明記潮館 (砵蘭180+商場)

营业中

休息中

一般黎講好食的打冷，一係貴一係就好地道，明記就係集兩者於一身。環境好價錢亦好合理。九韮菜豬紅好入味，豬紅夠彈牙。蠔餅粉多左d, 都脆嘅。炒蜆好夠味，各式鹵水:墨魚，鵝片，大腸也不錯。唯脆片牛腩就略硬。整體水準很好。

今晚補祝父親節, 爸爸喜歡食中餐, 今晚就滿足一下佢, 一家人去左旺角明記食打冷。餐廳內地方都幾大, 有卡位、4人細檯, 另一邊更有VIP room跟大檯, 約埋三五知己, 一大班人都夠坐。入座後送上小食(每碟 $20), 茶位$6/位見到做緊推廣, 食滿$300送【鹵水併盤】賣相排位較凌亂, 併盤包括有魷魚片、五花腩、鵝腸、豬耳、紅腸, 每款有d, 幾入味, 質素都唔錯!當中最中意食 鵝腸, 於是就Order左碟【鹵水鵝腸】HK$88鵝腸鹵水得黎唔會太鹹, 質地很爽, 間中有幾條有些少肥油連帶, 自行可以容易去除, 可接受【腰果雞軟骨】 $118雞軟骨表面都炸後都幾乾身, 唔會太油, 軟骨位爽脆, 份量都幾多, 有些少椒鹽吊味, 不過對比多月前既避風塘煮法, 味道冇咁吸引。【芝士海蝦伊麵】 $168伊麵質地偏林, 海蝦尚算鮮甜彈牙, 蝦身邊位有做開邊, 容易去殼, 淡而杰既芝士足夠撈起伊麵, 不過芝士欠缺鹹香, 適合唔太喜歡濃味既朋友。餐廳通宵營業, 岩哂晚間OT、夜鬼既聚腳點!

位於商場的潮州打冷因此環境舒服 地方也整潔檯已放有辣油醋汁花生菜莆菜莆挺爽口的=孖寶H - 豉汁蒸大白鱔 配 金牌滷水鵝=酷愛食鱔 白鱔蒸得剛剛好 肉質細嫩而且滑豉汁既惹味又不會蓋白鱔本身鮮味滷水鵝肥瘦適中 肉質算嫩滑 滷水味很香濃而且很有口感 配了花生豆腐 沾醋吃更好 =蝦乾蒸茄子= 蝦乾很香 同茄子味道夾得來茄子原汁原味 不會得油膩 感覺很健康 =滷水拼盤=滿$300送的拼盤很一大碟有豬耳墨魚大腸鵝腸紅腸芽菜豬耳墨魚爽囗 絕對是伴酒菜

前幾日突然想食打冷 搵到呢間好似唔錯😍座位環境舒適闊落 乾淨企理 食物選擇多 有各種鹵水打冷、地道小菜✨地點位置方便就腳 一於就同男朋友黎試下😝鹵水鵝片 $148 （8/10）鵝片肉質軟嫩入味 鹵汁好香又夠味 亦唔會太鹹切得厚薄適中 而且唔會太肥 啱啱好用咗豆腐墊底 口感嫩滑 一樣咁好味😚椒鹽鮮魷 $128 （7.5/10）魷魚好新鮮厚肉 口感彈牙😋外層炸粉薄 炸得鬆脆香口🤤點埋喼汁更好味❤️蠔仔肉碎粥 $58/細 （6.5/10）食打冷我最鍾意蠔仔粥😝味道鮮甜👅蠔仔、肉碎都俾得好足料 蠔仔新鮮無腥味 略嫌唔夠大粒飽滿 可以更好豉椒炒蜆 $98（6/10）個汁整得好惹味 亦唔會太稀/太杰加咗粒粒青紅椒黎炒 更香😝炒蜆大大碟 而且幾乎每隻都係有肉架🥴但食到有幾隻有沙🤦🏻‍♀️呢點真係大大扣分鹵水拼盤呢碟係滿$300送既鹵水拼盤✨夠曬豐富足料😍有墨魚、腩肉、鵝腸、芽菜、花生、豬耳、紅腸✨每款都好入味又新鮮👅我最鍾意墨魚 好爽口😝整體係好味但未有太大驚喜～中規中矩🧚🏻‍♀️

明記潮館，雖然位於三樓並非地舖，而且樓下正在裝修，但完全無阻餐廳的生意。當晚雖然並不是周未，但仍是座無虛席，如果不是一早訂枱，恐怕都要花不時間排除等位。先上菜的是燒汁脆牛腩，這個菜的做法是先把整條牛腩去油炸，炸完後切開一片片上碟。這個食法對我來說非常創新，和普通炆牛腩很不同。外圍酥脆，但肉質仍然鬆軟，食的時候再點上燒汁，非常惹味。潮州炒麵線，雖然麵線為主軸，但配料也絕不遜色，有蝦仁、魷魚鬚、大豆芽菜、雞蛋等。麵線炒得非常乾身爽口，加上用料十足，的確很不錯。南乳炸雞，做法是雞件先沾上南乳醬汁然後脆炸。炸雞外皮炸得非常酥脆，然而雞肉依舊嫩滑，味道略帶南乳鹹香風味。雞件份量十足，配上啤酒簡直一流。

