明珠越南餐廳 (已結業)

好好食既法國紅飯, 不過未食就見倒隻好cutie既老鼠喺地下跑過... 七點幾咋喎..咁早出動..啲野食梗係好味啦...牛柳粒紅飯, 牛柳好冧好入味, 飯炒得好香好乾身, 出色!哩雞湯河好香濃, 薯仔好正!不過真係好食推介: 春券

同日再見第二個要番加拿大ga朋友~之前食過唔錯~所以再上黎食個~上黎食坐就一定麻麻ga啦~不過食ga野都唔差~3個人叫左一個牛肉粒凍檬$32、小食拼盆$90、炸春卷$28牛肉粒凍檬(9/10)~牛肉口感適中，好入味~食到唔停得口，天氣熱食凍檬最好ga啦~酸酸甜甜好開胃~再加埋花生碎、青瓜絲及甜酸汁混埋青檸辣焦仔碎~倒落個凍檬到真係好好食~誠意推介~~~小食拼盆(8/10)~幾多款式~唔錯~一條炸春卷、3隻炸雞翼、2塊牛肉蝦片、2舊蔗蝦、6-7片扎肉，一大舊蝦餅~份量算係咁啦~除左個蝦餅太油之外其他都唔錯。炸春卷(8.5/10)~因為拼盆得果一條唔夠喉而叫多一碟，不過一碟都係得個2條...一定要包生菜及香草葉食呀~食落會無咁油膩~不過d阿姐成日都唔記得比~我果日叫佢比生菜及香草葉~佢只比左生菜我...不過無左香草葉都好好食。起度唔洗指意左得耐~食完個阿姐會收野趕你走~起度無咩服務態度可言~d阿姐只會係好冷淡咁講多謝曬~對熟客仔就好d啦~都會笑一笑~話曬呢間起中環打混左咁耐~真係好多熟客仔上黎食~不過的確好唔乾淨~d阿姐收野天一半地一半~比你食完都唔想坐落去~p.s一定要洗下d碗筷呀~咁樣

開業廿年, 我諗應該無裝修過, O黎呢度只可以著重食物, 炒飯不錯, 一粒粒唔會成舊, 無論香芧豬排, 扎肉同雞翼都做得好入味O個條樓梯, 斜到好似去O個吳哥窟咁, 差錯腳唔知會唔會跌死

食物味道並不特別出色，但其服務態度卻令人印象深刻。在那兒吃午飯，你會感覺到不論店員或老闆娘都不太願意做你生意，他們彷彿都在跟你說:快ｄ食完快ｄ走，唔滿意可以去第二間食。在那兒你會發現，即使你比錢人賺，你都可以好受氣。如果你想試試受氣的感受的話，可以去試試。

有蟑螂的檬粉...真係食左都想嘔...今日...當我話俾個呀姐有蟑螂的時候...佢竟然將成碗檬粉倒左落我身度....你話係咪火滾!!!個陣我仲要返工...真係想打人

前幾天看到這裡介紹，就走去試試看。點了生熟牛肉河，香茅豬排紅飯，湯河Good, 紅飯也好，就是那個豬排沒有香茅的味道。價格還可以啦。

第1次由朋友帶黎明珠,1試就勁鐘意,不過環境真係幾差下,污糟同埋d waiter真係幾無禮貌,最好食刀係香茅豬肉河,生牛河,札肉河,蝦餅,春卷同甜品黑糯米椰汁咖央,呢6樣野真係超正,河底好滑,湯底亦好鮮甜,蝦餅勁彈牙同埋春卷熱辣辣包住d生菜食勁正,仲有黑糯米椰汁咖央好有味道特別好好食!最愛!可惜份量唔多價$亦刀不算超值..但1樣吃得過,係目前為止我最鐘意既越南餐廳.

同事介紹去呢度食午飯，店子小小有點舊，二樓樓底很低，差點撞頭。點了個豬肉飯，是一塊塊的瘦肉，配以一些葱和豬油，很香口的，大大碟的飯，十二點半前埋單有八折，只是$24左右，在中環吃到又平又好吃的越南午餐，算很不錯吧。

I have been there a few times. Food is alright but not great. Service could be better I suppose. Tables are a bit too close together. It's nice to go there for a quick meal.

