星林居雲南米線餐廳 (已結業)

我成日都幫襯LEE間米線舖架....佢D米線好好味，而且大大碗咁，每次都食得好飽放左學之後去食晚餐，今次我又係叫左蘿蔔同埋豬大腸，小辣同小酸....等左大約5分鐘，終於有得食啦好大的一碗唷.....今次米線煮得唔夠淋，硬左少少....不過仲可以接受既佢每次都到D蘿蔔好甜，好好味......另外，豬大腸亦會比我感覺到無咁肥，因為出面食豬大腸通常都會有好多好多既肥膏，佢lee度就無lee個問題，所以每次都會點豬大腸...另外，佢lee度既裝修真係好怪，明明係米線舖，都唔知點解佢整到個格局好似人地飲酒既地方，仲有既係一出(車立)好多既燈lor....又熱wo.....都唔知佢想點...而服務態度都麻麻地.....不過算啦，我都係為左碗米線而黎者 ..

朋友介紹，說星林居的酸辣米線不錯，之前在樓下行過幾次，但佢門口D"廚神"廣告實在太騎呢，所以一直都冇上去。趁中午在尖沙咀工作，鼓起勇氣走上去試下。黑沉沉的裝修，似間酒吧多過似食米線。店內電視播著九十年代的MV，整體感覺和樓下那個廚神廣告一樣騎呢。點了小鍋米線，加炸醬、大腸、豬潤。米線加入大量酸菜，挺開胃的。炸醬不錯，但略嫌太咸，大腸、豬潤都是普通貨色。整體味道不錯，但賣相就...

去完HMV(因為有禮物卡),想食碗米線就行咗入嚟!此店装修感覺怪怪,門面金光閃閃裡面黑黑沉沉,牆身枱面又有古怪文章感覺似酒吧多過食肆,可能是用回上手的格局吧!金錢肚、豬腸、肉碎同豬軟骨大麻辣米線----一上檯只見到有一堆芫茜葱比成層紅色辣油浸住!見唔到米線, 金錢肚同猪腸幾韌吓! 豬軟骨都算淋嘅,但個湯底真係好咸!咸到有苦味, 同埋一夾起米線就見到成碗都係辣椒核同花椒粒! 不是辣味令我食唔落而係食一啖米線就成口辣椒油,加上辣椒渣黏住喺喉嚨搞到痕痕地, 點食落去呢？最後剩係食咗餸就算數!係味一碗「正宗」麻辣米線係有咁多辣椒渣同油嘅呢？如果架車可以辣油當電油用,呢碗米線都可以頂到幾公里！

本來應該系3號寫上嚟咖，輪到依家先寫，真系唔好意思。 呢日得行，拖埋友人一起行尖沙咀，剛落車差唔多系食飯時間，我話一定要去星林居食返米線（以后就系我定點餐廳之一喇），行到店鋪門口，入面爆滿，不過靠窗隔離個四人位系空咖，又系上次個位，好似專門留俾我坐咖喇喇聲行入去坐定先。呢次醒目喇，要個小酸＋小小辣豬軟骨多芽湯米線。 米線一端上嚟，酸湯就撲鼻而來，事不宜遲先飲一口湯先，哇，還是那么酸甜可口，講嚟講去其實我就系為左呢個湯而嚟，大大碗的米線食完就有一種飽食感，滿足！ 呢次d伙計有改進，做野快手好多，有個中年婦女系度幫手，唔通系老板娘？！去洗手間的地板非常滑，因為系廚房隔離的關系，如果要去洗手間的朋友要注意了，我在回來的路上差點來個四腳朝天 埋單，兩個人先50蚊，呢個價錢系尖沙咀應該不多見喇，不過希望老板唔好加價，所謂薄利多銷就系呢個道理 系咯，老板，天堂2的對面墻貌似裝修過，不過差點擺設，感覺空蕩蕩咖！ 我會再嚟幫襯咖等我酸湯（呢次冇影到相，因為嘴快過手）

呢晚黎同朋友仔聚聚貪呢到夠靜又可以坐得耐~一入到去嘩... 咁暗gei!!??都唔理啦, 朋友仔話好食, 即管試下啦~懶得諗gei 關係, 叫個set, 個名就唔記得啦~都幾豐富, 淨係佢原本gei 芽菜, 葱, 韮菜, 酸菜, 腐竹都已經一大碗啦~仲有雞翼, 紅腸, 辣肉碎and 腩肉~湯底幾好味~ 幾濃郁~ 辣肉碎and 腩肉好食呀~~ esp 腩肉, 唔太肥, 甜甜地, 幾好食~凍檸蜜幾好飲wor~佢係用荔枝蜜gei, 飲到最後都仲有甜味, 幾好~~呢間米線都幾搞笑請好多外籍人士, 又唔係溝通唔到gei, 不過真係好搞笑~~

