星海薈 (利舞臺廣場)

营业中

休息中

今日同老公去左銅鑼灣利舞臺食中菜。譽宴。星海薈 裝修堂皇華麗，極具空間感，好有婚宴嘅氣派。中式粵菜做得很有水準！黑蒜雞湯黑蒜健康有益，通血管降血壓、養顏抗衰老、增強抵抗力。加入 螺片、鮮雞、瘦肉燉製，入口清甜滋潤！燒腩仔拼叉燒燒腩仔脆卜卜，肥瘦適中，油脂豐富盈甘香。肥叉燒採用梅頭部位，入口腍身鬆化，好食到停唔到口!蒜蓉開邊蒸本地龍蝦龍蝦肉質鮮甜爽口彈牙 蒜蓉開邊蒸 突出鮮味。港式粵菜做法，口味充滿親切感！鹽燒鮑魚鮑魚原隻鹽燒，香氣撲鼻，外層香脆惹味，內裏肉質煙韌軟熟，跟椒鹽完美融合！籠仔梅菜蒸菜遠甜梅菜用荷葉包裹蒸菜心，散發荷葉淡淡清香，梅菜原汁原味滲透菜心，清甜爽口!晚餐後奉送綠豆沙 糖水

今之呢篇比較多個人感受今年好年，好多人plan左結婚，亦因為疫情等原因唔知結唔結到, 小妹有幸嫁得出，本來今年年底正式成為人妻，做一個真真正正既奶奶仔，但而家咁，唔好話影唔影相，我大妹由上年知佢有B已諗住4月回去影相加9月快閃，結果見證唔到佢大肚同生B,自己年底都未必搞得成我知我懶，但就算我有心都冇用，我家人都返唔到黎，點搞? 酒樓話唯一option係延期半年，就算係都只係改一次! 要改要再傾喎，但傾咩啫(有報道話下年7月先放寬，澳洲有幾嚴大家都知)，佢俾我只擺半場唔得，用黎當credit食左佢唔得，乜都唔得! 咁叫傾咩？個時社運疫情乜都冇，男人想俾個回憶我，但又知我冇咩特別要求，見佢岩岩裝修好就成年幾前落訂，最後就得到個咁既對待!呢間野飲茶唔差，裝修後比以前精緻左，食物質素唔差，但講到一係改期(半年內一次)，一係法庭見，其實真係好唔開心同失望你問我點，我真係唔知....

今天放假，趁機帶老媽去銅鑼湾利舞台廣場譽宴.星海滙飲茶吃點心。這酒樓氣派豪華，裝飾有派頭，尤其是吊燈很靚且具特色。酒樓環境好，坐得很舒式，服務也很週到。一坐低侍應便給我們一大盆熱水淥餐具，令人很安心。枱與枱之間保留合理空間。我們兩個人叫了6個點心/小食，都可口有水準。黑豚肉义燒肥瘦適中，肉調味佳有肉香，有嚼口不太硬。鲍魚汁炆鳳爪用的是新鲜雞腳，飽滿多肉，骨膠原豐富。雞腳和花生炆得恰到好處，很出色，比美著名酒店的出品。义燒酥新鲜出爐，皮鬆脆不油腻，义燒饀香甜夾味，吃完一件忍不住再來一件。鲜蝦水晶韮菜餃皮薄晶瑩，韮菜新鲜蝦鮮甜，好味。布拉米皇腸粉很滑有米香，上面灑上芝蔴很美味。點埋甜醬麻醬更可口。這腸粉是食素人士和老人家的恩物。棉花雞真材實料，內有魚肚，雞件及鮮淮山。鮮淮山尤其好吃。兩個人吃得滿足只是三百元左右，在銅鑼湾飲茶算是超值。下次有空和爸媽來吃晚飯，試下招牌白胡椒蟹套餐。

