星海薈 (利舞臺廣場)

营业中

休息中

今日同屋企人嚟銅鑼灣飲茶，搜羅到呢個環境同食飯都好值得推介嘅酒樓。商場有酒樓嘅專用電梯，一開𨋢門...嘩..., 長長嘅樓梯，好華麗。第一個感覺係...喺呢度擺酒，同酒店級數有得揮👍🏻叫咗唔同款式點心「金牌流沙包」熱辣辣金黃流心湧出來。「碧玉鮮蝦腸粉」大大隻新鮮爽口彈牙鮮蝦。「南翔小籠包」睇相片就見到造型擺設幾精緻，超多肉汁。「香蒜水晶粉蒸鮮魷」底層有彈牙嘅粉皮, 辣辣地好惹味，鮮魷好爽滑👍🏻「十菜鮮蝦春卷」長長像蛋卷一樣，配沙律醬，脆卜卜「叉燒」份量都幾多，濃郁蜜汁，肥瘦好適中，Yummy😋今餐食得滿足又滿意，以後喺香港島想飲茶，一定會再嚟呢度👍🏻👍🏻👍🏻

近排無飲茶好耐🥺所以就同 friend 兩個人去左譽宴．星海薈 度嘆翻個早茶☕️紅燒王子乳鴿🔥乳鴿 size 比較細，不過外皮燒得好脆，而且入面嘅肉質仲好嫩滑😋另外仲有附上黑醋同椒鹽調味🧂安格斯和牛腸粉🐂牛肉充滿黑椒汁，牛味濃郁🤤腸粉米香香濃，口感滑溜👍🏻薑蔥蒸牛栢葉，牛栢葉夠爽彈😝而且份量唔算少☺️鮮蝦水晶韮菜餃🥟外皮晶透煙韌，鮮蝦彈牙大隻🦐鮑魚汁炆鳯爪，鳯爪已經入晒鮑魚汁味，醬汁濃厚🥰招牌酥皮焗大蛋撻，酥皮幾鬆化😌而且唔會太厚

每次到譽宴飲茶吃飯都好開心，今次來到銅鑼灣利舞台5/F的譽宴·星海薈，同之前始創中心分店(現已close)一樣，都係獨立電梯到達，有升呢之感覺。而呢間有個旋轉梯級，好適合結婚擺酒影相，而樓底勁高，真係好好feel。環境好之餘，吃嘅好亦好緊要，最開心呢度啲點心都幾創新，唔係周圍都吃得到。蝦餃，魷魚都係我哋平時必叫之物，今次呢間有D新意思，就係加咗黑松露嘅蝦餃，首先蝦新鮮又足料，而海鮮和黑松露本身係絕配，所以這個『黑松露蝦餃』矜貴得來又好食，而魷魚真係唔係好多間有得吃，平時有得吃時都係蒜蓉粉絲蒸鮮魷，而今次就用爽滑水晶粉代替粉絲，另有一番滋味，正。亦叫咗味小菜，就係『五香牛雜』，有牛肚， 牛腸，牛潤，牛肺，五香味好濃香，啲牛雜好乾淨，完全冇『腥』味，吃到幾咁滿足。蘿蔔絲脆網腸粉及粗糧糕亦係上上之選。

My lunch partner and I came for dim sum on a weekday afternoon. We were so surprised that it was quite full even during this period of pandemic with so many restrictions on eat-in services. It was almost half full and there was really a reason which you would soon know after reading on.They gave us a big pot to sterilise our eating utensils by hot water on our own.  茶位 was $15+10% per head. My lunch partner ordered 龍井 which I didn't try but it smelt so good. The cup set, bowl and plate looked qu

見復活假期，陪下Daddy飲茶。睇佢裝修係專for婚宴既場地。.紅燒王子乳鴿 ($55)分數: (8/10)平時最怕乳鴿燒到乾爭爭好硬，呢個相反夠juicy，肉夠嫩，唔落調味都好味。.鮑魚汁炆鳳爪 ($58)分數: (8.2/10)鳳爪新鮮出爐，個煲好辣手，難得見到鳳爪係咁肥嘟嘟，炆得好冧，好入味。.黑松露鮮蝦餃 ($36)分數: (7.8/10)有淡淡黑松露香，不濃烈，蝦彈牙，但皮唔夠薄。.南翔小籠包 ($31)分數: (7.7/10)設計特別，令小籠包不容易破皮，肉汁豐富。.招牌酥皮焗大蛋撻 ($26)分數: (7.8/10)酥皮很鬆脆，個底唔會黐埋一舊，如果蛋再滑啲會更好。.布拉米皇腸粉 ($26)分數: (6/10)腸粉雖然滑，但皮較厚，太大條，有提供甜醬麻醬，但腸粉痴唔到個醬，稍遜。.最後，酒樓送了每人一碗蕃薯糖水作飯後甜品。

