明記潮館 (砵蘭180+商場)

营业中

休息中

一家人和媽媽慶生，哥哥建議外出吃晚飯，我立即想到這家超級性價比高的餐館。我們五大兩小，於是便預定了一間房，最低消費是$1200，能夠在旺角這鬧市中包房吃頓飯，實在超值呢！我們首先點了豉椒炒蜆，哥哥見到鄰桌的份量十分之多，呵呵，大家都很滿意呢，吃得十分滿足。然後，我們還點了豉汁蒸魚雲，是媽媽的最愛呢，媽媽也表示這魚雲蒸得恰到好處。另外，當然點了滷水鵝翼，鵝翼十分入味，還有豉汁蒸白鱔，鱔皮脆口，很久沒吃，仍是那麼滋味！有媽媽的味道。值得一題的是胡椒豬肚粉腸湯， 十分值得一點！因為材料非常充足，而且入味，我們一家五口喝完一碗又一碗，非常抵吃！只是$138，難得地抵叫！炸蠔餅材料充足，蠔仔肉非常飽滿。還有一家人最喜歡吃的滷水拼盤，吃滿$300就會送一個拼盤，因為我們人頭比較多，份量也因而增加！實在是大優惠！

正如標題，如果唔係我同女朋友今日想食打冷野，我應該唔會搵到呢間餐廳。全靠openrice既文章，網上普遍評價不俗，果真如此。由於太肚餓，所以都叫左幾多野食。1.鹵水鵝-必食既野，呢度份量足夠，味道頗好，水準腐內2.豉椒炒蜆-冇水份，好多沒良心的店鋪會俾碟殻食客，但呢到全部都係真材實料。3.石鍋啫啫通菜-唔會太咸又有味，調味岩岩好4.招牌炒米粉-食到呢到其實已經飽了，但不得不說，米粉雖然賣相一般，但真係好足料，好多蠔，又鍋氣足夠，貨真價實整體而言，餐廳俾我既感覺係環境舒服，衛生，份量十足，性價比高。呢個價錢真係冇乜可以挑剔！

不要一個人來！！沒法點菜！！雖耳聞香港服務很差，仍未料侍者彷似缺乏常識，以至於令客尷尬。有此一項足以將體驗拉至谷底。滋味尚可，性價比普通，可能是我北狗吃不慣。一個人的話還是去附近的日本館子吧，還安靜。

今晚我和兩個好朋友聚一聚舊，來到旺角這鬧市，想起吃潮州菜，見到這家明記潮館的評語不錯，就來吃吃吧。我們先點了炒米粉,份量之大，而且蛋量亦多，加上有蠔肉，使米粉的口感更豐富，而且材料十足，鑊氣又夠！我們還點了凍大眼雞，配上黃豆醬，將大眼雞肉的鮮味提出，有畫龍點睛的效果！而且大眼雞的價錢和大小有三個價錢，可因應食量而有所調整。我還點了呢個海鮮粉絲雜菜煲，驚喜的是面頭有乾瑤柱絲、乾蝦、魷魚等等，非常鮮味，粉絲吸收了海鮮雜菜的精華，更是惹味。焗蜆肉，也是不錯，鹹香味配上新鮮蜆肉，能夠將鮮味大大提升，值得一點！謝謝店家非常大方的贈送了一客滷水拼盤予吃夠$300的客人，實在是人間少有，呵呵！下次必定再來！

天口㷫就最啱食潮州嘢撐潮州嘢， 風味嘢 味道醒胃潮州打冷最正就係鹵水嘅我哋叫咗個鹵水鵝片鹵水鵝片啖啖肉鹵水味豐富好味之後就嗌嗰個蠔仔粥， 雖然係豪仔但係豪仔大大粒非常鮮 味。再叫咗個炸乳鴿， 炸乳鴿外皮炸到脆卜卜肉汁鮮嫩多汁， 咬樂非常之香口味道好好味豆腐芽菜鍋， 非凡入味的豆卜配發芽菜 入口嫩滑。叫滿300蚊再送多你一個鹵水雙拼有鹵水豆腐鹵水墨魚 最正就係個鹵水汁好鬼醒胃呢個位置非常近地鐵站非常方便而且裝修甚具特色值得同朋友嚟多次

