明記潮館 (砵蘭180+商場)

营业中

休息中

之前來過好幾次, 但一次差過一次, 希望再努力, 加把勁.....今次叫了糖醋雙黃面, 實在好失望, 炸到兩面都脆卜卜, 唔好食.而啫啫芥蘭, 烚得過火, 沒有芥蘭菜味, 也太過腍身.

最近去完旅行，返到香港好想食返廣東野，於是就提議食打冷，上網見到明記咁多好評就試下。地方好大有卡位、圓枱，岩曬一大班人黎食，最重要係比一般的打冷店乾淨企理，同酒樓有得比。黎到食打冷一定要叫個滷水拼盤，點知落單個人同我地講只要叫夠$300就會免費送滷水拼盤🤩個拼盤仲要樣樣都有，鵝腸、紅腸、墨魚、豬耳，岩曬選擇困難症既我。韮菜豬紅份量非常大碟，味道濃郁，D汁可以用黎撈白飯😋蠔仔粥（小）已經足夠2-3人食，超足料，每一啖都有蠔仔，而且仲有d魚乾既野，好有咬口最後燒汁脆牛腩係餐牌推介菜，但有點失望，肉質而且炸到有點乾，但配搭個燒汁醬都唔錯

見明記咁多人食，就去試下叫左三樣餸真係吾係特別好食雖然口味係好個人但其中一個餸鹹菜炆門鱔似係放左勁耐冇人食再拎出黎d魚係乾到吾想食淨係得個鹹字價錢吾算平但質素真係好一般

同幾個朋友聚一聚，朋友好想吃潮州打冷，不過傳統的潮州店沒有小炒，最後，選擇了旺角明記潮館，可以吃潮州食物又可以廣東小炒地點不難找，不過要上二層，第一層全封圍板，感覺在裝修店鋪內行走。地方頗大，還有獨立房間，當然有最低消費我們四位原來點滿300元，送中拼盤，於是點了韭菜豬紅，小炒皇，黃金蝦送的拼盤相當大碟，有墨魚，紅腸，豬耳，豬大腸，滷水非常入味，不俗小炒王，用韭菜花銀魚腰果，魷魚炒，若然不夠乾身，銀魚炸得不夠好味，美中不足黃金蝦198元，比較少份量，味道不錯，蛋黃多，蝦身爽，性價比不高韭菜豬紅，值得一讚，非常滑，而且份量大整體來說，除了行上樓梯比較麻煩，食物水準不錯，如果多人吃，比較值，因為每碟嘅分量頗大

有冇人同我一樣鍾意食產後🤰🏼嘅保健品黃酒雞呢？！💛🐔我就非常喜愛！🥰黃酒雞嘅汁拎嚟撈飯一定係賣飛佛！💛今日同d同事黎左多人排隊既明記潮館食下飯！見到餐牌有黃酒雞即刻叫！💛🐔雖然黃酒雞都好食但始終覺得陪月姐姐煲個d好食d！💛但頂下黃酒雞癮都確實不錯！💛👍🏼反而要讚下條魚！🐟其他打冷泡凍食既魚一定係好腥🤢但呢條一d都唔腥！😃本人好怕食腥魚！🐟🤢所以差唔多成條食晒！🐟😋其他小菜都好好食！👍🏼雖然座位有點迫，但大排檔感覺得來環境都算乾淨！👍🏼價錢會比起出面大排檔平！💰👍🏼食物好食同價錢已經唔成正比了！👍🏼🤩💰😋#明記潮館

睇完戲諗住去食打冷, 上OPENRICE睇下附近有冇, 發現一間叫明記潮館既打冷, 位於180+, 其實好少浦旺角, 唔知180+係乜東東, 連在旺角工作既朋友都唔知有幢商場叫180+開住手機 MAP捃😂這兒全層有冷氣唔怕熱好光亮，以打冷店環境是很舒適本來苦惱緊要鵝片拼乜東東好, 店員就話 " 叫碟鵝片得啦, 你地應該過300蚊會送碟滷水拼盆 " , 多謝提醒鵝片+滷水拼盆啤酒溝忌廉正小炒王腰果魷魚少不了蠔仔粥蠔仔份量都好多炒麵線

老囉老囉.....我仍然停留係前身係南華戲院嘅年代, 感覺好似早幾日先至同條囡囡去睇電影秋天的童話.時光飛逝.....由戲院轉為食店, 明記潮館第一個感覺就係環境頗闊落.有D潮洲菜館菜式選擇唔多, 想話群聚都被朋友大加反對, 打開明記個 menu 菜式選擇不少, 所以成為去明記主因.點咗黃金蝦, 韮菜豬紅, 小炒皇, 滿300蛟送一碟滷水併盤, 開餐!黃金蝦 : 咸蛋黃黃金醬足夠, 蝦肉彈牙, 只係份量比較少.韮菜豬紅 : 份量足夠，豬紅入味，推介！小炒皇 : 其實我唔太識欣賞小炒皇，食過兩次，可能韮菜花太硬，食完第二日就胃痛，今次無哩個問題，韮菜花口感唔硬而且極爽脆，對我黎講係驚喜.滷水併盤 : 併盤有五花腩，墨魚，滷水豬大腸，鵝腸，紅腸同豬耳，雖然係贈送，但一D都唔 Hea 送！材料夠豐富，最欣賞豬大腸，夠入味.食食吓係社交網絡見到另一班朋友係另一個包廂食飯群聚，所以突擊踢門踩場！明記潮館果然係一個群聚好地方。

