星海薈 (利舞臺廣場)

营业中

休息中

於聖保祿打完疫苗，已計劃來此，因看電視講限聚令多時影到該集團酒樓，所以今次選此處，以為好似普羅大眾酒樓門口有蜜蜂堆人群等位，不是我所料，約等10分就有位，利舞台的酒樓的命運如此，少人等位。 點茶後，侍應放低咗一個大過手面盤，洗碗盤的不銹鋼煲，放咗好滖水俾你淥杯筷碗碟，熱烘烘，蒸氣濔漫，呯呤嘭唥後，食具好乾淨，熱熱的，好開心。 點心小菜都放棄，點xo醬龍門米，叫少辣，紅燒脆皮乳鴿$168,上枱幾好樣，即星洲米的咖哩轉xo醬，少辣後，一的都不辣，食不到瑤柱，叉燒硬，蝦爽，洋葱絲，芽菜，紅蘿蔔絲，芝麻，味道接受，乳鴿就好似翻炸，味可，肉不要求，骨無騷香，味覺記憶以利苑最好，陶源次之。 未打疫苗前，恐會倦，會頭痛，唔開胃，萬一還會入院，點知還可以行完街買嘢，食嘢飲茶，阿門，阿彌陀佛！

10點4分到場，人頗多。門口負責接待帶位的女員工開口第一句唔係「早晨」或「你好」，而係「今日係公眾假期，個半鐘交枱，有冇問題？」。未入場就諗住趕客。向該女員工表示想坐入面，不想坐門口，他隨手將一疊點餐紙揼係枱面，無視客人嘅要求，亦不打算作任何解釋，瀟灑地轉身離去（稍後等位人龍出現，她向人龍解釋店舖分A、B區，各有固定嘅入座條件）。另有一金棕髮色綁馬尾女員工態度親切，有禮貌（唔該前多謝後）手腳俐落又勤快，挽回不少印象分。坐底點餐，選擇比預期少。門口負責接待帶位的女員工（因坐門口直視收銀處同員工咖啡機）一有空便走去沖咖啡整咖啡豆，除口罩食早餐，需要同客人講嘢先戴返口罩，毫無衞生除疫意識。該女員工其後同等位人士有爭執，向客人發脾氣，聲稱「你再迫我我大不了除衫唔做嘅啫」，非常熟食中心員工FEEL（綁馬尾親切女員工其後出手安撫不滿嘅客人）。奇葩事項很多，不能盡錄。總結：食物可以，環境可以，人手不足，送食物嬸嬸有禮貌，綁馬尾女員工態度親切手腳俐落勤快，門口接待女員工需要再培訓。利申：全自費。不是免費招待或試食。

之前聽同事講話呢點心高質，趁今日得閑啲就去銅鑼灣試吓佢！雪山豚肉焗餐包入邊係叉燒餡，出面就係經典微脆雪山皮，比起平時嘅叉燒包更加有層次感～ 重點係整得夠熱，好好食星海薈蝦餃皇做得酒樓嘅招牌菜，蝦肉分量多，外皮煙韌，食落去啖啖肉姬松茸野菌翡翠粉果見佢幾得意所以叫來試吓，入邊啲餡料多到爆出嚟，食落去菌類味道好香，皮就比較腍南翔小籠包賣相好靚，一咬落去爆晒湯汁調味好夠，點埋紅醋好夾呀原隻鮑魚燒賣皇講吓招牌菜又點少得呢個燒賣，賣相精緻，雖然唔係好大粒，不過味道好香，鮑魚都好有咬口，好食又好睇招牌胡椒濃雞湯灌湯餃仲有呢個灌湯餃又係必點，本來啲湯就已經蓋過灌湯餃，啲湯非常濃郁，雞同胡椒味都好足灌湯餃就好大隻，啖啖肉配埋個湯真係好正

今日出嚟銅鑼灣飲茶，環境佳得非常舒適．酒店級嘅舒適環境。午市時段必定要食點心：必點「星海薈蝦餃」大大隻鮮蝦好新鮮，外皮唔會太厚👍🏻「水晶潮式粉果」勁足料，入面滿滿嘅餡料夠哂多「黑蔗糖馬拉糕」好香黑糖味，口感勁鬆軟，即叫即蒸...熱到出哂煙。「蒜蓉蝦春卷」外皮好香脆，包著蒜蓉蝦...yummy🤤「香茜叉燒腸粉」半透明嘅腸粉外皮，包著叉燒，愛芫茜嘅香味，一定不能錯過...「小籠包」賣相好精緻，裡面浸出熱辣辣嘅湯汁，必食之選。「雪水豚肉焗餐包」外層鬆脆，似菠蘿包嘅感覺，裡面充滿著叉燒，味道同口感，比一般嘅叉燒餐包更好食。下次晚市時段要再嚟試下小菜😋

