日本野 (已結業)

可以天天吃的菜式對我來說一定是日式料理，所以當朋友問我吃什麼，我常常回句：「日本野！」但我真的沒有想到竟然真的有一家餐廳名叫「日本野」誕生於旺角的鬧市街頭中，十分搞笑又貼題！由於是新開張，為了與食客一同慶祝「日本野」誕生，所以餐廳有著小小的遊戲「擊飛海賊大叔」，如果第一把刀就可以讓大叔彈跳起來，那就可以免費穫得一客石燒牛或牛肉當。我第四刀就讓他突然飛起來，把我整個嚇壞！但真的覺得很好玩，而且馬上穫得牛肉當6折～（這優惠活動至30/11）牛肉當超級足料，超多牛肉在內，吃得我我肉食男朋友開開心心～雖然是新開張，但食物水準都蠻不錯，其中最愛是厚燒鰻魚玉子芝士煎餃子。前者玉子裡面出奇地配上芝士，而且連醬都沒有在膚衍我，美奶滋配上飛魚籽和黑松露；後者，芝士滿滿，完美地示範拉絲～「 日本野」果然沒有令我失望！天天食都可以！

食旺角打滾多年，試過好多間餐廳，但喺旺角區食過嘅日本餐廳好多都真係麻麻地。見哩間新開，裝修又唔錯，膽粗粗試吓，真係有意外驚喜！通常有得食石燒牛嘅地方都好少其他種頪嘅野食，估唔到哩間有好多，有刺身壽司、又有小食丼飯熱食！石燒牛小排油花唔錯，入口好香牛味！就算有舊錯手燒耐咗都依然好林好多汁哩個價錢真係好抵食！哩個卷入面嘅軟殻蟹真係好脆，我地一咬"chok"一聲，好明顯係即炸自選魚生飯基本可以揀4個餸，唔夠仲可以追加，啱晒揀擇嘅我（海膽好新鮮，下次再嚟要揀晒全海膽）水信玄餅香港好少地方有得食，哩度都整得唔錯整體十分滿意！味道好好，出餐又快、有咩唔明店員都禮貌耐心解釋！一定會再返嚟

日本野 (旺角). 好耐無食過又平又正嘅日本野，今次真係要推介比大家！.蟹籽沙律.青瓜絲新鮮，配上大量蟹籽及沙律醬，仲有大大條蟹柳，賣相一流味道都一流！極上七品刺身.油甘魚好厚，咬落入口都好肥美，三文魚新鮮，活赤貝爽口，海膽新鮮，帆立貝非常巨型同埋八爪魚🐙 $300多價錢非常相宜！.牛油果軟殼蟹卷.$88有成八舊左右，其實真係好抵，又好吃.鹽燒鯖魚定食.鯖魚新鮮，外脆肉嫩，加上檸檬汁完全唔腥，再揀埋溫泉蛋及有麵豉湯加白飯，平價又好吃，白飯仲有飯素係面！.石燒吉列牛定食.叫呢個餐可以玩木桶大叔遊戲一次，有機會成個餐free比你食或有其他優惠🤣吉列牛選用雪花牛，油脂分布得好靚！.稻庭冷烏冬.烏冬好彈牙，鵪鶉生蛋加入醬汁，芥茉，葱等，簡單得黎都好好吃！. 📍日本野 (旺角)旺角西洋菜南街2A號銀城廣場9樓.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfood

叫杯凍飲少甜係超甜另一杯叫凍就比咗熱無問題明白新開好多嘢未上軌道落錯單又唔係咩咁大件事餐廳又多人都費事叫你換食物質素一般壽司飯係夾唔起一夾即散壽司上的剌身亦不太新鮮又話新張期間身份證上指定括號外數字有8折見多人食就話無一早唔講係埋單check 單發現問佢就話無你見我三個人叫貴D嘢食就諗住唔比折我可以收多我4x蚊呀？咁你就唔好懶大方話有8折啦仲要問佢時個肥仔侍應態度差到無人有🤬大大聲呼喝我無比錢你架？三個人食咗二百幾蚊旺角午餐大把選擇真係無下次

