星海薈 (利舞臺廣場)

营业中

休息中

服務：部長服務有待改善，其與舊客暢談甚歡，導致下單出錯，浪費不少時間，但其他職員大多服務不錯。環境：佈置良好，枱與枱之間隔距寛敞。食物：燒賣、小籠包、蝦餃味道正常，唯蝦餃皮略厚，但韌度還好，安格斯牛肉腸頗有創意、新穎，味道佳。

今日同屋企人去咗銅鑼灣譽宴.星海薈 到食午餐餐廳位於利舞臺 入面有專用電梯超級方便 一入到去發現樓底超高 裝修金碧輝煌枱櫈都好闊落 會有專人用滾水洗餐具 乾淨衛生星海薈蝦餃 皮薄餡靚 蝦肉彈牙黑蒜雞湯 原盅燉湯非常花時間 蒜頭味唔重 而且蒜頭煲得軟淋入口即化 滋補嘅感覺鮮菠蘿脆皮咕嚕肉 鮮菠蘿好細心咁起咗肉 食落好方便 咕嚕肉外層酸酸甜甜嘅醬汁脆卜卜包住 入面係嫩滑多汁嘅豬肉 肥瘦適中好食招牌白胡椒蟹 胡椒蟹有成斤半重 非常巨型 隻蟹鉗都有我個手板咁大 好誇張 胡椒味香濃惹味 不過一啲都唔嗆喉 調味啱啱好 肉質彈牙非常新鮮 鮮味十足 而且食完之後成個身成個暖笠笠蒜蓉炒豆苗 豆苗新鮮 唔多油

第一次到这里吃东西，酒楼应该是专门做婚宴等筵席，大堂高大豪华，还设有一个小型舞台作议式活动。现在主要都是做早、午茶市和饭市，两点后更有下午茶，个别点心都有特价。周末的下午茶时段生意不错，也要稍等一下才有桌子。点菜用点心纸，点心和小菜都包涵在内，东西不少，也要想了好一会儿才想好吃什么。小笼包的卖相很特别，用一个带提手的器皿，包子不会因为用筷子而爆烈。肉的鲜味还保持鲜甜，再加上里面的汤汁，味道很棒。至于其他的点滴心如虾饺、陈村粉和炸物都很有水准。虽然不是很实惠，但味道极佳，下次可以再去。

今晚約咗一個朋友去銅鑼灣利舞臺譽宴星海薈吃晚飯， 鍾意嗰度地方夠寬敞闊落，樓底夠高。今期酒樓重點推介胡椒蟹， 一隻斤半有多嘅海蟹肉蟹先至四百幾蚊，價錢一啲都唔貴 。 呢度嘅胡椒蟹係用鐵板上，端過來嘅時候，熱辣辣，胡椒嘅香味撲鼻而來，蟹上面有一啲炸咗嘅九層塔葉，色香味俱全，令人垂涎三尺。蟹肉結實又鮮甜，有海洋嘅味道 ，胡椒夠惹味，但係又唔會搶咗蟹肉嘅鮮甜味道，推介大家去試下 。利舞台譽宴星海薈的菠蘿生炒骨用鮮菠蘿伴碟， 菠蘿酸酸甜甜成熟度剛剛好， 排骨用脆漿炸，外脆內軟，酸甜度適中， 不愧為酒樓嘅首本名菜，好多顧客都有點呢一碟菜。我哋又點咗一個黑蒜 螺頭燉雞湯，健康又有益，如果你鍾意 黑蒜，一定會好欣賞。

在銅鑼灣想揾間好坐，環境好的酒樓真係唔易，今日特登黎位於利舞台5樓嘅星海薈，一入門口就俾條華麗樓梯吸引左當日係飲下午茶，價錢都好實惠精緻餐具，非常得體仲俾左成盤滾水俾我們洗碗，真係好體貼，未食都安心啦！蜜汁叉燒米粉～半肥瘦叉燒好好味豉汁鳳爪不過不失黑椒安格斯腸粉～黑椒味好出，腸粉好薄好滑芒果糯米卷～芒果好酸，cream雪得太硬，糯米皮冇咬口鮑魚燒賣～ 鮑魚唔算太細好好味，燒賣由蝦肉和豬肉而成，冇得輸😙😙

