星橋居酒屋

营业中

休息中

久唔久就會想食串燒，貪佢一串細細串，唔會太heavy，咁就可以試到唔同嘅款式～落order等咗一陣之後，串燒就陸續上枱啦，每串串燒都熱辣辣，果然係即叫即燒自家製免治雞肉棒 $58 ，免治雞肉棒喺餐廳自己製作，非常有心思！生雞蛋蛋香味濃，兩者一齊食絕對冇得輸。活白鱔$68 ，白鱔肉厚肥美，無魚腥味，非常有驚喜。雞頸肉$35 ，雞頸肉柔軟多汁，肥瘦比例完美，而且呢個部位亦都比較少見，所以一定要食。雞翼 $45 ，燒雞翼皮脆有肉汁，灑上少少嘅鹽已經好有風味。雞皮$38 — 雖然燒雞皮好邪惡，但真係忍唔住食咗兩串，實在太好味，肥都肥得抵😆燒油甘魚鮫 ，油甘魚肉肉質結實，魚鮫都有唔少嘅魚肉，配合日本清酒一齊食好夾🍶燒物以外，佢哋嘅鮟鱇魚肝同樣出色，口感滑嫩細滑、入口即化，怪唔得之有海中鵝肝之稱🤤🤤

之前已經食過佢哋嘅午市定食，質素高而且價錢合理，所以今次想試吓佢嘅刺身同埋炸物。店員誠意推介我哋試吓呢一個極上刺身拼盤，刺身每日由日本直送香港，絕對新鮮有保證。🤍極上刺身8點盛 $538有齊哂帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚，鮑魚上枱時仲會郁，真係新鮮到震！牡丹蝦都係回本之作，味道甘甜，喺一個質素上乘嘅刺身拼盤👍🏻👍🏻👍🏻兩個炸嘅小食都好吸引，刺身炸蝦頭好似食緊薯片咁，脆口到不得了！唐揚雞嘅雞肉唔柴，炸皮好薄好香口，好快就掃清晒😆總括嚟講，呢間居酒屋除咗刺身高質之外，其他嘅小食都同樣優質，very nice😍

Happy Friday約咗朋友去蘭桂坊飲嘢，想食少少嘢醫左肚先，咁啱見到呢間居酒屋嘅食物都幾吸引，咁就不如去試吓啦🤩去居酒屋一定要叫燒日本河豚乾，河豚乾油脂清香，拈沙律醬食非常惹味🐡口痕想食炸嘢，叫咗碟天婦羅盛合，包括有海蝦、冬菇、茄子、洋蔥圈，侍應話天婦羅材料會因應季節同埋食材新鮮度而唔同🍤天婦羅嘅炸衣香脆，就算擺咗一陣先食都唔會油冧冧，抵讚！另外嗌多咗幾串串燒，自家製免治雞肉棒用咗燒汁去燒，點生雞蛋食特別滑溜。活白鱔燒得金黃色，魚肉彈牙，簡單用七味粉調味已經帶到魚嘅鮮味。雞翼十分高質，雞皮燒到脆卜卜，encore咗兩串😍朋友話今次食得唔夠喉，約定要再嚟食其他串燒同埋料理😋😋

好掛住日本呀，所以成日都會去唔同嘅居酒屋，懷念日本嘅味道🥹今次俾我發掘到一間新嘅居酒屋，約埋朋友一齊食啲小菜，飲返兩杯先🍶🎌鮟鱇魚肝唔係間間居酒屋都有，但如果有我一定會嗌🤩佢哋嘅魚肝甘膄，口感細膩，人間極品！叫咗個佐酒小食，燒日本河豚乾用味林醃製，甜甜地令人一條接一條食，送酒一流🍻試埋佢哋刺身嘅質素係點先，呢個極上刺身8點盛嘅款式都幾多，廚師刀工了得，每件刺身都值得厚薄適中，特別推介帆立貝、三文魚同三文魚子，超級鮮甜，果然係日本直送嘅刺身🦑🦐🦞🐟雖然冇得去旅行，但呢間居酒屋確實可以令我解到去日本嘅癮，大推大推！

中環返工嘅朋友又有新餐廳可以食啦🥳依間星橋居酒屋應該啱啱開業冇耐，見佢環境都幾舒服，同事又話想食日本嘢，所以就即管試吓啦🤩🏮精選海鮮丼 $180精選海鮮丼嘅刺身每日都唔同，今日有吞拿魚蓉、蝦、八爪魚、魷魚等等，刺身嘅色澤光鮮，好新鮮！珍珠米粒粒都好飽悶，醋同飯嘅比例亦控制得恰到好處🍚🏮鰻重定食$188有2條手掌咁長嘅鰻魚，非常足料！鰻魚肉有彈性，又不失魚肉嘅柔軟感。鰻魚汁香甜稠身，用嚟配飯味道一流！午餐定食已包括咗湯、沙律同前菜，仲可以加錢叫飲品，我哋叫咗凍即磨咖啡同沖繩香檸梳打，即磨咖啡非常香濃，而香檸梳打有陣陣嘅檸檬清香，飲完好消暑❄️

