明珠越南餐廳 (已結業)

晌上環番工有時間會晌果度食*蝦餅牛柳粒紅飯是椒牛河share食*蝦餅厚身幾有蝦味啵:] 彈牙紅飯雖然唔夠茄汁味不過牛柳粒好正*是椒牛河同出面炒既唔同好多汁好好味勁buy唔記得幾錢=P雖然晏咒係趕客D 等齊人先有得坐不過都冇計呀個個都好犯賤繼續去食XD

叫外賣．聽電話個女人態度超超超差！我以為佢聽唔到我個ｏｒｄｅｒ，所以我好心重覆一次，究竟俾佢’ｇｉｐ’我！又勁不耐煩咁叫我：講啦（下一個ｏｒｄｅｒ）！喂宜家好似我係客喎，我做咩要好似受你氣咁！落完單佢無重覆一次ｄ　ｏｒｄｅｒ俾我聽，拜拜又唔講．叫佢１２：３０送到，佢又落錯單，結果１２點送到！食時ｄ河粉己經發脹晒．．．我碗沙爹牛河，只係得牛同河，無伴菜，好難食！服務我會俾負分！味道我俾０分！下次唔洗＄我都唔會再食！

我就係中環返工既，ｌｕｎｃｈ周不時都同ｄ員工一齊落黎食野，佢地午飯時間的確係迫左少少．．到左下午茶時間反而會疏落好多～個老闆娘又真係成日好似趕人走咁既，不過算啦，人地都係想你咪霸住個位姐．．整體我都覺得ｏｋ～

電召，老闆娘一掛就掛成5 分鐘電話；還是走一轉吧。下午四時的明珠，仍然爆棚- 吉了的位子全放滿米紙春卷。叫外賣，也要等老闆娘嘮叨多5 分鐘才交易完成，然後乖乖的被趕到店外站。習以為常。到手時，盒底仍是灼熱，真的有點怕膠袋會融掉。回府，被「摧殘」多個多小時才能把粉卷送入口；雖然粉卷已經冷卻，但仍然有一定水準：茜味、蒜味濃郁，粉皮亦沒有變成一pat pat；雖然肉碎是下欄貨，且醃得未必人人喜歡，整體感覺也是多油，但一加自調nuoc nam（魚露），便將成個感覺倒轉過來- 極之開胃。可是，不適用於「唔茜人」同「唔蒜人」。

次次去都食炒紅飯,春卷凍檬,炸蝦餅,熟牛肉湯河.3個人食得好飽. 埋單$16X.自己去食加杯野飲都要$4X.反而外賣平d.12點半前埋單有八折.老闆娘態度極差!!!d客好耐未叫野食就叫人收野埤客,另外平日要等齊人先可以入座.

正如之前的朋友所說,態度真是十分差,足以令我不會再去,那個站在門口的老板娘,那個罵人的嘴臉,簡直令人反胃..我又唔覺得他們的食物特別好,其實也只不過是一般越南餐廳的食物,很多間都有它們的水平.還未食完已經收碗,想飲一口茶,已經遭人沒收你用緊的餐具,更即時放另一套碗和筷子,等你快點走守在門口的那個老板娘見樓下的人還不走,索性打開門讓外面的熱風吹入室內趕你們走雖然這間食店這樣出名,但試問各位食東西要被人罵,要受氣,平日工作已經大壓力,但食一個lunch都要俾錢俾人罵,今時今日怎可以有這樣的服務態度呢!如果自問自己有被虐待狂,又喜歡被人呼喝的話,我覺得這間餐廳絕對可以考慮咁"唔憂做"的一個嘴臉,就樣時代去淘汰它們吧!!

無論老闆或員工的態度其差，連最基本的禮貌亦欠俸！我們不景是顧客，難道理應給服務員呼喝，及恭恭敬敬地結賬嗎？我相信一群中環上班族光顧了明珠後必定感同身受，除了發誓永不光顧及在此抒發外，亦希望有關人仕自重，明白花無百日紅的道理。