限聚,出街食飯,變得好困難,今晚約左人去譽宴．星海薈試下小菜同招牌紅燒煲仔翅,襯住禁堂食之前食餐好最近網友推介,星海薈有足三兩既紅燒煲仔翅 原煲上菜 只要$188,超值抵食真正可以拿來魚翅撈飯,估唔到咁困難既經濟環境下反而食到咁抵食既菜式另外仲有蠔皇原隻花膠扒,想補補既女生,絕對值得一試我們今天是為煲仔翅而來花膠扒就留返下一次先再食晚市有唔少小炒,小菜,另外加左個鮮菠蘿脆皮古老肉$148 另外一客啫啫馬友蝦乾芥蘭一客翅,一飯一菜一肉食,兩個人剛剛好最先上菜係翅, 原煲起菜,真正一梳翅而不是碎翅,底墊了芽菜濃鮮既上湯,餵入翅身之中,食起來,翅都會有味道,成個豪氣感覺出曬黎呢個價位食到咁足料既湯翅,滿分收貨,粗獷食法,先食翅,剩低既湯拿來撈飯食一流食完湯翅,再上主菜 蝦乾,肉碎,馬友,用鐵鍋爆香,上菜時仍然爆出滋滋既熱力聲待煙霧散去,夾一口芥蘭配肉碎,咸香滋味,只係單吃會過咸,一定要配返碗白飯就岩岩好鮮菠蘿脆皮古老肉$148 肉身爽而香濃,沒有油膩感,菠蘿鮮甜可口 天然的甜味和酸味，整道菜再現傳統的風味色澤鮮亮，香氣四溢  酸甜適中 每一件肉都同等大細,,個皮夠脆夠薄酸甜醬汁唔會太多 恰到

難得有人請食飯當然要食餐好，食餐勁啦！揀嚟揀去都未揀到，既然口寡寡，不如去酒樓飲茶，咁去飲茶又唔一定淨係食點心，食下其他菜式都唔錯，最後決定「星海薈」！人唔多，上到就直接入座。坐低無耐就有個大鐵碗俾我哋洗餐具（我覺得呢點做得幾好。）之後當然係叫嘢食啦！叫咗「砂窩鱆魚粒燴飯」、「小籠包」、「星海薈蝦餃」、「姖松茸野菌翠粉果」、「湯灼靚菜遠」等等。5樣嘢好似好少，但實情係差啲食唔哂，變大嘥鬼，因為個燴飯個份量大約夠4個人食！總結，無論係氣氛、食物質素及服務都高質，有budget 嘅你，呢間酒樓係唔錯嘅選擇！「砂窩鱆魚粒燴飯」份量十足，鱆魚粒與飯嘅比例啱啱好，醬汁濃厚、每粒飯都被醬汁包住，整體嚟講出色。「小籠包」一食就知係用料上乘，多汁鮮甜，唯一需要改善地方係外皮。「星海薈蝦餃」高水準嘅點心真係一分錢一分貨，使用新鮮蝦製造而成，而且夾起唔會爛，出色！「姖松茸野菌翠粉果」外皮晶瑩剔透，由外皮透視到入邊材料十足，而且夾起唔會穿，咬落煙韌，有層次。「湯灼靚菜遠」普通菜心。

🔎譽宴‧星海薈*📍 銅鑼灣波斯富街99號利舞臺廣場5樓.黑蒜螺頭燉雞湯($42)有湯水飲真係大滿足.而且黑蒜螺頭可以增強免疫力,又可以補腎,係唔錯嘅選擇.黃金磚($58)豆腐非常酥脆.一上菜時比較熱,要小心辣口.超滑嫩,味道唔錯.而且都幾大件.招牌白胡椒蟹($468)呢個真係最不得了.完全令我諗返起新加坡味道.胡椒蟹超級鮮甜,而且size好大,個調味十分唔錯.唔會好嗆辣.配埋飯真係超級好下飯啊.食落就係香中帶辛辣口感,但辣度又不是太勁,其實幾啱食唔到辣又想食辣嘅人.非常非常惹味.而且白胡椒嘅香都點綴全個菜式.沙薑豬手粒($52)豬手粒夠哂爽.而沙薑味就非常香,食到停唔到口.作為冷盤都最好不過.五香牛雜($68)牛雜雖然由細食到大,但係估唔到譽宴嘅牛雜都幾出色.非常新鮮,而且食落都非常爽口彈牙.值得推介比牛雜迷.

