星林居雲南米線餐廳 (已結業)

首先，在帶位的環節，呢度啲職員，態度真是很差。好似帶監犯咁押你去佢指定既位置。首先是個女職員指定你要坐邊，咁我唔鐘意坐嗰度，之後自己坐去第度，然後個女人就當面俾說話你聽。然後有個老男人，帶眼鏡的那位先生走過黎逼你坐對面，掉位。真無禮！完全不是對客人應有態度。其實現場根本得6成枱有人坐。我本身想走，不過姑且食一次。其實星林居是我讀紅磡大學時代的味道。相隔67年回來想再吃以前的味，發現比以前退步不少，可以說差了很多。5蚊冬菇是兩粒仔，一蚊銀咁上下大。再來是豬軟骨像瘦肉，不像豬軟骨。

香港有好多間米線鋪，除左連鎖果幾間，我都會幫襯下d小店。今次去食一間尖沙咀樓上既星林居。湯底唔錯，叫左麻辣，辣得黎都夠味。米線都軟硬適中。餸既選擇都相當多，竟然有雞翼！叫埋汽水40蚊左右，抵食！

本來懷著幾高的期望去尖沙咀食星林居米線，話晒都係得過奬呀，點都要黎一探虛實。叫左一個湯一個撈。湯的米線不過不失，尚算合格，份量夠晒大，配菜都好多，有腐皮、芽菜、芹菜⋯⋯揀左豬腸、腩肉做餸，都算入味。對於平時食開南記、譚仔的我，星林居的湯米線都算係一個新嘗試。但係個撈米線的味道只能用奇怪黎形容，可能我自己揀左要多醋，搞到怪怪地。雖然今次的經歷有啲失望，但我都會俾多次樣會星林居，下次揀返少醋，出黎的結果可能會好好多🤔。

作為一個酸辣粉/麻辣米線狂, 不時會搵下有邊間酸辣粉/麻辣米線好食。最近轉左o係廣東道返工, 搵左一段時間, 最近公司o既酸辣/麻辣米線已經係星林居。其實本人鍾意食薯粉多d, 不過星林居似乎只得米線選擇(?)第一次幫襯星林居, 一早已經上網搵定資料, 知道中午時段會好多人, 所以選擇左外賣自取返公司慢慢食同"呻"鼻涕。叫左個生菜腐皮米線大辣普通酸, 等左大概5-10分鐘, 拎外賣時覺得好重手, 返到公司打開, 係一~碗~滿~面頭係大量荽茜蔥, 下面係芽菜, 然後係生菜腐皮, 米線o係最底。感覺上芽菜佔左成碗麵o既1/2, 米線份量唔多, 而上面又舖滿其他材料, 好難夾到d米線上黎食, 差唔多食晒上面d餸先食到米線。因為我個人鍾意餸多過麵, 所以呢碗米線o既比例我非常ok(正常人應該會覺得芽菜太多, 米線太少)大辣真係好夠辣, 食到我眼淚鼻涕一齊流, 而家個胃仲好辣(1:30pm食, 2:30pm寫呢個食評); 普通酸味道剛好, 湯好濃郁, 食完有dd口渴; 生菜愛腐皮ok啦, 唔係咩特別野, 生菜夠脆腐皮夠滑噤啦; 米線因為外賣o既關係淋左, 但唔會難食。好後悔一開始為左夾d米線上黎,

一個月至少去一次，不嬲唔會要求要咩服務，但今晚真係超誇張，覺得自己去左呃遊客嘅店！話說我一行三人叫左兩碗米線加一杯野飲，咁有個叔叔落單就話"你地三個人叫兩個米線，所以野飲無跟餐價"咁我話ok,過左幾秒突然諗起，之前咁叫都有跟餐價，所以就諗住問清楚（諗住可能改左有最低消費之類），點知叔叔就話"差過四蚊咁你要唔要呀！"態度惡劣到一個點，即刻拎袋諗住唔食走人，阿叔就兇我話"落左單啦喎！！"即係唔比我走啫，因為帶住台灣朋友，所以朋友就話算啦。以後唔會再去，一肚氣，雖然佢地唔會care少一碗米線。投訴唔係果四蚊嘅問題（雖然最後我唔知究竟有冇收，因為食開都係差唔多價錢），係員工態度令我覺得"你咪唔好黎食囉，我唔care"

