日本野 (已結業)

叫左兩個餐～一個係和牛定食～一個自選井飯.賣相唔差～刺身都大份～不過～和牛肉既根無處理～好難咬～好似咬香口膠甘，至於個自選井唔係差既～不過它既麵豉湯真係無得頂～完全無味～直情水黎係多塊昆布甘解～

喺呢間野係食晚飯既。朋友BOOK左位，佢預先去入座等我。去到門口我有先停留一陣，講明朋友已入座，但廋底兼躁底既男侍應態度好急躁咁問我「 咩名電話號碼幾號。」佢好似臨急抱佛腳既學生哥咁翻翻張BOOKING紙，但搵唔到我朋友既資料。我話食日本野，佢就好躁咁「哦！個邊！」其實喺茶記我唔介意呢份急躁，但呢度好似係食日本野既。然後我地嗌左自選丼飯同龍蝦湯火鍋仔。丼飯啲飯係屋企啲絲苗米都算仲要濕毛巾咁、個飯面頭啲三文魚、油甘魚刺身正常，但甜蝦好霉，個飯咁就200。火鍋先正，個龍蝦湯底勁假咁既味，得半邊龍蝦仔，同一隻龍蝦鉗，餐廳冇夾俾人夾開個鉗。肉極霉、有隻迷你尤魚仔好似宿醉咁款、同埋幾舊縮。水5蚊銀大小咁既魚片腥臭既（我點左魚生醬油都係腥）、最正連個鳴門卷都係勁粉咁。鳴門魚板最低成本都唔肯揀好少少。全鍋最好食係菇類同娃娃菜仲有幾條烏冬。補充返一小段事件，關於該店既體態略有福氣既女侍應。1.menu有壽司set,但我地唔知個set有幾多件同埋係有咩壽司包含在內。問下佢，居然係我地面前數個menu幅圖片有幾多舊，同埋佢當左價錢係落單no.....2.我地嘗試問會唔會有蟹鉗可以開蟹腳，佢好認真兼有熱誠咁

冇得去日本 唯有食下日本菜過下癮先 大食一餐前當然要叫個田園沙律打打底 本身唔期望太多 點知黎到菜同蕃茄仔都好新鮮 同埋我好鍾意雪得夠凍冰冰嘅沙律菜 因為唔熟嘅菜仲要暖係好得人驚嘅事🤪然後就到戲肉啦 呢度招牌嘅石燒霜降牛！！ 牛肉油花非常均勻 仲係好新鮮嘅鮮紅色添💘 食客自己放上石板上面燒 自己控制火候 入囗好稔唔韌 又有幾分彈口 好高質🤤另一個我好欣賞係大阪燒 叫左海鮮口味嘅 入面係充滿左好多好彈口嘅八爪魚同椰菜 食完覺得飽得黎好健康💪🤣最後要讚讚嘅係飲品 揀左薄荷特調 係冇酒精嘅 一渣都幾大 2個食野要狂飲野嘅人都好夠飲 整得唔會太甜 而佢嘅薄荷係正到傻🤪 不單止新鮮 仲要你攪碎左嘅 一路飲一路可以直接食埋 但係冇食草feel 🤣 薄荷控要試下！😍

✨疫情期間冇得去日本但係想食日本野？✨最近一直都好懷念日本的美食😽 既然冇得直接飛去日本😩唯有係香港食下”日本野”望梅止渴下啦🥺和風柚子雞翼( 5隻 ): 58💰味道酸酸甜甜，開胃前菜嘅好選擇，雞翼好脆口，面頭淋住啲柚子蜜🤩，好特別嘅一道菜！5🌟推薦！！🥳榴蓮炸彈（6個）:38💰皮有少少厚但好脆，可惜之處係冇榴蓮肉嘅口感，除返開38蚊食到6個都算好抵食！😋石燒吉列霜降牛小排定食: 178💰通常脂肪多嘅牛會重騷味但呢個唔會，而且牛小排肥瘦相間，有牛味但個醬汁有啲鹹，所以俾嗰汁搶左少少味，推薦點黃綠色嗰個醬！1+1>2😋芝士年糕（ 2件 ）:28💰外型雖然似炸饅頭😍入口好大驚喜，佢係用鹹芝士做餡，芝士味濃入口即融，每一個一個大嘅啱啱好唔會流👍🏻記得跟定食追加會抵啲㗎🥳焦糖燉蛋:58💰味道偏淡，適合冇咁重口味嘅人食。雲呢嗱同奶味都唔重，但每一啖嘅最後一下會突然有好重嘅蛋味😂呢個就唔太啱我哋心水啦😵下次都係食返水信玄餅好啲🥰店鋪:日本野店鋪地址: 旺角西洋菜南街2A號銀城廣場9樓

