明記潮館 (砵蘭180+商場)

营业中

休息中

做完個聖誕節收工同一班同事一齊去食晚餐搵左好多間都已經收左鋪 咁同事就帶左我地去明記今次我地叫左椒鹽鮮魷 水煮魚片帶子炒西蘭花蠔仔粥羊腩煲滷水拼盤仲有個湯唔記得了環境都幾大既 大家都坐得算舒服不過覺得小炒既野比較偏貴同埋羊腩煲真係唔推薦其實食物都還好既 不過如果唔係其他鋪閂左可能都會揀食第二間 但係樓面既人個個都好有禮貌係真所以服務態度都應該比個讚總括黎講:小炒如果定價冇咁高 其實都會再去幫襯同埋大家緊記 如果想幫襯 主攻滷水野會比較好 話哂打冷先係人地既招牌

約了一大班中同食飯，因為想食潮州菜，但係好幾間都book唔到位，最後唯有食尼間。首先個門口就好難搵，地址煮砵蘭180+商場，但係真正的門口寫為食坊。搞到個個中同淨係搵門口都搵左10分鐘。終於攞左位入座，叫了 蠔餅，蠔仔粥，鹵水鵝雜和鵝片。蠔餅比較厚，好多碎碎，個底仲好多油；蠔仔粥都多蠔，不過不失，無咩鮮甜味；鵝片未夠淋，要咬多幾下，最失望係居然無豆腐墊底。其他小菜都不過不失，焗花甲煲係無沙夠鮮甜，椒鹽鮮魷無咩椒鹽味，海鮮豆腐煲好細份，豆腐都無幾件，但蝦同魷魚都爽滑的。最慘係個場仲噪過地盤，明明想同中同傾偈，但噪到坐對面都聽唔到。

「老友囧囧常相聚」系列之豉椒炒花蛤黎多碟呀唔該！老友生日就梗係要約出黎齊齊開餐啦，廟街打冷食得多，今次上明記試下炸蠔餅係胃食貓每次必點，表面炸到好酥脆，入面好軟熟，蠔仔有蠔仔味，粉有啲厚，可以再少啲，但勝在夠飽肚呀黃金鮮魷，即係咸蛋黃炒鮮魷，咸蛋黃好均勻味道好香濃郁但唔會咸到頂唔順，口感好脆同粉，入面好爽彈牙，讚！滷水拼盤-高水準之作，全部入味之餘但唔會咸到要見字飲水，墨魚片爽滑，鵝片肥瘦均勻兼有淡淡香料味，鵝腸彈牙，正！豉椒炒花蛤超班！忍唔住再encore ，花蛤肉夠厚同足料，花蛤既鮮甜配豉椒既味道，真係可以配3 碗白飯呢度連茶戒都好正，咸酸菜同花生差唔多係胃食貓食唒服務員態度好好，執枱姐姐就算見我地就黎食完都主動幫我哋換碟，話坐得舒服啲、慢慢食。呢度冷氣夠勁，成餐食得好開心

終於都可以晚市4人一枱食飯，即刻約朋友出來聚一聚。 朋友介紹這間位於旺角的潮州菜館，菜館比較隱蔽，不是這麼容易到達。明記潮館樓底很高，地方闊落。豉汁蒸大白鱔：鱔肉彈牙入味。燒汁脆牛腩：邊位炸得脆口，切到一片片容易入口，用來送酒一流。石鍋啫啫通菜：上枱時熱辣辣啫啫聲，好有獲氣。客家黃酒雞煲（半隻）：份量很多，很重黃酒味，飲後個人暖暖的。潮州凍馬友：肉質細嫩，有彈性。鹵水鵝：肥瘦適中， 鹵水入味，但我鵝肉很韌。

終於可以4人一枱，就出來聚一聚，上網找到這間潮館就去試試，這個地點很隱蔽，上了電梯去了另一間餐廳，原來要經過餐廳再上電梯先到明記地方很大，樓底很高，地方闊落，很適合慢慢吹水。金牌滷水鵝，滷水很入味，肉質有小小靭，都可以講成幾有咬口，我覺得都幾好味豉汁蒸大白鱔，正常發揮這個脆邊牛腩幾特別，牛腩夠淋，不會靭，可惜缺點是脆邊位很快淋，要快食就冇問題潮式凍馬友，肉質很鮮嫩，配個汁咸咸地，很開胃啫啫通菜煲，很爽很鮮嫩，

