明記潮館 (砵蘭180+商場)

营业中

休息中

2個人叫左4樣野食, 4個餸味道都相當唔錯, 由其個滷水鵝肉, 好惹味, 唔會太咸又唔會滷得唔夠味, 好鍾意食佢墊底既滷水花生, 小炒皇炒得夠鑊氣, 又得腰果, 係個蜆煲有少少美中不足, 味道就唔錯, 不過d蜆有好多沙, 不過總體泥講都好好食, 價錢又公道, 會介紹比其他朋友過泥試

食物質素正常，除左黃金鮮魷幾爽口外，其他食物都係一般，價錢貴得黎但大碟，所以唔使叫咁多，唔夠再叫，特別一提前菜幾難食，應該唔會再去下一次放個蛋糕響餐廳拎番果陣（有切餅費），一開始話搵唔到，之後搵到果陣個蛋糕傾斜爛左，之後我地都無出聲，始終係慶祝，到影相果陣，搵左個啤酒女郎幫手影，可能我地無飲啤酒，佢黑哂面影左一張之後拿拿臨走左，總括黎講，係個唔係咁好的經驗，好大原因係個蛋糕爛左☹️，講真你生日飯咁樣你都唔開心，佢仲要一句sorry都無，又係拿拿臨行開，服務麻麻。

四月中一行六人第一次光顧，食店入囗位置難找，環境不差，但空間比較擠迫和嘈，上菜很快、員工態度不算殷勤但可以接受，菜式味道尚可、分量正常，但價錢唔算親民，蠔仔粥稍嫌料不足，滷水味道OK，走地雞欠雞味，不妨一試。

成日經過旺角都見到好大塊廣告牌介紹明記打冷，今晚到我去試試凡滿300就送拼盤一碟，基本上每枱都會有，食滿300實在太容易了雖然是免費既，但味道不錯，有紅腸，鹅腸，豬腸，尤魚，豬耳，豬肉!烏頭好大條，有隻手咁粗，新鮮鲜甜避風唐炒蟹，非常野味，一隻498九菜豬紅，豬紅入味的，但可惜九菜太老不好吃環境係比一般打冷舒適，像小菜館一樣又有卡位，都值得一試員工個個仕應都好像發緊夢，好左都有善，只係好像聽不明廣東話

平時食打冷通常都會去太子果邊，今次想試下新嘢，於是openrice搵到呢間有二百三十一個讚嘅明記潮館。我哋6點半打電話去訂位，但佢話唔可以即日訂位，叫我哋walking。我哋大約7點半到，限時食兩個鐘。喺旺角，能夠佔用成層咁大面積嘅食肆，一係就真係超級好食，一係就搵遊客笨嘅，好不幸地，今次係後者！我哋四個人，點咗蠔仔粥、蠔餅、砵酒焗蠔、石鍋芥蘭、凍烏頭、鵝片。一落完單，有個friend去廁所，走開咗唔夠兩分鐘，喺佢返嚟之前，烏頭、鵝片、滷水拼盆（呢個送嘅）、砵酒焗蠔都已經上晒枱。D餸咁快上晒枱，都心知不妙。駛唔駛咁有效率呀？砵酒焗蠔（呢個忘記影相）：係炸蠔，又唔係焗蠔囉！炸到隻蠔乾晒硬晒，好似蠔豉咁，外面仲要包住一層厚厚嘅粉漿。再講個漿汁，根本就係咕嚕肉個汁嚟嘅！嚴格嚟講，呢個係咕嚕炸蠔！其實都唔使限時兩個鐘啦！兩分鐘出菜咁有效率，加上D嘢難食到大部分都食剩一半，半個鐘多D就食完餐飯啦！蠔仔粥、蠔餅、鵝片呢幾樣都係大部分人食打冷必點嘅食物，但都可以整得咁難食，真心唔明點解會有咁多人讚！

明記潮館 (旺角)旺角砵蘭街180號砵蘭180+商場3樓-----為食ge朋友仔講到呢間明記好正😝搞到B仔都忍唔住去食下😊平日夜晚7.30左右到 已經坐無虛席🥶 好好彩地仲有一張檯仔剩 先唔使等位 餐館裝修有別於一般ge小店or大排檔打冷 有少少似酒樓 係稍為高級少少ge打冷店-蠔仔粥（$98-大）材料豐富 好多肉碎 好多蠔仔 蠔仔非常新鮮 脹卜卜 大大粒 我地走左芫荽 但蠔仔同粥底依然一d腥味都無 只有鮮甜ge味道-韭菜豬紅（$68) 因為B仔唔食韭菜 但又好愛豬紅 所以叫左韭菜豬紅走韭菜 哈哈哈 豬紅份量超級多 本身見到好驚食唔曬 點知調味竟然非常獨特又惹味 帶有微辣 極度開胃 雖然豬紅ge本身質感唔算嫩滑 但係因為調味太出色 所以依然無阻我ge喜愛 食曬全部完全無難度（可能係我食過最惹味ge豬紅）-鹵水拼盤（$148) 叫左鵝腸 滷水鵝同墨魚 鵝腸洗得好乾淨 但唔入味 好清淡 無咩味 滷水鵝 肉質夠嫩 入味 亦唔難咬 算幾高質ge滷水鵝 而墨魚就一般般 太薄切 無咩口感 份量比得好少 而且同鵝腸一樣唔入味～🥶整體黎講 拼盤一般 整碟得鵝肉可取 雖然送左少少紅腸 但係下次應該都