好耐冇食潮州打冷啦!今晚一於同友人食個打冷啤啤佢!這間餐廳位於創興廣場附近的一個小商場，近日裝修中，但餐廳仍照常營業!餐廳的登記位置就在商場門口，拎位後便可乘電梯或扶手電梯到餐廳。餐廳分開了兩邊，地方好大，有卡位、圓枱和廂房，而且比一般的潮州打冷店乾淨，坐得舒適!食潮州打冷當然會有個半開放式的斬料位置俾你揀小食，這裡也有呢!餐牌有好多不同的選擇，令人眼花撩亂，而且也有一些套餐可以選擇。韮菜豬紅($68)，每次食潮州打冷必點豬紅食，這裡的豬紅都幾入味，醬汁是辣的，加上韮菜一齊食特別惹味!潮州凍烏頭($188)，凍烏頭是將魚先整熟，然後再整凍，再用鹽俺住。魚肉結實鮮甜，有鹽的位置特別惹味，再加上有黃豆醬提鮮，由小時候唔中意食到而加變左好中意食，係非常特別的潮州菜式!鹵水鵝片($148)，這裡的鵝片冇骨唔會好肥，肉質唔會好鞋，好有鹵水味。鵝片抵下還有鹵水豆腐同埋花生，豆腐都好入味，花生較淋，再點埋白醋一齊食，刺激味蕾呢!蠔仔粥(小)($58)，小都可以分到4小碗，蠔仔都幾多，而且脹卜卜，還有肉碎、方魚和莞茜，味道剛剛好，唔會太咸，而且也不會太傑身!石鍋啫啫通菜($88)，非常夠熱又夠香，通菜

同朋友食飯，當然約中間點旺角。方便交通，對著各式各樣的餐廳，若決定不到，就目前最近一間就在路旁明記潮館。潮州菜，當然有蠔餅，超大塊，炸得非常香脆，肉蠔夠多。做小菜不錯。加碟椒鹽九肚魚，又係炸得非常好吃，真的食上癮。外脆內軟。因為夠三百元，免費送雜錦鹵味，有大腸，紅腸，魷魚等等，頭冷盤，開胃再來家庭小菜，咕嚕肉，酸酸甜甜，配上一碗飯，正因為我們多人，叫個粟米魚肚羹，材料充足，味道十足，不會水汪汪。最後加多碗炒飯，完滿晚餐，炒飯熱騰騰，充滿鑊氣，有香油，不會太乾旱，而且又有菜粒，夠健康。

今次同埋2個朋友黎到旺角樓上的中菜舘晚餐！餐廳除左有小炒之外，仲有潮州打冷。7點左右黎到餐廳已經坐滿7成的人！看起也收歡迎。店員服務有禮貌，一坐下就為我們送上小食。我地叫左欖菜四季豆，小炒王，豉椒炒蜆和姜葱魚腩，小菜的分量都幾大份！加上消費滿300仲送鹵水拼盤！！！十分抵食。鹵水拼盤：拼盤材料豐富！而且鹵得剛剛好夠入味豉椒炒蜆：蜆肉大大粒漲卜卜和肥美，加上蜆肉食落無沙鮮甜！好快就比我地清曬。小炒王：呢個小炒王最得我心！！裏面的蝦乾、魷魚、和魚乾炒至乾身，鑊氣十足。加上新鮮的韮菜同埋的鹹香蝦乾、魷魚、和魚乾真係令人食到停唔到口。欖菜四季豆：四季豆大大碟，橄欖菜開胃消食，四季豆新鮮脆嫩！很適合下飯。

如果唔係朋友帶我黎我應該唔會知道旺角樓上有間咁高質的潮州菜館！雖然是潮州菜館，但裏面除左打冷之外，都仲有好多款的中菜小炒。餐廳雖然係樓上舖！但環境相當寬大，可以容納的客人都不少！簡直和酒樓沒有分別。我和朋友3人一人點了一個菜！包括有石鍋口啫通菜，姜葱魚腩同埋豉椒炒蜆。姜葱魚腩非常出色，一上台就已經聞到香噴噴的姜葱味，魚腩嫩滑美味！係骨多左少少之外，整體都非常出色。豉椒炒蜆：蜆肉肥美大粒，食落鮮甜無沙，惹味之餘火候十足！難怪是餐廳的推薦菜。餐廳消費滿$300仲送鹵水拼盤一份！認真低食。送的鹵水拼盤一D都唔馬虎的，裏面有八爪魚，豬腩肉，豬頸肉，鵝腸等等，鹵得入味道又爽口。

唔知呢篇食評會唔會出到, 但真係不吐不快。我之前來過明記食飯, 也寫過食評, 本來覺得幾好坐, 食物都OK怎料今次會遇到不快的情況。事緣今日約左朋友食飯, 好有誠意打電話去訂位, 但接電話嘅女士話兩位唔使訂, 大把位, 於是放心前去去到見商場裝修, 要搭電梯上, 在後門入都冇乜所謂, 但去到, 竟然叫我們坐後門旁的一張小枱, 我話唔想坐後巷, 就指我坐電梯口對住收銀枱的另外一張二人枱我話咁多吉枱, 點解一定要我坐電梯口? 其實當時大約只是半滿, 有很多吉枱, 我指指出面吉嘅4人枱, 我問可唔可以坐果度, 在收銀處的一個貌似老闆的男人說, 那張枱要賺錢架我心諗, 我食野唔使俾俾咩? 係咪因為我兩個人, 你覺得我消費低先?然後佢地話, 咁鍾意坐4人枱, 入房囉間房喺一個偏嘅位置, 我問阿姐, 坐左入黎會唔會冇人理我地架?當然阿姐已經唔理我地, 唔答就走左既然係咁, 都唔阻你地賺錢, 最後我冇坐低, 去左第二間食。我明白繁忙時間茶餐廳都會叫人二人坐四人枱坐一邊，但既然你話大把位，點解唔可以有好啲嘅安排。尤其是唔安排唔係冇枱，而係老闆話果張枱要賺錢，如果4人枱先係客, 2人枱就唔係客,咁冇辦法