Lunchtime偶然都幾鍾意去飲茶，因為點心永遠都唔會食厭～前排又同同事去呢間質素幾好嘅茶樓飲茶🫖由於只有2個人去食，可以食得精緻d！$38粒的鮑魚燒賣大大粒鮑魚在燒賣上，望到都覺得好吸引，食落去鮑魚幾有鮮味，而燒賣肉質亦不錯😋小籠包賣相好精緻，皮薄多湯汁，肉的份量適中，感覺不會很膩。另外胡椒濃雞湯灌湯餃亦幾特別，湯底的白胡椒味好香濃，湯餃非常大，入面包了蝦肉同肉，喝一口湯，吃一啖湯餃，非常滋味。碧玉鮮蝦腸粉的腸粉皮好滑，裡面的蝦肉亦好厚，點埋豉油味道好好。另外都好欣賞姖松茸野菌翡翠粉果，粉果皮薄且多菇多料，晶瑩透亮，滿口都是菇的香味😋下次再來吃精緻點心～

做個孝順的乖女， 提早同媽咪慶祝母親節， book位輕鬆啲 又唔使同人哋逼。慶祝母親節中菜當然是不二之選， 選擇我最喜歡的酒樓，time square附近地點好方便， 商場有特大專𨋢直達， 唔使同其他食肆的食客 逼等𨋢， 媽媽超滿意。澳洲龍蝦非常當造抵食， 肉質彈牙爽口， 啖啖肉 大大件， 新鮮龍蝦甜美的味道， 回味無窮。 龍蝦夠曬大隻 ，分件後仍有七八件， 伊麵吸收了上湯精華， 煮得啱啱好， 麵質煙煙靭靭。另外選擇了 紅燒煲仔翅， 魚翅份量 比想像中多， 上湯味道夠濃郁， 魚翅吸收了上湯的精華， 夠曬彈牙爽滑夠滋味， 配上秘製胡椒粉， 更顯 美味。士多啤梨大蝦， 大蝦脆漿鬆脆， 掛滿了酸酸甜甜的士多啤梨醬汁， 蝦肉彈牙爽口， size大大隻， 啖啖肉很滿足。真的很想試鹽燒南非八頭鮑魚， 看見隔離枱每位也來一客， 好像很美味， 但實在眼闊肚窄， 引得我心癢癢要下次再來。

利舞臺廣場譽宴·星海薈，有專用電梯直達，裝修完後華麗高尚，有氣派，點心水準又高，今日約朋友嚟呢度飲茶😉酒家有一大煲滾水俾食客洗餐具，夠貼心🥰,我哋點咗幾款點心,等咗十分鐘左右，點心就陸續送上😄雪山豚肉焗餐包餐包厚薄剛剛好，醬汁唔太多，唔黐牙，豚肉有咬口😋姬松茸野菌翡翠粉果粉果皮薄饀靚，脹卜卜，松茸味好香，層次豐富，必點🤩星海薈蝦餃晶瑩剔透，蝦肉爽脆彈牙😋碧玉鮮蝦腸粉鮮蝦大大隻，腸粉皮又薄又滑😋胡椒濃雞湯灌湯餃灌湯餃飽滿，雞湯濃郁足料，添加咗胡椒味，越飲越好飲🤩侍應姐姐招待週到，點心好食，的確係飲茶嘅好地方🥰

譽宴。星海薈📍銅鑼灣波斯富街99號利舞臺廣場5樓成日都想搵間好食嘅中餐今日嚟到呢間餐廳 見到做緊幾個promotion招牌白胡椒蟹🦀估唔到呢度都有得食到星加坡嘅名物雖然好耐都冇得去星加坡 但呢度嘅味道都十分相似隻蟹本身已經超大隻同埋實肉上枱嘅時候仲係用鐵板 熱辣辣令到胡椒味更加香肉蟹更加啖啖肉 吸埋啲胡椒味超級好食紅燒煲仔翅🐟講到明用足三兩嘅翅仲會喺我哋面前煮返熱啲翅好入味 食極都仲有連個獻汁都唔錯啫啫馬友蝦乾芥蘭🥬粗菜細做聽落好平凡嘅餸係用鐵板上上面加入馬友 大量嘅蝦乾芥蘭好爽甜

