星海薈 (利舞臺廣場)

营业中

休息中

疫情開始之後都冇再飲過茶但最近中午空檔時間經過銅鑼灣利舞臺終於忍唔住去咗譽宴餐廳位於廣場五樓樓底極高而且窗邊全部都係落地玻璃採光空間感足姬松茸野菌翡翠粉果姬松茸菌蓋嫰而菌柄脆配搭各種野菌以及蔬菜鮮香清爽同時口感豐富粉果麵皮晶瑩剔透同時帶有光澤而且口感軟糯得嚟帶啲煙韌幾有驚喜原隻鮑魚燒賣皇選用原隻鮑魚肉質厚實用料矜貴而且鮑魚經過高湯入味以及小火煨製質感彈滑軟嫩燒賣表皮薄透餡料飽滿而且用半肥瘦豬肉攪成嘅肉滑口感鮮嫩同時帶啲油脂嘅甘香招牌胡椒濃雞湯灌湯餃雞湯色澤奶白香濃加埋胡椒辛香但又唔會過於嗆辣而且表面有層金黃色嘅雞油超香灌湯餃皮鼓脹隆起而且摺紋整齊細緻經過蒸焗湯浸依然保持柔韌完好砂鍋鱆魚雞粒炆飯雞粒嫩滑而且鱆魚鮮香加埋醬油濃醇砂鍋掀蓋嗰刻已經聞到勁正砂鍋夠哂保溫食到最後嗰啖都仲係熱辣辣而且份量好多真心推薦

2021年4月22日 星期四今日突然間好想食海鮮，於是一收咗工即刻同埋老婆出銅鑼灣周圍睇吓有咩海鮮好食，最後我哋經過利舞台嘅時候，見到譽宴•星海薈最近做緊海鮮推廣，於是即管上去睇吓上到去睇返宣傳單張，真係唔同類型嘅海鮮都做緊推廣，其中龍蝦伊麵都係做緊$388咋，所以諗都冇諗就叫咗，另外再叫多一個菜同菠蘿咕嚕肉咁大嘅時候見到酒樓嘅裝修好雅致，應該主要係做婚宴，同酒樓嘅名一樣，天花做到好似星海咁，如果喺嗰度結婚嘅話都幾浪漫等咗大約10幾分鐘，首先嚟到嘅係菠蘿咕嚕肉，冇諗過菠蘿同肉會分開，同一般嘅餐廳好唔同，咕嚕肉炸得好香脆，而且每一舊都沾滿咗醬汁，食落去外皮好鬆脆，肉質幼嫩，自己菠蘿好香甜，食完之後可以解油膩之後有主角登場，就係上湯焗龍蝦伊麵，冇諗過會有咁多舊龍蝦，每一舊都有大大舊蝦肉，而且經過油炸之後再同伊麵一齊炒熟，令到每一嚿龍蝦肉都好有咬口，伊麵就煮得啱啱好，唔會太過腍同埋好掛汁，兩個人都差啲食唔晒最後仲有蒜蓉炒白菜仔，師傅炒得好乾身，每一條白菜仔嘅表面都充滿光澤，食落去仲充滿蒜蓉味添最後埋單大約每人三百幾蚊，但係已經飽住個肚走，因為我哋兩個人差唔多清晒成碟龍蝦伊麵

呢度做結婚酒席都幾出名，朋友話佢中菜幾有質素，收工過嚟試下先！上湯焗西澳洲龍蝦伊麵呢個龍蝦新鮮好大舊又彈牙，好難得喺酒樓食倒咁嘅質素。伊麵底正常嘅，同出面差唔多。個芝士汁都好唔錯，芝士味香濃，入口香滑。鮮菠蘿脆皮咕嚕肉佢叫肥皮咕嚕肉都真係無握人，炸粉夠薄夠脆，個咕嚕汁酸甜味道適中。個菠蘿最值得一贊嘅係佢整熱左，而且擺盤有啲心思，味道似串燒店燒菠蘿/bbq咁，好開胃。蒜茸白菜仔呢個菜清清地，算係咁。蒜茸夠香，唔會太油。總體黎講呢餐飯都幾出色，酒樓一樣嘅價位但酒店嘅質素，一定會再次番黎幫襯。

這裏可算是星級環境， 提供高質數食物， 最重要係中等價錢， 適合大眾市民放假來嘆下～推廣胡椒濃雞湯灌湯餃胡椒香好濃沃，雞湯睇得出有心機，用時間做煮的～ 入囗有非常濃郁的味道，灌湯餃分量特別多啖啖肉好 大件， 入面仲有一件雞 ，雞肉好滑， 味道好夾南翔小籠包 賣相一百分 唔食都攞去打卡🤣小籠包底有一片蘿蔔，好特別 肉汁非常多。碧玉鮮蝦腸粉腸粉皮做得好好 好煙韌翡翠粉果平時好少食粉果 不過佢哋嘅翡翠粉果好特別入面有好多餡料， 而且個皮好薄 唔會太硬