很久沒有和家人 食 潮式菜 ， 適逢 今天是假日 ，陪了家人 到旺角砵蘭街 "明記潮館 "享盡潮洲打冷美食。餐廳環境闊落， 地方清潔整齊 。我們到餐廳的時候看見 食客也很多， 但也無需等位 很快便可安排 入座。入座時 侯，枱面上已經放了 酸菜和潮式花生各碟$20 茶位加一 另計。餐牌上的菜式 也有很多選擇， 我們先order咗菠蘿咕嚕肉 ，咕嚕肉的分量 也很多， 咕嚕肉的肉質不算鞋口， 配白飯 最適合，青紅椒和菠蘿 ，酸酸甜甜認真 醒胃。石鍋啫啫芥蘭$88， 新鮮 翠綠 的 芥蘭 巧手 烹製 翠綠爽口 。每枱客人消費滿300$，還可送一碟 潮式打冷 滷味， 有豬耳， 大腸 ，墨魚 片，鵝腸，還有大豆芽， 認真 抵食， 家人也很滿意，我們一家都 食得飽飽。

今晚聚會朋友提議打冷 呢間潮州菜館岩曬我地，有大枱夠寬闊！上菜速度也挺快！鮮味煲仔焗蜆份量真是超多！！蜆仔好鮮甜 一粒沙都無，整體味道偏淡，但這樣更食到蜆的鮮味！韭菜豬紅食潮州菜必叫！豬紅質地滑身，粒粒都好入味！瑤柱蛋白炒飯材料簡單，味道唔會太濃，好適合小朋友，但可惜一d 鑊氣都無，飯粒軟腍，似濕炒！潮式炒麵線我本身係潮州人，呢個炒麵線真是由細食到大，當然呢度材料十足d啦XD ... 有魷魚、蝦、蛋絲、韭菜，口感豐富，但依然食到家的味道，好回味！京都焗肉排肉排大大件又有少少骨，咀嚼時滿口都黏住酸甜的醬汁，令人越食越好開胃！海味粉絲什菜煲表面鋪滿瑤柱絲，又有雜菌、西蘭花、小棠菜、娃娃菜等 材料豐富，清清地夠晒健康！

朋友說想打冷，就在網上找了家吃打冷的餐館，頗有驚喜。消費滿$300送鹵水拼盤，雖然是免費的但份量也很多，最喜歡鵝腸和豬耳，質感爽爽的。黃金鮮魷名副其實，每塊鮮魷都被咸蛋黃覆蓋著，非常惹味，一件接一件停不了口。胡椒豬肚湯很濃的胡椒味，豬肚很爽口，吃飯前喝一碗很開胃。豉汁白鱔有驚喜，白鱔蒸得很入味，不失魚味肉質也很彈牙。鹵水鵝肉質嫩滑，作為金牌菜絕不失禮，特別喜歡豆腐，沾滿鹵水汁很可口。晚飯後送上一杯茶作為完滿的總結，整體而言質素不錯價錢也合理。

今晚又來明記食飯，記得呢間餐廳係大概一年前朋友介紹，食過一次之後，每隔一段時間又會好想再過嚟食！今晚有成11個人，可以叫到好多唔同嘅小菜水準不變，係基本！今晚亦都冇令我地失望，我哋依然係一邊食一邊大叫好好食🤣下面係其中幾樣我覺得出色嘅菜式，大大碟既豬手，皮脆肉嫩，椒鹽白飯魚炸得香脆好味，招牌豬紅豆腐惹味！最後當然唔少得蠔餅同水煮牛啦

屋企人是潮州人，所以今天特意帶他們來試一試這間潮州菜。餐廳有孖寶選擇，是抵食之選我們點了孖寶H和蠔仔粥。很快便上菜金牌鹵水鵝 - 份量都不少，鵝件沾滿濃濃的鹵水味，鵝肉肉質非常鮮嫩。還有鹵水豆腐和花生在底，配菜也非常出色豉汁蒸大白鱔 - 大白鱔是偏貴的食材，啖啖是肉而且用豉汁蒸非常惹味蠔仔肉碎粥 - 我們點了大的份量，份量真的比想像中大，蠔仔很多而且沒有沙。蠔仔粥再加上胡椒粉去食，令我們吃不停口！鹵水拼盤 - 餐廳食滿300 元送的，雖然是送的但也不馬虎。有紅腸，魷魚，豬耳，大腸和鵝腸。最喜歡是鵝腸非常爽口和入味最後按照傳統潮州菜一樣送上功夫茶，令人減輕腻感和消滯屋企人都食得很滿足，地方位置也適合一班人聚聚，是不錯的選擇