以前黎尖沙咀如果下午諗唔到食乜嘢, 總係會嚟幫襯星林居既小鍋米線... 🍜 都唔知食過幾多次喇🙈不過今次一定要想來寫下食評😢呢度既小窩米線唔算十分吸引, 所以沒有刻意影相餐牌同以前都一樣沒有變, 以前黎呢度食原因係好食, 不過依家味道已不再🍜小窩米線湯底不比以前濃郁, 米線食落都冇咩口感, 整體而言只可以話係一般嘅小窩米線😅😅😅 其實比起以前真係差左好多....😔👎🏻不過因為係尖沙咀都屹立左一段時間, 而且都儲左一班熟客仔, 當日黎到雖然沒有滿座嘅情況不過人客都唔少...今次令我寫食評嘅除咗係佢哋嘅米線冇以前咁好之外, 仲有就係呢度嘅服務態度認真差! 🙄🙄🙄👎🏻👎🏻👎🏻上到黎餐廳絕對唔會有人過嚟問幾多位, 自己黎度搵位座....坐低自己寫紙, 不過冇幾耐職員就會企定定係你個位到, 明明我都仲諗緊食乜同佢講等一等先, 但佢仲要好不耐煩地企喺度😰到我寫好咗啲職員叫都唔會過嚟, 服務認真係一流... 如果唔係入咗嚟嘅真係認真冇下次!

米線少咗好多。普遍酸已經夠，再鍾意食酸都唔好再再一度，雖然湯自己帶鹹味中和。豬腩肉都係一片片，但感覺比樂道嗰間少咗啲嘢。另外餃子要熱食呀，做過實驗，冷拌感覺好怪。檸檬茶沖得唔好。

聽完seminar後想在附近吃點東西,同行友人極力推薦星林居,而我也喜愛吃米線,所以到了星林居一試。環境是可以的,不擠逼, 而且人流不多,不用吃完就立刻離開。 我選了肥牛芝士腸酸辣米線, 湯底很普通,米線有點煮得過頭,完全談不上好吃。 友人也認為這次大失水準, 不知何故比以前差了很多，最後他也吃不完整碗米線。 可以說,隨意進一間米線店都可以有這個水準。 可能是帶著少許期待進去, 吃完以後真的有點失望,以後應會再到其它米線店嚐嚐。

簡直係趕客我男朋友話好食，於是今晚收工去食當時7點幾左右未開始多客人寫完紙之後叫呀姐落單，點知叫極都無人應都算啦，咁我男朋友自己拎出去啦等左起碼15分鐘兩碗麵都未到於是叫呀姐幫我跟一跟點知佢唔應機仲望住我黑面轉頭有個客人比錢，個收銀好大聲驚死無人聽到咁話：岩岩比錢呢位小姐由坐低到比錢都係用左半個鐘咋，人地不知幾滿意，都唔知點解有人話d野食黎得慢我平時對食無咩要求如果佢同我講等等/整緊/漏左單⋯我都唔介意但d職員做到唔應機+黑面+係客面前串我呢種態度我相信無人接受到態度咁差，d野食幾好食都唔想再去

鍾意食米線嘅你 又點會未聽過星林居👅仲有都市傳說「樂道係好食過金馬倫道」好耐無食 聽人講咗好耐話難食咗好多 咁岩行過尖沙咀就去食下先😂-嚟到就緊喺tick 哂所有野 非常酸 小辣 重點喺非常酸 佢個湯嘅精粹就喺要非常酸👅再配埋佢啲肉碎同酸菜真喺好正 但而家就好似變咗回憶中嘅味道所有餸都變得好普通 豆卜好硬 雞翼縮咗水 又唔入味 湯底酸度無以前咁好食😭以前樂道真喺好好食 但而家同金馬倫道水準差唔多 味道又好似淡咗好多😭睇嚟我喺咪要搵過新嘅米線🤔