同小白兔行下行下，嘩~見到咁大個招牌。原來係食潮州嘢，上網睇食評都ok，就一於嚟試下。裝修以6-70年代舊式鐵皮屋作佈置，幾特別。旁邊寫住食夠$300送鹵水拼盤一份。 有好多套餐選擇，都好吸引。因為想每樣都試下，所以我哋最後散叫。蠔仔粥， 有大量蠔仔， 充滿海洋氣息，鮮味十足，還有魚乾，芹菜，令鮮味再度提升。 識食，梗係加胡椒粉一齊食。鹵水鵝片， 鹵水味濃郁，鵝片滑溜， 肥瘦適中，下面仲有鹵水豆腐同花生。招牌煲仔焗蜆， 份量驚人， 烹調時間控制得剛剛好，所有蜆肉都剛打開，全都都掛在殼上， 有清香嘅鹽水薑味。食材新鮮，點煮都好味! 👍芽菜豆卜， 除了芽菜還有大量芹菜，豆卜吸了所有獨特的精華，食唔停口。鹵水拼盤，雖然係送，但份量都唔少。有腩肉/魷魚/紅腸/豬腸/鵝腸/豬耳等。入味又各有特式，一d都唔馬虎。兩個人食咁多嘢都係四百幾蚊， 捧住個肚出嚟，好抵食呀!

今日星期一同兩個朋友去開旺角, 四圍都係人, 又唔想食譚仔, 有人提意去打冷~ 我突然醒起係砵蘭街個邊有一座無人租既商場, 近排改裝咗做餐廳有間叫"明記潮館" 主打係潮州打冷野, 成日經過都見到佢d廣告, 想試好耐, 今晚就試下佢啦~ 上到去間野都幾大間, 8成入座, 有卡位的~ 坐得幾舒服~ 睇下餐版又唔費喎~ 滷水鵝$128, 細蠔仔粥$58, 炸蠔餅$98, 九菜豬紅$68, 重點黎啦, 係佢食滿300蚊送滷水併盤一個, 成件事扺上加扺~ 首先講下佢個滷水鵝好入味, 鵝肉一D都唔老~ 好甘香~ 蠔仔粥, 蠔仔好新鮮, 仲有方魚碎~ 更加香口, 炸蠔餅--蠔仔一樣咁新鮮, 炸漿不太厚, 非常足料, 九菜豬紅---一碗真係大到嚇親~ 滿滿一大碗~ 好入味, 好惹味~ 正~ 值得推介~ GOOD~

近來經常跟朋友聚舊，都會約到旺角，勝在現在香港比較少遊客，外出用膳都不需要排隊，平日在旺角很多時都會吃日本菜，今日突然想吃中菜，有朋友介紹在砵蘭街180+商場有一間樓上潮州菜，記得之前這個場非常開什麼都會倒閉，但是這間明記潮館竟然可以屹立不倒，證明食物服務一定不錯。我們大約9點上到去，差不多都有9成滿，門外有很多魚缸養滿不同的海鮮，餐牌有一系列的孖寶菜式、還有很多不同的優惠，每檯消費滿$300，就送明記滷水拼盤，10點後啤酒買2送1等等……我們點了滷水鵝片 $148、沙嗲牛肉炒芥蘭 $108、椒鹽鮮魷 $138、蠔仔粥 （大）$98、滑蛋蝦仁 $98、滷水拼盤 Free、啤酒x2 $56滷水鵝片 - 鵝片比想像中大碟，碟底有滷豆腐等配菜，鵝片沾一點醋，令鵝片既鵝味更鮮明，鵝片去骨啖啖肉，肉質結實有咬口。沙嗲牛肉炒芥蘭 – 份量又是極多，牛肉嫩滑得很，加上芥蘭煮的時間剛剛好，不錯！椒鹽鮮魷 - 夠香脆爽口，鮮魷彈牙有口感。蠔仔粥 - 蠔仔每粒飽滿，湯飯加入莞茜、肉碎等配料，提升湯的鮮味。滑蛋蝦仁 -這是一道視覺和口感上都很好的菜，蛋顏色靚又滑嫩，炒的時間掌握得很好。滷水拼盤 – 有不同

因西餐和日本嘢都成日食，所以就提意不如食吓潮州菜，而這間餐廳之前都有食過，几抵食和坐得舒服，又不限時，所以我們一行4人就食打冷嘢。分別叫了：一條大眼雞，都几大條和几好味; 鹵水鵝（唔記得是否例牌還是一份），但都几多肉，但有些肥；味道都ok; 蠔仔粥（大）好味蠔仔不會有沙和夠新鮮加埋芫茜就是最好味；鹵水拼盤（餐廳送，因叫滿約$400內）就會免費）這個款色多，味道Ok👍🏻；煎蠔烙，這個煎得過火了，變得有些乾夾起來好散；石鍋啫啫通菜，這個超（野）味，熱騰騰上抬，好味😋，整體而言，環境夠大，又唔限時，價錢合理，值得一試

