日本野 (已結業)

冇得返日本鄉下，唯有去食下「日本野」望梅止渴下～～食左當飛左吧！呢間「日本野」都幾多唔同嘅日本野食，佢地除左有我最鍾意嘅壽司同刺身之外，仲有好正嘅石燒牛，食完仲有好好味嘅壽喜燒作結，一次過可以滿足勁多願望！首先貪食嘅我叫「極上七品刺身」，貪佢樣樣野都有，每樣食少少！牡丹蝦勁大隻，赤貝好爽甜，係一個唔錯嘅體驗！食完刺身做頭盤，整返個「石燒牛」暖暖胃先，牛肉嘅紋理好靚，脂肪分布好平均，食落好緊係正啦！ 大家有機會都黎思下鄉啦！

忍咗咁耐冇出街食飯，好耐冇堂食新鮮魚生。今次第二次嚟呢度食飯，都有驚喜嘅。作為無肉不歡嘅食肉獸，今次嗌咗石燒吉列霜降牛小排，又得食又有得燒下肉，建議可以燒熟啲，肉質煙韌易入口。熱辣辣入口，肉味更加香濃多汁。吉列邊令肉嘅口感多一層次，配搭埋三款調味醬、粉，不同味道令整餐飯加添不少味道。蔥三文魚三文魚籽丼呢個丼飯值得推介，厚切三文魚片肥美又大塊，睇餐牌同現實係一樣咁吸引，一片片三文魚鋪滿整碗丼飯，質感嫩滑。三文魚籽拌米飯，入口鮮甜美味，大大粒嘅三文魚籽粒粒晶瑩通透、爽口彈牙，入口咀嚼，魚籽被咬爆，帶有鮮甜味嘅幸福感湧現，到依加都仲好記得。下面嘅日本米飯煮得剛剛好，味道也很不錯，食完呢個飯真係好滿足。雞肉大阪燒太耐無去旅行，無得去日本食大阪燒，自己整又嫌準備材料嘅工序繁複，掛住大阪燒汁嘅味道同口感，人懶唯有出去食。於是就嗌咗個大阪燒，個人覺得呢道性價比都高，雞肉份量算多，肉質鮮嫩甜美，菜夠新鮮，又切得大條，唔會整嘅熟爛，所以口感層次好足，但粉相對比出面嘅燒餅少，如果個人比較重口味，嗌多醬會更好。

《極上七品刺身🍣》魚生 上次同今次都一樣咁厚切啊七款刺生包括 三文魚、油金魚、牡丹蝦、帆立貝、活赤貝、八爪魚、三文魚子賣相吸引之餘 仲味道鮮甜 肉質肥美 .《石燒吉列霜降牛小排🥩》俾吉列脆皮包住的一塊塊和牛好靚 雪花分佈❄️真係好飲降霜咁厚薄適中 放上熱石板喳喳聲辣一辣兩邊就食得.《龍蝦海鮮蕃茄煱🦞🍅🍲》大大隻龍蝦 未滾已經流晒口水🤤個龍蝦鉗成隻拆出黎 肥大肉厚湯底係好濃郁既蕃茄湯 吸收龍蝦精華入面仲有冬菇金菇魚蛋旺菜 夠晒豐富 食到最尾 再落埋烏冬 濃湯烏冬完成!.仲有多款有質素小食:《和風柚子雞翼》《厚燒鰻魚玉子》《牛油果軟殼蟹卷》《和風炒野菜》

今次嚟食日本嘢，見啲食評都唔錯，好吸引，食完發現真係好值，雖然人均偏高，每人一二百蚊左右，但質量真心唔錯。叫左個牛小排定食同柚子雞翼。牛小排煎得外脆內軟，口感一流，雞翼味道都正，同柚子醬好夾。

又係食日本野過下心癮嘅時候，等了又等到我啦！點左個鍋同小食做晚餐。和牛壽喜燒配烏冬及沙律，份量雖少，但湯底唔錯，用淥完牛肉同雞蛋做烏冬湯底最正～必要追加芝士年糕呀，外層薄薄香脆，裡面煙煙韌韌，好香芝士味，超好食！仲可以追加埋刺身拼盤，包括三文魚、北寄貝、八爪魚、甜蝦，每樣兩件，$88，都幾抵～最鍾意睇住大阪燒上檯個刻，木魚絲飄下飄下，仲唔食指大動？呢個豚肉大阪燒中間好多椰菜絲，加上日式醬汁、美乃滋，點會唔好食？呢碟幾十蚊嘅和風炒野菜，有脆肉瓜、西蘭花、菇、車厘茄、木魚絲，營養夠哂豐富～食咁多滯滯地，飲埋餐飲舒服哂。有d 2人檯幾闊落舒服，有少少簡單和式裝潢，粗粗地過住心癮先～

