影片
更多
2018-03-20
302 浏览
自從畢業之後，大家各有名忙，都好難約得成大學同學食飯。今日終於約得成喇，真係好開心，幾個女仔一個墟，更係要搵一個就腳又可以隨心吹水既好地方啦！平時成日食日韓泰菜，今次就得別d，專登揀左方便就腳係朗豪坊附近既明記打冷！之前都聽過呢間出名大碟夾抵食，所以預早打電話book位，好在真係book左喳，我地去到既時候已經full哂，證明我地應該無揀錯地方啦！明記既環境好寬敞，佈置亦都好有潮州特色，感覺似係正宗既潮州餐館，亦都見到好多人一家大細咁去食野呢！因為放工關係，大家都好肚餓喇，拿拿聲叫野食，樣樣都好吸引！第一次食，真係唔知野食既份量，惟有想食咩就叫咩。首先叫左蟹肉粟米羹（例），見到真係嚇親，因為份量都幾大下，但好食既應該點都食得哂既。好在，明記既蟹肉粟米羹係真材實料既，可以食到蟹肉，而唔係蟹柳扮蟹肉，而且味道岩岩好，唔係太喊又唔淡，配合埋d超甜粟，真係好開胃。之後黎既就係客家黃酒雞，下單既時候問侍應姐姐，一隻係咪好大隻，姐姐話唔算好大既，因為我地非常肚餓，所以就叫左一隻喇。點知上既時候真係賣相同份量都贏哂，真係開始擔心係咪食得哂。 😂😂聞到黃酒既酒香，雞件果然係好香滑，雞浸係黃酒之中又唔會
平時成日食日韓泰菜，今次就得別d，專登揀左方便就腳係朗豪坊附近既明記打冷！之前都聽過呢間出名大碟夾抵食，所以預早打電話book位，好在真係book左喳，我地去到既時候已經full哂，證明我地應該無揀錯地方啦！
明記既環境好寬敞，佈置亦都好有潮州特色，感覺似係正宗既潮州餐館，亦都見到好多人一家大細咁去食野呢！
因為放工關係，大家都好肚餓喇，拿拿聲叫野食，樣樣都好吸引！第一次食，真係唔知野食既份量，惟有想食咩就叫咩。
首先叫左蟹肉粟米羹（例），見到真係嚇親，因為份量都幾大下，但好食既應該點都食得哂既。好在，明記既蟹肉粟米羹係真材實料既，可以食到蟹肉，而唔係蟹柳扮蟹肉，而且味道岩岩好，唔係太喊又唔淡，配合埋d超甜粟，真係好開胃。
之後黎既就係客家黃酒雞，下單既時候問侍應姐姐，一隻係咪好大隻，姐姐話唔算好大既，因為我地非常肚餓，所以就叫左一隻喇。點知上既時候真係賣相同份量都贏哂，真係開始擔心係咪食得哂。 😂😂
聞到黃酒既酒香，雞件果然係好香滑，雞浸係黃酒之中又唔會乾，而且有微微既酒香，酒味又唔算好濃，好岩女仔食，配合埋碗白飯更正！我同我既朋友都讚不絕口。
去食潮州野，梗係唔少得食蠔餅啦！之後黎既蠔餅真係好邪惡啊，炸得好鬆脆，粉同蠔既比例剛剛好，而且係即炸既，並唔係炸定放係到再翻炸。配合埋小小蔥花，感覺即刻唔油膩。
食得太多肉同埋煎炸野，係要食返個海味粉絲雜菜煲中和一下。同樣地，雜菜煲份量夠多，去到呢個moment我同朋友們都已經飽左8成。好在d菜好新鮮，味道適中，再加埋d香菇同我最喜愛既粉絲，我地都無浪費食物，可以食得哂。
去到埋單，食左咁多野連加一都係五百幾蚊！計返每人都係一百令蚊，真係好抵食呀！不過下次再黎真係可以就住個份量黎叫，如果唔係一定個個變成肥妹仔lu！真係好滿足呢！
张贴