今日朋友請食飯終於有機會來試試銅鑼灣的譽宴 星海薈一出電梯，映入眼簾是華麗的水晶吊燈，好靚招牌白胡椒蟹螃蟹以驚人的氣勢上桌！螃蟹放在鐵板上送上，香味四溢外表通紅的殼上泛著又香又亮的油光。從肥美的鉗子開始，很容易的可以將整塊蟹肉與殼分離，味道新鮮，好好味😋紅燒煲仔翅服務人員會推出餐車將爐子端到座位一旁烹煮，連鍋子都很講究，熱騰騰的魚翅湯味道好美味，加入些許紅醋味道更好魚翅入口即化，果然是鎮店名菜怡香茄子豚肉煲茄子煲偏鹹，茄子軟硬適中，配上白飯剛剛好整體而言，餐廳環境舒適，食材品質佳，口味的也都在水準之上，是適合朋友與家庭聚會、商務宴請的好地方

記得上一次吃中菜己是三個月前，今晚約了一位好友晚飯，去了一間頗有名氣的酒樓，裝潢華麗有氣派。龍蝦和蟹同一時間做緊推廣，價錢好抵。難以決擇中也得揀選，最後決定白胡椒蟹。嘩啦啦⋯⋯！香氣撲鼻而來！蟹長得極為肥美，豐腴的造型，柔嫩的蟹肉，令人垂涎三尺。蟹梢為寒涼，最啱配搭袪寒佐料如「胡椒」。白胡椒芳香不嗆喉， 辛而不辣，味道層次豐富。咕嚕肉食過無數次，脆皮的都是極少能做到。內裡保持肉汁細嫩，外層脆口，醬汁酸酸甜甜，開胃十足。加上新鮮菠蘿伴碟，滋味無窮。不一定冬天才可吃砂窩之類，春夏季節也合適的。有章魚粒，雞粒，菇類，菜蔬⋯⋯豪華版砂窩飯。粒粒分明，香口惹味，口感豐富。份量不少，足夠四至六人享用。

Very nice environment Spacious and clean seatingReasonable price as wellOrdered the lobster in cheese soup noodlePortion is crazily hugeGood enough for 4 peopleLobster is freshSpongy and chewyShells are already detached Very user friendly for those who can’t handle shells and bonesFish fillet in corn soup sauce is another must have for meUnlike those in other restaurantsThis fillets are fried with Thin layer of crispFish flavour is strong as well

雖然鍾愛日本菜，但飲茶🫖依然係我至愛，尤其同屋企人飲啖茶，再叫到一枱點心一同分享❤️💯於利舞臺大堂有專𨋢直達好方便，環境裝修得瑰麗而且樓底較高，坐喺度食得舒適之餘又唔會好嘈吵👍🏻· 胡 椒 濃 雞 湯 灌 湯 餃一睇色水就知有幾濃‼️一股胡椒味刺激味蕾，配料有雞仲有主角：大過匙羹嘅灌湯餃，真材實料😋· 小 籠 包賣相吸睛啱哂打卡，皮薄餡靚，爆肉汁好juicy · 雪 山 豚 肉 焗 餐 包阿媽都讚好👍🏻👍🏻餐包厚薄做得啱啱好，餡料用上豚肉，粒粒有咬口· 黃 金 磚椒鹽炸衣外脆內裡係入口滑溜豆腐，係必叫嘅炸物小食· 乳 鴿好耐冇食過乳鴿，皆因有時好怕食到乾爭爭又鞋口，呢度新鮮炸起，皮脆內軟肉質依然嫩滑多汁💦· 星 海 薈 蝦 餃晶瑩剔透嘅外衣，透視著粒粒鮮蝦豬肉，入口好彈牙· 翡 翠 帶 子 腸 粉透薄腸粉包裹著粒粒帶子，帶出啖啖鮮味· 水 晶 潮 式 粉 果屋企人想食，平時我唔食唔會特別點粉果，佢哋讚ok餡料豐富，味道唔錯同埋唔厚皮！飲茶最緊要點心熱辣辣，食物質素唔錯又坐得舒服，各位做仔女嘅得閒帶埋屋企人嚟飲茶啦😝😝