日本野 (旺角).黎到旺角銀城通常我倆都係為夾公仔，但我地今日見有間新開日本野，真係叫日本野係果到😂所以就黎夾公仔順便食野！估佢唔到價格相宜之外，仲要係勁好食！. ⚜️極上七品刺身⚜️.上枱已經哇一聲好靚(˶‾᷄ ⁻̫ ‾᷅˵) 仲要咁多肥美刺身，有厚到爆嘅油甘魚，三文魚，活赤貝，鮮味十足嘅海膽，大大隻嘅帆立貝同埋八爪魚🐙 全部都勁新鮮好好食！ ！ 不過係二人份黎！.⚜️蟹籽沙律🥗⚜️.係日本野我認為必叫嘅前菜，青瓜絲配上海量蟹籽同沙律醬，貌似好簡單嘅配搭旺旺係最好食嘅(⁎⁍̴̛ᴗ⁍̴̛⁎).⚜️牛油果軟殼蟹卷⚜️.牛油果味就唔算出，反而軟殼蟹味比較重！呢度嘅嘢所有份量都非常多，勁大碟！.⚜️鹽燒鯖魚定食⚜️.條魚好大碟(˶‾᷄ ⁻̫ ‾᷅˵) 逢係定食佢都仲包埋一碗麵豉湯，同一隻蛋(溫泉蛋/溏心蛋) 個鯖魚好大條，肉又好滑，超好食！.⚜️石燒吉列牛定食⚜️.吉列牛之前係其他餐廳都食過幾次，今次店員叫我地可以煎熟少少，咁先食到雪花❄️牛嘅肉質油脂分佈幾平均同juicy!!.⚜️和風炒野菜⚜️.貌似簡單嘅但好好食，因為想叫多個菜而嗌，啲冬菇，茄子，椰菜等全部都好入味！—————————————————-環境：⭐️⭐️⭐️⭐️⭐️味道：⭐️⭐️⭐️⭐️

日本嘢最近旺角新開在間日本嘢，間鋪就叫做日本嘢🤔，真係好特別。入到嚟見到依家做緊開張折扣優惠，只要食同牛有關嘅餐，就可以玩遊戲贏折扣，最高可以免費🤩。喺度提提大家，優惠活動暫定去到11月30號為止。我地叫咗三個主食兩個小食再加個刺身，各樣都好出色，完全估唔到可以喺香港食到咁高質嘅日本嘢，好驚喜😁。石燒吉列牛定食 $178喺日本以外地方好難得可以食到吉列牛，依家喺香港就可以食到啦🤗。而且呢一間嘅牛肉非常之嫩滑，外面嘅吉列脆皮亦都好酥脆，簡直就係外脆內軟😋。另外好特別嘅係會有一個石燒台跟上，客人可以親自去將牛肉烤至自己想要食嘅程度。另外叫得呢個牛定食，當然就可以參與優惠活動啦。小弟就好都算好好運，第四把就完成咗遊戲得到六折😎。蒲燒鰻魚定食 $118呢度嘅鰻魚亦都好出色，只需要$118就可以食到好亂畫嘅鰻魚喇😆。鰻魚燒得好香，食落啖啖肉又嫩滑，再加上個汁，真係絕配啊😝。自選丼飯 $158 另追加海膽(+$34)三文魚蟹籽甜蝦油甘魚 另外呢度可以自己選擇魚生飯，好足料好新鮮👍🏻。除咗小邊叫嘅幾款魚生之外，仲有赤貝帆立貝牡丹蝦等等，啱曬我呢啲咁挑食嘅人😎。極上七品刺身 $328 刺身好大份勁抵食

新開張所以過嚟試咗個午市定食。首先，等嘅人非常多，所以要等好耐，甚至見到有人book咗枱但都要分枱坐，不過book咗就唔洗等，所以都建議大家book咗先。嗰陣我同朋友就諗住問店員拎飛排，但店員就搞咗好耐先serve到我，依點令我哋有啲不滿，因為同時間好多人排喺我哋後面等拎飛。排除萬難終於入到去，環境幾好，空間唔錯，唔會好逼，可能就因為咁而少枱，要等好耐。我哋嗌咗H餐，舊魷魚un到我咬咗差唔多7分鐘，碗麵豉湯頗咸，飲品等好耐先上(差唔多食完先上)，其他都唔錯嘅，相當滿意，會再幫襯。

