明珠越南餐廳 (已結業)

差不多完全遺忘在和安里的越南小店"明珠",這一顆明珠,大抵也有起碼七年沒有踏足.以前不時在此吃個下午茶,因為價錢平,十多塊錢一碗生牛河.那是經濟不好嘛.趁中午兩點多,人潮漸散後才施然到步,一位易求.不用多想,要個生牛河.上到桌是已經差不多全熟,但湯底並不是很熱,先放一口湯入口,味道很淡,極為薄弱,牛肉幾嫩口,但是沒有肉味.河粉更差,黐到一舊舊,彼此愛到如膠如漆,濃情化不開.沒有一方面像樣的生牛河,連茶芥也要$31,在中環要這個價錢的.無言地出到門口,看來也沒有機會重臨了.

Order lunch from this restaurant quite often. The food are good, but hygiene is terrible. There was one time my colleague found rat shxt in the spring roll he ordered. About the food, would recommend you to have it there (i.e. in the restaurant) rather than take away.My favourites are their spring rolls Chicken "mon"

不幸的來到中環才下大雨, 又塞車, 本來匆匆忙忙的中環lunch又更匆忙了.這次事先講好食乜, 直上老蘭, 和安里一家門面舊得非常的越南館子.一入去, 仍然是紙皮石地版及牆壁, 一種80年代茶室的感覺, 檯上一壺已經凍了的茶, 再看看餐牌. 雖然沒有套餐, 有茗茶供應, 沒有必要其他飲品. 出來時, 說明始創1980, 果然是80年代的老店. 二人都叫了個紅飯, 我要牛柳粒, 朋友要炸脾. 牛柳粒加上沙律醬, 有少少魚露味, 不用再加魚露, 感覺到有南洋風味. 食越南野最重要是魚露, 紅飯已經帶有魚露味, 但亦因為是加料飯, 比較"漏". 所以食唔晒個Rice. 朋友的炸脾不太行, 有點像快餐外賣小店的乾脾. 可能是早來, 不用排隊, 出餐好快, 叫了, 轉頭就有.

是日同同事仔２個人食lunch… 想食越南野．．．　就到明珠去．．　一去到就見到一條人龍等左大約十分鐘就有位．．叫左２碗生牛河同一個春卷．．　生牛河D 牛肉幾嫩．．不過我覺得個portion略為少ｄ至於個春卷都幾好喎（夠脆）．．一碟有２條．．仲配埋生菜**佢ｄ上野同收野既效率都好高．．．如果想食fast lunch．．．呢個都係一個好選擇**

上次光顧到現在都有一段時間, 還是忘不了... 忘不了的是被人"禁"住搶的10%服務費.直到現在小弟開始有提交食評的習慣, 我也"忘不了"明珠. 只怪下午中環區食客太多, 人們都"是是但但", 明珠這類店子才有機會生存.個人來說,我絕不會再犯賤去光顧. 各位光顧時要有心理準備.

2:15pm 人在蘭桂芳, 想食越南0野, 0黎呢度試試. 爬上樓認真一步一驚心, 一坐低阿姐成本menu「車」埋0黎, 好似我欠0左佢咁@_@" 左睇右睇, 叫了生牛肉河一碗($27), 加酸辣鳳爪一碟($30).無骨鳳爪係冰凍的(!!), 不論肉抑或軟骨食落都爽口卜卜脆, 好酸又幾辣, 夠晒開胃惹味, 好食!生牛肉河d 牛肉並唔係全生, 而係呈medium-rare 的粉紅色, 食落嫩口又有幾濃的牛肉味, 好食! 湯底唔錯, 雖然話完全無人造味精一定係假, 但飲落好牛骨湯(?) 咁味, 算係咁; 河粉薄滑又夠晒索湯, 食得幾過癮; 其他配料雖然得有好多洋蔥, 但加加埋埋我覺得好好食. 滿意!環境好up dup, 衛生幾差, 好在我d 0野食無事(起碼食完到而家差不多12 個鐘, 我依然行得走得!); 招呼就極差, 幾個阿姐都極唔耐煩又惡死悔氣, 都唔知10% service charge (自己去counter 埋單式) 同茶錢係俾0黎做乜的.埋單$62.70, 唔算好貴, 但我覺得唔抵食... 不過算啦, 低處未算低, 雖然佢環境同招呼都咁差, 起碼0野食唔錯, 唔似得尖沙

