星橋居酒屋

营业中

休息中

今日媽咪放假帶佢去食好啲，知佢平時返工忙好少陪我們吃野，今次佢話想食居酒屋，我就帶咗佢嚟呢間。🥳一入到去店員就叫我哋可以拎啲糖仔食，細細粒食落去都好甜，包裝精緻，一秒提升好感。🥰我哋嗌左鰻重定食，送到過嚟嘅時候嚇咗一跳，因為兩件鰻魚好大塊，而且燒得好香，食落去鮮甜，鰻魚味十足，而且好少刺，因為本人最驚食到刺。😝啲飯軟淋淋，好適合配鰻魚，不過如果可以有多啲醬汁就更好。😍另一款精選海鮮丼都好好味😋，首先食材新鮮，望落去已經忍唔住想食，賣相精緻。墨魚Q彈爽口鮮甜，蝦肉肥美。下面都係一樣鋪咗啲飯，唔驚齋食啲海鮮咁好單調。🔥呢間居酒屋味道好，勁抵食，環境乾淨，服務水平高，極之推薦大家同朋友一齊嚟食，會係一次開心嘅體驗。😋

放lunch實在太肚餓，諗都冇諗清楚見到附近有間日本餐廳就入咗去試，原來呢間係開咗冇幾耐嘅新餐廳，見佢環境都好新淨，但估唔到啲嘢食又幾好味，已經成為我會再次回訪嘅飯堂啦！呢排Keepfit 想食得清少少，所以就叫左個榎茸醬拌豆腐沙律，夏天食好爽，因為即時個人冇咁熱。而且佢係全部素食，比人一種好輕盈嘅感覺💫呢個日本河豚乾燒到顏色好靚，而且油脂清香。用嚟飲酒小嘅時候做小食，簡直一流啊！咁食日本野一定叫埋串燒先得啦，我就叫左一串雞頸肉，估唔到串燒竟然燒得好香又多汁！好好食😋

男朋友好鍾意食日本嘢，我哋又唔算好肚餓，今日就帶佢嚟咗呢間日本餐廳食下日本小食同串燒滿足下佢😋其實我自己都好耐冇食串燒啦！今日要食返夠本🤭我就叫左雞頸肉串燒，顏色燒到金黃色，雞頸肉口感比較有咬口，幾好嚼😆本身仲想食其他串燒，但見到啲小食都好吸引，所以叫左其他。呢個雞皮餃子都好有日本風味，唔係到到有得食😆雞皮做個餃子皮更加有油香，而入面嘅餡都仲有好多肉汁，又一啲都唔會油🥹跟住梅子蕃茄好清新，酸酸微微咁。而燒油甘魚鮫都燒到好靚仔，仲要好多魚肉添！一啲都唔腥👍🏻

難得終於約到好耐冇見嘅朋友一齊聚會，我就揀咗佢最鍾意食嘅日本餐廳同佢食返餐飯傾吓計，雖然呢間餐廳係新經營，但係見佢嘅評價都唔錯，食物嘅選擇都幾多。串燒方面我哋都係叫咗啲雞嘅串燒，估唔到雞翼串燒種類都有咁多種，我哋叫左雞頸肉、雞皮同雞腎。雞頸肉雞肉細嫩多汁又啖啖肉好正！雞皮就燒得好香，雞腎就好好咬口。而呢一個梅子番茄好適合夏天嘅時候食，熱辣辣食返啲酸酸甜甜嘅嘢好開胃，即刻降下溫。最後係超級吸引嘅天婦羅盛合，我哋都好鍾意食炸嘢！日本野一定要食天婦羅啦，熱辣辣脆卜卜。下次一定會再嚟試吓佢哋啲主食同埋繼續食串燒小食😍👏🏻

中環新進隱世居酒屋，冇人介紹冇人帶真係唔知唔識去😅 其實就在街市斜路上面，都吾難搵，冇失望還有驚喜，開心老闆娘很年青，很親切。居酒屋座位不多，枱與枱之間有一定距離，坐得很舒服。呢晩試左很多很多菜式，差不多點了整個menu 🥳 每款都在水準之上，不多說，看圖吧😆 最有驚喜是招財貓🐱冰，梅酒🥃上枱個刻，我們各人都哇哇聲，好得意🤣 爭住叫梅酒。原來招財貓只有女仕才有睇左lunch set 價錢百零二百，下次要試吓lunch

