明記潮館 (砵蘭180+商場)

营业中

休息中

媽媽系潮州人，由細到大都會食潮州菜，久而久之都會有啲講究！今日就嚟又同老公試下旺角嘅明記潮館海鮮潮州菜，除咗潮州菜之外海鮮都係佢哋嘅主打🤩地方好大，好旺場，消費滿300 送鹵水雜拼一份148感覺超值😝😝我哋兩個人剛剛好一嚟到見到好大個魚缸，瀨尿蝦好大只，店員建議一隻share 148可以椒鹽，好惹味添🤩🤩果然肉質飽滿，非常新鮮彈牙、成隻手臂咁長！呢個價錢覺得超值🥳潮州雜拚，超級大碟啊而這種類非常多，鵝腸最出色爽脆，唔肥！鹵水汁惹味，唔會太鹹呀！仲有豬耳、大腸、都係我最愛，老公覺得腩肉最好食😋當然要試下正宗蚵仔粥啦，細＄68已經有三四碗，蠔仔飽滿新鮮用料十足馬拉盞炒鮮魷-有驚喜！惹味，好新鮮，火候拿捏得剛剛好，一啲都唔韌，而且仲好大碟添😝飲番杯食潮菜不亦樂乎！難怪咁旺場喇依家見到佢仲係D區，可以坐12人到凌晨兩點添👍

食正宗潮州菜，只要一試滷水鵝菜式就知道是否正宗潮州菜館，今次這間當然是正宗潮州菜館，因為我已經幫襯過好幾次這間潮州菜館位置於商場3樓，1-2樓由於正在裝修，所以感覺餐廳比較隱蔽，但扶手電梯一上到3樓，就會見到大大既招牌內裡裝修傳統中式高檔大排檔格調，座位夠闊落Menu 多選擇，有孖寶套餐，取了有潮州菜，亦有粵菜，川菜等選擇食潮州菜當然要配啤酒最喜歡黑啤配白啤滷水鵝 $148 例牌竟然很大碟，好抵食，滷水汁夠香濃，鵝件滲滿滷水汁，肉汁夠入味，十分美味滿$300 即送滷水拼盤，超級抵滷水拼盤雖然是贈送，但材料十足，有紅腸鵝腸，腩肉，豬耳，豬腸，簡直一流鹹菜炆門鱔 $88識食潮州菜，這一道菜也是必點的，因為很少餐廳有這道菜式，廚師必定是正宗潮州人，鹹菜湯夠濃郁，門鱔很新鮮，正水煮牛肉辣度剛好，水晶粉夠入味，唯一牛肉有點過熟，還是潮州菜比川菜出色整體每道潮州菜很出色，記得食滿$300即場送滷水拼盤，十分抵食

近排都有一段時間冇出嚟食飯，一有機會出到嚟同朋友食餐好嘅心情異常興奮！嚟到呢個商場，我都係第一次知道原來呢條路有咁樣嘅商場，上到去雖然其他樓層裝修緊，但係呢間餐廳好有大排檔嘅親切感覺，裝修都好有大排檔嘅風格。平時自己好似都要食潮州嘢，成日都想試滷水拼盤蠔仔粥之類嘅嘢，今晚可以俾我一次過食晒，真係好興奮！套餐c 金牌滷水鵝片配粉絲大肉蟹煲呢個套餐絕對係性價比一流，普通滷水鵝拼盤都成$200幾 ，呢個餐加埋個蟹原隻蟹粉絲煲都只係貴$100抵到爛自己真係好少食鵝肉，因為唔係周圍都有得食，好大塊鵝肉，有啲啲似火雞肉咁嘅，肉質未至於鞋但係比普通雞肉粗少少，脂肪嘅位置都有鵝肉獨有嘅有香味，幾特別㗎一大瓶滷水底係滷水豆腐墊住，份量都幾多㗎 ！大肉蟹膏真係原隻肉蟹上嘅，比例超級多粉絲好多，薑都好多完全將蟹嘅腥味僻走晒最surprise嘅係隻蟹係炸過咖！啲羔喺啲較嘅位置必晒出嚟，炸到金黃色！你睇吓啲蟹肉幾肥美！痴線！你餐飯我食得超級開心！蠔仔粥以前細個唔鍾意食潮州粥，因為覺得飯還飯，水還水咁樣根本就唔係粥。但係大個咗之後先開始懂得欣賞佢嘅好，唔會好似粥咁杰，似湯飯，有好多隻蠔仔喺入邊個湯底都好鮮甜。真係