屋企人鍾意食翅，所以同佢地去咗呢間茶樓到食。茶樓係集團式經營，做開婚宴所以裝修都好靚坐得好舒服。 食物水準都有番咁上下，所以我哋都經常呢之前都經常嚟食。茶樓非常貼心，一坐低就畀一盤好熱嘅說我哋洗碗筷， 碗筷洗完都仲出緊煙。介紹主角先- 紅燒煲仔翅🌟紅燒煲仔翅：呢度啲翅係一片片，可以夾起，碗中係生芽菜，熱嘅湯底會將芽菜整熟，令芽菜嘅鮮甜味直接滲入湯底，令湯底更鮮甜，飲起上來暖暖的，啱曬而家天氣！呢度嘅點心有水準，特別係餃類~🌟星海薈蝦餃：蝦餃好似乒乓波咁大粒，蝦肉新鮮之餘好彈牙。🌟小籠包：一向係我favourite，驚大家整穿，就諗到用依個設計，賣相亦好精緻！🌟姬松茸野菌翠粉果：賣相非常之靚， 皮好似一層水晶咁簿， 食落非常煙韌，好香菇味。🌟砂鍋鱆魚雞粒繪飯：飯好入味，加上砂鍋嘅焦香味，食到停唔到口 😋😋下次要再來嘆茶😋

譽宴．星海薈除左做WEDDING出名之外, 其實飲茶晚飯都好唔錯, 由其中意佢既裝潢有種瑰麗堂皇既感覺, 又唔會好嘈, 係度食飯真係幾舒服!疫情下第一次泥銅鑼灣店食飯, 樓底高之外, 枱與枱隔得疏, 整個空間感好大。店員亦斯斯文文有禮貌, 坐低之後店員就棒左一大鍋滾水, 用以高溫消毒餐具, 令食客食得放心。脆皮乳鴿熱辣辣皮脆肉嫩。胡椒焗大肉蟹🦀鐵板上既原隻大肉蟹,  店員係面前淋上醬汁, 渣一聲香味同煙同時飄出, 好吸引! 依隻蟹斤半, 睇個蟹蓋就知唔係流既, 真係好好肉地, 蓋位仲有膏添! 蟹鉗位咁大隻都輕易拆肉, 唔會痴殼, 肉質爽彈, 真係新鮮貨先做到, 讚! 調味方面唔會好多花巧, 主要用黑白胡椒同紫蘇葉, 帶出唔同層次既香氣同辣勁, 又唔會蓋過蟹既鮮味,好食到LAM埋D汁,  正呀!小炒王叫個菜食下, 估唔到係酒樓都可以食到有獲氣既小炒王, 九菜花嫩綠冇渣, 重點係超足料有大量蝦乾, 帶子裙邊, 仲有象拔蚌仔, 象拔蚌仔仲係有鮮味既, 唔係雪貨, 有驚喜呀!!總括黎講隻蟹盲真係最難忘, 而家做緊優惠由$568減左$100, 會回頭再食多次!!