話說同男朋友出尖沙咀睇燈飾，就諗住食開星林居就去拿拿聲食完就出發，一出𨋢，企係卡位附近時無人理我地，我地就諗住事但坐啦，坐左係個卡位度，坐左一秒，即刻有人問我地幾人，我地話2個，佢就話唔得唔得唔可以坐呢度Ok，我地諗住佢會指個位俾我地啦，點知無囉，fine，我地再自己坐底。坐底就開始睇食咩啦，一向食開都好中意多芫茜多葱多韮菜，望一望張紙，無左呢d揀，只係有得俾你揀有同無呢d配料，你唔圈就無。咁我就梗係會揀晒呢d配料啦，之後仲揀左豬潤同雞翼，再要多罐可樂添。等啊等，等左10分鐘先有野飲黎，再等多5分鐘就有野食，放底第一件事就飲淡湯先，只係暖，唔係熱，心諗不妙我d豬潤實唔熟，一夾，舊舊都有血水，拿拿聲浸一陣睇下，浸左2分鐘都唔熟，咁就叫人黎整番熟啦。收左，等左陣，俾番我，摸一摸隻碗，頂，又唔係熱既，再細心夾下d豬潤，妖，又唔熟架喎，即吐左d，再叫個阿叔行埋黎睇，"吱"d血水俾佢睇，佢呆左望住我，我話又係唔熟架喎，佢話浸佢落d水度咪得囉，我話你確定你d湯夠熱？佢又呆左，我話你再整過啦佢又拎入去整，一陣之後，又拎番我，一睇，真心想講粗口，又係碗唔熱豬潤有血水(一吱就有)，捱算啦，我夾晒出黎，唔

7點鐘去到唔駛等位真係好少有，不過佢係3樓，壞左lift，要行樓梯真係好吃力！其實我都係第一次去食，平時都係食譚仔多，所以想試下小鍋米線。呢度米線底$24，自己tick好方便，最中意連走蔥走芫荽都可以tick，唔怕唔記得。我叫左雞尖豬腩肉米線（$35），但黎左雞尖肥牛，但食食下先知，所以就算數，但廚房好唔小心。米線都好大碗，味道都好好，雞尖都夠味，肥牛又唔會煮到好硬，不過叫左小辣都好似無辣咁，有啲失望。雞尖同肥牛數量都夠，唔會話唔夠餸，米線都好多，食到好飽。總括來說，我會俾3.5/5，食厭譚仔食下其他米線都唔錯的。可樂仲有特價，$5罐，好抵！食完無人等位都唔會趕我地走，算唔錯喇～

last weekend i was eating in this noodles restaurant, I was with my fd 2 persons walking in to the restaurant, but I have one more fd are coming on the way, so i was telling that we have 3 ppl first. After that the staff was asking us to sit in the 4 seats table, then he was warning us" Remember you should have 3 ppl totally." then we were order the foods and drinks, after that the staff was warning us again "If you don't have 3 ppl, your beverages need to charge the extra fees as the formal p

呢間系尖沙咀有兩間分店，上次食開嗰間覺得差咗好多，今次就黎試吓呢間...基本上佢哋所有野係一模一樣，唔知味道如何呢！？今次叫咗少少辣加豆腐卜、豬大腸、金菇菜，佢地既湯底味道同分店一樣，都係重味精（食完勁口渴），有味精就一定夠晒味，而且米線份量過少，食晒一碗都唔覺得飽。另外，豆腐卜非常干！！浸左一段時間都係咁！佢地究竟有無煮過？豬大腸好多肥膏，好唔開胃金菇份量都係極少！佢地唯一好在有我中意既芫茜～

因為友人的推薦，我第一次光顧星林居。從地下走了三層樓梯後，我們來到了一間以光線不算充足的店舖，店員領著我們落坐，位置與位置之間並不算寬敞，我們聊天也會小聲一點免得打擾到左右兩旁的人。隨手取出點餐紙，我一陣訝異。這點餐紙任客人自選自填，還包括了全走、加蔥、走芽菜等等選項，讓客人可以明確切實的表達到自己的需要。像我，我吃米線總是需要走芽菜的，每一回落單都不忘說，而自己也怕會說漏了。我挺喜歡這點餐紙，還真是貼心。我點了韭菜餃米線，走芽菜走莞茜加蔥。先喝了一口湯底，鮮甜濃郁的味道充斥口腔，情不自禁又喝一口。這湯大概是整碗米線的精華所在，跟市面上的連鎖米線店完全不能比擬。米線煮得恰好，不會硬身也不會過軟。再來是餃子，不算太大顆，但每一顆也皮薄足料，每啖也吃到韭菜跟肉，挺好吃的。吃畢後，還是留戀這湯底，又不自覺的多喝了幾口。一個米線的價格不算貴，需加多少錢視乎你點餐是點了多少餸而已，在尖沙咀這樣處處價格高昂的店舖裡，這餐廳顯得十分抵食。若下次再光顧，我最期待的相信會是這觧甜味美的湯。