今晚去了吃潮州菜，餐廳在旺角內街樓上鋪，主打潮州滷味，但亦有不少小炒、海鮮等選擇。前菜$20，有花生和鹹菜。由於消費滿$300有滷味拼盤送，所以主要點了撚手小菜。拼盤大大份，暖暖的，有多款選擇，包括有入味的豬耳、豬大腸、墨魚和爽口牙菜等。菠蘿咕嚕肉酸酸甜甜，咕嚕肉炸得香脆，配有香甜菠蘿和青紅椒。小炒皇鑊氣十足，材料豐富，除了有爽口魷魚，還有香脆蝦乾和魚仔乾，亦有香口腰果。細蠔仔粥份量亦夠二人食，除了有滑溜的蠔，還有香脆方魚。

今日去左朗豪坊行街行完之後又好想食潮州菜，行去砵蘭街見到有一間明記潮館就上左去。每枱都有兩碟前菜花生好鬆脆，酸菜又好爽口，仲有埋醬汁點野食。馬拉盞通菜炒鮮魷馬拉盞通菜炒鮮魷，通菜炒到好碧綠又爽脆，鮮魷又爽彈又新鮮，配埋馬拉盞將醬汁一起炒更加美味又好有鑊氣明記荔枝骨炒到酸酸甜甜幾開胃，真是有荔枝，骨又好入味肉質又嫩滑蠔仔粥（小）都好大兜，可以盛4-5小碗，蠔仔又新鮮又鮮甜，又有肉碎好好味😋滿$300仲送個拼盆有，墨魚，紅腸，鵝腸，大腸，腩肉，豬耳等。真是滷水拼盆勁足料，墨魚好爽彈，豬耳又爽脆，其他配料又滷到好香。

明記 在旺角砵蘭街轉角位，夜晚桌無虛席，難得同潮州客人傾談生意。入座時間，有小菜伴碟試一試。餐牌有不同的推薦。潮州菜不能缺少的蠔餅。潮式蠔仔餅，鬆脆，熱辣辣，裡面蠔仔堆埋一舊舊，陷多，肉質鮮嫩。滷水鵝在香港的潮州菜見仁見智，始終會爲香港人口味著想，呢次的滷水鵝味道適中。不會偏鹹，肉質夠實。餐牌如同實物一樣。見到隔離臺香噴噴蝦醬。如果有得選擇，正常都會啫啫煲上，因為有無限的大排檔風味，鑊味。新鮮，材料多，肉碎足料。一定要趁熱吃，因為啫啫好似食扒，會越吃越熱，慢慢變老。菜色變黃會有些少苦味，但不影響佢的口號。兩個人撐臺腳，我的潮州客人好開心。疫情不能回鄉，衹能靠食物思念。

今晚媽去街，帶了爸出來食打冷。餐廳在砵蘭街與橫街的轉彎位，樓下有招客接待。第一次去一間餐廳是有D級，可以多人聚餐，有廂房有圓枱。前菜 | $20，有菜脯，餸粥一流茶位$3位。滷水拼盤買滿$300有滷水拼盤送，份量都不少，有紅腸、豬大腸、墨魚、芽菜等，最吸引是竟然有鵝腸，鵝腸爽脆，豬大腸乾淨肥美。滷水鵝 | $148/例滷水有藥材味，鵝肉實淨，油脂偏薄。底下有我喜愛的滷水豆腐及花生。京都焗肉排 | $118份量好多，加了菠蘿🍍，排骨肉較少，醬汁味道可以再酸少少。潮式蠔仔餅 | $108蠔餅炸得脆口鬆化，有很多蠔肉，不太油膩或太濃。店員招呼不錯，會建議點什麼小菜，上菜速度快。

為左避免父親節食飯人山人海所以提早同爸爸食爸爸早兩年大病完做完手術好多野唔比佢食不過父親節比佢放縱下la所以今次帶潮汕爸爸泥食潮州菜兩三年前爸爸身體好啲帶佢泥食過幾次，爸爸一直回味，今次趁父親節就帶爸爸再泥食啦當然我呢兩三年一直自己有泥食啦但真係不得不讚，明記真係水準keep到，咁多年鐘意食果幾味，味道依然keep到咁好食 好多食肆都次次唔同味可能佢大廚無換過，所以keep到我好小寫食評，希望可以讚下值得讚既食肆，鼓勵下你地繼續keep住個水準啊

坐落旺角爛場嘅打冷舖，層層都裝修緊，開嘅舖得幾間， 由入口到舖頭門口，一路都有阿姐阿哥問你幾位，感覺完全唔似身在旺角。舖頭地方乾淨食物有水準。仲有游水海鮮揀。要講下個豉油王鵝腸，完全失預算，叫呢個餸嘅原因，係因為想食芽菜，平時明明芽菜多過鵝腸今日居然調轉，係比例調轉，良心食市呀😆。 焗蜆超甜超肥～推。椒鹽白飯魚 超好送酒，炸到無左條魚鹵水拼盆 $300就送，完全唔是但，要有嘅都有。 啤酒方面，生啤同樽裝啤酒都有，本土入口，一定有啱飲。

