明珠越南餐廳 (已結業)

又係同同事一齊黎呢度lunch(得兩個人),佢話呢度好味,又有D出名,試下啦.....一上到去(佢地有兩層),都知唔係好對路,因為連我呢個高度都可以hum到個頭,,真係唔小心D 都唔得.......一入到去坐,就pat個manu比我地,,,又吹我地叫野食...仲有呀,,,我同事因為等我所以入唔到去(佢地係要人齊先會比你入!!!!)駛唔駛咁串呀?!我地叫左個湯sate牛肉金邊粉同生牛肉河,我個sate都ok啦.....味道算係咁架喇......佢0個碗我就唔知,我冇食過....另外叫多個精粉包,都幾好食,唔係好油......不過,,,食得太趕喇,都唔enjoy0既,我諗都係冇下次lu

今日同兩個friend去食lunch。其中一個遲我＋分鐘先至到。因為太肚餓，我先叫一個片豬肉食住先。落單時，個四眼肥肥古女侍應，好冇禮貌咁話如果我個friend仲唔到，個位就比第個。請注意，那時是12:15，我坐低唔夠兩分鐘，全場仲有一半空！算，我忍。之後我幫個friend叫埋食。三個人叫啦5碟：片豬肉- 片淋; 香茅雞翼-一D香茅味都冇!; 蒸粉卷- 不如改名油浸粉卷; 雞絲河and牛柳粒紅飯- ok la。上菜時，D女伙計仲晦晦氣咁。食到12:40，D伙計夾硬塞多一個男人落我張2人到(明白人都係做生意，我3個人唔介意坐迫D)。大佬，無啦啦三唔識七同個男人肩碰肩坐，幾反感。我明白個個老闆都想D客食快D，做第二轉。問題係，D老闆同伙計完全將佢心聲表露面上同行為上。我有種佢間鋪乞食感覺。埋單每人$60，背脊骨落！雖然中環lunch time 唔憂做，但咁服務態度，真係鬼幫襯!

I order the Beef with Red Rice 9Jul lunch time. I almost finish the dish and find a 1 inch 蟑螂in the dish.....This is really disgusting and I was about to vomit. Too bad that I did not take a photo because I felt really bad at that time and did not keep the evidence to sue them through Government departments.The worst thing is, I told the staff and I left after 5 minutes. On the way to downstair, they still deliver another dish to another customer!!! Honestly, I am sure it is the same beef a

今日同家姐去食晏~上樓上條樓梯好窄||要同另外二個人搭台~_~不過都算啦~食晏時候嘛~..見到對面2個有壺茶但我地坐低好耐都冇~咪問d職員囉~佢望一望對面個茶壺,答:"下?..share得啦!" 呆左...唔係呀...去茶樓都唔會同d唔識既人飲同一壺茶啦~><~感覺上怪怪的..但又口渴..冇計~___~點左3樣野~雞絲撈檬,香茅豬扒粉絲同炸春卷~個檬粉都ok~幾多雞絲~^_^不過...食完好耐另外o個2樣都未黎...""個職員見個檬粉食哂就想收哂d野~!仲話「d野黎齊哂囉可~~~」搞錯...~___~""結果要追單先黎~ 個粉絲既味道唔錯~但得好少~..個豬扒完全冇香茅味~而且勁"鞋"~>_< 春卷有4段~都幾大件~個餡好熱~'0'~我冇為意咁丟左入口>~<熱到丫~!!個餡係好豐富~不過個皮又硬又un..淋d醋或者成條浸落d醋度~等個皮軟番d同降下溫會好味d^~^因為d野黎得慢~但趕住番工~所以我口入面d野都未吞,家姐落樓下俾錢先~我唸住吞埋"了"埋牙先走家嘛>3< 點知幾個職員夾手夾腳勁高速咁執哂d野,仲set番好2個位

之前同屋企人0係度食tea,一碗生牛河都係16蚊,平時食成28蚊碗架~ 另外又叫0左碟春卷,都係16蚊.生牛河同平日水準一樣,湯清甜好味,牛肉新鮮,加埋青檸同辣椒食就加好味!個春卷都好好食,有2大條,另配生菜,春卷0岩0岩炸好,夠哂熱,材料足,加埋生菜食冇咁滯,好味!不過個魚露港式得滯,可以落多d檸檬同辣椒,再加d醋同越南魚露會硬好,而家0既味道,食完會好口乾.是日0既茶係壽眉,平時多數普茸多.壽眉都好飲~唔錯呢~

二個人食了一個生牛肉湯檬, 香矛雞亦檬同埋蝦餅, 同銅鑼灣清亭比, 真係低了一班牛肉湯唔夠入味, 檬粉好似米粉咁, 可讚的係雞亦都算得上香口, 蝦餅夠旦牙, 大件價錢一d都唔平, 加一同茶錢, 落樓要成百銀!