平時約朋友食飯多數都係食西餐或東南亞菜，今次一於打破以往慣例約友人食一餐豐富嘅中菜！☺️譽宴星海係熱門婚禮宴會場地，中午有做茶市點心，夜晚有多款晚市小菜同埋海鮮。有別於一般傳統酒樓，呢度瑰麗嘅裝潢同氣派令人感覺尤如置身於五星級酒店，多咗一份奢華及高貴。而且酒樓嘅樓底非常高，地方又夠大，非常適合作為宴會場地。前菜係芥末麻油黑白木耳，黑木耳就食得多，白色嘅木耳真係好少見！經理話呢個黑蒜螺頭燉雞湯($68) 係酒樓招牌之一，一定要試！湯嘅黑蒜味好香濃，聽講仲有增強抵抗力同埋抗炎嘅功效，又養生又強身！👍🏻由於我地好肚餓嘅關係，今晚一次過點左四個小菜，最後當然係食唔哂打包返屋企🤣！首先有粟米龍躉斑塊($168)值得一讚嘅係龍躉同埋粟米汁係分開上嘅，食嗰時啲汁就唔會浸到個皮軟哂，每一啖食落口都外脆內嫩滑！😍龍躉分量十足每件都大大嚿，而且非常新鮮。士多啤梨大蝦球($148)大蝦肉質爽口彈牙，同樣係非常新鮮。甜甜地嘅士多啤梨醬汁同新鮮爽彈嘅蝦球味道好夾，食落幾開胃。黑蒜安格斯牛柳粒($168)牛柳粒經蒜片爆香後香味四溢，牛柳爆炒後外皮帶輕微焦脆，肉質幾嫩而且牛味香濃，一粒接一粒食到我地停唔到口。金銀蛋浸

好難得平日放假就同屋企人去飲下茶，第一次黎銅鑼灣譽宴，裝飾華麗典雅，場地好廣闊，樓底又高，重點係天花水晶燈好靚，好似黎左婚宴一樣－－－－－－1. 黑蒜螺頭燉雞湯個湯好足料呀，睇落黑麻麻好似中藥咁，但其實內有乾坤，飲到響螺既清甜，黑蒜質地變得軟綿，仲有雞件🤤好豐富又健康既一碗湯2. 滷水豬腳仔有白滷水同原味滷水，豬腳仔皮脆爽中帶滑，有豐富膠質，同埋非常入味👍🏻3. 鮮蝦水晶韮菜餃餃皮蒸出來晶瑩剔透，透着光可以見到滿滿韮菜餡，薄皮多餡😋鮮蝦咬下去有彈脆的口感4. 南翔小籠包賣相好得意🥰每一個小籠包都有個籃仔去盤載住，外皮軟身，雖然薄身但不易穿，肉餡鮮甜有口感，同埋湯汁唔會好油膩

其實除了和家人做節和飲宴, 基本上我已很少到酒樓食中菜, 今晚友人提議到譽宴食晚飯, 佢話呢度嘅 咕嚕肉好好食, 好食嘅咕嚕肉好難搵到, 我當然要去試吓啦!這間譽宴地方非常寬敞, 裝修瑰麗堂皇, 座位非常舒適， 店員招呼亦非常殷勤，其實去年的中秋節和家人做節也揀了這裏, 當時已覺得頗有水準。今晚我和友人揀了3餸一湯, 有魚有肉也有菜, 好開心。餐前小食$20~ 貓耳朵木耳酸酸的, 又清爽又開胃。黑蒜雞湯$136(2人)~ 材料有排骨, 雞肉、螺頭和黑蒜, 黑蒜味好濃郁, 好清甜,好香。 黑蒜已燉到好腍, 入口即溶 , 好好味。啫啫馬友蝦乾芥蘭$128~鐵板上， 一上桌除了聽到啫啫聲， 還聞到很香的咸香和酒香味， 芥蘭本身很爽甜，新鮮無渣， 配料有大大隻的蝦乾，馬友、 肉碎、紅椒、洋蔥和蔥， 配合起來非常惹味。鮮菠蘿脆皮咕嚕肉$128~外層非常非常脆口，咬落去卜卜脆，有拔絲的效果 , 而肉質亦非常軟腍滑嫩， 酸甜度剛剛好， 以新鮮菠蘿伴碟，非常美味，果然十分出色，很驚喜!清蒸沙巴龍躉$198~大約一斤份量2人食啱啱好, 皮層膠質豐富, 肉質嫩滑鮮甜, 個腩位正到呢!最後仲送埋個蓮子百合紅

