明記潮館 (砵蘭180+商場)

营业中

休息中

一句講哂，劏客！當d客係水魚！食餐飯，等於喺酒樓食豪餐咁嘅消費！我同朋友食個生日飯，無雞無魚無蟹無蝦，只係小菜幾碟，埋單仲貴過去高級酒店食，淨係啤酒錢，都佔咗張單一半價錢，呢間係×店，大家唔好去食！

聽朋友講呢間野好好食，料靚，做法傳統，然後再上黎睇食評做功課，諗住實冇死，點知：有啲失望。先講送嘅鹵水拼盤：有鵝片，豆腐，豬耳，腩肉等等，入味唔過咸，不錯黃金鮮魷：鹹蛋黃好足料，但魷魚本身炸得唔好，一啲都唔脆，然後撈埋鹹蛋黃，搞到成碟野淋pat pat, 唔知想點黃酒雞：雞件好多，多肉，唔會煮到老哂，湯底亦唔錯，飲完唔口渴砵酒鱔球：鱔球大大件，有成9-10件，外脆內軟，幾juicy. 可惜醬汁太酸，似咕嚕肉個汁多啲，直接改咗個名叫咕嚕鱔球比較適合

與家姊行經砵蘭180＋商場，有位酒樓姐姐向我們推介食潮州菜；見佢很有禮貌地推介而家姐亦有興趣，隨卽上去試試。食肆位於三樓全層，地方寬落。但因商廈正在進行翻新工程，沿途圍上木板；好在指示清晰。飯前小食要收取$20。有菜莆和咸脆花生，用來送粥合適。滷水鵝(例) $148食潮州菜滷水鵝一定唔少得，我們 order了例牌，肉質嫩滑，滷水味道調教適中不會太鹹。沙嗲牛肉炒介蘭 $118介蘭新鮮翠綠，但稍嫌太硬炒得唔夠淋；牛肉味濃配以沙嗲醬烹調更加惹味。蠔仔肉碎粥 $68原來細既份量都很多可分八小碗，蠔仔漲卜卜很新鮮；配料豐富；所以粥底特別濃郁，一D腥味都冇。滷水拼盤每凡堂食超過$300就送滷水拼盤一分。有鵝腸、豬大腸、紅腸、豬頭肉和墨魚；還有大豆芽墊底，份量十足。

【地理位置】地理位置方便，離地鐵站也不遠，但是他位於一個破爛的商場 （應該是全面裝修中其他樓習像也沒有任何餐廳），入去的時候真的有點恐怖，有時會懷疑自己是不是去錯地方，幸好入咗去餐館之後，又是另一番天地同正常餐廳沒有分別。因為是朋友介紹所以進來食，要不是也不知道有這麼的一間餐館。【食物】蠔仔粥大碗美味鮮甜，十分之喜歡食，我們叫了一個大號，可以四個人happy share黃金鮮魷應該是蛋黃麵粉包住魷魚鮮榨的,  所以除咗食到魷魚的大口之外，也吃到濃濃的蛋黃香味送飯一流明記荔枝骨味道正常，  骨比較大。沙嗲牛肉炒芥蘭因為想健康啲所以想叫一道菜，雖然味道OK但是價格不OK！ 如果在出邊食應該80 90都有一碟。無計小食很地道的潮州菜小食，但是五花肉有點肥，豬腸也很肥但是應該是正常的，其他都OK好食【價格】埋單約每人$200 ， 不算抵食

炒幌好味的，不過貴了一點第一次吃明記，同朋友一齊食宵夜。環境普通,服務態度很好，好nice，喜歡他們的禮物。大家都食得很開心，是約三五好友的好地方，夜晚聚在一起。

自從其中一次同同事去過呢度食飯之後然後每次一大班人約食飯既時候 就會諗起呢度 因為貪佢位夠多 就算即興約食飯都唔怕冇位 而且都幾寬敞 好啱成班人坐低食飯吹水而且啲嘢食份量好大碟 價錢合適 好抵食有時仲有優惠食夠某個金額 就會送滷味拼盤最鍾意食呢到既椒鹽鮮魷同蠔餅 夠晒香口足料會同其他朋友推薦！

香港人喜歡潮式打冷作宵夜，但現在的潮州大排擋，已經買少見少，皆因時代的變更，同時講求衞生，坐在街上品嚐美食，三兩知己把酒言歡的情境，慢慢變成大家的集體回憶。明記潮館，在裝修上有點特色，有點街頭風格，場地面積甚廣，他們位置二樓，一樓全層裝修，所以進出有點不方便，可能因為經營宵夜，場內空氣有點渾濁（原因為何，大家可以想一想），感覺場內衞生有待改善。惠顧滿$300，送一個滷水拼盤，雖然是免費，但用料十足，非常美味韮菜豬紅，有傳統打冷味道，強烈推薦蠔仔粥，吊片非常惹味，但略嫌蠔仔不足，還少了芫荽冬菜，失之交臂其他小菜，則一般水準

