明珠越南餐廳 (已結業)

我記得杯飲品叫咩la,頭先唔記得0左...拎番張外賣紙睇下,原來係叫仙沙冰~<--呢杯都係一般only頭先唔記得講,我覺得明珠越南餐廳太細喇,其實佢有冇諗詔開多間?我今日坐0既位係樓上閣樓0既突口位,原本呢個位都几好,係樓上最大0既位,但係上面唔知點解多左條好矮0既樑,我走0既時間就撞到喇...都有少少痛,佢已經加左個唔太軟0既墊,但都冇咩大作用... 如果佢間舖大d就好喇

今晚同男友又去食明珠越南餐廳,叫0左個蝦仁豬肉卷,牛肉粒明珠炒飯,同生牛河,加杯咩沙冰,突然唔記得個名第一個字....英文係話jelly with coconut juice,原來係就咁大菜糕加椰汁,冇咩特別...個牛肉粒都好好食,反而係配個明珠炒飯就麻麻地,唔夠香口.至於個蝦仁豬肉卷就好好食,好香香花菜味,令到個卷成個生猛哂,d味好出!!!d豬肉都好香豬肉味好新鮮~隻蝦又大隻,d粉皮好薄,薄到睇到隻蝦有几大呢~但點好食都不及一碗生牛肉河,又係呢碗河,差d搞到我個肚爆炸呀....佢好味到...即使我好飽,都仲想叫多碗食...不過最終都飽得滯,冇叫到...下次你去食,一定要試生牛河..

今日食飯要留在公司開電話會議，要叫外賣，同事不知在那裡找來呢度的外賣紙，所以就吃越南野。望落張外賣紙，似乎呢度而家加入唔少港式茶餐廳的食物，如叉蛋飯、干炒牛河、廈門炒米等，反而一些食開的越式食物如牛油雞翼等就無，都幾得意。四個人叫了粉卷、蔗蝦、雞絲檬、煎札肉檬、咖哩牛腩飯同牛粒紅飯，因為幫襯過一百蚊仲送一客春卷。半個鐘頭內送到，速度幾快，外賣都可以講係熱辣辣。粉卷同春卷是一貫水準，蔗蝦好細件，但就有六件，個人而言喜歡大件少少的蔗蝦；檬及飯份量足夠，五個人食都可以，味道OK，但個咖哩牛腩飯就無好開胃咁好味。埋單只123蚊，四個人一人都係30蚊多少少，真係幾平。再望番張?單原來全張單最貴的牛粒紅飯都只係30蚊，而雞絲檬就17蚊，好似平過堂食幾多下。

有次同屋企人去食,我媽媽食檬,我爸爸食金邊粉,家姐食咖哩牛河,自己就食生牛河,食0既時候當然係呢樣試D,0個樣試D,大家一齊食食完我覺得個河粉係最好味,0係香港都好少食到呢隻河粉,入口好似食緊絲咁,我指SILK,好滑又好香米味!!個牛肉湯底又好野味!!所以都係生牛河最好味!下次去,會試下佢個牛柳粒紅飯同香茅豬扒,唔知係咪大家講得咁好食呢~

烤豬肉撈檬，豬肉平平，甚至有些乾鞋、但個撈檬就一流咯。麵冰涼、清爽、彈牙、拌勻碎蔥、炸蒜、花生粒、菜絲等，加埋特製魚露，非常醒胃，好食到唔停得口。不過唔算平，尤其飲品要另叫。

在一班同事慫恿下去了這裡吃午餐，又話出名又話好正咁。都ok啦！12:30am到，因夠人多所以坐到大table。但到一點鐘就人山人海，度度都要搭table。門口仲排滿人，都米話唔誇張。最得意就係呢度用的碗筷好似中式酒家，可能係執夜冷。梗有叫出名果隻牛柳粒紅飯，仲有其他例牌越南菜如生/熟牛肉檬/河、札肉粉卷、春卷、蝦餅、炸牛油雞翼等…..食物俱有水準。牛柳粒紅飯的牛柳幾正，個汁都幾冶味，但D紅飯就較失望，只係一D紅色的飯，濕濕地無咩味。所以我們立即叫了幾個法式麵包夾去同牛柳一起食，反而紅飯就完封不動。埋單位位80幾蚊(有加一)，中等價錢。始終坊間越南菜有其普及和局限性，唔會俾倒太多驚喜你。個人覺得又不是非去不可。下次若然見太多人可考慮蘭桂坊上面有間樓上越南舖都有番咁上下水準，仲平少少同唔使加一。

平日食Lunch 的時候常常要排隊，我由Office 要行成十五分鐘，都有時去食，過到D 牛柳柆紅飯好鬼死『正』，而香茅豬排都好好味，可以話是我食過咁多間的越南菜最好食的一間。

呢度有好多白領幫趁,因為真係好平,質素仲唔錯添.最鍾意食生牛河,個湯清甜夠味唔太咸,o岩o岩好.河粉好滑,完全係"雪"入喉嚨o個隻,牛肉夠晒嫩滑,總之就正啦

This is probably the best Vietnamese restuarant that I have ever been to and tasted. The price is inexpensive and the food is excellent. The service is good and you get value for your money! I recommend the sour hot pot, the Vietnamese sausage vermicelli, the diced beef cubes with red rice, and the satay ho fun! Superb!

雖然地方淺窄，衛生情況一般，但食物味道不俗，可以一試。

在中環返工的打工仔相信一定去過這家越式飯店。尤其是它的「牛肉粒紅飯」。但是中午時間最緊要早到，一點前就差不多，否則有排等。各位如果不介意一張麻雀的一邊大小的位子要坐兩個人，那麼明珠應該是中午吃「快」的好地方。清潔方面似乎沒有什麼大問題，但是洗手間的情況就不清楚了，因為叮從來沒有到過，所以無可奉告。