當初朋友知我嗜辣, 所以專誠帶我來 [ 星林居 ].是吃雲南米線的.上到去感覺好怪, 因為好黑. 唔似一般燈光火著食米線地方.今次再來, 樓下門口變得~ 金光閃閃 !!! 重有副好俗氣的男食神相 tim. 枱面有紙仔有筆, 剔左入單.湯底有 9 種不同程度的辣, 香港好多人唔多吃得辣, 所以有完全唔辣的. 但最好吃辣, 因他的辣肉碎好香好野味. Good另外, 一定要加酸菜, 他 '吊' 起辣湯味道, 有晝龍點睛之妙. Good但不可剔 , 正如其他網友講, 會酸到食唔到. 普通就夠了.(其實剔錯了, 太辣或太酸, 可以問佢地攞碗湯溝淡佢).我是麻辣迷 . 我每次都剔麻辣. 佢地呢個味真系第2 度食唔到. 上次剔勁辣真系幾勁! 我勉強可以招架. 哈哈D餸~豬潤 新鮮, 蘿蔔加左糖, 勝在夠淋, 通透. Ok . 魚腐 正 . 雞翼都幾食. 豬皮 唔夠淋, 唔多入味. 其他未試.配菜~蔥, 葱, 韮, 酸菜...等. 可以剔 普通, 多, 少 .飲品~汽水$6. 奶茶, 咖啡 $9 .凍飲 $12 .舊年有意大利野賣, 應該唔掂. 而家無左啦.呢度伙計服務幾好

居林居已經係我既飯堂, 每星期起碼黎一次.每次黎都係食酸辣, 雲吞, 紫菜, 少少辣, 多茜, 多蔥. 環境 - 舒適. 電視有mv播. 但桌面成日都抺得唔乾淨, 好多時都有上一手既湯漬. 筷子擺得太近, 客人好容易彈到啲湯落去.湯底 - 味道濃郁, 酸味令人開胃, 湯底配料夠. 可以齋食米線唔叫餸都得. 餸 - 試過好多餸, 大部份都麻麻, 部份餃類丸類唔新鮮咬落散. 腸仔紅腸最穏陣. 菜好少, 得幾條. 推介豬腩肉, 入味, 甜甜辣辣地. 雞翼尖入味. 雲吞ok. 飲品 - 建議飲罐裝, 手沖飲品麻麻, 凍檸茶時甜時無味. 試過叫凍咖啡, 無奶味無甜味, 同侍應講, 佢就淨係加糖水, 無加奶, 之後佢再加奶, 最後杯野搞不知所謂, 無晒冰, 終於忍無可忍同另外一個醒啲既侍應講佢先換過杯.服務 - 唔明點解成日請外地人, 有時問佢地擺野佢好似聽唔明. 但服務ok, 有禮貌, 落單快, 收野快.

相片太大 放不上來 這次是我第四次來星林居了是朋友介紹我來我也介紹過朋友來大家都覺得不錯的米線店真不相信在openrice的笑臉跟哭臉是一樣 這次試了一個完全不辣的米線點了豬腸 蘿蔔 和 冬菇另外一個是中大辣忘了是什麼配料 因為不是我點的 另加檸檬cream soda湯底 蘿蔔 冬菇都是一貫水準 不俗只是蘿蔔的甜味有點假中大辣就真是太辣了另麻煩服務員給我們一碗清湯衛生方面沒有大問題是座位上有滴湯而已 服務也不錯 收碗快 也很禮貌不知是不是我運氣好 一直都沒有遇過什麼不好的事所以我蠻喜歡這裡 這裡是我吃米線的首選 ( 跟景霖 譚仔 和 紅磡現代巴蜀麻辣米線相比 )

夜晚行TST,見到間野寫咩食神咪試下叫左小鍋米線,小小辣,豬潤,豬軟骨同墨魚丸, 其他正常樣樣料得好小,2粒丸,2舊骨, 係得D豬潤多少少,不過太碎同細塊, 舊豬軟骨都唔錯碗野剩係得酸甜味, 同埋好多漿, 好似食緊擔擔面,一D辣味都冇,可能我叫左小小辣杯柑桔蜜好鬼甜如果以40蚊黎講,我寧願去譚仔食套餐仲抵

