明記潮館 (砵蘭180+商場)

营业中

休息中

同好朋友相約一齊食"佬野"😂😂平日6點幾,客人唔多,樓下姐姐幫我地安排卡位啱啱呢棟大廈裝修緊,不過明記位於3樓就冇受到影響。我哋兩個女仔叫咗一支啤酒,豉椒炒蜆($98),菠蘿咕嚕肉($108),鹵水鵝片($148)與及惠顧滿$300以上送既細鹵水拼盤。呢度比一般打冷嘅鋪頭乾淨,有埋卡位坐得舒舒服服可能6點幾客人比較少,餸菜嚟得好快。每碟餸既份量都幾多,所以我哋都冇嗌飯啦。豉椒炒蜆幾夠味,蜆就細細隻。菠蘿咕嚕肉,欠缺鑊氣,每一嚿肉切成一條條粗條,失去咗原有咕嚕肉風味,亦略嫌比較肥。鹵水鵝片中規中矩,鵝片大概有8塊,下面墊咗豆腐同花生,我覺得味道就一般。送嘅細鹵水拼盤有芽菜,豬耳,紅腸,鵝腸,墨魚,腩肉,正常打冷質素,唔會因為係送既就細碟左,份量都好足。大概食咗兩個鐘,店員就過嚟收碟,話外面有客人等緊枱,咁我哋就走lu。 到8點幾其實全場真係滿座,如果8點幾嚟食就可能需要等位啦