🔥石燒吉列霜降牛小排定食🐂-係可以自己燒嘅吉列牛🐂 定食包嘢飲同麵豉湯/沙律🥗仲包飯同埋溫泉蛋/溏心蛋🥚🥳真係好豐富‼️可以自行決定燒幾耐，生啲就嫩啲，熟啲牛味就重啲🙈 大家可以按自己喜好自行調教熟度😆仲有燒肉汁、沙律醬、蒜蓉、鹽可以點，令味道更多元化👅日本米上面仲有七味粉，幾香口幾正🙈但因為期望太高，我覺得係幾好味，但未到好驚艷，部份吉列外層比較易甩，而且有時炸粉會蓋過牛味👀但呢個價錢係ok抵🤩-評分：7.8/10價錢：$178-🐥唐揚炸雞🍗-賣相麻麻地，仲睇落有少少燶，所以原本完全冇期望🤣但估唔到分量多到咁，三個人都食唔晒🤰🏻而且味道都相當唔錯，皮薄肉嫩，咬落多汁，有反差驚喜，性價比高🙈🤪-評分：8.2/10價錢：$58-🦀牛油果軟殼蟹卷🥑-份量都幾多，足足有8件，而且每件都大大粒‼️牛油果幾軟熟🥑但炸軟殼蟹就有少少油膩🦀同埋呢個配搭味道好似未夠好衝擊，所以唔算好突出🤣🙈-評分：7.5/10價錢：$88-📍 日本野 旺角📍

Keto Diet甚為盛行，最近我日常都在減少澱粉質攝取，日本野，選擇足夠豐富，前菜、火鍋、壽司、刺身、吉列牛、串燒甜品應有盡有，全方位照顧不同人士口味，難怪座無虛席。🎈厚燒鰻魚玉子份量比想像中多，玉子側面能看到一圈圈，蛋汁未融和在一起，幸好吃落不算硬身，口感不算鬆軟但豐盈，加了蟹籽及木魚片使賣相及層次更豐富。🎈燒秋葵及燒京蔥選擇了兩個蔬菜串燒，燒過的京蔥香甜；燒秋葵非常非常淋身。🎈檸檬梳打吃串燒當要配有汽飲品，檸檬梳打（$58）就是簡單的一片檸檬+梳打。🎈水信玄餅賣相非常浪漫吸引，透明的jelly狀甜品內有一片粉紅色的花，配黃豆粉吃，簡單為一餐作結。

與mini Friday共享同一個入口的日本野，lunch就出名抵食，原來閒日夜晚都坐爆，証明港風日本野始終有市場🤗晚餐都好多選擇，見好多枱都點了和牛壽喜燒（ $188 ）睇落幾吸引所以試下🥰 和牛超大塊🤩可惜我果份和牛色澤爭d，好彩煮熟左唔覺🤣食落有和牛的香軟，加埋蔬菜同烏冬，份量夠哂！疫情關係好耐無見朋友，難得一聚仲叫左個極上7品刺身（$328），份量好有睇頭，呢個價錢黎講質素算幾好，尤其赤貝刺身好爽甜。牛油果軟學蟹卷 （$88）有6件，份量好大，朋友嫌隻軟殼蟹淋左所以唔食，好彩軟殼蟹係我all time fav😎我一個人食哂5件！！！勁唔勁先😆牛油果都幾新鮮。+10%服務費