今次呢一間中環嘅日本餐廳真係好值得推介大家去試吓，因為我叫咗呢幾款食物都覺得好滿意！呢個好驚艷嘅極上刺身8點盛真係好豐富，有八種唔同嘅刺身，包括有帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚。全部都好新鮮而且有一定嘅水準，擺盆又擺到咁靚，搞到我都唔知食邊樣好呀，但梗係全部都要試，因為全部都係好新鮮又好味😋夏天熱辣辣都好啱食返個沙律，見到佢哋有一個三文魚牛油果沙律都幾吸引，估唔到佢哋嘅三文魚同頭先嘅刺身一樣係好新鮮，而且連埋營養價值好高嘅牛油果撈埋一齊食真係好正啊！呢個雞皮餃子都好特別呀，我未食過🫣但我朋友話必定要試下，估唔到又有驚喜喎！雞皮外表金黃，口感又酥脆，一咬落去入滿仲有肉餡，正🤭

身為一個日本達人，冇得去旅行嘅期間，我成日都會去唔同嘅日本餐廳試吓日本嘢食，今次朋友話中環附近有間新開嘅日本餐廳都幾好，咁就一於等我試吓係咩質素！我去日本餐廳就一定會叫佢地嘅串燒，今次都叫左好多串🫣當中有雞頸肉、雞翼、雞皮、雞腎同埋佢地自家製嘅免治雞肉棒🐔我自己就最鐘意雞翼，勁惹味又嫩滑！不過其實全部都係好多汁又juicy😆呢個天婦羅盛合好豐富，海鮮天婦羅嘅炸漿係靈魂所在❤️，大大啖咁咬好正！真係又香又脆，酥脆口感一流 ！超滿足😍整體來講我覺得食物嘅選擇都幾多，同埋都真係可以做到日本風味，環境都舒適，店員嘅態度都好好👍🏻

琴日見到班好姐妹介紹去左位於中環嘅餐廳食嘢😉望到呢一間餐廳啲日本嘢食好吸引，姊妹們都話好好食，一於要去試下！最緊要叫返個極上刺身8點盛先，佢有八款刺身咁多，分別係帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚❤️全部都係貴價上盛嘅刺身，而且絕對新鮮！牡丹蝦鮮甜，又晶瑩通透！帆立貝大大粒！而三文魚、吞拿魚腩、油甘魚腩都超厚切肥美！然後燒日本河豚乾連埋酒飲就啱哂！煙煙韌韌咁好好嚼😆跟住雞皮餃子又係正嘅，餃子皮脆香，肉餡又熱辣辣兼多汁。最尾嘅天婦羅盛合，將不同嘅天婦羅炸到鬆脆可口！大人小朋友都鐘意同實岩食🥰

今次呢間餐廳係我同事大力推介比我，位置好方便易搵，雖然新開張但都保持到高質素嘅食物水準，確實值得嚟一試嘅🥳午市定食我就揀左呢個特上十貫壽司，價錢就$188，但有十款唔同嘅壽司，所有都唔會腥，十分新鮮呀🤤入面有幾款壽司我都好鐘意。首先係海膽壽司，鮮甜又creamy 。跟著就係三文魚籽壽司粒粒飽滿分明，精瑩剔透，入口爆開有滿滿魚油鮮香。之後就係三文魚腩，肉質柔軟鮮美，又無骨，滿口油香❤️總之就款款壽司都咁好味啦！見到佢哋有個鰻魚飯都好似幾正，下次lunch一於嚟試吓呢個先！

中環有一間新開嘅日本餐廳，有各種不同嘅新鮮刺身、壽司、串等等各種不同日本嘅小食，款式十分多樣化，梗有一款啱你心意❤️今次就同大家推介以下呢幾款小食！第一款小食係燒日本河豚乾，食落口口感煙韌，咬落鮮甜，越食越香，食唔停口！第二款就係雞皮餃子，外表好香又脆，而且餡料豐富，有滿滿肉汁！第三款就係鮟鱇魚肝，佢有豐富的脂質，食落有豆腐般滑嫩的口感，好正呀！最後仲有個極上刺身8點盛，刺身種類多元化，水準都好高！全部都好新鮮，份量都好多，同屋企人一齊開心share就最岩啦！