因為疫情關係，好耐都無同家中女皇去一盎兩件下啦！！！呢日平日中午唔洗開工，就趁人少少帶左女皇黎嘆茶食點心：）呢度主打做宴會，所以場地夠大之餘，裝修格調華麗，女皇都好滿意xpp坐低無耐，店員就捧左一大盤熱水俾我地消毒餐具，感覺乾淨衛生！之後開埋茶（午市茶芥HKd$15）就可以慢慢揀食乜，準備開餐啦~~先黎蒸類點心：“蟹籽燒賣皇”HKd$18+10%同“鮮蝦水晶韭菜餃”HKd$36+10%兩款都好足料，唔會混入大量肥肉，真材實料特别係個燒賣，18蚊有四大粒好抵食之後再有“碧玉鮮蝦腸粉”HKd$41+10%一份有六大件，每件都用滑溜腸粉包住原隻爽彈大蝦仁然後既“咖喱薯角蒸土魷”HKd$36+10%同“五香牛雜”HKd$68+10%就係濃味之選！！份量亦唔少，唔係怕會太飽食唔曬既話，真係想嗌返碗白飯黎送下女皇仲要左碟惹味有鑊氣既“xo醬肉鬆四季豆”HKd$45+10%，又係送飯一流xpp最後嗌埋單時仲送左兩碗暖笠笠既蕃薯糖水俾我地甜一甜，好貼心喔！！呢度既食物水準不錯，環境場地夠企理舒適，店員亦都好有禮貌，整體都幾好！有機會帶埋大帝黎吃下點心先得♥♥♥

今日平日來到銅鑼灣買點糧食，順道陪爸爸媽媽吃個午餐。坐下後店員會拿來一大盤沸水，消毒碗筷！蟹籽燒賣皇 $18$18四大件蟹籽燒賣真的不貴，而且品質高，非常非常值得叫！香麻叉燒酥 $32叉燒酥熱騰騰，酥皮鬆脆，蜜汁叉燒味道一流，出色！脆皮金磚豆腐 $58金磚豆腐外脆內軟，調味出色，很久沒吃過了！話梅鐵棍淮山 $52份量、賣相不俗的淮山，入口比較粉身，相對其他菜色比較淡味。薑蔥龍躉頭腩炒河 配 鹹菜豬肚 $148大大碟的炒河，足夠四五人每人一大碗。龍躉頭腩大大塊，多肉又惹味。鹹菜豬肚胡椒味香濃，豬肚夠爽口入味，配上腐竹、芹菜、木耳等等再喝湯，真的很不錯！這次來感覺比上次還更出色，價錢非常划算，飽得晚餐只吃了水果呢！

近排成日食打邊爐🍲西餐🍽韓 🧆日 🍣越菜🥗，今次去銅鑼灣附近見到酒樓裝修比較華麗，坐喺度食點心特別舒適⭐️✨.♡ ♡ ♡黑松露鮮蝦餃大大粒蝦餃，餃子皮晶瑩通透見到黑松露餡料入面，一啖咬落去陣陣黑松露味道散發出嚟味道啱啱好唔會過重黑松露.♡ ♡ ♡胡椒濃雞湯灌湯餃胡椒香味好撲鼻，雞湯用咗心機時間咬制而成嘅雞湯味道一入口腔滿滿膠質非常濃郁，灌湯餃分量特別多啖啖肉好鮮嫩，之後食落口雞肉好滑好腍，食咗一碗填飽左4成胃，推介一試.♡ ♡ ♡ 養生山藥棉花雞雞汁滲透鮮淮山 、杞子同魚肚好入味雞肉好嫩滑，滋補養顏又好味.♡ ♡ ♡ 砂鍋鮑魚雞粒燴飯用鮑魚汁炒雞粒飯特別香，鮑魚粒增加口感炒飯粒粒分明，用咗砂鍋炒個飯飯餸到枱上依然保持熱辣辣，自己再加咗XO醬味道濃郁，好味