想吃日本菜，朋友第一時間想起日本野，這裡有小食，刺身，壽司，丼飯等可吃，基本上不愁沒有選擇，所以朋友挺喜歡光顧日本野。刺身拼盤包含三文魚，北寄貝，八爪魚和甜蝦，三文魚長得太美，厚度很有誠意，魚油豐沛。甜蝦口感軟彈，清甜蝦肉深受大家喜愛。八爪魚厚厚的一片，脆彈得很，鮮味十足。北寄貝肥美又紮實，朋友吃得心花怒放。帆立貝壽司那超級大的帆立貝肥肥嫩嫩，吃起來真的很過癮，不沾醬油芥末品味，可以明顯吃得到帆立貝的甜度。三文魚子壽司紫菜脆脆的，三文魚子在壽司醋飯襯托之下，它的鮮鹹味非常討喜。吃完冰的，吃點熱的，熱騰騰的芝士年糕一口咬下，拉絲的芝士瀑布畫面總是這麼誘人，我們狠狠地，盡情地往上拉。年糕外層炸至金黃，裡頭軟糯，濃厚芝味教我們回味無窮。我們各自選吃丼飯，朋友吃溫泉蛋和風燒牛肉丼，我則吃咖哩牛肋條丼。晚餐均奉送沙律或湯，我們不約而同吃沙律，沙律的青瓜絲讓吃肉的小嘴也可以回歸清爽一下。滿滿的咖哩牛肋條丼實在太犯規，邪惡地跟我招手，濃稠的咖哩汁淋在丼飯上，對飢腸轆轆的我來說畫面太震撼，最後放顆盪漾的溫泉蛋於飯上，簡直是人間美味。咖哩惹味不膩口，軟中帶彈的牛肋條沾上蛋黃更滑溜，一整碗咖哩飯好吃到爆炸

放工既平日 緊係要出黎鬆一鬆氣先今次近近地 揀咗呢間 一睇就知日本野啦(係唔係諗唔到改咩名🤔）Walkin見仲有好多位 一個鋪位分開咗兩間餐廳 一邊係食西餐一邊係食日本嘢 見到西餐full晒要book 下次都可以嚟試吓雖然單一類別食物選擇唔算太多 但係勝在好多唔同類別再加上有晚市套餐 可以加小食 咁就可以試多啲嘢👇🏼小食我地叫左燒牛舌同燒茄子👅牛舌正常 唔算有驚喜🍆茄子反而幾好食 幫你去埋皮又夠林身 再點埋d汁 好開胃👇🏼主菜方面叫咗和牛壽喜燒 +烏冬 啲牛幾靚 食落有質感 配料就同普通壽喜燒差唔多👇🏼跟餐再叫多兩個小食 跟餐刺身雖然唔係好多 但係幾新鮮 甜蝦特別好食👇🏼厚燒鰻魚玉子 玉子就真係厚身但係鰻魚就感覺比較少 食第一舊嗰陣 完全冇鰻魚喺入邊 玉子加分但係鰻魚扣咗少少分最後埋單4xx 正常價錢啦

之前已經黎過日本野食過一次lunch，午市套餐幾十蚊，有汽水，唔洗加一，openrice訂座仲有88折，好抵食，所以又來了~今次繼續係openrice訂座，有88折又有得草分。lunch hour仍然唔算多人，都唔滿座，上次黎冇食吉列牛，因為覺得lunch set太抵，唔食lunch set好似蝕左咁，不過今次終於都一試吉列牛。吉列牛係單點，再加錢就有飯同湯飯幾香，湯正常吉列牛份量少左d，十塊都冇不過好香脆，好有牛味，d肉唔會好淋咖哩烏冬好濃，好多咖哩汁，偏稀，撈烏冬都幾適合本身我不太喜歡咖哩烏冬，怕好濃味或者太稠不過呢個就OK個人覺得lunch set好抵食，份量都唔少，食得飽，座位坐得舒服，lunch hour唔算多人

✨好開心呀，今日best friend突然嗌我出嚟食嘢，話唔喺日本，都可以帶我食到好正嘅～日本野😍稻庭冷烏冬～唔好睇佢賣相普通咁，但小妹真係好鍾意，烏冬明顯係手制嘅稻庭烏冬，唔單止雪得夠凍夠彈牙，食落去仲帶有淡淡清新嘅鹽味，絕對係上品，仲喺旁邊仲加咗一粒生嘅鵪鶉蛋，同日本嘅食法係一樣添！蔥三文魚三文魚籽丼～塊塊三文魚都有差唔多 有1cm咁厚，魚肉仲係魚腩附近嘅位置添，配上魚子，夠晒肥美，而且夠新鮮，所以唔會腥！加$28就可以配兩件芝士年糕，芝士年糕係炸嘅，外皮香脆，難得係 做到內裏都有流心👍甜蝦刺身～原本以為係細細隻嘅甜蝦，因為佢個價錢一啲都唔貴，$68有五隻！點知每隻蝦大約都有七八cm咁長，好驚喜呀！水信玄餅～近期Hit爆嘅水信玄餅，我仲以為係日本先有得食添！呢度嘅做法同日本傳統嘅一樣，好似水一樣透明嘅水波波，中間有一棵淡粉紅色嘅櫻花，賣相好少女心！底下有少少黑糖漿，再點少少黃豆粉食，好清爽啊！希望限聚令快啲完結，第日可以同多啲朋友過嚟，食多幾款先😆