同事見好耐冇食潮州嘢，經朋友介紹之下，知道旺角有間明記，位置都好方便 E出口五分鐘內到👏🏼事先book好六位，唔係walk in所以唔需要等，見到4/5組客人等緊位，有興趣朋友可以book定位等食😈個場夠大，我地喺房度坐得舒服，staff上菜都好快手~ 今晚食：滷味鵝片、肉鬆四季豆、豉椒炒蜆、沙拉骨、蠔仔粥、海蝦、韮菜豬紅！同場有送大拼😻1.滷味鵝片 大大塊 好入味 2.肉鬆四季豆 有少少鑊氣3.豉椒炒蜆 冇沙啊😻4.沙拉骨😌5.蠔仔粥 大大粒蠔仔 一定要加胡椒粉 我就食左兩大碗🤤6.海蝦 口感可以 價錢上少貴 唔係特別話抵 7.韮菜豬紅 加粥一齊食 一流🤤8.同場有送大拼 送既都唔少嘢 詳情睇圖😂

Took a trip from the island side just to dine at this restaurant for some traditional chiu chow dishes listed on their menu(e.g.,川椒雞，墨魚卷拼蝦棗，etc) . Only were told that they are no longer available when we placed our order. Big disappointment. Not recommended

朋友生日想食潮州菜，所以今日就黎到旺角明記！貪佢呢度坐得舒服！而且餸菜選擇都非常多.今日我哋就叫咗半隻菜膽雞，大蠔仔粥，雞油炒豆苗，凍馬友魚，椒鹽鮮魷，蜜餞骨！另外叫滿$300仲送一碟潮州拼盤！我特別鍾意食蠔仔粥，蠔仔粒粒新鮮美味！一個人食咗兩碗半..哈哈！馬友魚食落好香嘅魚油味.點埋豆醬一齊食鮮味滿分！潮州拼盤都幾大份，有紅腸、墨魚、鵝腸、豆腐及芽菜！一啲都唔孤寒！菜膽雞相對較淡.不過雞肉好嫩滑！蜜餞骨舊排骨半肥瘦甜甜地唔錯！椒鹽鮮魷感覺唔夠椒鹽香.不過勝在唔韌！

從同事口中得知，原來在旺角一個我從未踏足的商場裏面， 有一間隱世但口碑極好的潮州菜。 本身都諗住去朗豪坊買東西， 既然在附近就順便醫肚。一坐低就先叫了韭菜豬紅， 石鍋啫啫油麥菜和明記荔枝骨。 原來現在惠顧滿300蚊再送一客鹵水拼盤，正～韭菜豬紅份量非常誇張， 上枱時還問店員是否上錯了大的。 幸好份量多得嚟都十分好味， 豬紅彈牙完全沒有腥味或豬騷味， 索盡了精心烹調的香辣汁， 好惹味。 韭菜非常新鮮， 青蔥得來驚喜地完全沒有渣， 實屬罕有。石鍋啫啫油麥菜油麥菜爽甜翠綠， 裝在滾熱石窩上進一步將其鮮甜 帶出而且香口。 配上鹹香非常包括肉碎和蝦米的醬汁， 清新得來同時喚醒胃口。明記荔枝骨坊間比較少有的菜式， 有點類似咕嚕肉， 但醬汁用荔枝調味， 多了一份幽香清新， 少了一份油膩。 排骨特別選用小肥但比較瘦身的， 咬落軟淋入味亦兼顧健康。鹵水拼盤用上餐廳的招牌鹵水， 味道香得來帶微甜， 大人細路都容易入口的味道。 配合完全鹵入味的豬腩肉， 鵝腸， 豬大腸，鹵水魷魚，紅腸及豆芽， 送飯喝酒都一流。

餐廳位置非常方便，正正在朗豪坊附近，鄰近地鐵站。餐廳環境舒適，每張枱之間的距離也足夠。餐廳累大大小小的魚缸亦很吸引，有着龍蝦、鮑魚、石斑、海蝦等等。餐廳現正進行推廣優惠，凡於堂食滿$300 ，便會送一份滷水拼盤，非常吸引。滷水拼盤有豬耳、腩肉、紅腸、墨魚、鵝腸等，個人最喜歡的是鵝腸，因為不是很多餐廳有，而且爽脆的很好吃。滷水味剛好，亦很入味。明記小炒皇色彩鮮艷，賣相很好，味道亦不錯。魷魚、腰果等等配料亦很多，蔬菜亦很新鮮。蠔仔粥我們叫了小的份量，足以夠二至三人食。豪仔大約有25-30粒，粥煮得很綿。潮式浸花蛤這個煮法很特別，對於不是潮州人的我來說很新鮮。淡淡的鹹菜湯，增加蜆肉的鮮味。黑椒茶樹菇炒牛柳喜歡吃茶樹菇的人必定要叫這一個小菜，配飯吃十分好吃。茶樹菇真的很香，牛柳亦煮得很冧，這款有菜有肉的小菜很健康。這間潮式餐廳價錢合理，地點亦很方便，推薦大家一試。