果日一班人8個人(8大1細)出嚟, 諗住搵野食, 行過見到呢間就上去試, 上到去, D待應就問我地入唔入房, 話2000蚊, 咁我地咁多人, 咁好易叫啫, 就入左去, 叫左個烏頭(無味的, 肉質算OK, 唔算太鞋), 砵酒焗蠔(正常味道, 但得幾粒就收我地$208未計加一, 一人一粒都無), 豬紅(同街邊$20一樣味),鹵水鵝(真係勁咸), 咕嚕肉(炸到好乾好鞋),  煎蠔餅(夾起D油滴落嚟, 蠔少, 就咁倒返D蠔餅碎係面蓋住扮好睇),荔枝骨(正常幾好), 避風塘茶樹菇(呢個係幾食的, 好蘇脆好味), 沙嗲牛肉炒芥蘭(D牛肉凍的, 但味道尚可), 黑椒牛柳粒(正常, 但無咩牛味), 黃金鮮魷(炸到過左火, 好韌, 個黃金算整得好食), 鮮奶脆卷(全晚覺得最好食係呢個), 豉椒炒花蛤(好多都無打開食唔到, 得半碟食到), 除左食物質素唔OK之外, 重有一樣野想提下各位食家, 就係佢包房果度, 佢話2000蚊, 跟著佢間中走入嚟話我地未夠數, 咁我地就加碟野, 加完又唔夠, 我地問點解差咁多, 佢就話野飲茶水唔計, 但一開始叫我地入房果時係提都無提過, 最尾出單係2845, 佢汽水$18/

同同事食Farewell Dinner,簡左一間好坐的潮州打冷,夠哂大, 夠哂多位,唔洗怕坐到同人地迫埋一齊,中意仲可以book間房仔 (^_^)’-滷水鵝片 :肉都好嫩, 滷水岩岩好, 唔會太咸,加埋佢比你既潮州辣油就勁正。肉多唔會勁大舊骨 ! Nice!-黃金鮮魷脆口熱辣辣, 咸香都好足,但如果多D咸蛋就好了 (.__.) 因為我想食下D咸蛋碎,送下酒都好丫麻。-韭菜豬紅最basic既野,先最難整得好味。呢間真係100分豬紅,D豬紅入哂味, 個D湯汁一咬就爆發出來,勁好味, 大家食要小心熱到個口!-豉汁蒸白鱔新鮮爽彈既魚肉,加上極多豉汁同埋小小陳皮絲,又係一個極好味小菜。-同朋友試左佢既黑麥啤,好順滑, 又唔苦, 女仔都好岩飲! Cheers!🍻

我就最鍾意打冷同小炒架啦，今次嗌左潮洲煎蠔餅，炒通菜，椒鹽九肚魚(例牌一定嗌)同埋啲鹵野。打冷一定要食潮州粥，係比較稀同埋啲粥係一粒粒唔會煲到好棉。我屋企食開都係呢隻粥。雖然味道未去到好好食，不過呢到坐得幾舒服。Food I must ordered whenever I go to this type of restaurant: deep fried oyster cake, fried morning glory, deep fried salt and pepper Bombay duck and a bunch of marinate stuff.

太耐無打食評之前食左好多餐放假打返哂先😹😹😹.尼個就威囉一睇就知一堆野食.首先地方係方便就腳既旺角但環境就一般般啦如終打冷你唔可以預佢fine dinner 咁架麻.去到冷氣大到爆如果夏天黎應該好爽快.我地嗌左(｡･ω･｡)ﾉ大眼雞蒜蓉開邊蒸蝦小炒王 黃金鮮魷 薯仔牛柳粒沙拉蝦球蠔仔餅C音 x 2份蠔仔粥椒鹽粟米啫啫芥蘭煲豉椒炒蜆滷水鵝片滷水拼盤.真心要講句真係食完飽到爆肚野食都相當唔錯份量亦大ge完全無嗌飯喇淨送都食唔哂喇留意返.當你食完滿足地抱住個大肚腩離開真係一種幸福黎架🥰

很難得在鬧市中可以有一個可以唔限時、平民價錢的地方落腳和朋友相聚。地方舒適，格局似一般的茶餐廳，不過就地方闊落啲。地方好大，全層都是它的。食物勝價比高，份量偏大，味道可口。3個人點了3個餸一個湯，滿$300，加送一個中鹵水拼盤，好夠食。韮菜豬紅點了例牌，份量是足夠4至5人食用。湯點了一個家鄉鹹菜豬肚湯，湯有胡椒味，個人認為可以再重啲。想平平地，一班朋友食飯吹水唔俾人趕，此處絕對係男人的浪漫好地方。

店內寬敞，雖然有限聚令，食客如潮。煎蠔餅 一流，蠔仔粥 真材實料。小炒王夠鍋氣，飲埋支啤酒一流，地點近地鐵站，店內坐位多 晚市好快就會有位。如果消費足夠，仲有包廂可以提供夠哂私人空間