相信大家食晏有時都會想飲下茶，今次就試咗利舞台呢一間酒樓。裝修富麗堂皇，而且亦都有遵守人流管制所以食得放心。黑松露鮮蝦餃黑松露嘅味估唔到同蝦都幾夾，而且蝦肉爽口彈牙，令人回味無窮。金牌流沙包流沙包比我嘅感覺就係中式嘅心太軟，呢款流沙包完全做到流心嘅感覺，一撕開留心汁爆曬出嚟，味道方面唔會太甜，唔鍾意食甜嘅人都可以試一試。咖喱薯角蒸土魷呢類型嘅點心最怕就係咖喱汁同食材本身嘅味道分開，食落口會食到咖喱汁嘅味但係食材本身冇味，但係呢度嘅薯角同魷魚都十分入味，而且魷魚一啲都唔韌，一款出色嘅點心。酥皮焗大蛋撻必點之選，酥皮厚實，蛋撻香滑，大滿足。XO醬蘿蔔糕蘿蔔糕口感好重要，煮得太糊就會好似食泥，呢個蘿蔔糕完全做到我喜歡食嘅厚實口感，再加埋少少辣嘅XO醬調味，非常開胃。總括嚟講呢間酒樓嘅點心都好有質素值得一試。

平時飲茶都會落去屋企樓下嗰啲茶樓飲，今次同朋友約咗喺銅鑼灣所以嚟咗呢一間高級餐廳飲茶，價錢都唔係貴好多但係環境、食物質素都好好多，列入為以後飲茶嘅地點🔶砂鍋鮑魚雞粒炆飯 + 白灼芥蘭苗 $168個炆飯份量好大，有2-3人份，好抵食！啲飯粒粒分明，而且有鮑魚味，食落好香！雞肉都好嫩滑，而且都大粒唔係細細粒咁！另外仲有個芥蘭苗，好健康！🔶蟹籽燒賣皇 $36（午市有優惠只需$18）飲茶必點，入面都係鮮肉、冬菇、蝦，好彈牙🔶胡椒濃雞湯灌湯餃 $58/位推介👍🏻個湯好好味，入面有杞子去煲，好養生平時普通茶樓好少食到咁大隻灌湯餃，可以試吓🔶金牌流沙包 $31（午市有優惠只需$28）個包好軟熟，入面啲奶黃好流心，好味👍🏻總結：午市都唔算太貴，質素都比較高，所以之後飲茶我都會優先考慮呢間！

譽宴今日同屋企人去左間係銅鑼灣利舞臺唔錯既酒樓食野，入到黎，就見到深海既主題裝潢佈置，眼前一亮，黎到飲茶點會少得茶既品種，依到既茶葉有着多種選擇，我地就簡左龍井，味道香氣清新，叫左幾籠點心，依幾樣我就覺得係最好食黑松露鮮蝦餃，皮薄晶瑩通透，大大粒海蝦仁係入面，帶着黑松露的香味，整個口感都提升，蟹籽燒賣皇，足料夠哂大粒，到好好食招牌胡椒濃雞湯灌湯餃，上桌時熱騰騰，睇落足料好飽滿，先喝湯，感覺到胡椒那種熱辣感從口腔蔓延到全身，而且無胡椒顆粒等湯渣影響口感，吃完全身都即刻暖和驚唔夠飽另外叫左個砂鍋鮑魚雞粒燴飯，鮑魚大大粒嫩滑有口感，味道夠哂香，用左原個砂鍋上桌既燴飯，食到最後一啖到保持到熱辣辣，d飯又唔會太乾，依個套餐會配埋一碟白灼芥蘭苗，就夠哂健康。譽宴．星海薈銅鑼灣波斯富街99號利舞臺廣場5樓

