星橋居酒屋

营业中

休息中

中環返工嘅朋友又有新餐廳可以食啦🥳依間星橋居酒屋應該啱啱開業冇耐，見佢環境都幾舒服，同事又話想食日本嘢，所以就即管試吓啦🤩🏮精選海鮮丼 $180精選海鮮丼嘅刺身每日都唔同，今日有吞拿魚蓉、蝦、八爪魚、魷魚等等，刺身嘅色澤光鮮，好新鮮！珍珠米粒粒都好飽悶，醋同飯嘅比例亦控制得恰到好處🍚🏮鰻重定食$188有2條手掌咁長嘅鰻魚，非常足料！鰻魚肉有彈性，又不失魚肉嘅柔軟感。鰻魚汁香甜稠身，用嚟配飯味道一流！午餐定食已包括咗湯、沙律同前菜，仲可以加錢叫飲品，我哋叫咗凍即磨咖啡同沖繩香檸梳打，即磨咖啡非常香濃，而香檸梳打有陣陣嘅檸檬清香，飲完好消暑❄️