石燒吉列牛定食 $178吉列牛定食最合我心意，石燒吃法，香脆程度自己控制。吉列牛色澤鮮紅，被金黃的麵包糠包裹著，把吉列牛放在石板燒上，聽到”吱吱”聲，牛香撲鼻，十分治癒。吉列外層酥脆可口，熱燙之餘，入口脆卜卜。咀嚼時肉汁油潤、牛香四溢，啖啖純樸的牛肉濃香，再沾上甜燒汁，使人食指大動。跟配香滑溏心蛋，把蛋漿拌合米飯，加上飯素提鮮，啖啖滋味。芝士年糕 (+$28)年糕圓潤，口感脹卜卜，大口咬開軟綿綿的外皮，奶滑流心芝士傾瀉下來， “芝”味迫人，非常邪惡。三文魚刺身(+$38)三文魚滑嫰無比，十分厚切、肥美，鮮甜味道，一口氣吃了幾片! 和風柚子雞翼(+$58)和風小食，大大滋味，很喜歡柚子醬雞翼，外皮香脆，每一吋都沾滿清新的柚子醬。入口熱辣辣，咬開脆皮，內裡肉汁豐沛，加上蜜甜柚子醬，嫰滑細膩，吃後要舔舔嘴角的雞油，別有一番風味！牛油果軟殼蟹卷 $88飯卷包著鬆脆的軟殼蟹，表面鋪上木魚絲和熟透牛油果，配搭清新，加上沙律醬，口感飽滿之餘帶卜卜脆，滋味吸引。焦糖燉蛋 $58敲開厚實的焦糖表層，燉蛋入口軟嫰，香甜滑溜。把鮮甜的芒果、草莓果肉，混合燉蛋，增添甜酸莓果香氣，甜蜜味蕾。

我們4人，食了咖哩豬和咖哩牛肋條烏冬，熱辣辣，好大碗，好好味。吉列豬脆，牛肋就有少少韌，但$60係ok嘅。另外兩個壽司定食，都不錯，有好嘅溫泉蛋，豬骨湯烏冬，麵豉湯，5伴壽司(油甘魚/三文魚/玉子/八爪魚/北寄貝，加3件加州卷，好飽。$78重有88折，真係好抵食。至於餐廳環境，都新淨，啲位都闊落，我地坐卡位，舒服，枱與枱之間都遠，所以唔使用張膠板隔住，開心好多！餐牌有個不是套餐的石燒牛肉，下次一定試，隔離枱燒到香噴噴，好。

係日本野呀因為呢個疫情，我都好耐冇約朋友出街食飯。見呢排個確診數字下降左，就忍唔住約朋友出嚟聚下舊。今次我哋食好啲，去咗間平時唔捨得去嘅日本餐廳。我哋都嗌咗好多嘢食得好夠飽刺身都算幾多，片片都好厚肉。我哋太肚餓啦，每人叫咗一個鍋。一個壽喜燒同一個蕃茄龍蝦鍋，啲龍蝦啖啖肉，真係好耐冇食過啦！我就最愛芝士年糕，水信玄餅都幾特別，甜甜地嘅好欣賞佢個刺身set得好靚,同朋友見到即刻哇_～估唔到平日夜晚都咁多人嚟食，可能大家真係太掛住出街食嘢嘅日子啦埋單都算抵呀

一試難忘，包後悔牛無牛味，雖然價錢唔貴，但都肯定令人失望。壽司飯超軟，剌身係百佳級數。鰻魚玉子燒既鰻魚超細超孤寒都算，仲要超咸，擺唔到落口。難得疫情下同朋友相聚，十分失望既一餐

位於旺角的日本野，是一間深受年輕人喜愛的日本料理餐廳。該樓層有兩間餐廳，屬於同一集團，左邊是日本菜，右邊是西餐，兩間一樣受歡迎。當日光顧，人頭湧湧，單是排隊等候檢查體溫，已花了十分鐘的時間，非常誇張呀。裝修走日系風格，用上大量木系家品，形造出簡約風格。更設有寬闊的卡位，四至六人同座也不會擠逼，適合朋友相聚呀。日本野提供大量不同種類的日式美食，如:招牌的石燒牛、丼飯、壽司、刺身、大阪燒和各種小食，價格合理，份量頗多，適合學生和年輕一族光顧呢。石燒吉列霜降牛小排 $178石燒吉列霜降牛小排，當然要試一試 牛小排已預先炸過，有一層甘香香脆的吉列皮，包裹著色澤鮮紅的牛肉，但實物跟餐牌上的圖片不太一樣。服務員建議煎久一些，令脂肪溶化，會更為美味。但當天我的牛小排頗靭，無論是煎一會兒，還是煎很久，依然咬不開，有點失望呀。和風柚子雞翼 $58和風柚子雞翼，雞翼隻隻飽滿，厚肉肥大，外皮炸得香脆，沾上柚子醬好好吃。但餐牌上寫有5隻雞翼，呈上時只有4隻，不知為什麼呢。厚燒鰻魚玉子 $38 玉子燒一向是我的最愛，煎至微焦的蛋皮，配上香甜鰻魚，配搭完美。 自選海鮮丼 $128 除了基本的丼飯，客人更可自選配搭