前往晚膳，叫了一客牛柳粒紅飯及春卷，當牛柳粒紅飯上菜時，已覺得不妥，原先應該乾身的炒飯，看上去已經似爛飯，再吃下去時更覺得似糊仔，吃了兩口已難以吞嚥。沒有辦法下只吃牛柳，味道一般。 期待春卷會好吃一些，「春卷」本身OK，但所提供包春卷的菜則已霉霉的，葉邊已見黑邊。再要了些提供包春卷的香葉/薄荷葉，亦都是霉霉黑黑的。 「吃」過這餐，我們真是難以忍受如此「質素」，匆匆再往其他食肆醫肚，想起都反胃，不時都後悔不好好找一家像樣的越南菜館，無謂難為自已的肚皮！

好耐之前黎過幾次, 最近響中環番工, 突然諗起呢度, 所以就同兩個同事黎食lunch以前都唔覺咁迫...可能唔係撞正peak hour 啦, 但lunch time 真係爆多人, 好彩我地食12點仲有位大家都係食左豬排撈檬, share 左個小食拼盤, 豬排唔係炸的, 似煎熟,幾多油, juz fine, 但同事話覺得有d 奇怪, 小食拼盤唔抵食, 但同事話想食, 唯有order啦總係覺得無以前黎既時候咁好食, 如果有得揀, 寧願去小巴黎p.s. 外賣豬排撈檬只係$20, 抵!!!

豬扒檬粉: 豬扒味道一般, 而且有些少「鞋」添..咖喱牛肉飯: 咖喱味幾特別, 幾惹味, 同碟飯分開上, 好多牛肉好多汁其他: 一枱一壺茶, 環境擠迫了一點

中環這個地區活動, 已有三四年...不僅不知道這個地方, 還要新同事帶我黎呢度食lunch, 諗起都滴汗=.="地方真係超窄, 食得好辛苦, 因為女士坐裡面, 我的背部全程就俾d阿姐同埋其他人出出入入的人撼下撼下咁, 食左都唔消化~~===個人項目===春卷撈檬- 春卷OK, 唔會話好突出, 但檬底則一般.===團体項目===蝦餅- 正, 夠彈牙同埋有蝦味, 可以一試!香茅雞翼- 又係一個ok而已的貨色..這裡的感覺會比較簡單d, 純樸d, 有住家風味d, 而又不會給你驚喜的那種...行過, 裡面無人, 想食越南野, 唔想在中環食咁貴, 符合以上條件者, 可一試!

平日返工食lunch 都黎過幾次，覺得呢度０的湯濛幾好食，就叫埋男友黎試下啦。二人叫了牛肉湯濛、札肉湯濛同一碟炸春卷。札肉湯濛係必叫既，分量雖少但係０的濛好爽口，配埋個香茅湯底真係幾好味，我次次食都忍唔住飲哂０的湯。男友怕食生野叫了熟牛肉，不過我見人地０的生牛肉肉質紅紅地，好似好正咁，下次再黎會試下。個炸春卷係包生菜食既，春卷炸得幾香脆，皮唔會過厚，不過我唔係好識包，食既時候有０的狼狽。呢度既服務一如其他食客所講咁差，女侍應個個都晚娘咁款，見到佢地０的嘴臉都倒胃。佢地真頭係“指揮”０的客坐邊度邊度，我見到格離對男女被佢地點到頭暈暈。雖然０的野食唔差，不過服務態度唔好就咩都補唔返。

20051209 8.30pm中學時代的要好友人M 從L.A. 回港, 聚舊一番, 兩名女子就在中環搵食. 這次則輪到我失威了, 因此店是M 帶我去的, 在中環蒲了這許多年竟真不知道有這家店!!!招牌寫是1980 年開業, 比我還要大! 裝修是沒有的了, 殘殘舊舊, 2/F 則是別有洞天, 而且又撞到另一朋友! 看來就真的只我一人不嘵得有這店了!2人order 了-* 生牛河x 2 - 湯底清, 帶很濃的香茅味. 牛肉不錯, 河粉滑. 高水準. M 把湯全碗喝掉!* 炸春卷x 1 - 裹著吃的生菜很爽甜新鮮, 春卷也炸的不錯, 很輕. 不油膩.* 炸蝦餅x 1 - 非常彈牙! 是看到牆上的剪報推介才點的.埋單才$120多, 有點不好意思, 洗塵吃的飯竟然這樣便宜.

甘既環境居然收茶錢牛柳粒紅飯好油, 又貴!又迫! This is central life...

真係唔覺得好食，食完就趕你走，服務差，又坐得迫，所以真係唔明點解咁多人，就算中環食晏真係好多人，但都不至於要去呢到囉。