朋友介紹這一間店很好吃，但是他之前是在荃灣的那一間分店食的，然後今次我們就嘗試旺角這一間分店。今次我們有七個人一起吃，所以送了一個滷水拼盤，滷水拼盤也很大盤，然後裏面有我腸紅腸魷魚等等的選擇，滷水也煮得很入味，而且額外贈送的來說也是十分有誠意的！這一個是鹹蛋炸魷魚，鹹蛋的味道很濃郁，在魷魚的外層鋪想一層鹹蛋味的炸粉，而且炸得十分鬆脆，所以一咬就是美味無窮，這是這一餐我最喜歡的小菜。所有食物都很有水準，除了蜆在我們吃的時候不夠熱外，所有炸的食物都鬆脆，生炒骨也不過不失吧，蠔的分量也滿意！所以下次要帶朋友來試一試！

一行4人約食飯，其中一友人想食打冷鋪，佢即時推薦明記。本身對打冷不抱任何期望，只係覺得打冷都唔平，但食完之後，抱住個肚，望住張單計番人均消費，個個都話好抵食！性價比夠高一開始嗌咗幾碟野，本身都預要食食下再嗌多一兩碟，點知佢碟碟份糧都超大份！絕對係大方打冷鋪😍😍欖菜肉鬆四季豆：呢碟四季豆好入味，入面粒粒豆都帶有欖菜同啲肉碎既香味👍🏻 咸度適中，欖菜配四季豆絕配，必叫！椒鹽鮮魷：話說我好怕啲椒鹽出面層粉好多好油，但呢碟椒鹽鮮魷既炸粉好薄，仲要一啲都唔油🤤 啲椒鹽炒得好香！下次有機會要試晒佢成個椒鹽系列！水煮魚：我個人係好鍾意食又辣又麻既川菜，呢碟水煮魚絕對係我成餐飯最愛！！！ 入面除咗有啖啖既魚肉，仲有大量既薯粉同金菇仲有其他配菜，唔算太辣太麻，但絕對會令嗜辣之人止止心癮🌶 唯一挑剔既係，魚肉有細骨，食既時候要非常小心～炸蠔餅：我諗炸蠔餅係打冷必嗌既餸，入面啲蠔真係多到你唔信！仲要隻隻蠔都勁飽滿，呢份蠔餅係我咁耐以嚟食過最多蠔而啲蠔又係最飽滿既！又係必點！👍🏻明記招牌炒飯：呢碟炒飯好特別，佢係用石頭鍋上！碟炒飯炒得好靚，粒粒飯都彈牙，又係好食既～今餐個個都捧住個肚走，人均消費$111，以食

今晚同爸爸媽媽三人去明記潮館食晚飯，約6:45pm 到達，唔洗等位已經入得。叫滿$300會送鹵水雜錦併盤，咁正常黎得食都會過$300既。我地叫左：1. 啫啫芥蘭煲$88<- 啲菜好硬唔夠林2.鹵水鵝 (有骨)$128 <- 完全唔夠味肉都一般3.涼瓜斑頭煲 <-正正常常整體來說好一般，花生要收$20，要加一

平時打冷嘅環境都比較“麻甩佬” “up dup” feel但明哥就行比較高檔d既企理酒樓feel。#前菜 花生同酸蘿蔔 椒鹽花生🥜脆卜卜，酸蘿蔔好開胃。我係咁食😻#滷水鵝片 滷水好入味但鵝肉唔夠滑有啲韌#滷水三拼 揀左 鵝腸、大腸、墨魚🦑 鵝腸好爽脆，墨魚比較淋身，大腸好肥美。#韭菜豬紅 大大兜，分量十足，韭菜有啲老，豬紅好入味大大粒，軟軟彈彈，好味。但整體來講，所有嘢食味道都偏鹹。仲有個水煮魚，但水煮系列果啲都係去返四川餐廳先叫啦！