如果是指定日子內有指定的身分證尾數數目字即可以免費🆓Lunch🔥晏就時間好難就到🤯咁就食夜晚啦朋友啱啱喺日本返咗嚟話要俾手信我🤣朋友話，幾時都話新餐廳都質量都偏高上網搵左陣，發現咗原來旺角有間日本餐廳叫做「日本野」餐廳位於銀座商場9樓佢隔離嗰間Mini Friday 我哋之前都食過因為OpenRice未有Menu睇到，所以我哋直接踩上左去Menu亦有吾少的選擇，有丼飯、定食、壽司🍣、刺身，價錢亦大眾化我地見刺身價錢都吾貴，所以我地決定叫個七品刺身先啦😂「極上七品刺身」油甘魚🐟魚身色澤晶瑩剔透，食落無筋位。牡丹蝦🦐鮮甜同爽口彈牙壽司都幾新鮮，而且好吸睛。🐟赤貝：幾厚切，入口好爽口，帶少許鹹鹹海水味海膽：份量都幾多，無腥味。但係略嫌壽司飯嘅醋重手左少少。穴子：唔係到到都有依個壽司可以點，直落個口感有少少似鰻魚，但係油香味幾香。日本野網址: https://s.openrice.com/QrbS0TU0900~uQ0ALAA地址: 旺角西洋菜南街2A號銀城廣場9樓電話: 68507056 - #日本野 #日本餐廳 #日式刺身 #旺角#石燒牛#大阪燒 #芝士煎餃子 #極上七品刺身 #水信玄餅

近日見到網上有優惠，凡身分證號碼括號中指定數字有得免費食價值$58午餐，又或者加錢補差價。括號外號碼中都有八折優惠。餐廳12:00開門，我大概12:10去到，同一間餐廳有分食日本野同西餐。優惠淨係適用於食日本野，餐廳入邊已經坐滿左一半人。可能係新開張嘅關係，午市套餐選擇並唔多，亦都冇其他小食選擇。我叫咗一個咖喱牛肋條掛烏冬，等候時間都偏長，可能因為啱啱新開張嘅關係未做得切。個烏冬撈埋啲咖喱汁幾好食，如果隻溫泉蛋唔係凍嘅會更加好。我覺得個牛肋條可能醃嘅時間比較長又或者調味料落得太重手，略嫌鹹咗少少，但係都好淋。計埋個港人優惠只需要$20就可以食到，仲要唔使加一。我哋差唔多1:30食完，走嘅時候見到餐廳出面大排長龍，所以如果要嚟呢度食嘅話，最好就係餐廳啱啱開門12:00入去，就唔需要等位啦。

有一日睇到網上話身份證有1，0，8 中其中一個呢三個數字(括號都計)，有8折什至有免費午餐😜朋友仔晏就又唔得閒~ 咁唯有嚟食晚飯啦🤟😆餐廳連住隔離餐廳，入口幾隱蔽要經過隔離餐廳兩種Feel😍一入到餐廳覺得好簡潔好舒服嘅感覺，坐低就有杯好甘香嘅茶飲🥰 Menu 設計得好靚🤩 🔸️極上七品刺身🔸️ 🧡🧡🧡🧡🧡刺身非常新鮮又好肥美 ! 海膽好鮮甜好正😍甜蝦唔似平時食開細細條㗎，好厚肉好正仲有三文魚腩同帶子刺身超大塊超大啖十級滿足❤呢個刺身拼盤讚不絕口👍我俾100分👍真心推介👍🔸️鰻魚玉子厚子燒🔸️ 🧡🧡🧡🧡🧡呢個蛋香味重! 中間夾住厚厚嘅鰻魚肉同蟹籽入口即融加埋蛋香嘅配搭口感唔錯!點附上嘅黑松露沙律醬味道幾特別😍🔸️鰻魚炒飯🔸️加配蟹籽沙律 🧡🧡🧡🧡🧡前菜沙律食落清新幾開胃，鰻魚炒飯勁香😍👍鰻魚香嘅味道夠濃，飯粒粒粒都非常入味👍呢個鰻魚炒飯食落唔會話好乾，水份剛剛好，唔錯唔錯!🔸️和風炒雜菜🔸️ 🧡🧡🧡🧡🧡一餐飯唔少得食菜🤭 唔好睇少呢碟菜，好!好!食!和風汁煮嘅雜菜清清地又甜甜地咁好Juicy ! 唔鍾意食菜定少食菜嘅食呢個好快就清曬😆🤭😆🤭食飽飽繼續飲下茶坐左陣傾下計，好正嘅一個晚上!