環境：👍👍👍👍服務：⭐️⭐️⭐️⭐️⭐️味道：😍😍😍😍影相：📸📸📸📸Encore:90%📝進入前要度體溫📝晚餐茶芥，每人$15📝餐前小食 $20📝設加一➖➖➖➖➖➖➖➖➖➖➖➖➖➖➖限聚令開始放寬「為食兵團」忍吾住去酒樓啖下茶，食下中餐🙈.🔸鮮菠蘿脆片咕嚕肉 $128呢個咕嚕肉真係好有驚喜👍以鮮菠蘿代替罐頭菠香甜自然，同罐頭菠蘿係冇得比🥳咕嚕肉味道酸酸甜甜酸與甜配合得恰到好處吾會過酸，甜而不膩入口酥脆獨特，糖衣好似玻璃咁薄脆豬肉去哂骨，咬落鮮嫩係我食過最好味嘅咕嚕肉💕.🔸得獎金磚脆豆腐 $68將平凡化為金磚，可見呢個豆腐來頭不少👍豆腐切成長方形狀呈金黃色，驟眼睇真係好似塊金磚呀🤣炸衣吾係好薄果種但勝在夠酥脆，夾起吾易散🙆‍♀️裡面嘅豆腐仍然Keep住水嫩簡單灑上胡椒粉，沾上香醋汁已經好正🥰.🔸啫啫馬友蝦乾芥蘭 $128以鐵Pan 承載，一上枱就聽到「沙沙」聲芥蘭加入左大蝦乾，蒜片，肉碎去炒口感脆嫩，清甜爽脆🥳.🔸黑蒜螺頭燉雞湯 $96吾好睇佢係黑媽媽咁湯清而不多油，湯頭勁濃郁螺頭嘅鮮味好突出加上黑蒜嘅清淡蒜香同煮到軟腍嘅雞肉一開始飲就停吾到口呀😂

六月係我嘅生日月🙈，會比較多外出用膳，呢晚放工朋友約咗我去銅鑼灣食飯，佢哋竟然帶咗我去食中菜😂，無諗過囉...，哈哈。不過原來係去譽宴，食物有信心保證同環境好坐。我哋一行三人叫餸食飯，並問部長有乜推介，除咗苦瓜無叫外，其他都跟佢點菜😆。餐前小食($20)係涼拌木耳，有少少辣，都幾開胃！既然小食一定要食，我寧願佢俾木耳我，好過花生、蕎頭多多聲，咁樣俾錢都俾得順氣啲🙈。黑蒜燉雞湯($68/位)，一人整返一碗靚湯先，🐔雞湯味道好濃郁，雖然係用咗好多黑蒜煲，但其實飲完唔會成口蒜味，而且每粒蒜粒均燉到好淋身，可以食埋。聽講黑蒜好有益的，酒樓仲話係抗疾之選，哈哈。另外，湯料亦有不少雞件同螺肉。鮮菠蘿脆皮咕嚕肉($128)，本身部長話呢到嘅咕嚕肉出名，我心諗推介埋啲咁大路㗎🙄。不過其中一位朋友好鍾意食，就一於試下吧。未講賣相同味道之前，呢碟菜嘅份量已經抵讚，而且最重要係熱辣辣炒起，有穫氣！我敢講呢碟咕嚕肉係我食過最出色嘅😋，必食！首先，餐廳係用上新鮮菠蘿作材料，並以個果殼盛住啲咕嚕肉，🍍新鮮菠蘿同罐頭菠蘿嘅味道明顯有分別，新鮮嘅會較酸同無咁多渣。第二，脆皮咕嚕肉嘅脆皮真係正到不得了，脆到好似食緊拔絲

譽宴．星海薈 (銅鑼灣)銅鑼灣波斯富街99號利舞臺廣場5樓🌸🌼🌸🌼🌸🌼🌸🌼🌸🌼🌸🌼🌸🌼🌸🌼今晚同👦🏻去左銅鑼灣行街😄突出想食中菜/小炒所以去左譽宴.星海薈⭐️🧄黑蒜雞湯第一次飲黑色嘅湯⚫️是一款滋補養生的湯水黑蒜雞湯飲落非常甘甜😃香濃🍍新鮮菠蘿咕嚕肉醬汁酸甜好開胃😋咕嚕肉不會一大舊炸粉非常鬆化👍🏻用新鮮菠蘿不是用罐頭菠蘿😆加分🐟清蒸沙巴龍躉魚肉很嫩滑非常鮮美😋🐟配白飯一流