是次來到旺角的這家打冷，我和朋友一共5人到明記吃一頓飯。我們大概9點多來到，前一天有預訂，而去到的時候也不是很滿座，所以立馬能進去咯。桌上有茶，我們也開始點菜。 我們叫了蠔餅，黃金魷魚，酒煮螺，豉椒炒蜆。 因為叫滿300，所以送一盤中滷味拼盤，很好啊。蠔餅的粉炸得挺脆，不過就多了一點點。黃金魷魚是最好吃的了，很香，口感也好。酒煮螺貴而少...不抵吃啊...雖然味道不錯。豉椒炒蜆正常發揮唄。滷水拼盤也很好吃。總的來說不錯不錯，環境也很整潔。

明記潮館係一間潮式大排擋，上次來到現場爆晒鵬，無機會食到，今次專登早到攞位，終於可以一試。 近年都越來越多大排擋搬上樓上鋪，食到大排擋既食物之餘，仲有冷氣，大家舒舒服服咁用餐，大熱天真係特別發揮到作用。由於係潮式大排擋，當然先要試下鹵水野，先叫左個鵝片，再有一個鹵水拼盤。鵝片夠厚身，拼盤種類亦夠晒多，有我喜歡既大腸，鹵水汁亦十分入味，有正式潮式水準。黃金鮮魷，鮮魷好夠份量，咸香既咸蛋黃炸得好香，魷魚亦好彈牙，係十分好既送酒食物。肉碎蠔仔粥，一大鍋蠔仔粥有極蛋蠔仔，導致粥十分鮮甜，大大鍋都完全唔係問題。

最近來了個潮汕的同事，今晚帶我來吃潮州菜，有辣的也有不辣的，適合不同口味的朋友們一起吃吃飯聊聊天。裝修簡單但環境舒適，上菜的速度非常快，服務也不錯。首先是吃滿三百就送鹵水拼盤，拼盤有鵝腸，紅腸，鴨腎，大腸等等，雖然送的，但是分量挺多的。市面上有鹹蛋薯片，鹹蛋餅乾，這裡便有金燦燦黃澄澄的鹹蛋魷魚塊，一上桌一陣陣鹹蛋飄香撲鼻而來，看到食評說是邪惡的組合，我們就來挑戰一下，但是果然沒有讓人失望，好好吃。還有一個海鮮雜菜煲，有小白菜，娃娃菜，西蘭花，還有冬菇，瑤柱，蝦乾，魷魚乾等等食材，燉出來的湯底非常清甜，也沒有油，潮汕菜也跟住潮流走，健康好吃並重。

同幾個同事喺明記潮館晚飯打冷，叫幾個小菜啤一啤真係一樂也！食過依度啲潮洲小菜真係唔錯！好味！地方又舒服好坐又經濟抵食！凡消费滿300元都會送拼盆一碟。雖然係送碟頭都唔細，樣樣有，一樣咁好味！鹵水鵝肉+豉汁蒸白鱔孖寶308元 抵食！鹵水好入味，個樣好靚仔！件件都好好肉，夠嫩滑有肉香！鱔好爽口，啖啖真滋味！青島啤 28/支夠曬凍！好順喉！煎蠔烙 98元好大碟！好鬆脆香口！餸酒一絕！豉油皇鵝腸118元銀芽同鵝腸好爽脆，味道清淡，口感好好！豉汁蒸魚雲108元好新鮮！火候啱啱好！好滑！好惹味！餸飯餸酒都咁適宜！真係好食嘅打冷潮館！

話說男朋友知我都幾鍾意食潮州菜，佢就話見到呢一間評價都幾高，不如就去試吓差唔多夜晚10點先去到唔駛等位，上到去俾咗張二人枱，招呼嘅服務唔錯，啲姐姐都幾有禮貌，睇到佢有個優惠食夠$300會送個拼盤，我哋就叫左細嘅蠔仔粥，小炒王，椒鹽白飯魚，豉椒炒蜆，加一支黑啤，呢個價錢佢就送埋一個拼盤上菜都好快大概10分鐘左右，第一樣係拼盤，其實都係啲下欄嘢，紅腸豬大腸小小墨魚，冇味嘅一啲滷水味都冇之後其他菜式陸續咁上來，豉椒炒蜆冇鑊氣冇豉椒味，小炒王配菜太少，亦都唔香，椒鹽白飯魚同蠔仔粥就不過不失，唔難食但亦都唔代表好食埋單差唔多$500，我諗要比呢啲菜式更好嘅地方尚有存在，唔需要刻意食呢間因為完全唔值