返工嗰陣有同事介紹話就去左間新開日本嘅居酒屋食嘢❤️比左啲相我睇，我見啲食物又好似幾吸引喎！環境又OK舒服，今日去咗放鬆一下食下好野！首先叫左呢個相當吸引嘅極上刺身8點盛！價錢唔平嫁，要$538。不過啲刺身質素好高，係值得呢個價錢嘅👍🏻。佢有八款唔同嘅刺身，分別係帆立貝、牡丹蝦、赤身、三文魚、吞拿魚腩、油甘魚腩、三文魚子同鮑魚。全部都好新鮮，好正呀🥰。另外叫左個鮟鱇魚肝，口感滑嫩細滑、入口即化。而燒日本河豚乾都好掂呀，燒完口感肉質煙韌，又好鮮甜。

聽朋友介紹有間新嘅日本居酒屋唔錯，喺中環對我來講又唔算太遠，Book mark咗今個同朋友一齊行完街去試吓。串燒方面，我地叫左雞翼同雞皮😋雞皮好厚實，仲要一啲皮下脂肪嘅腥味都無，越咬越香😆而雞翼就更加出色，燒至兩邊都金黃色，仲要肉嫩多汁😋之後仲有個燒日本河豚乾，好好嚼口，都幾有炭燒風味。最後食埋辣牛肉炒烏冬先飽，香辣牛肉唔會韌而且烏冬仲好滑添！好味呀～下個月屋企人生日都諗住再帶佢地嚟呢到再試下佢哋嘅壽司同刺身✨

位於中環有一間新開嘅日本🇯🇵居酒屋，地方空間不算大，但勝在環境舒服，店員服務態度好，而且食物味道都確實唔錯。餐廳食物選擇多，今次會向大家推介以下其中三款。✨榎茸醬拌豆腐沙律 $78呢個豆腐沙律比平時食嘅沙律特別，因為好少見有豆腐嘅沙律，係沙律上面仲有用醬油醃好嘅金菇，令到口感更加豐富同滋味，好岩夏天食！✨雞皮$38/2串而串燒我就叫左燒雞皮，$38有兩串好抵食呀！而且雞皮燒到好酥脆，正😆✨燒日本河豚乾 $98呢個日本河豚魚乾燒到香甜美味，口感一啲都不韌，用嚟送酒係唔錯嘅小食。

今次同朋友嚟到呢一間新開嘅日式餐廳，雖然舖頭面積唔算好大，但係坐得都好舒適，而且環境都係比較新派嘅日本風設計，店員服務態度都好親切。今次一共就叫咗三款嘢食，分別就係極上刺身拼盤、唐揚炸雞同雞皮餃子。首先講咗日本餐廳必食嘅極上刺身8點盛先，我覺得全部刺身都好新鮮，擺盤設計都幾靚，賣相係吸引嘅先。而且刺身嘅款式都幾多唔同種類，吞拿魚腩同油甘魚腩嘅油脂超豐富，真係每一啖都好滋味。而牡丹蝦都好鮮甜呀。其他嘅刺身都唔錯。另外叫咗兩款小食唐揚炸雞同雞皮餃子。唐揚炸雞炸到好香脆，上枱嘅時候仲熱辣辣。而且雞皮餃子都好特別，之前都未試過！估唔到用雞皮做嘅餃子係咁好味。

呢間係一間新開冇幾耐嘅日本餐廳，我個朋友都想嚟試吓，於是今日就約埋一齊試一試啦👍🏻天婦羅盛合有好多唔同嘅炸物，自己本身都好鍾意食天婦羅，可以滿足晒我嘅需求，炸粉又唔算太厚，脆卜卜咁好正。三文魚牛油果沙律做前菜一流，沙律嘅材料好簡單，但簡單得嚟又健康好味。三文魚好新鮮同牛油果嘅味道超級夾，牛油果嘅份量都唔少可以均勻地令到每一啖三文魚都有牛油果嘅香味，連埋啲沙律菜食就夠晒營養均衡！鮟鱇魚肝有"海中鵝肝"之稱，可想而知係有幾正啦！無錯佢嘅味道真係好似鵝肝，口感真係滑嫩，仲要入口即融。最後嘅就係雞翼啦，佢哋嘅雞翼係用咗串燒嘅方法去燒嘅，燒到金黃嘅顏色，食落好脆又好香，肉汁又Juicy☺️✨