銅鑼灣利舞臺附近一向多好嘢食，今次專程去咗譽宴·星海薈食點心，叫咗黑松露鮮蝦餃、南翔小籠包、乾鍋醬金錢肚、香蒜水晶粉蒸鮮魷、蓮蓉大蟠桃、碧玉鮮蝦腸粉、炸鮮蝦雲吞、招牌酥皮焗大蛋撻、燕窩3.6奶凍。 黑松露夠矜貴，點埋新鮮嘅鮮蝦餃食味道絕對有水準，小籠包蒸得恰到好處，入面肉質鮮美，點埋醋及薑絲食絕對食到停唔到口。個金錢肚就好香口同埋比較少見到呢個做法，絕對值得一試，水晶粉索曬鮮魷嘅鮮味及蒜香味好好味，蓮蓉蟠桃入面嘅蓮蓉超多超香，鍾意食嘅我下次嚟一定要再試，鮮蝦腸粉入面隻蝦都好大隻，炸雲吞金黃色炸得恰到好處，酥皮焗大蛋撻絕對係推介之選，因為酥皮好有層次好 鬆化， 燕窩3.6奶凍就好滋潤而且賣相一流，絕對係打卡之選。

上星期街撞返一個當年非常要好既舊友！！個時佢全家移民所以斷左聯絡，原來前兩年因工作關係回流返港，咁岩撞返又認得，個刻真係好開心~~之後我地交換返聯絡方法，跟住就約左呢日出黎食飯聚下=）呢度整個環境都好舒適，店員既服務都唔錯！當日先要左三款點心同兩盎灌湯餃三款點心既味道都幾好，質素中上舊友偏愛外層酥脆鬆化既蜜汁叉燒酥我自己就特别質賞佢地既黑松露蝦餃係有瑩透外層，含爽彈蝦仁既大顆蝦餃内以松露醬提味，既是芳香亦是滋味而個灌湯餃更係驚喜之作除左有一大顆飽滿足料既湯飲，仲有數塊嫩雞件在内添！！以胡椒雞湯做湯底，每一口都香濃順喉架：）最後再要左個好夠鑊氣既章魚砂窩炒飯做主食！埋單每人大概200蚊左右，係呢個地段有如此質素，亦為化算喔！！

譽宴集團旗下嘅星海薈係幾靚既，上次去過觀塘嗰間，今日黎銅鑼灣，一睇就知想行婚宴路線，build in stage幾大backdrop又靚，整體裝修格調相對西式，呢間仲有專lift上黎，出lift有哂花橋樓梯比新娘落嚟....不過我呢啲已婚人士，都係睇番有咩食先🤣🤣🤣🤣中午飲茶叫咗幾個點心同一個炒飯。南翔小籠包一籠三粒，保持到肉汁，而且幾大粒，不錯。叉燒酥都幾好食，個皮有芝麻，夠香又幾鬆脆，個餡都好味。黑松露蝦餃有四粒，幾香黑松露味，蝦就大而爽，幾好！胡椒濃雞湯灌湯餃，呢個好嘢，一大碗湯胡椒味剛好，有點似飲緊胡椒豬肚湯既味，飲完暖笠笠。隻灌湯餃超大隻，餡料豐富，係個皮可能浸得耐淋咗少少，但整體都好味！仲有碟紅米炒飯係健康素食之選，主要配料係三色雜豆、蛋白加提子，所以食落甜甜地，就算無肉就唔會寡，又唔油膩，感覺健康！