晏就時間好難就到🤯咁就食夜晚啦，適逢今日朋友話吾想去咁遠，最好油尖旺。咁我就第一時間諗起依間。餐廳有好多卡位，坐得好舒服😌Menu價格定位吾高，性價比都算高。#極上七品刺身 $328包括有（三文魚、油甘魚、牡丹蝦、🦐赤貝、帆立貝、海膽、八爪魚🐙）刺身船整得好靚，上枱時「哇」左一聲，而且海膽份量都吾野少架，幾鮮甜無腥味。帆立貝是大Size，口厚一流。其餘刺身都比外邊食到嘅厚切，抵讚石燒吉列霜降牛小排 $178定食已包括了湯或沙律🥗及溫泉蛋或糖心蛋🥚原來沙律是蟹子沙律，直頭開淨我個範主角出場，當然就係吉列牛啦一客有八件，外皮吉列炸得香脆可口，吉列牛油脂分佈平均，牛味濃郁。因應個人喜好，燒至心目中的生熟度。燒到滋滋聲好吸引😋職員都好主動過黎加茶、同埋詢問意見希望餐廳繼續維持這個水準

個人愛吃日本菜, 原因其實很簡單, 就是欣賞日本菜那種一絲不苟, 精益求精的精神。某天收到朋友傳來的一個訊息, 介紹了一間在旺角的日本料理給我, 店名本身就是《日本野》, 對於喜歡吃日本菜的我，也立即抽空來看看。店子有供應各類形刺身和壽司, 先來試試刺身的水準吧, 這晚上來的嚴選五品刺身, 擺放得很精緻, 內容包括有三文魚、油甘魚、八爪魚、甜蝦、北寄貝, 三文魚脂肪豐富鮮美; 油甘魚的口感厚實，魚脂味濃郁; 其他刺身的新鮮度都是滿意的。再來炭燒栗米, 做到燒得外層微焦而口感帶點點糯口，粒粒金黃色、飽滿的粟米散發出牛油香味，每一口咬下去都係甜美, 爽口非常。好了，主角上場，侍者將石燒霜降牛小排拿上檯, 附上一個石燒爐可以逐片逐片牛小排放上去加熱來燒，自己可以控制牛小排的生熟程度, 配上醬汁同鹽調味，牛小排油脂分佈細緻平均, 燒出來的牛肉味較濃,也有脂香, 肉汁同樣豐富。到了主食環節，個人點了稻庭冷烏冬, 烏冬是粗身和四方形的, 淥煮的火候是剛剛好,口感煙韌的，吃起來有香味的，浸上醬汁來吃的，非常不錯，值得一試。是晚吃得滿足, 各款食物的水準都很平均, 而且環境輕鬆, 侍應的服務還算不錯，

見到網上宣傳有新開優惠，只要身份證有特定號碼就可free lunch set 一個，就算唔中，都有8折，咁著數，一定要去試下好唔好味啦！餐廳分兩邊，有西式和日式，都幾大朋友點了一份特選壽司併盤定食 $78, 賣相幾美觀，又大份，有蟹子沙拉，淨烏冬，7件壽司和手卷，味道不過不失啦！另一份要咖哩吉列豬排掛烏冬$58, 價錢已經取勝，呢個價錢計，塊豬排炸得算好，當然唔會肉汁滿滿。咖哩是正常好普通既日式咖哩，好"杰"身，掛烏冬完全是災難講明掛烏冬，點會個汁"杰"到成劈野，就算撈都撈唔勻啦,何來掛 烏冬呢？？這個汁只可以撈飯lor!!! 超級失望

本身想去隔離同層隔離西餐廳幫襯，點知爆場要等位，黎左幫襯試新野，點知又有驚喜喎兩個人黎開餐，首先叫左個石燒吉列牛，好軟滑，好有牛味，成個set有溫泉蛋，有飯有湯有野飲仲可以追加小食，我追加左個玉子燒同炒菜咁食日本野，又點小得刺身呢，叫左個拼盤仲有和牛粒好豐富，本身以為追加小食會係細細份，所以再叫多左咁多野，有d後悔叫多左，飽到好誇張食物整體好滿意 小小挑剔位係冷氣太大，叫左話校細d叫左幾意都校唔好，可能新開張仲未熟場，人未係好多既關係掛，會再幫襯，希望下次返黎會無咁凍啦