豉汁食潮洲菜好多時候啲餸都會大大碟，所以起碼4個人食先夠滋味。有朋友帶路嚟食，聽講唔少好評，其中原因就係「大碟抵食、坐得舒服」附加係：「睇波大聲有氣氛」環境：圓枱為主，大小圓枱都有，位置多，多人可以包房未上到嚟己經見到食夠$300蚊餸滷水拼盤（4人中分）（超過某數有大份），原本諗住送嘅就唔抱有期望，點知意外地覺得大碟之餘外貌又唔錯﹗好嚟簡單講吓有咩值得推介：總括，每款小菜都有咁上下份量，而且全部都熱辣辣，味道啱啱好，食到潮洲味，唔會咸或淡，仲幾快手﹗整體值得一試﹗再講吓啲小菜：首先係滷水拼盤：分別有鵝腸、魷魚、鵝片、紅腸、大腸、豬耳、芽菜底，應有盡有﹗而且大腸唔會油膩，話就送㿝，但好有誠意喔﹗炒蜆都係大大碟，平時一般嘅打冷好易拎到出嚟凍晒，但呢間完全唔會，係熱架﹗而且唔會好咸，更重要冇咩點食到沙﹗另外就係原本叫咗薯仔牛柳粒，但最尾嚟咗蠔仔粥好大碗﹗睇落都幾有光澤樣樣分明，幾開胃﹗啲蠔又真係大大粒﹗每樣餸都係熱辣辣咁上，值得一讚，黑椒著仔牛柳粒都係熱辣辣﹗牛柳都彈牙﹗切嘅形狀啱啱好，唔會太細粒好孤寒咁。是

明記應該很多人都認識，是旺角室內潮州打冷餐廳。椒鹽白飯魚，炸得乾身，香脆可口！黑椒豆腐牛肉粒，味道不過不失，可惜份量較少！薑蔥魚腩煲，魚腩味道不夠，薑蔥不夠香，很普通！蠔仔粥order 了一窩，足夠四個人吃，每人大約可吃兩碗。Order 夠HK$300，就附送一個小的滷水拼盤。拼盤款式多，包括紅腸，墨魚，鴨腎，大腸，豬耳等等，絕不馬虎！總括來說，只是室內地方較大，坐得舒適，食物質素一般，沒有太多的驚喜。

Had a lamb pot and a few side dishes with my wife. It was very good and portions are generous. The location is slightly tricky to find, but don’t give up. The decor is cool as well. It attempts to mimic a street vendor feel, which is nice for friends from out of town.

新年好多飯局，今日去明記潮館食打冷。前菜嘅辣白蘿蔔好味道，夠辣又爽口，真係好開胃嘅前菜。主菜有拼盤，鹅腸好爽口彈牙，下面嘅芽菜吸收汁，好味！雞酒煲真係會令人醉，因為d 酒好甜好好飲

禮拜六晚七點半walk in都仲有好多空位，但過多半個鐘之後都坐滿左九九十十，可見明記潮館雖然係樓上鋪，但都係大家嘅開飯熱點。羊腩煲羊肉軟稔入味，蓮藕夠粉；用香濃既湯汁淥生菜，再加埋南乳醬真係無得頂！唯獨係缺少左枝竹，好似差減啲野咁。蠔仔粥十分足料！係好正宗既潮州粥煮法，米粒粒分明有咬口，就算唔加胡椒粉都毫無腥味！.另外仲叫左芥蘭煲、欖菜四季豆同炒米粉，都係水準之上！叫滿一個價錢，餐廳仲會送個滷水拼盤，有齊哂多款小食，過足口癮。

打冷！？還真不曉得什麼意思😂同事驚訝的看著我什麼！你來香港這麼久，竟然不知道打冷原來是潮州菜！好吧，除了四川菜是辣的，我真的對菜系沒研究第一次打冷，挺新鮮的叫了不少菜這間空間寬敞，坐的挺舒適的還有送鹵水整體用餐感覺還不錯味道不錯，上菜很快是真的算是宵夜的好去處一群人吃特別有感覺再來個兩手啤酒就完美了可惜我不喝酒...哈哈...無法體會大口喝酒大口吃肉的暢快感豬紅炸蠔蠔餅份量也還不錯👌推薦給想吃宵夜的打工仔

明記潮館旺角砵蘭街180號砵蘭180+商場3樓今晚同女朋友出左黎旺角食潮州打冷，明記 我地都唔係第一次食，鐘意佢食夠$300蚊送個鹵水拼盤好抵食，而家食左幾次水準都仲keep到，所以間唔中我地都會返黎幫襯下7點鬆d上到黎，餐廳都坐左8成人小食---價值$20蚊呢個係每次黎必食既，好鮮味2個人叫份細既，岩岩好每人都食到大概3碗熱辣辣好惹味比起平時蒜蓉炒香口好多一句講曬好鮮味忍唔住連個湯都飲咗幾啖呢個冇得輸啦唔使錢送嘅仲咁大碟完全夠曬兩個人食呀臨走前仲有功夫茶飲埋單2位 $363蚊

三眼既小公主某一天帶左三眼去打冷，去左旺角既明記，聽聞就話平日晚飯時間係好多人，所以小公主就一早卜定位，去到原來都無半個場人，可能因為最近既事啦，坐卡位，都舒服，裝修都有feel既。坐低叫左啤酒解解喝，有多款，之後就一個餐，雙拼，羊腩煲拼馬友，首先馬友先，夠大條，夠入味，真係吾錯既，好喇…到羊腩煲……，如果呢閣下係無咩牙力既話就吾好諗，因為d肉係真係咬吾開，吾入味，食到好無癮。之後黎左個三杯雞……，右係咬吾開，雞勁“鞋”，吾入味……。不過值得讚既就係叫滿300蚊就送滷水拼盤，都大蝶架，不過味道就……無特別，免費就算啦……最後最低讚既就係個甜品……“反沙芋”好難食到……佢右整得好好味喎……芋頭夠粉，砂糖痴得滿。必食總括，其實都幾失望，都吾知搞咩，可能吹噓得太勁，係個甜品真係值得食，而且個價錢……2個人食左700蚊，下次我都係去打邊爐……