商場門口是車仔麵店，所以要小心找才找到。門口有主動接待員才能清楚路線。商場還在裝修，升降機載客不多，到了3樓轉個小灣，觀景好似一個大排檔，但是地方在室內，樓頂高度幾好，地方大，我們坐的位置特別好，因為時間早和接待員知道我地第一次來。有魚飯一囖囖，感覺好得意。個套餐特價HKD308（滷水鵝”件"+豉汁蒸白鱔）。 滷水鵝”件"，唔太肥，入味。豆腐滷水味適中軟熟，與花生相同，酸軟的牙都能吃。鱔肉較淋，但朋友食了幾件都是爽口，我只能感受到半件（可惜），鱔面有葱，辣椒花，汁帶甜，與媽媽造的不同，大家一樣好野味。食滿HKD300送滷水併盤，滷水汁不用再提，其他的口感唔錯，特別鵝腸不太肥又爽淋，而不靭，但豬肉就有我最不喜歡有的臭味。蠔仔粥味道適中，因為我唔太喜歡濃味食物，我吃了3大碗。豉汁蒸白鱔，忘記影相。整體呢間店可再去，服務都好好哦。到餐廳時間約下午5點。上菜好快。

今日同舊同事食飯同慶祝生日，我哋就揀咗去旺角食，因為地點就腳交通方便，上網搵吓有咩餐廳唔限時又坐得舒服，最後大家決定去明記潮館！其實我之前都去過荃灣間店，不過好耐都冇去過，所以今次就去旺角試吓佢間分店，餐廳裝修都好新，地方好寬躺坐得好舒服！啱晒一班人食飯！我哋叫咗好多餸，落左單冇幾耐好快就上菜，啲餸都好大碟，滷水鵝都好入味，不過就唔係好多肉囉！小炒王都炒得算香口，豪仔粥都好多豪仔， 炒蜆都算唔錯! 餐廳而家做緊食滿$300有一碟滷水拼盤送， 送嘅都算大碟！我掛住傾計同食野，有好多碟餸都唔記得咗影相！我自己覺得旺角分店好坐過荃灣店， 食物質素就差唔多! 下次再一大班朋友食飯，一定會考慮明記。

今日就去左旺角食潮州菜 今日要介紹既係一間我地覺得唔推介既潮州菜館😖佢地既價錢唔貴 優惠亦多 每台食滿$300就會送一碟滷水拼盤 基本上每台都會fulfill到👍🏻 另外佢地亦都有唔同既優惠組合套餐 不過我地覺得d combination 唔係好岩食 所以都係散叫先講下送既個碟滷水拼盤 免費既當然唔可以有太大期望 勝在每樣有d咁 味道就無得同出面既比較啦😆試左黃金鮮魷 呢個就份量好足 鮮魷有咬口 加埋個鹹蛋醬好惹味😋 仲食左個細既羊腩煲 無乜特別 羊腩都算淋 不過竟然係無枝足架😭 而蠔餅呢都幾大塊幾鬆化 不過蠔仔就比較少 最後仲叫左個欖菜肉菘四季豆 大大碟 味道唔錯 不過四季豆本身又老左d🙈

打冷來說，佢環境算係幾乾淨！仲有卡位，可惜我地坐唔到～ 見到隔離枱剛走人，我地又未叫野食想轉過去，點知丫姐一句：唔可以， KO 左我地～ 講返野食，就正正常常的打冷味道～ 特別會推薦：黃金鮮魷 & 脆牛腩勁多鹹蛋黃，勁惹味個脆牛腩，真係好脆口，炸完個牛腩的牛味沒有流失，好吃！ 當然，炸野來說都是建議襯熱早點吃！蠔粥好足料，但無咩味，加上覺得有點腥，要喪加胡椒粉！呢個通菜好吃，熱鍋上，keep 住夠熱，味道夠濃！呢個炒蜆真係麻麻地，無咩味，唔建議試～ 我唔食豬紅，比唔到意見，但朋友話好食！食夠$300 送的滷水拼盤～ 還不錯！

一大班人唔知食咩,所以見到依間野人唔多又大又唔洗等就決定係佢,十三個人叫左十二樣野食都好夠食,D野味道好正, 食到最後仲用D汁黎撈飯唔想浪費!最後大家都食左好多飯, 食到十分之飽。最鍾意就係佢個豬紅,水煮魚,冷盤同埋D炸野!!全部都對得起個價錢!13個人平均一個人200蚊落樓,其實唔算平, 但至在坐得舒服又可以坐好耐。D炸野有小小偏咸,但有D朋友又唔覺,所以都算係好好食!之後一大班人出去食,會再考慮依間野!我見晚市好多人打邊爐,下次會再黎試埋