同好朋友相約一齊食"佬野"😂😂平日6點幾,客人唔多,樓下姐姐幫我地安排卡位啱啱呢棟大廈裝修緊,不過明記位於3樓就冇受到影響。我哋兩個女仔叫咗一支啤酒,豉椒炒蜆($98),菠蘿咕嚕肉($108),鹵水鵝片($148)與及惠顧滿$300以上送既細鹵水拼盤。呢度比一般打冷嘅鋪頭乾淨,有埋卡位坐得舒舒服服可能6點幾客人比較少,餸菜嚟得好快。每碟餸既份量都幾多,所以我哋都冇嗌飯啦。豉椒炒蜆幾夠味,蜆就細細隻。菠蘿咕嚕肉,欠缺鑊氣,每一嚿肉切成一條條粗條,失去咗原有咕嚕肉風味,亦略嫌比較肥。鹵水鵝片中規中矩,鵝片大概有8塊,下面墊咗豆腐同花生,我覺得味道就一般。送嘅細鹵水拼盤有芽菜,豬耳,紅腸,鵝腸,墨魚,腩肉,正常打冷質素,唔會因為係送既就細碟左,份量都好足。大概食咗兩個鐘,店員就過嚟收碟,話外面有客人等緊枱,咁我哋就走lu。 到8點幾其實全場真係滿座,如果8點幾嚟食就可能需要等位啦

和女友在澳門玩完, 回到香港都已經係零晨一點幾,坐旺角通宵 van 準備轉車回家時, 女友建議食d 野,好, 就咁選左我們在旺角落車位附近的呢間打冷鋪.食店在一間準備轉型的商場內, 由於在裝修階段, 所以沿途都好似好探險既感覺.但一上到食店, 即感到安心, 因呢間打冷店都是帶有裝修的.侍應帶我們到卡位, 並推介order 食物滿$300, 就送滷水拼盤一碟.如現在是晚飯時段一定會試, 但因為我們在宵夜時段, 所以只好嗌兩個餸去解決我們的口痕情況.西蘭花炒帶子: 幾有鑊氣, 西蘭花不會炒到好老. 帶子亦都算新鮮, 走哂d 內臟, 食得好安心.蠔仔肉碎粥 (大): 十分之大碗! 我自問是食物接收器都差點食唔哂! 更何況我女友, 她覺十分好味但食到半湯碗已話飽飽投降!講番個粥, 有超多的蠔仔, 對於熱愛蠔的朋友仔, 絕對滿足十分! 唯一要留意的是莞荽特多, 如不喜歡它的, 可以叫店員叫走它. 我們就十分享受了. 捧著大肚子埋單走人.P.S. 呢度有養貓的, 但因為是幼貓來的, 大家見到佢地行街街時小心不要踢親牠啊! 

我很喜歡食大排檔耶 突然想食大排檔來到旺角想食個中菜 就去了這家店食裝修挻現代風格 經過裝修後更為漂亮呢~這次點了幾個小菜 送了一個滷水拼盤🤤🤤原來食滿了HKD$300就會因應人數而送的嘿嘿 多了一份食物 可以食到飽飽很滿足·豉椒炒蜆 HKD$98 去大排檔必點的食物 份量也挻多 味道很入味 味道少少的香辣味 挻不錯的味道耶🤤🤤·紅燒乳鴿 HKD$78/隻從小到大我也很喜歡食的食物 點了紅燒版本外皮比較脆口 肉質挻鮮嫰 配上淮鹽更香口·韮菜豬紅 HKD$68 除了是街頭小食之外 大排檔也會有這個靜靜弟很喜歡食 味道挻入味 豬紅有咬感·滷水拼盤 HKD$0(食滿HKD$300送)這個是贈送的拼盤 裡面有多款小食呢一次過可以食到不同小食 挻不錯的感覺食物的素質不錯耶~ 價錢與食開的差不多不同的是環境比較漂亮 而且冷氣十分充足

今晚來到旺角晚餐突然想打冷所以黎左明記潮館地方佔地好大 好多檯閒日夜晚都滿座 非常熱鬧我地兩個人叫左滷水拼盤凍大眼雞紅燒乳鴿細既蠔仔粥蠔餅滷水拼盤份量好多有墨魚，大腸，紅腸，豬耳凍大眼雞賣相十分唔錯食落魚味濃 加埋黃豆醬更惹味值得一試紅燒乳鴿係新鮮即炸上檯時熱辣辣真正外脆內軟鐘情乳鴿既朋友必叫蠔仔粥細size但份量好多蠔仔超級多而且粒粒肥美飽滿必叫！蠔餅好多蠔又唔油膩香脆可口一定要再黎試埋其他菜式