疫情底下真的很少出外飲茶食點心，今次跟同事來到這間酒樓，座位與座位間的空隙都足夠，而且還給予客人一窩熱水洗杯，感覺衛生!點餐紙上有多款點心可以選擇!原隻鮑魚燒賣，燒賣大大粒，鮑魚都幾大隻，爽口彈牙，配上個茨汁一齊食，就好似夜晚飲宴食到的味道，令人回味！小籠包，他們的小籠包每隻都用一個小籃子盛著，方便夾起食，又不怕皮與皮痴住！小籠包多汁又鮮甜，美味！黃金磚，黃金磚即是脆皮豆腐，外皮脆脆的，帶有咸香，內裡豆腐非常嫩滑 ！蟲草花上湯鮮竹卷，湯底清甜，鮮竹卷內有蘿蔔、木耳絲、豬肉等，口感豐富！胡椒濃雞湯罐湯餃，罐湯餃小時候好中意食，因為通常屋企人都會成籠俾你食！這裡的湯底有好濃的雞味，所以非常鮮甜！餃內有蟹柳、冬菇、肉粒等，加入紅醋非常正！雪山豚肉焗餐包，餐包上層有像墨西哥包的脆皮，內裡是蜜汁叉燒包的餡料，味道不錯！

今日同屋企人黎到幫襯中午茶市，本身星海薈係一間主打婚宴既高級中菜廳，但而家受疫情所限，都做多咗好多點心小菜類，務求維持生意，所以都係第一次有機會黎試下呢度既廚房功架。 .一去到門口已經被耀眼的紫光配合水晶吸引，跟住沿婚宴廳常見旋轉樓梯登上用餐位置，坐椅都比普通酒樓華麗，頭上既燈光亦都會不時轉換。不過場內都算幾光猛，轉換既燈光起到一個點綴氣氛既作用。 由於本身係婚宴場地，定價都比較貴，所以入座率大概係6成，呢個價位黎講都算唔錯，起碼質素唔差先有咁既入座率。 午市除咗點心之外，仲有唔少特色小食，例如開胃前菜、燒味、煎炸物同埋滷水小食。 腐乳唐生菜 $46 7.5/10每次出街食飯點都會叫返碟菜，一來簡單野先考功夫，二來可以營養均衡少少。今次呢碟都唔錯，腐乳額外上，份量唔孤寒，夠哂撈菜食，口感細膩，鹹味幾突出胡椒濃雞湯灌湯餃 $58 7/10由餃子皮到肉湯都好有講究，薄薄既雞油係湯上面飄搖，先嘗一口湯，順喉滋潤感十足，全無腥味。餃皮有少少似雲吞，皮有點厚，食落有少少勁道，餡料正常，肉都彈牙小籠包 $35 6.5/10擺法已經幾有特色，係有一個小提環，可以拎起落碗。但上到黎有點亂，有一隻仲穿左

講起飲茶🫖，🐽🐽鍾意去銅鑼灣<星海薈>！其實🐽🐽最欣賞佢地嘅衞生！一坐低遞上一大鍋出煙滾水俾你洗餐具👏抵讚！點心價錢唔係貴！坐得舒服😌！原隻鮑魚燒賣皇～哈哈🥰豪一豪佢！一人一隻鮑魚燒賣！鮑魚彈牙！粒燒賣入面好多🦐！成粒燒賣放入口好滿足😍！姬松茸野菌翡翠粉果～平時🐽🐽最怕食粉果！最怕塊皮厚過塊面wor🤣！呢籠粉果皮薄餡靚！一咬菇菌香味散發出黎！出奇地🐽🐽食咗兩件粉果🤭！必點😋！砂鍋鱆魚雞粒炆飯～一開蓋香味四散！惹味到震！飯粒粒分明！份量好好好多！每人有三碗😛！

近年少左好多家庭聚會間接少左機會到中菜館食飯今晚行完時代廣場 諗左諗食咩就決定過利舞臺個邊食今晚既晚飯實在太耐冇食龍蝦伊麵所以諗左陣就決定叫返個樓面姐姐話係西澳洲既龍蝦印象中係第一次兩個人食一碟龍蝦伊麵可以不停啖啖肉食龍蝦 係一件非常滿足既事真係啖啖肉 同時肉質非常新鮮嫩口二人份量 夠有突另外我地每人叫左個紅燒煲仔翅d 魚翅真係大大梳的樓面姐姐會係你面前即刻煲滾佢非常有風味 有丁點奢侈記得要落少少個度自己整既胡椒粉 更多野味最後仲叫左個鮮菠蘿脆皮咕嚕肉個人覺得咕嚕肉既重點係外脆內軟 仲要熱辣辣而佢絕對做得到 酸酸甜甜 絕對係撈飯既恩物而菠蘿都係用新鮮菠蘿 幾鮮甜架埋單每人Around 500 但係真係有呢個質素大家係銅鑼灣行完街 可以過一過去食丫！