下午落中環,因為要搵我個股票經紀,呢排好彩得佢\指點,股票都搵到兩餐\,希望大家都賺錢啦^_^入到去坐低,叫左春卷,生牛粉,蝦仁豬肉卷,咖哩牛腩飯,味道一般,都算可口,個魚露水準可以,但只算平均水準,湯粉個湯味道很普通..蝦卷係我既最愛,但蝦不大隻,好彩魚露唔難食,所以味道都算ok唯可惜服務真的要改善,雖則午飯時間搶錢要緊,要出糧要交租,但令自己既客人失望,何苦?

呢間野0係中環好出名, 出名咩, 出名服務差劣囉, 其實都唔可以用差劣能夠形容到, 連俾好評既仁兄都話佢服務唔得就知.我咁大個都未試過一路幫襯一路俾人串, 由等位到叫野食到食完俾錢個老闆娘都未停過口串d 客, 叫人0係門口等冇問題, 但係都駛咁惡嘛, 叫野食睇多一分鐘都擺出好不耐煩既樣, 食完收碟收杯既效率真係一流, 見你一食完就即刻收晒你d 野, 枱都抺埋趕你走咁.我同d 同事上次去一行八人, 四個食得快d, 咁梗係要等埋其他四個架啦, 唔通各自各, 一食完就走咩, 個老闆娘0係後面一見到就叫d 伙計又抺枱又擺好一個新位準備俾下一個, 抺枱張d 垃圾抺落我條褲算喇, 我當你唔小心, 個老闆娘仲要一直嘮叨俾說話我地聽, 話咁樣等法佢地點做生意呀之類既說話.俾分:環境: 舊唐樓地舖多年冇翻新, 出左名就唔駛落本咁, 明珠隔離附近d舖頭(例如中國餸) 都會重新莊修下啦. - 注意: 閣樓樓底低, 提防撞頭味道: 一般, 我真係俾唔到4分, 有d 招牌菜可能真係好食, 但係我真係俾d伙計催到冇心情去研究有咩野好食服務: 唔講喇, 火滾! (可以負分既話我俾-5 !)抵食: 中環$40 -

雖然我未食過依間野, 但友人話lunch 想食, 所以便先行位。但估唔到香港地仲有d 咁既餐廳, 簡直係香港飲食服務業的一大污點。到達時一點零二分, 門口的女人不問我人數便已話樓上有位。上到樓坐底, 一個長髮女人便已經暗串我人未齊, 但我朋友只係係附近做野, 便答佢我朋友行緊黎, 好快就到, 而且更幫佢order 埋。但唔夠五分鐘, 野食都未到, 個女人竟然行埋黎用"好串好串"既態度質問我點解仲未齊人, 大大聲話我阻住佢番。我心諗野食都未到, 五分鐘你番乜野呢, 咁既服務仲要我俾錢你賺, 把幾火便走人。就算佢d 野食好唔好食都好, (但睇落賣相都好差),咁樣趕客法, 真係第一次遇到, 所以我地真係無理由要貼錢買難受。而且眼見佢隻手收完,用手執完上人地食完後既垃圾,然後洗都唔洗便生菜俾你包春卷, 睇到已經都可以係咁, 睇唔到既真係可想而知係會幾生!!!所以, 唔駛錢都唔好去, 食完都背脊骨落!!

钟情明珠的粉卷...虽然服务态度不是最好（大声赶时间）的地方，但还是令人怀念的老友廉价聚脚地。好吃的东西有粉卷、春卷、排骨炒河粉、扎肉煎蛋、虾及猪肉卷。其实说到底是最爱吃酸酸的鱼露汁。

我食過外賣一次檬粉, 覺得一般咋~ 今日同舊同事黎食lunch,我地兩個人要左個牛柳粒紅飯同埋咖哩牛腩飯, 個紅飯ok,牛柳粒好唸,但係d飯只係暖!!真係唔得,亦都唔覺好似人地講咁正,另外個咖哩飯都係啦...d牛腩唔算好味,合格啦, 同埋個汁很水,無乜味,飯都係凍既, 而且堂食貴好多呀,地方亦好易跣倒;我就唔會再黎食啦,係都外賣.唔明點解咁多人

平日知道呢度要排好耐隊，所以一直都冇去過，星期六我相信應該唔會好多人，於是黎試下...叫左個生牛肉湯檬，一杯熱咖啡，個檬OK啦，冇咩驚喜，反而係呢度既熱咖啡都唔差，有點意外...因為冇SET, 所以幾貴，我見佢有下午茶餐