終於可以和家人一起外出晚飯， 疫情漸漸減退， 大家外出的意欲按耐不住了。 媽媽就最喜歡吃中菜， 而且要湊住個孫， 最適合嘅地方當然係酒樓。 既可以坐得舒舒服服， 食物種類又多。酒樓晚飯時段，有好多唔同嘅配搭， 我哋諗住一陣都未有定案， 好彩有熱情經理推介晚飯孖寶， 抵食又好味。晚飯孖寶😀 鮑魚雞煲+金銀蛋莧菜鮑魚雞煲熱力十足， 雞肉軟嫩滑香口， 鮑魚仔入味淋滑， 比想像中的size大隻😀😀金銀蛋莧菜, 莧菜使用比較嫩嘅部分, 吸收到上湯嘅精華, 皮蛋煙煙靭靭, 加埋鹹蛋更加嘢味😋😋😋鮮菠蘿咕嚕肉咕嚕肉脆皮鬆化， 肉質爽口唔肥膩， 酸甜汁完美地掛在咕嚕肉外層， 仲有新鮮甜美的菠蘿， 姪仔食到舐舐脷😋😋😋黑蒜雞湯有益健康嘅湯水， 黑色嘅湯你會諗起啲乜嘢嘢？ 出乎意料地非常清甜， 順喉滋潤 ，加上黑蒜健康有益， 媽媽非常喜愛。最後送上香甜芝麻糊， 香濃幼滑， 如果甜度再減低少少就會更加好。😋😋😋

小妹出年結婚啦👰🤵，早排睇緊啲婚宴場地，星海薈就係其中一個，今日同未來老公仔嚟睇下個場，順便試埋菜。星海薈其實條譽宴集團近年創立嘅一個全新主打婚宴嘅品牌。開頭睇中佢嘅一個重大原因係佢門口嘅一條長長旋轉雲石樓梯，新娘子March in夠晒睇頭💖。 呢度以全新Club Wedding概念，設有Clubhouse常見嘅娛樂設施，例如：美式桌球🎱同卡啦OK音響設施🎤，令賓客享受奢華嘅消閒體驗。全場以浪費玫瑰金色為主調，配以華細緻水晶燈同埋華麗舞台，營造摩登時尚風格。一入座，店員即時拎咗一大鍋滾水比我哋清洗消毒餐具，安全意識做得好好👍。食物方面，店員推介咗我哋試下佢哋嘅鮮菠蘿脆皮咕嚕肉，同埋得獎金磚脆豆腐，另外我哋自己點咗一個者者馬友蝦乾芥蘭同埋黑蒜雞湯。首先飯前飲個湯先，近年好似都好興食黑蒜，黑蒜嘅好處真係多不勝數，總之呢個湯超養生，無得輸！個湯望落雖然黑忟忟，但飲落去好甜，又有啲似肉骨茶嘅味。鮮菠蘿🍍脆皮咕嚕肉：講真，真係未食過咁好食嘅咕嚕肉，無諗過原來咕嚕肉可以好食得咁緊要。首先伴碟有1/4 知真菠蘿🍍，賣相可嘉，配料都係用真菠蘿，唔係罐頭菠蘿。個皮嘅粉唔會太厚，咬落去好鬆化，肉質外脆肉軟

自從疫情之後，好耐都唔夠膽去茶樓飲茶啦，一大班人飲茶，除低個口罩咁耐，始終係有少少風險嘅，近排疫情好咗咁多，終於可以一家人去飲下茶啦銅鑼灣利舞台嘅譽宴。星海不嬲都做開婚宴，場地佈置真係一流，點知原來價錢都好親民，四個人去飲茶除開每人都係$100<黑糖蜂巢榚>見到有個黑糖蜂巢糕咁得意叫左個試下，口感好似椰汁糕咁，但係黑糖味嘅椰汁糕<叉燒酥>叉燒酥好足料，酥皮好重牛油味，叉燒亦都好甜好軟腍<蝦餃>蝦餃用新鮮蝦打出黎，隻隻蝦都好彈牙無雪味<虎皮尖椒>大食妹唔食青椒所以就無試到，不過媽咪話超好食<黃金磚>黃金磚超大份，外層炸到金黃色好香脆，內面包住好嫩的豆腐<沙薑豬手粒>呢個系重點必食之選，豬手粒雪凍左好似啫喱咁，沙薑味勁入味，爽口又解暑<菠蘿雞粒炒飯>炒飯真心夠五六個人食，飯粒夠爽身，雞粒爆香過先炒，最後食唔曬要打包