Long time no come 譽宴．星海薈！The entrance was as pretty as before. Environment was exceptionally nice as it was obviously well decorated for wedding banquets. They gave us a big pot to sterilise our eating utensils by hot water on our own.  茶位 was $15+10% per head, same as about half a year ago. We came in a group of 4 and ordered a few dim sum, a fried dish, a veggie dish and a rice dish to share. 招牌胡椒濃雞湯灌湯餃 Steamed Minced Pork Dumplings in Pepper Chicken Soup $58+10%This signature dim sum was a mu

突發去譽宴食晚飯，因為朋友未到，我地先咗隻乳鴿食😋因為太肚餓無影相朋友話咁多餸，好似去飲咁😂翅係係我地附近即場煲咗然之後逐位上，我就對翅無乜感覺😅之後我最鍾意都係隻肉蟹，胡椒好正食到我舔舔脷，真係好夠肉😅花膠扒都唔錯，姐姐上菜俾我哋睇完就幫我地切然後再上，不過我覺得再有機會應該好似食牛扒咁😂切魚同雞正常無乜特別驚喜，雖然我好少食反而糯米飯但都食得多多地😅馬拉糕就係我個人喜好😂d服務好好個個都好有禮貌，部長推介呢個係最抵食！差唔多全部人都食呢個餐😅

今日係銅鑼灣想食中菜，經朋友介紹就黎左譽宴試下啦🥳，呢度裝修同擺設都好靚❤️。.精選套餐（$488/位）.叉燒燒腩仔（每位各3件）首先就係燒味，而我最愛嘅燒腩仔好肥美🤤，而且個皮仲係脆卜卜，點埋個芥末醬一流🤩。.原盅花膠燉螺頭雞湯（每位一盅）呢個湯好足料，而且雞湯味夠曬香😜，又有益身心😙。.壕皇原隻鮑魚伴天白菰鮑魚真係好吸引😍，絕對係呢度嘅招牌之一，而且炸得脆脆地，更加正🤤。.原隻脆皮燒乳鴿（每位一隻）仲有我好鍾意嘅燒乳鴿，皮脆肉嫩💕。.上湯珍菌浸菜苗當然要食番蔬菜先健康😙，用上湯珍菌更加入味😋。.蟹籽海皇炒飯炒飯炒得夠曬香💕，而且粒粒分明，口感味道一流🤩。.楊枝甘露最後梗係要食番個甜品😆，楊枝甘露幾清新又吸引❤️。

《胡椒焗大肉蟹🦀🧂》足足一斤半 超級好肉好肉到每隻蟹腳都好似食緊蟹棒咁原價$568 宜家特價$468以黑白胡椒同紫蘇葉為主要調味料黑胡椒濃烈刺激 白胡椒芳香不嗆喉，味道相當層次.《魚香茄子海參煲🍆🍲》海參好似手指公咁粗 好爽彈咁既配搭我第一次試估唔到同魚香茄子會咁夾.《士多啤梨脆蝦球🍓🦐》好好食啊 望落去以為係咕嚕肉點知原來係外皮勁脆內裏係爽彈蝦仁🍤每舊蝦球都沾滿士多啤梨醬甜甜蜜蜜的.《蝦乾肉鬆炒涼瓜🫑》苦瓜一d都唔苦 出水過程一家做足功夫不過蝦乾略嫌比較細.店員服務超好有禮貌不特止 仲不斷斟茶換水食到成碟蟹殼仲會自動自覺換碟添很讚👍🏿

好耐冇去酒樓飲茶，今日同屋企人黎到銅鑼灣譽宴，環境幾靚，樓底好高，有大型水晶燈，舞台亦相當華麗之前有朋友推介呢到既招牌白胡椒蟹，叫我一定要試，所以就叫左一隻同埋少許點心🙈燒賣蝦餃好快就到，好多蝦肉，粒粒完整脹卜卜，蝦餃皮帶煙韌，好食😋來到主角白胡椒蟹🤤店員好貼心叫我地攞紙巾墊一墊先，因為加左醬汁後怕彈到，而且會好大煙，不出所料，熱騰騰鐵板遇到醬汁後，發出好大渣渣聲，煙霧彌漫住白胡椒香氣，令人食指大動😋白胡椒有辛辣味但又唔會過份搶走蟹的鮮甜，蟹相當新鮮同大隻，肉質爽口，而洋蔥炒至乾身，吸哂白胡椒味道，配飯一流👍🏻蟹鉗有差不多手掌咁大隻，肉質肥美，又易剝殼，啖啖肉，非常滋味🥰