餐廳裝修十分美輪美奐，樓底高， 空間感十足， 座位舒適寬敞， 最喜歡天花板的一群魚形吊燈， 好似 魚群在客人頭頂上游來游去， 十分精緻吸引。紅燒煲仔翅(每位)(優惠價)$188店員即場用gas爐原煲魚翅在客人面前煮滾， 上枱時 ，熱燙燙 ，香氣十足， 打開蓋時看見足足三兩魚翅， 一疏梳的魚翅在煲內， 賣相吸引，令人垂涎， 湯底十分鮮味帶黏黏的口感， 配上爽口芽菜，感覺 變得清爽， 每口都色、香、味俱全， 鮮味衝擊味蕾 ，十分享受。上湯焗西澳洲龍蝦伊麵底$388西澳龍蝦用傳統上湯烹調 ， 保持原汁原味， 大隻西澳龍蝦， 啖啖肉， 賣相吸睛， 肉質超級彈牙和鮮味， 精華盡在伊麵， 完全吸塑了龍蝦汁的鮮味， 滋味大大提升， 伊麵煮得剛剛好不會過諗， 口感一流 ， 仲足足四人份量，令人食指大動。原隻鮑魚(四隻)滑雞煲$228肥美的原隻鮑魚， 柔光亮麗 ，是我的至愛 ， 十分彈牙 入味， 鮮味在口中爆發， 膠質口感， 滿滿膠原蛋白， 滋補養顏， 女士恩物， 跟配的雞肉十分軟嫩滑溜。

今日lunch同囡囡去咗銅鑼灣利舞臺嘅星海薈嘆茶，呢度坐得舒服，水滾茶靚，點心有水準😋❤️星海薈蝦餃 蝦餃外皮煙韌，入面嘅蝦好大隻又夠爽 ❤️春風得意腸 裡面炸得好脆，外皮又薄又滑，蝦肉彈牙 ❤️脆皮菠蘿焗叉燒餐包 即叫即製，熱辣辣，菠蘿皮好脆口 ❤️小籠包 皮薄餡靚，湯汁多 ❤️姬松茸野菌翡翠粉果 裏面嘅姬松茸粒粒好爽口，健康嘅點心 ❤️ 燕窩3.6奶凍 燕窩分量好足料，奶凍幼滑，牛奶味好香濃😍🤤每款點心都好有水準，食得開心。

以前學生時代已經喺譽宴飲過茶，當時作為中學生都覺得環境好大適合宴會，但價錢都幾貼地，食物質素仲幾好好多年後嘅今日，我同朋友俾白胡椒蟹吸引咗上嚟，好好食吓譽宴係咪保持到當時水準衛生方面唔錯, 食嘢前餐廳會提供一大盤滾水俾客人再洗洗啲餐具招牌白胡椒蟹, 賣相好吸引呀大大隻蟹, 睇都知厚肉白胡椒汁同紫洋蔥等, 加上鐵板嘅熱力, 香氣十足呀除咗啖啖肉咁過癮之外, 大大隻蟹蓋入面仲有蟹黃撈飯食真係無得輸!鮮菠蘿脆皮咕嚕肉都係好適合餸飯咕嚕肉外脆內腍, 酸甜汁較得好好, 食落好開胃另外值得一讚嘅係侍應們都好attentive, 碗碟換得好勤亦都有執枱專員, 呢啲地方做得足都會令客好安心譽宴樓底好高, 裝潢亦都好有氣派好可惜疫情令婚宴好難安排

It was a special day and so we decided to treat ourselves to dimsum but even fancier than our usual spots 🤣 I’ve had dimsum at banquet halls before but never one this fancy 🤩Their menu has all the usual dimsum goodies and a special recommendation page that I believe is not as commonly seen. From there I ordered their abalone Siu mai, Xiao long Bao and pork buns. The abalone Siu mai instantly made me feel rich 😂 the abalone was covered in a salty thick sauce that seeped into the meat of it well s