連續幾日都鬼死咁凍唔想行太遠買外賣, 所以去左明珠, 叫過...1. 香茅豬扒粉- 好失望... 好難食, 件豬扒鞋到唔想入口, 又冇香茅味2. 生牛肉粉- 又ok啵, 特別係啲湯, 好好味, 下次會再叫3. 粉卷- 都好好味, 正, 不過要熱食, 一凍左就好油4. 椰汁咖池黑糯米- 都好味, 但甜左小小, 唔咁甜就十個good啦5. 扎肉蝦凍檬- ok好味, 又多扎肉, 唔錯6. 沙爹牛肉炒河- 好味道, 又夠熱但唔知點解堂食比外賣貴咁多, 又要比茶錢, 以後都會叫外賣, 唔會堂食lu

上兩個星期同女朋友去食lunch 個陣都中午一點多dd 都有十個人左右係門口等位本來我地都想去第二度食ga la見到咁多人等不過企多五分鐘左右, 就有位咁就入左去食......我叫左個明珠炒飯, 女朋友叫左個香茅豬扒飯明珠炒飯, 好似福建炒飯咁, 乜料都有冇乜特別, d 料少到食唔出係d 咩香茅豬扒飯... 好寡... 得一塊豬扒, 同幾條白菜仔係d 白飯上面... 女朋友話唔好食... 太乾... d 位太迫, 都明白ge~ 因為係中環地方... 加一服務費就有d 保留下次再想去食個生牛肉河試下......但係唔會係番工lunch 時候去

20080123剛剛落單的時候還在想，以後再也不來了，店內的環境越看越糟，一副粥粉面檔的樣子，坐得也不舒服，但居然收茶錢加一，而且被它門口的價錢牌騙了，進來才拿到真的菜單……未免有點怨氣，只是覺得反正一個人，簡單吃碗面，不想再麻煩，也就算了。叫了一碗紮肉蝦凍檬，東西落肚，開始有些改觀，分量頗小，不過花生碎紅椒絲青瓜條等等的大大羹的撈在一起，配著自家制的魚露，竟是超乎想像的好味道，略帶一點點辣，不錯。可能大部分網友都是幫襯午市，人多雜亂難免煩躁，晚上倒是頗悠閒的，吃完一碗檬粉，眼見瑜伽堂時間未到，我又慢慢喝茶看了約半小時報紙，也沒什麼人理我。不過，完全改觀令我有可能再來的是最後一件事，大頭蝦的我離開公司前把全身上下的錢都借給了一個同事……阿姐一見到我敲腦袋的樣子，就主動說你明天經過的時候再給吧，我有些錯愕……當然，最終還是到附近取錢買單，但這份人情味，已經深得我心。

一月廿二日(星期二)今日係全球股災....ai!都係要共渡時艱喇各位!!我都要節衣之外,減少飲食開支!去左老公成日講既明珠!等左個幾字好快有位!上樓上!不過d位好迫呢!!!我地叫左:香茅雞奕凍檬,雞奕真係幾好食!我地加左雞蛋,不過....燶左既!!!!同埋本身係叫左牛肉粒明珠炒飯,但係佢黎左紅飯,仲以為係紅米!原來係蕃汁飯~~~overall都ok,不過唔突出呢!都係試下碌冧啦!