過去，哥哥，細佬話出去打冷，我都不感興趣！感覺啲菜式好 粗糙， 尤其係啲魚冷冰冰感覺會 好腥，一盆盆煮好嘅菜式賣相唔吸引，哩種情景多數行過街邊大排檔見到，環境唔舒服…… 今次係佢哋喺旺角砵蘭街突然提議打冷，我枱頭望見成層樓咁高大嘅「明記潮館」招牌，感到好有氣勢咁！於是都跟住上去試試……上到去地方好大，好開揚，佔地成層，裝修特別，走懷舊風格有五、六十年代景象，旁邊每間房有唔同主題風格，顯得花過心思同有品味 ，顛覆咗我一向 對打冷店嘅觀念！大堂中央是圓抬擺設，旁邊設有卡位仲有 高解像電視節目，晚市在即眼見人氣暢旺！我吔坐喺卡位，覺得幾舒服！再睇Menu菜式多到唔知點揀，唔在行情嘅我唯有等食。再四圍去睇下環境，見到擺出來嘅潮洲菜式好整齊， 乾淨企理，好 有規模。返埋位，枱上已點左哥哥話打冷必食嘅菜式喇！孖寶H $ 308有鹵水鵝 ，鼓汁蒸白鱔;鹵水鵝啲肉好嫩，又有皮下脂肪嘅甘香，夠入味，唔過咸，不肥也不太瘦，好味！韮 菜豬紅$ 68韮菜爽脆，豬紅滑脫脫得來有口感，冇一陣豬腥味，我冇食過咁好食嘅！每枱惠顧三佰元就送一碟鹵水拼盒(中)都份量唔少呀！豬耳，紅腸，豬肉，墨魚片，大腸……哥哥怕我唔

今晚突然想食潮州嘢，就上OpenRice睇吓。見到e間幾近所以去試吓夜晚9點幾去到唔洗等位，2位直上！上到去無人帶位最後自己搵到枱號就坐低！但d碗筷比較唔乾淨摸落去癡立立不過佢哋都有比茶俾你洗！見佢話食滿$300有滷水拼盤送就叫啦！要咗個炒蜆，細豪仔粥，炸白飯魚，小炒王加送ge滷水拼盤！上菜好快但d食物真係麻麻地。。。炒蜆唔夠味好淡我都係第一次試，又唔算好熱小炒王都係唔夠熱唔夠味，滷水拼盤中規中矩冇特別，白飯魚炸醬太厚。都係唔夠熱係個蠔仔粥叫正常d冷氣又唔夠，服務人員又唔夠。。。埋單482我覺得偏貴囉。。。仲要唔好食！一定無下次！

今日行行吓街突然落大雨，剛巧經過180商場，有個職員問: 係咪食晚飯呀？潮州打冷啱唔啱? 我隔離個一聽到，即刻話啱!（原因係我老公好鐘意潮州打冷）咁我當然冇得say no啦！入到大廈，係裝修緊。好多木板係地面。不過明記都有清晰指示點樣到達“明記”入到明記職員安排我地坐卡位。睇餐牌叫嘢食片$148鵝片好入味，底部有鹵水豆腐及花生鹵水拼盤（食滿$300就送）, 送嘅份量絕對冇減少. 份量超大. 橙色墨魚爽，豬腸冇肥糕及冇壓味豬腩肉切成薄片，所以唔覺肥鵝腸夠爽，仲有紅腸及大豆牙豉椒炒蜆$98蜆肉夠大粒，份量足夠, 又冇沙（唔會只有殼但冇肉）又夠鑊氣一品海鮮豆腐煲$148魚，鮮魷，蝦，冬菇，西蘭花，豆腐。份量好足，味道亦唔錯. 用煲仔上菜, 又可以保持食物溫度. 仲有叫咗白飯及白粥

很多時吃打冷都是在大排檔食，這次我們選了旺角鬧市中的打冷，位置非常方便餐廳有好多獨立房間，很適合家庭聚會/公司聚餐一坐下就送上潮州三寶，一邊吃前菜一邊看餐牌它的上菜速度快，員工態度親切，對我們的特別要求都有求必應明記滷水拼盤正在做優惠，每枱夠$300就送一份滷水拼盤，我沒想過送的中份份量都多，如果人多的更送大份，有豬耳、紅腸、墨魚等等而且餐廳內有獨立滷水檔，保證自家製啫啫芥蘭煲仔很重蝦醬味，上菜時炸炸聲，食到最尾都仲還在熱辣酒煮螺很多時外面吃的都是沒有翻熱撈出來，這裡可以吃到即煮，每隻螺都煮得恰到好處，很適合我們吃辣的人🤤

今日放工，同同事講好想去食潮州嘢，於是烒去咗呢間明記食打冷一入門口就已經感受到好有大排檔嘅味道，好正，叫咗個滷水拼盤，味道幾好幾入味，又唔會太咸蠔餅，個粉太厚，如果簿啲會好好多潮州炒米粉，好好食，好乾身，配埋個豆瓣醬一流炒菜，有啲咸，但都可以接受整體感覺唔錯，可以再試 !