平時會抽時間同媽咪飲茶， 今次到她最喜歡的譽宴．星海薈， 位於銅鑼灣利舞臺廣場5樓的分店。 店內有高貴漂亮的水晶燈非常有氣派🥰， 坐低不久店員為我們送上熱辣辣的滾水洗碗筷， 非常貼心。 大約中午一點半到達，午市茶位$15位。 然後兩母女點了六款點心，🔺星海薈蝦餃$41、胡椒濃雞湯灌湯餃 x 2 $116、 招牌酥皮焗大蛋撻$31、 原隻鮑魚燒賣($38/隻) $76、 姬松茸野菌翡翠粉果$36、 雪山豚肉焗餐包$36。🔻✨星海薈蝦餃～晶瑩剔透的蝦餃， 皮薄而軟身， 蝦肉爽口新鮮又大粒😋，食落多汁豐盈而不硬實。✨原隻鮑魚燒賣～ 燒賣肉汁多， 鮑魚煙煙靭靭，口感好豐富。🤤✨胡椒濃雞湯灌湯餃 ～ 平時食灌湯餃多數是清雞湯加一點醋， 今次新口味胡椒濃雞湯， 湯底又濃又香👍🏻， 灌湯餃的皮又薄又滑 ，裏面餡汁十足， 真材實料， 推介大家一定要試下。✨姬松茸野菌翡翠粉果～ 賣相晶瑩通透， 一啖咬落去， 散發出好香的菇味。 🉐✨雪山豚肉焗餐包～ 鬆軟白滑的外層， 外酥內軟的口感，加上叉燒多汁美味， 值得一讚。💞✨招牌酥皮焗大蛋撻～ 對蛋撻情有獨鍾， 每次在酒樓見到必點， 熱辣辣新鮮出爐皮香蛋滑的口感

終於又等到銅鑼灣 譽宴.星海薈做招牌白胡椒蟹推廣，數數手指對上一次食呢個招牌菜都已經係成年前嘅事，今晚就同媽媽預早慶祝母親節，同佢食餐好嘅，慰勞下佢一年到晚都咁辛勞照顧我地😆。黎到個肚已經打晒鼓，先order一個前菜填下個胃先😋🥢拍蒜青瓜，青瓜好青脆，加上大量蒜蓉同麻油醬油香，索晒入拍好嘅青瓜，更加入味。🥢招牌白胡椒蟹出場😋，鐵板上，好似食牛扒咁，黎到放上枱再淋個白胡椒汁，汁醬不停在鐵板支支喳喳滾動，香味亦隨即發揮出黎；再講隻大肉蟹，目測斤両十足，真係有成斤半重，淨係隻蟹鉗都有我隻手掌咁大隻，好誇張，蟹肉一梳梳咁入口，鮮味又富口感，而個白胡椒醬唔會太搶喉，小小胡椒辣就更能帶出蟹鮮，而且鐵板上，更加能夠保持熱度。🥢既然係慶祝母親節一定要食豪啲，叫個紅燒煲仔翅比阿媽嘆下😋，個翅係會係客人面前用個爐加熱，確保一定熱度十足；嘩，碗翅用料好十足，一梳梳嘅翅身塞爆成個煲仔😆，而底部鋪上芽葉，增加多一重口感。🥢金銀蛋浸菜苗，菜芯苗好嫩綠，加上大量皮蛋、咸蛋粒，令個浸湯味道更加豐厚，而我媽咪最鍾意反而係啲炸蒜，佢話真係又香粉糯，炸過更加香口😋。

><呢排澳洲龍蝦多咗供應香港 價錢變得相宜 所以好多酒樓都有推廣嚟吸引食客 上湯焗西澳洲龍蝦伊麵($388)原隻斬件上 擺盤砌得返頭身尾足秤之餘 龍蝦啖啖肉 爽彈緊緻泡咗油鎖住肉汁 亦增添香口伊麵底份量都慷慨紅燒煲仔翅($188)用gas爐令到煲仔翻滾店員表示胡椒粉係老闆特意調製我哋覺得個辛辣味好出大約有兩至三排翅群 仲有芽菜墊底星海薈小炒皇($148)材料豐富 xo醬炒幾惹味唔會死鹹韮菜花 白飯魚 蝦仁 蝦乾 腰果><><><><><><><><><><譽宴．星海薈銅鑼灣波斯富街99號利舞臺廣場5樓