如果有「服務最差的食肆」選舉，我會毫不考慮的投這裡一票，而難得的是這裡廿幾年來服務態度都咁差，是完全未有改善的。但坦白講，做越南菜的地方，實在不多，這也是我今天還會來的原因。爬過窄窄又高高的梯級，我們坐了在樓上的卡位，這裡也是十年如一日的中式酒樓模樣，不看餐牌，相當沒有人會估得到這裡是賣越南菜的。食物也是例牌，是日不吃「牛粒紅飯」，也不要「牛七味」，只簡單的要了幾味小食及湯河。生牛肉湯河跟大部份本地越南食肆一樣，牛肉上檯時已經是全熟的。尤幸牛湯底仍然濃郁，上面舖滿洋蔥碎，再下金不換、紅尖椒及青檸，也正宗好味，至少比蘭桂坊那邊的Indochine 1929好吃百倍！這裡的牛湯，製作也算認真，至少你叫雞絲湯河是絕不是這個牛湯的。河粉是本地貨色，可幸也切得幾幼；蒸粉卷皮又薄又硬，不夠軟熟，很有可能是翻蒸之作。餡料以肉碎為主，沒有沙葛，木耳下得很少，雖然味道是調得不錯，但失卻越式蒸粉卷應有的口感了；香茅雞翼如果只當是炸雞翼的話，是幾美味的，熱辣辣，外皮鬆脆不乾﹝不乾，亦即是有點油份﹞，內裡保持濕潤有肉汁，自己炸過雞翼的都知，這個水準是不易做到的。不過差不多完全沒有香茅的味道，牛油味也沒有，如果

同朋友去食lunch, 見到餐廳招人去這餐廳食野,咪去.因我朋友末到,只等10min, 可能lunch time 開始多人,服務員至老闆服務態度開始劣,叫我走,不做生意.我都叫了飲品,只是未開始叫食品,服務態度其差.

Lunch 同大定去好耐無去o既明珠越南餐廳.5個人點o左5 樣o野, 飽+ 抵!1. 炸春卷- Good! 放o左一陣都脆+ 熱.2. 蒸粉卷- 出奇地夠味, 好味!3. 生熟牛肉粉- 好食, D 粉都彈牙, 不過個樣勁似米線~ 4. 炒貴刁- 唔得啦~ 炒'loan'o左.5. 香茅豬扒明珠炒飯- 個炒飯好香好好味, 不過D 豬扒好鞋~個茶好似轉o左, 無之前咁好.下次想試牛柳粒紅飯~ 應該唔錯~~

上個星期五放下晝假, 走o左去中環搵女朋友食飯, 佢提議去呢間度食牛柳粒紅飯. 可能晏o既關係, 去到唔駛等位, 坐底o左之後叫o左牛柳粒紅飯, 蒜蓉雞翼, 咸檸7, 先o黎個雞翼, 勝在入口仲熱o既, 其他就冇咩咁特別, 普通蒜蓉雞翼味, 再o黎牛柳粒紅飯, 奇怪o既就係唔知點解多o左沙律醬?!?! 飯, 入口凍o既, 冇口感冇味道, 牛柳粒唔知係唔係上o左色, 好深紅色而完全冇味o既, 加埋沙律醬食會好o的. 咸檸7唔夠凍, 都係麻麻o地.埋單走人, 自己拎張單去櫃面找數, 計埋加一, 找錢o個時仲係唔想找毫子, 好肯定個收銀阿姐博我俾貼士, 佢都傻傻o地, 又冇服務, o野食又差, 仲想我俾貼士?? 冇o野o下麻?

又係明珠．．．和安里．．．（老鼠送飯個間）不過真係好食　：）牛柳粒撈蒙好食，　不過跟紅飯有獲氣啲生牛肉河,呢個要問佢要香葉辣椒，ｇｏｏｄｚ牛肉蝦片,啲蝦片好鬆脆, 唔似金x苑個啲咁實．．．食到唔停倒口．．．(今次"乾淨"比多一分, 因為見唔倒老鼠仔)