今日約咗朋友食飯, 佢話去食日本嘢, 喺銀城廣場樓上鋪餐廳, 名字真係叫 日本嘢, 真係搞鬼！呢度環境又唔錯喎, 日式木系裝修, 好有日本居酒屋feel！嗰晚好多人幫襯, 全場爆滿！刺身拼盤跟晚餐追加88蚊, 有三文魚、甜蝦、北寄貝、八爪魚。三文魚厚切肥美, 油脂豐盈。甜蝦鮮甜爽口。北寄貝煙韌有嚼口。雞肉大阪燒大阪燒內裏充滿大量雜菜和雞肉, 清爽健康, 口感豐富, 加埋木魚和沙律醬一齊食, 酸酸甜甜十分開胃。和牛壽喜燒和牛厚身切片, 肥瘦分明, 油脂甘香肉質鮮甜有牛尾。壽喜燒湯底鹹中帶甜, 加上雜菜雞蛋和烏冬一齊食, 回味無窮！鰻魚炒飯炒飯有切粒鰻魚, 炒得鑊氣唔油膩, 鰻魚醬油深入炒飯, 非常入味, 軟熟煙韌, 令人愈食愈想食！分量頗多, 很有飽足感！隨餐附送沙律/麵豉湯 +飲品, 的確豐富抵食！

.去日本野🇯🇵食日本野🤣🤣希望生活可以慢慢回復正常😕快啲可以去旅行✈️可以去食好多好多野🥰好掛住日本嘅刺身🤩和牛.........好多好多野都想食...•龍蝦海鮮番茄鍋🍅足料之選+濃郁番茄湯加埋烏冬...啲湯好味到可以飲哂.•刺身拼盤🐙🦐🐟甜蝦同八爪魚唔錯....•炭燒牛舌🐮再燒香啲會更好.•海膽🌊夠哂鮮甜..但如果份量多啲就好了.•赤貝壽司🍣赤貝好爽口...但飯太實🙈

最近突然間好想食日本嘢所以決定咗一定要去食餐好嘅～慰勞一下最近努力辛勞工作的自己！由於突然間想食燒肉～因此決定點左一個石燒霜降牛小排～牛花分布均勻，一睇就知係品質上乘嘅牛肉，一開始店員會為你提供石板！大家記住要燒紅左個石板先好放牛肉啊！咁樣係最有效鎖住牛肉的肉汁～肉質細嫩，肉味濃郁！配上附送的白飯～一啖牛肉一啖飯！簡直是食肉達人的福音～蔥三文魚三文魚籽丼：所有嘢就係三文魚～三文魚同三文魚～鍾意食三文魚嘅寶寶係絕對唔可以錯過！一大口放入口中的時候，三文魚籽在口中爆發～爆出來的鮮味深入飯和三文魚裏面！令人一口接一口！水信玄餅：搭配黑糖漿、黃豆粉、冰冰涼涼吃真是非常美味啊⋯⋯大家一定要食呀

疫情左咁耐係時候出嚟食返餐好嘅～今日我喺呢間餐廳近近地就喺旺角銀城上面！啱晒放工約老公仔出嚟行吓～由於今日好想食刺身所以決定去日本野～齋睇個名就知道係食咩㗎啦！首先叫咗蟹籽沙律：作為前菜我想講呢個都未免太抵食！大量鮮甜的蟹棒～洶湧的蟹籽～再加上爽脆而且滿滿的青瓜絲！簡直100分極上七品刺身～一放上枱面嘅時候即時覺得物超所值！隻牡丹蝦絕對大過我一隻手掌！而且食落去鮮味極濃～牡丹蝦的甜味喺口腔裏面爆開～好正正⋯⋯三文魚入口即溶，而且極度有口感，冇錯係厚感😆真係好厚㗎～～海膽亦都是水準之上，鮮甜鮮甜最啱就係用紫菜包住嚟食啦！炭燒牛舌串：簡單的調味，配上純熟啱啱號的炭燒技巧！幸福就是這麼簡單。香噴噴而且滿口油花+上彈力的口感！

今日同朋友一齊去食日本野，呢度既裝修真係有日式感覺餐牌上既款式都好岩香港人口味，我地叫左一個石燒降霜牛小排$148+18日本米飯，比個爐自己燒牛小排，想要幾熟都可以，非常好味燒完吾會太乾，再食左一個温泉蛋和風燒牛肉丼$158，蛋汁滲透啲落飯加埋牛肉香味，正，食多一個和牛壽喜燒$188配烏冬或飯，一鍋上，湯裡有牛肉，豆腐，冬菇，金菇，菜，加埋烏冬味道清甜，最後仲叫左龍蝦海鮮蕃茄鍋$198可配飯或烏冬，鍋裡面有龍蝦，蜆豆腐，冬菇，菜，龍蝦同蜆都好鮮甜，加埋烏冬落啲蕃茄湯度簡直超好味，再加一個柚子雞翼 (五隻)$58熱辣辣的雞翼非常香脆，估唔到配柚子汁噤夾