話說家人突然想去打冷，上網search 到lee間最近又比較好坐。因為有老有嫩、又未book 枱，打算先打個電話去留定枱啦點知接電話阿姐一接電話已經十分唔耐煩、好聲好氣問佢今晚有冇位、可唔可以book定枱就即刻俾佢鬧🥲態度十分惡劣咁話：阿小姐！你自己上黎睇啦！book 乜嘢呀！！我（完全反應唔切）：即係lee 度唔可以book位？阿姐更兇狠地：lee度大把位呀！！xxxx⋯🤯OK, 甘我哋都冇謂貼錢買難受了🤷🏻‍♀️

真心俾錢買難受囉！就算你煮得再好食，我都永遠唔會再幫襯。真心。又再人齊先可以入去，又話要食一個鐘，就要交枱，食餐飯都要人趕頭趕命，當我哋傻仔。垃圾，一定唔會再幫襯。我就一定會幫你宣傳你地既服務態度有幾差，朋友見一個會講一個。企地下個服務員話:你地無book位唔一定有位啊，趕時間唔好來食，要八點交枱啊。上到三樓個樓面又係黑面，唔唔齊人唔好入去，但令外一個樓面又話入面大把位，根本你地知唔知咩叫服務？ 我一定唔推介！

有位中年女人態度超差佢咁嘅態度不如返屋企仲要安排呢啲咁差態度嘅人接電話本身開開心心打電話book位食飯佢個語氣隔住個電話都feel到佢嘅態度見到其他食評都話呢間d態度好差真係唔係老馮要食你呢間囉麻煩你改善一下你嘅態度之後無論對你間餐廳定係對你自己都有好處

今晚來到旺角，晚餐食的是潮州菜， 明記潮館。Menu很多選擇。啫啫滑雞煲 $118裏面有豬潤、蔥、芫茜及洋蔥，雞件應該經輕走過油，及眾多的配料，令雞肉特別香，雞煲上枱還帶著啫啫的響聲，及飄出一陣陣的香，雞肉切得 較為大件，也比較入味！欖菜肉鬆四季豆$98 欖菜肉鬆四季豆放下臺上已經聞到一陣的香，欖菜四季豆也是經走過油，爽口中帶著鑊氣及欖菜的香，特別惹味 ！枝竹蒜子火腩炆豆腐煲$108 火腩豆腐煲有燒肉、冬菇、芫茜、蔥，面枝竹及豆腐的份量都很多，枝竹及豆腐都吸收了火腩及蒜香味道，好滋味，尤其是枝竹，很入味！蠔仔粥$68蠔仔粥的蠔仔不是很大粒，原來餐廳是用了潮州特有的蠔仔，雖然較為細粒，但不會有腥味，蠔仔食落很軟滑，及面還有魷魚、大地魚、芫荽、蔥……等，令蠔仔粥很鮮甜！餐廳滿$300送鹵水雜拼盤，有鵝腸、腩肉、豬耳、墨魚、豬大腸、紅腸……等等，最愛爽口的鵝腸及豬耳，抵食！

好耐無幫襯喇😍男朋友今日話想打冷所以過左黎！好鍾意佢地方夠大坐得好舒服👍🏻蠔仔肉碎粥｜粥底鮮甜，加埋芫茜、肉碎同方魚碎，味道有層次。蠔仔好多仲粒粒都好肥美完全無腥味😋金磚豆腐｜最鍾意既一道菜❤️豆腐外層炸至金黃色灑上椒鹽粉，好香脆，內層就非常滑，點埋甜酸醬無得輸啊🥰韮菜豬紅｜湯底味道濃郁帶微辣，豬紅同韮菜都好入味，份量都好大！啫啫通菜煲｜煲仔上檯時仲滾緊，夠哂熱👍🏻通菜入口爽脆，好惹味🤤滷水拼盤｜食滿$300會送滷水拼盤🥳裡面有好多款食物，有墨魚、鵝腸、紅腸、豬耳同豬腩肉等，全部都炆到好入味，超滿足啊可以試到咁多野🤩食到超飽😋😋😋