有水準的酒樓唔駛四圍找！最近疫情持續都好少去人多嘅地方食飯不過有次朋友叫到我就同佢撐枱腳。 呢度好貼心入去之前每個人都會量度體溫，仲會提供一盆大熱水方便大家洗用具。因為呢度都係第一次來食， 所以點心/小食都有叫來食。前菜冷盤沙薑麻油豬手，好創新嘅煮法，無諗過過冷盤都甘入味，份量都唔少。 糯米雞麻雀雖小五臟俱全好足料，男仔都唔會餓親。 燒賣王的蝦好大隻而且無雪味，每人兩粒都覺得唔夠喉，好食！ xo醬腸粉有少少辣，十分開胃，煎完嘅腸粉仲好滑，溫度/味道都控製得啱啱好。牛雜鍋既牛雜食落都吾錯，加埋炆出來既汁飲啖仲可以驅寒，送飯一流。 最後甜品就係燕窩北海道牛乳奶凍。奶凍本身甜度適中再配埋燕窩感覺好清涼，為呢張畫上完美嘅句號。呢餐食得好滿意，絕對有水準！如果大家追求食物嘅質素，極推薦來呢度飲茶！

譽宴可說是以華麗，什至贏埋酒店，酒店都冇咁靚 " 樓底寬闊， 水晶燈增添豪華感！ 店員有禮服務很好！叫咗碗黑蒜燉雞湯， 可以增強抵抗力，抗炎之選！ 一打開碗蓋，濃濃嘅黑蒜雞湯味滲出嚟！ 湯頭非常足料入味， 將雞嘅精華融入通當中！好正。招牌白胡椒蟹， 胡椒味香濃肉蟹非常新鮮，蟹係由菲律賓肉蟹， 非常有鑊氣， 肉蟹非常有質素，惹味非常！而且好很大隻都係388蚊""食完很難忘呢，good ar!! 鮮菠蘿脆皮咕嚕肉， 咕嚕肉係非常考廚師嘅一種餸， 呢度完全發揮得好好， 店員提及用上新鮮菠蘿， 令成個餸層次提升 ! 芡汁剛好包住咕嚕肉嘅外皮，而外皮亦能保持香脆！ 亦能保持嫩滑嘅感覺！唔會過淋。 芡汁甜 酸味剛好，送飯一流！整體店員真係好有 heart, 推介指意100%

譽宴嘅茶點質素毋庸置疑，晚飯小菜亦係我杯茶，一直深得我心，今晚約咗媽咪撐枱腳，二話不說就揀咗呢度。一入座見到蒜蓉蒸龍蝦做緊優惠$88，的確係開心價，媽咪買開餸都話抵，當然要一客。每次必點嘅香片茶味甘醇，茶香同花香恰到好處，口感溫潤。前菜用上好特別嘅白木耳，非常有新鮮感，口感同黑木耳相近，酸爽開胃。最先上枱嘅係燉湯，本來揸唔定主意，侍應介紹呢款黑蒜螺頭燉雞湯，可以增強抵抗力，二話不說點頭！湯味鮮甜，黑蒜味道濃郁，少咗生蒜嘅刺激感，多一分甜味，仲帶有隱隱約約嘅微酸味，非常刺激食慾。另一款同樣係侍應推介嘅係得獎菜式——金磚脆豆腐，外形雖然普通，但一試之下非常有驚喜！外表睇落雖然同普通炸豆腐冇分別，但表皮炸得夠香脆，而且一啲都唔油膩，調味帶有避風塘風味，非常惹味！一咬落去係細滑無比嘅嫩豆腐，同香脆嘅外皮形成極大對比，非常滋味，連媽咪咁嘴刁都讚不絕口。蒜蒸龍蝦用嘅係本地龍蝦，夠哂新鮮，加入大量蒜蓉，香氣撲鼻，完全係餸飯首選。本地龍蝦尺寸都唔細，肉質結實彈牙，配上蒜蓉令鮮味更突出。白飯殺手當然唔少得咕嚕肉，份量頗多，而且造型突出。菠蘿用上鮮果而非罐頭生果，多一分清新，少一分死甜。無骨咕嚕肉外皮超脆

今晚同屋企人黎到呢間酒樓食晚飯, 一入門口就俾佢條鋪滿花既樓梯吸引左, 好靚好啱打CARD.入到入面坐低, 環境非常優雅清靜, 好啱一家人閒聊飯聚.一邊食住飯前小食, 一邊睇下有咩好食.果度做緊一D晚巿優惠菜式, 有烤鴨,龍躉, 大元貝, 乳鴿皇, 龍蝦等等, 都幾多選擇.最後我地叫左2個家常D既小菜, 分別係黑醋蜜燒一字骨, D排骨好香好淋, 個醬汁都甜甜酸酸, 好開胃.燒汁淮山茄子, 淮山爽口, 茄子好淋, 一餸兩口感, 好有特式.最後送埋糖水, 十分滿意既一餐.