鬆脆，浸湯片刻即食，有湯的鮮甜又有炸魚皮的香口，亦都叫得過。
生蠔﹝55蚊﹞：新鮮，但細隻，淥起縮晒水更細隻，唔好食。
魚茸麵﹝38蚊﹞：來這裡例牌叫呢味，名副其實有得食有得玩。魚茸彈牙又有淡淡鮮味，係必叫的菜色。
豬粉腸﹝35蚊﹞：唔算大條，唔算好粉，但份量幾多，放湯淥耐一點，又腍又入味，好食。
幾種菜都算新鮮，但25蚊只得一小膠籃，似乎少了點。
火鍋配套齊備，侍應預先放下兩支gas，一無火就立即自己郁手換，之後燒完佢再來又是兩支，可以無間斷咁淥；加番豬骨湯及牛尾湯而不是加滾水，所以窩湯底滾極都咁夠味；湯是盛了兩壺放在房中，無湯就立即自己加，幾好。
侍應服務是不過不失，反應算快，但又係晦氣左少少，多番D笑容會好D。
食左好多啤酒汽水，食到十一點，埋單1800蚊，食到好飽，又有很企理的私家房，食物又新鮮有水準，湯底亦掂，每人180蚊都算物有所值。
要注意包房要每人最低消費150蚊，但就可以坐成晚。不過以我們一班壯男，又幾難食唔夠呢個數的。
张贴