位於中環嘉咸街嘅居酒屋，隱藏喺露天街市裡面，令人好好奇入面會有咩食，我哋今次就實測咗以吓嘅食物⬇️首先上枱嘅喺「極上刺身8點盛 」，8款刺身分別有帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚。刺身每款各有2件，個人最鍾意係油甘魚腩同呑拿魚腩，兩款魚腩嘅魚脂豐富，入口溶化，係質素非常高嘅刺身😊小食「唐揚雞」都深得我喜愛，表面炸得乾身，雞髀肉仍然鎖住肉汁，簡單榨啲檸檬汁調味已十分足夠🤩「三文魚牛油果沙律」嘅三文魚刺身切得好厚，混合埋沙律醬同牛油果味道豐厚🥳三款食物嘅味道都係水準之上，居酒屋午市都有唔同嘅定食提供，下次會搵機會嚟試一試👍🏻

中環新開居酒屋舖頭位置比較隱蔽但內裡夠闊落坐得幾舒服食物方面都幾高質用料新鮮之餘擺盤好靚Tartare造型嘅拖羅蓉丼好得意以後Lunch又多一個好選擇喇- 海膽拖羅蓉丼定食中環嘉咸街35-39號嘉豪大廈地舖

😚😚😚 遊走中環搵野食女仔真係任何時候都係想食日本野舖頭係新開業，環境好舒服好乾淨裏面有一幅大壁畫 好靚😍圖案係好多貓貓 狐狸+日系風. 配埋播放緊柔和嘅日文歌係好寫意既😚😚問店員有咩推介，佢哋都好詳細咁樣介紹沖繩西檸梳打 真心好味🍹🍵前後叫左2杯😌 我哋叫咗刺身拼盤(超級新鮮，其中我自己就好鍾意 帶子帆立貝鮑魚)，串燒(雞翼,免治雞肉棒,雞皮)雞皮餃子🥟感覺好邪惡，食起黎，又食唔停口，天婦羅(軟殼蟹+茄子), 值得一讚係個炸粉好薄，油溫控制得到啱啱好九條蔥牛肉卷，牛肉炒烏冬最好係送甜品 朱古力蛋糕仔 總結：鋪頭裝修/店員比我既感覺好溫馨(因為埋單時店員會主動問食物岩唔岩食，有冇乜意見比到佢地）加上環境好舒服嘅關係 輕鬆坐左飲下食下就過左3個鐘😆😆 有機會我會再去㗎🥳🥳🥳

前兩日到中環睇完醫生後，約咗喺附近返工嘅朋友相敍。朋友話佢公司附近開咗間居酒屋，想去試新嘢喎。。。。餐廳店舖雖然唔算大，但一入門口就見到一幅大壁畫非常吸睛，不失為一個打卡位服務員態度親切友善，店家為求客人食得開心滿意，會詢問食客意見，希望能夠做到盡善盡美食物方面，我哋點咗三文魚刺身,串燒（牛舌、雞腎、雞心、雞蘿柚、白鱔、翠玉瓜），辣炒牛肉烏冬，松葉蟹炒飯首先，三文魚厚度適中，新鮮肥美串燒正正常常，但值得一提係，經朋友嘅誘導下，嚐試咗我人生第一次食雞蘿柚。其香脆可口而不油膩嘅口感，令我衝破心理關口之餘，亦顛覆咗我對佢嘅概念另外；白鱔新鮮彈牙、翠玉瓜改用蒜香牛油烹調，而非一般嘅鹽燒，食落更加juicy，值得一試炒烏冬滑溜入味，微辣開胃。炒飯足料蟹味濃，但若能再炒乾身少少就更perfect 閒談間，傳來陣陣香味，原來係隔離枱客人order咗鰻魚定食，原條鰻魚，份量十足，非常吸引（果然係隔離飯香，哈哈）。下次有機會，我一定要會一會佢最後，當然要食埋清甜美味嘅燒菠蘿，作為完滿嘅ending啦總括嚟講: 食材新鮮，用心炮製，值得再試

今日lunch隨心揀餐廳，記得前兩日有人派傳單，記得佢友善嘅態度同有誠意嘅邀請，就去試下。入到去餐廳，環境舒適，食物質素ok，waiter有禮貌有笑容，有講有笑，下次會再幫襯。

早兩日行開PMQ嗰邊想食日本菜路過見到有間新開既居酒屋 環境氣氛唔錯😍一於試下～啱啱開業冇耐 店員服務都好周到帶位落單都有做足 非常熱情👍🏻店入面有幅可愛既特色牆 好吸睛🐱由於唔太肚餓 只係叫左少少刺身串燒另外叫左個炒烏冬 2個人share食特別推介雞串燒😋雞心雞腎雞肝都火候十足雞尾外面唔係度度有得食 尤其出色外皮焦脆 內裡雞味極為濃郁🤤總結：小店初初起步 水準唔錯👍🏻如果有更多選擇/特式菜會更吸引Overall環境屬於新派居酒屋雖然冇咁嘈咁熱鬧 但係更適合食住野傾計期待下次同朋友再黎😀

服務好，食物質素高的一間日式餐廳。雖然店舖不是很大，但服務員的服務態度非常之好，很親切，很友善，而且服務員會根據當天廚師的指示，推介當天最佳的食物。 午餐時間，有日式定食套餐，物超所值。晚市方面，特別要推介蕃茄沙律，燒牛舌，免治雞肉棒，特大虾天婦羅，梅酒尤其值得推介，而刺生大概有十款，每款都非常新鮮。位置方便，在中環地鐵站步行大約七分鐘，用中環半山的自動電梯上來比較方便，去開中環就可以上去品嚐一番。