每隔一段時間都會約閨蜜食個飯傾吓計互相update大家嘅近況❤️通常我哋都會揀旺角做中心點閨蜜果然係閨蜜 大家心有靈犀都想食日本嘢🙈太耐冇食一齊飯 我哋樣樣野都想食一唔覺意就叫咗好多嘢食🤣🤣有極上七品刺身 蕃茄龍蝦海鮮鍋 和牛壽喜燒 芝士年糕 鰻魚玉子燒炒雜菜 水信玄餅 💕今餐真係非常豐富☺️個人最推介係極上七品刺身🤩有七款刺身 有帶子 海膽 三文魚 赤海蝦油甘魚 魷魚 赤貝 樣樣都係我鍾意食每款都有兩件 一人一塊 唔使爭🤣🤣非常新鮮鮮甜 魚生仲好厚身😍和牛壽喜燒 入口即溶😋蕃茄龍蝦海鮮鍋 分量好足料😚有半隻大龍蝦🦞芝士年糕熱辣辣 外脆內軟水信玄餅 睇得又食得🥰值得推介的日本菜，下次一定再同朋有黎食😋

今日約左朋友食飯，朋友已經預先到左，我上到嚟餐廳個陣，同職員講: 我有位，朋友已經到左，當時職員問我 : 姓咩？(完全無眼神交流，加上無尾音既態度) 當時我聽唔明，我重複多次，佢話: 我知！咁姓咩呀？ … 心諗洗唔洗咁既態度，我聽唔明，你都可以有禮貌少少重複多次吧？ (我聽唔明係因為正常去餐廳話有位，都會直接比你入去，好少會再問你姓咩) 。去到座位，我地坐得比較入，近廚房，當時聽到廚房傳出幾句粗口，都講得幾大聲下，原來係幾個同事圍埋傾得興高采烈，即時影響氣氛感覺，如果帶小朋友黎食就要考慮清楚。去到叫野食，我地叫左厚燒鰻魚玉子、石燒吉列牛小排、自選刺身飯，一杯Asahi 啤酒。先講鰻魚玉子，係套餐加錢換$38，所以只有3舊，味道可以的，但係只得2舊玉子有鰻魚。牛小排$178，望落炸粉好厚，每一片牛都切得厚薄不一，燒到咁上下就食，一咬落去係咬唔開，再試第二片，都係咁，我地就同職員講，可唔可以換過碟，因為真係好多筋，咁佢回覆就係叫我地燒耐啲，燒溶啲筋就會淋，就會咬到，一聽到呢到，原來筋都可以燒淋佢變脂肪？！ 石燒就係可以自己控制生熟，如果肉質好食，都吾需要完熟晒啦？咁咪成片牛肉乾咁？到最後都

叫左個魚生飯 一個和牛邊爐，魚生ok 但啲飯食落似香口膠，搭兩個把鬼沙律個碟又細完全撈唔到，結果沙律醬還沙律醬食，蟹子還蟹子食，青瓜還青瓜食依個ok 但個價錢就overpriced

驚喜日本料理完全估唔到喺旺角有一間如此精美的日本料理，首先要讚一讚呢度嘅裝修，坐位非常非常的闊落，有一排卡座，私隱度高，防疫措施做得十分之好，食得非常安心。 菜式選擇非常之多， 所以我哋主攻小食，刺身。​​石燒吉列霜降牛小排 $158​海膽（半板）$178​火炙帆立貝壽司 $52​帆立貝刺身就一般。溫泉蛋沙律🥗， 份量非常大， 沙律菜新鮮。雞軟骨外脆內軟熱辣辣。 刺身絕對值得推介，都是貴價貨。 海膽係高質嘅加拿大膽，都幾抵食。牡丹蝦超級大隻，新鮮爽脆。