　　食過三四次米線，呢間應該算系ok。甘日行尖沙咀，行到肚餓，正好行到呢條街嚟搵野食（因為呢條街多野食）。隔離d店鋪差唔多都幫襯過了，所以甘日搟呢間嚟試下。　　入埋位，臺面有前面客人食剩的雞骨，等咗好耐竟然冇人嚟(汁),更加唔曬講有茶水了。叫咗witer嚟汁野，個女仔先嚟睇下，之后用手汁走咗d雞骨，之后過咗好耐摞了條毛巾過嚟，唔知點解突然間有人叫佢，佢丟條手巾系我地臺面就走咗去，又等陣一排佢先至嚟抹干凈，另外個男人拎兩杯茶擺系臺面。就甘簡單的野，我地竟然等咗成10分鐘，真系佩服，有陣時間真想走咗去算了。　　點餐都幾特別，系自己摞張紙跟住自己劃中意的野，我選咗小小辣＋香菇丸（爆香）＋多酸＋多芽菜。　　等唔到幾耐，個米線就嚟咗，第一時間試下d湯先，哦，刺喉嚨，系因為我點咗多酸的緣故，小小辣都冇咩感覺，睇嚟如果下次有機會我會選擇普通酸和小辣。地米線味道唔錯，所有材料入曬味，香菇丸入面的料都幾好味，最后想飲多d湯都唔得，因為太酸只有放棄咗。　　總得嚟講，呢間米線d味道唔錯，系我食過最好食的喇（不過我只食過幾次）又多選擇，光是辣同埋酸都有甘多選擇，真的系考慮周到，不過希望d服務員可以改善下服務質

以前係附近返學時我成日幫襯，但現在感覺它比以前細碗左，店名又換左...好在味道差唔多。最鐘意食佢既腩肉、蘿蔔小鍋米線，佢d腩肉好入味，D味較得剛剛好，、肉質又諗，唔同別家架；而佢d蘿蔔又清甜同冇渣，正~*雖然細碗左又加左價，但因為別家食唔番，都會KEEP住去食既...最勁試過中辣，真係好鬼辣，而且佢D肉碎都辣辣地架，唔食得辣既人要小心啦...近排黎幾次都唔使等位，冇以前咁爆啦，佢係尖沙咀樂道仲有第二間分店喔!

餐廳裏面的環境很好...座位夠寬敞舒服!!~~服務員的態度友善!!!講到食物方面---水準好好..米線口感軟滑...每一次食都不失水準!!~~湯底要叫小辣或以上先有肉碎....湯底的味道好濃..但感覺到不是味精湯底!!是真材實料...可隨著個人喜好叫餸...樣樣餸都咁好味...仲要好抵食+好大碗!!!~~值得一試!!!~~~~

好同意覓食王講, 多酸真係太酸. 第一次去, 又估唔到d米線咁多, 無叫少米線, 結果無乜湯之下, 成碗野好似漿糊咁! 叫咗三樣餸, 麵筋無味, 龍蝦丸有怪味(腥腥地), 係d豬潤食得下. 朋友叫咗牛筋丸做餸, 發現只不過係普通無筋牛丸, 咁又仲乜要特登話係牛筋丸呢?唉! d筷子又唔乾淨, 有一對攞成手, 半對筷子都被白色的油粘著! 真係好污糟!!!只係三餸米線, 最低消費都要$32, 加野飲, 要成$9, 樓上舖黎講, 個人覺得太貴. 甚麼食神爭霸得奬店舖, 都係不外如事! I fee so sorry!!!

雖然常常四出覓食，有時唔想諗的時候，心中總會有些心水選擇。到尖沙咀，呢間就是我們的心水。想不到吃什麼，就會吃米線，而我們有個默契，不用說也知道是去這一間。位置就在吉野家那條街的街尾，要上三樓，樓下好像是一般大廈。最近一次去，是十二月二十四日。因為要看演唱會，要指定時間坐博覽特快。上到去，之前我們常常叫它做k 房餐廳。因為環境黑，仲有好多電視，播的不是珠光寶氣，也不是畢打自己人。播的是一首又一首的ktv，大部份是台灣歌手如raine ，有時又會播joey ，又有時會有十幾年前的舊歌。幾個月前裝修過，如果你是電梯上三樓，你真會嚇一嚇，好浮誇的金色走廊，為的就是那個拿了什麼獎的廚師，有必要嗎?點菜之後，如果你之前吃過，就會八卦佢地點解咁大篇文筆一般的文章，寫的就是家庭的問題。寫了很多哥哥係衰人，這是真材實料的店等等。我一定唔會只是它們讚自己好我就信，我信的是我的味覺。寫的很長很長，只知道他們會改名做星林居。現在沒有寫了，只有 " 如果你要轉位，知會一聲"點解會常常到這店，當然是因為他們的湯底吧，真材實料我是吃得出的，也看得到。佢地要你寫紙仔，小鍋米線 (20元)，之後加送，有4元5元和6元一

寫返幾個月前成日食既星林居先~~暑假因為係新港返工所以近近地成日黎食不算太平 但幾好食 , 又大碗蘿白大大舊d spicy 都好正 , 好香叫3個"食宋"都夠飽不過一定好多味精因為食完好口乾飲品都好好味如果食米線...飲品有平價 , 幾抵!招乎都幾好佢有請智障人士我記得其中有一位個身超臭 唔係要discriminate 佢地只係因為真係好影響胃口