之前黎過兩次，次次都係午市，今日難得早收，就黎銅鑼灣呢間譽宴．星海薈試試晚市手勢如何。餐廳位於利舞臺廣場，有專用升降機到酒樓樓層，盡顯氣派。呢度專門做婚宴，所以裝修一流，達酒店級數，影相打卡超正。晚市餐牌有海鮮，燒味，小菜，小食，湯羹，甜品等等。茶芥每人$15，餐前小食$20。今晚叫左幾款招牌菜同同行友人分享。招牌白胡椒蟹 $468 另加一見到呢個招牌菜招牌白胡椒蟹，咁啱呢排d蟹又當造，即刻叫黎試下先。好快就食得啦，餐牌寫明每隻蟹約斤半，成隻巨蟹用鐵板上，蟹未到聲先到，上枱後，經理將d汁㨆上面，香氣四溢，烽煙四起！隻蟹好多肉，肉質鮮甜多汁，蟹殼都超脆，食得出係新鮮，蟹膏都有。白胡椒汁香而唔過辣，唔會完全蓋過蟹味，味道啱啱好。d洋蔥片吸左d汁都好味。服務員提供左每人一對膠手套同濕紙巾，夠哂貼心。紅燒煲仔翅 $188一煲 另加一好耐冇食翅，見到紅燒煲仔翅價錢唔算貴，今晚就豪一豪，一人一煲。服務員原來係你面前將兩煲煲仔翅加熱到滾哂先上枱，好震撼! 排翅果然好多，足有四大排，下面墊左好多爽口芽菜。個湯好清，醋同胡椒粉另上，等你自行調味。鮮菠蘿脆皮咕嚕肉 $148 另加一呢個小菜又係另一招牌，首

這是我第一次來到這家粵式酒樓宴會廳，當我踏出升降機，一眼就望見偌大的落地玻璃旁的長樓梯，樓梯兩旁佈滿花海的裝飾，襯托著閃爍的水晶吊燈，整體感覺華麗又優雅。寛倘的場地除了適合婚宴外，亦很適合與家人或朋友相聚共膳的好地方。招牌白胡椒蟹（(HK$468)👍👍👍👍👍原價每隻$568，現在以推廣價$468 就可以吃到一隻約斤半重的白胡椒蟹。這隻體形龐大的蟹放在鑄鐵鍋內，未上到枱已聽到吱吱的聲響，放到枱後，倒入白胡椒汁，瞬間胡椒的香氣四溢。我先拿起蟹拑，真係有一隻雞髀咁大，蟹身多肉鮮甜，蟹蓋內還有惹味的蟹膏。紅燒煲仔翅（HK$188)👍👍👍👍👍原價$388，震撼價$188一煲足三両紅燒煲仔翅。煲仔翅原煲放在客人面前加熱，煲內的魚翅十分足料，足足有三両重，一梳梳的魚翅可以用筷子夾起品嚐，食得十分滿足。鮮菠蘿脆皮咕嚕肉（HK$148)👍👍👍👍最後叫一個酸酸甜甜的開胃小炒 - 鮮菠蘿脆皮咕嚕肉，菠蘿是新鮮的，勝在健康；咕嚕肉啖啖肉，外層香脆，甜酸味道恰到好處。茶芥@ $15/ 小食 $20Menu

今日想同媽咪食好d 加上媽咪鐘意飲茶就決定黎呢間試下😋一入到去看得環境好唔錯～D野食好吸引 同傳統酒樓好唔同😳第一次見到有原隻鮑魚燒賣 忍唔住同媽咪一人一粒，好好食 鮑魚好新鮮！估唔到同燒賣又幾夾🤣🤣跟住嗌左姖松茸野菌翡翠粉果，又係見佢同傳統既粉果好唔同， 就決定試下！松茸好香，食落唔會膩😝仲有我最愛既小籠包，皮唔厚，好多汁！唔錯😋同埋見到有人推介既胡椒濃雞湯灌湯餃，呢個好足料，好香，唔怪得咁多人推介！最後仲叫左個砂鍋章魚雞粒炆飯，賣相好靚，雞粒炒得好香，我媽咪好鐘意呢個話想encore 🤣!同埋估唔到呢到都有咖啡飲，好香濃🥰Overall 呢到既食物質素好高，服務態度都好有禮貌～下次會試下其他餸