係門口見倒張外賣單幾抵,入到去見到樓下全吉,都心知不妙,上樓上d樓梯好易仆親,仲要樓低勁低,我男友仲撞倒,餐牌上既價錢貴過外賣單$8-9,仲要加一,即刻覺得被騙,叫左香茅豬扒飯$28,雞絲粉$26, 無食雞絲粉,不過幾細碗,男友完全唔飽,我個豬扒飯份量ok,但毫無香茅味,仲要勁溥同o鞋口,好油

叫了牛柳粒紅飯(牛柳粒雖好. 但上時已經凍左7成.紅飯亦無味. 咁都好食? 真係奇! ) 大號拼盤一個: 有庶蝦. 春卷. 肉碎蝦片. 蝦餅(呢幾味都幾得!) 咖喱角同牛油雞翼就普通貨色. 侍應阿姐們夠爽快. 態度有禮. well. 舊樓始終都係好多橫樑. 我行個條樓梯個刻好有危機感. 難為各位著三寸高跟鞋的OL們~~

食左茄牛、香芧豬扒、紅飯...全部都好難食呀。無法接受。

今日同屋企人黎食,叫0左一碗金邊粉, 一碗生牛河, 同一碗牛肉粒檬, 一碟春卷, 同一碟紮肉粉卷. 食0左140.個金邊粉好食,d粉好滑,而且湯好飲,牛肉河不嬲都好食,而個牛肉粒檬係第一次食,覺得勁好食呀! d牛肉粒好好食,好有牛味,又lum,d粉都好食!粉卷好香香花菜同芫茜味~好食~春卷太熱氣我自己冇試到...哈哈今日星期日,一點0既明珠越南唔多人,食得舒服,唔錯呢~

中午0係度食0左碗至愛0既生牛河,26蚊,但12點半前埋單有8折,所以$22.9就搞掂~碗生牛河上時實在好吸引,無論外觀定係香味都搞到我胃口大開~要0左一小碗辣椒同青檸就開始食.點知一食,d河粉唔同0左....平時佢d河粉係好滑的,但我第一啖食0既河粉..係好普通0既港式越南河.......可能我攪過碗河,將底0既河反0左上黎,原來佢個底係放0左呢種河...極失望呀!!!!有冇搞錯....0個几條淘式河粉大概佔成碗河0既4份1啦,或者5份1,我都唔肯定有几多,但唔係成碗都係0既...不過都有夠我失望..其實都唔爭好多,如果成碗用0既河都係一致就perfect喇...雖然個湯好好飲,真正0既河粉好好食,但今日碗0野都要扣分,扣佢唔老實

今日放學行過,入去食0左碗生牛河,先知原來下午茶咁平!!!平時一碗都要廿几蚊,今日食,一碗先15蚊,size仲冇變!!!你話下午茶時間,0係中環區,去邊度搵到間水準高,有茶送,d茶仲要唔差,而且又平0既河粉食丫!!另外,奶茶咖啡都係8蚊杯,真超值!!

對上一兩個禮拜開OT後，去蘭桂芳個邊食，8點幾9點，都好多人。本來想食牛柳粒紅飯，因為佢d紅飯整得好食過其他舖頭，不過咁夜食飯驚肥，所以放棄。改食香茅豬扒撈檬同咖哩雞湯撈，香茅豬扒都出名，當然好食，咖哩雞原來係雞翼，我想食凈雞肉多d，不過個咖哩湯底就好正。

唔得，所謂茄汁之係一碗紅油牛腩檬，加D茄味，好油。反而生牛肉檬賣相及味道較像樣。本人都係鍾意清亭D茄汁XX檬多D。。。。

之前黎食過,2個人食0左一百蚊到,但係爆到行唔到0個種,而且又好食,所以講得好抵我地叫0左牛肉粒檬.迷你庶蝦,牛肉湯,扎肉粉,一杯三色冰,一杯凍檸蜜.個牛肉粒檬好好食呀!!!d牛肉粒好嫩,又唔韌.扎肉粉0既扎肉真係越南扎肉,好好食,佢入面有d胡椒粒,野味好多!!牛肉湯好好味呀...好鮮甜,個庶蝦細細隻几得易,不過好快食哂.2杯野飲就一般水準,我覺得香辣屋0既珍多冰好飲過佢個三色冰呢~