日悅極尚日式放題 (已結業)

訂左9點入座，一入座已經話無牛利，海膽，算，咁夜都冇得搵過第二間，更何況諗住放題有大把其他野食，所以照坐照叫。點知啲野食真係勁少，牛肉壽喜燒黎左一鍋就話冇哂，有冇搞錯吖，咁基本嘅野都冇，炸蠔叫左幾件又冇哂，啲野食佢有果啲就黎左勁多，都唔知佢有冇跟單，我叫左6串蝦佢就黎左廿串，好彩人多都食得哂，但啲照完全錯哂咁，沙律bar.去到十點就完，其實我九點幾出到去打算拎啲野飲都已經好多冇哂，啲野冇人refill不突止仲係已經收緊，我真係唔知佢有冇打算俾九點入座嘅人食，如果嘅9點放題係唔俾時間人食，佢大可以唔搞特價，無謂令人黎到乜都食唔到，乜都話賣哂，食到冇哂mood。食物質素不過不失，有啲野好喊，有啲都好食嘅，好似啲炸雞亦，炸芝士年糕，啲野食不過不失，啲蝦都唔算太差。服務亦一般，堆到成枱都係碟都冇人收，仲要成場都唔多人。我唔推薦大家黎呢到食9點，平得少少，但乜都冇得食，食到成肚氣大家有興趣可以試試正常時段，再話我知會唔會都係乜都冇!

德興火鍋於尖東半島中心開店多年，現將部分面積間開，開設日式放題，標榜提供酒店式放題。現場所見，日悅比一般放題店燈光光猛，空間闊落，亦設有兒童遊樂室。食物除一般放題食品種類，劃紙落單，亦有如自助餐的自助揀選食物。種類計有凍海鮮如凍蝦、青口、翡翠螺，漬物如牛蒡、中華沙律、泡菜、海蜇、八爪魚等，新鮮蔬菜及甜品。飲品種類亦有很多選擇，有罐裝飲品、自斟清酒、梅酒、果酒、紅棗水、杏仁茶，各式其式。刺身壽司等上之前先食點漬物，牛蒡漬用上較幼身日本牛蒡，入味又爽脆。罐裝飲品有Hoegaarden Radler選擇，有西柚x橙味及青檸x檸檬口味，水果啤酒只含2%酒精，口感柔順清新。刺身拼盤放上乾冰，視覺效果不俗。刺身中的赤蝦體型碩大，好有睇頭，食味爽口中帶綿滑。松葉蟹腳於放題中很少見，蟹肉一絲絲的不太鹹。赤貝馬刀貝入口鮮甜爽脆。三文魚油甘魚北海道帶子口感肥嘟嘟好有質感。火炙壽司細細件可以多試唔同款式。三文魚腩左口魚香蒜牛肋肉火炙後入口嫩滑帶微微焦香味。創意壽司黑松露油甘魚的一小撮黑松露已經能夠提升食味，黑松露的幽香無法令人抗拒。變種花之戀的三文魚籽花之戀及三色花之戀口感肥美。鹽燒海蝦帶有燒過後的香味，肉

小妹有個怪癖，就是每月踏正某幾天，胃口會無啦啦大開，像黑洞般喪吃不飽。這個時候，有甚麼比刷一場自助餐更痛快、更具經濟效益？今晚柴娃娃到尖東食日式放題，晚市18:30至21:00前時段，由入座起限2.5小時，每位收費$278。4人同行，1人半價，奉送活魚薄切一條。步進餐廳，一片廣闊的空間映入眼簾，沒想過地方會如此寬敞！店子裝修富日本風情，乾淨企理、燈火通明，身處其中感覺舒適。最特別是近門口位置設有兒童遊戲室，父母用餐之餘，小孩亦不愁悶場，室內嘻嘻哈哈非常熱鬧。說到環境，確是一絕。餐廳中央是自助食物區，那兒主要擺放海鮮，包括青口、凍蝦、翡翠螺；涼拌包括蜜餞甘薯、味付蓮藕、柚子醋米茄；湯品包括麵豉湯、蘿蔔大根湯；糖水包括黑糖紅棗茶、蓮子杏仁茶；甜品包括芒果布甸、芝士蛋糕、朱古力杯、藍莓慕絲餅等，款式琳瑯滿目。顧客可於落單後出來覓食，用盡一分一秒。飲品方面亦是應有盡有，除了大路的汽水、果汁、奶茶、咖啡外，更有梅酒、花茶、菜蜜等供應。部份特意沒有放入雪櫃，照顧一些不喝凍飲的客人，非常貼心。天寒地凍，小妹選了韓式菊花薑蜜，味道清新，不會過甜。吃過炸物之後再喝，有助清熱消膩，能令喉嚨舒適。剛才在餐廳

同舊同事食飯,他說半島中心有一間新的日式放題,遠處已經見到大banner掛在半島中心的外邊。這間日悅極尚日式放題面積好大,占了半島中心二樓差不多半三分一的鋪頭, 還是第一次見到餐廳有親子樂園,仲要起碼有成四五百尺嘅空間,畀坐唔定唔定嘅小朋友同爸爸媽媽一齊玩耍。大廳左右兩邊都可以放了幾十張餐桌, 中間放了一些凍盤、熟食、熱湯、清酒和甜品。我們坐在包廂裏面,一面打橫一行都幾十張餐桌, 這樣計算的話一晚可以容納200到250人。食物方面,多種類不在話說。天氣太冷比較喜歡食熱食。蝦蟹粥，個粥好綿,好鮮味，仲有紅蘿蔔同冬菇片。這個值得推介。 燒羊架，出面西餐廳食三件羊架已經200蚊。這個羊架大大件，但是燒得比較老，肉質有點鞋，而且幾鹹，可能是這件重手了。燒物我最鍾意係鹽燒海蝦,蝦肉新鮮彈牙,我哋起碼食左十幾20隻。開心享受食物時，突然看到侍應拿著搖鈴，不斷搖晃。看到很多人就在大堂中排隊，不知為何我又排了一份，原來是有乳豬出來。 人龍很長，師傅沒有限制每人可能的數量。有很多人一個人拿了八件，所以等很久才到我。等嘅時間太長嘞,所以拎到返埋位食嘅時候,已經係涼涼地,不過都好脆。佢嘅壽司刺身都很新鮮,衹

諗住試下新開嘅日式放題餐廳, 原來係德興集團｡ 今次都係食宵夜時段, 去到餐廳都仲係好多人｡ 座位都擺得幾迫, 而且嘈吵程度絕對唔會輸俾酒樓｡ 餐廳設有自助區, 可以拎前菜、湯、糖水、甜品、飲品, 其他食物要喺 Order 紙度剔, 不過食物款式唔算好多｡刺身講真, 個刺身擺盤其實好靚, 但我比較著重食物質素｡ 三文魚偏瘦, 唔夠肥美, 赤蝦同甜蝦上面有超多碎殼黏住, 隻松葉蟹腳幼到冇肉食咁滯  , 其他刺身就冇咩特別｡壽司Order 左 4 款, 其中海膽壽司  , 一 D 海膽嘅鮮甜味都冇｡ 炸物天婦羅一 D 都唔脆, 應該話係淋嘅, 而其他炸物係凍架囉 一品料理好唔明點解蒜片牛柳粒係濕漉漉 甜品 只係出去拎雪糕食, 係全晚最好食嘅野, 因為係M 字頭同 H 字頭嘅雪糕｡ 

今晚約了好姐妹晚飯，因較早前爽約了， 今晚再吃餐勁補償一下。 她公司最近搬到紅磡， 正好幾日前有親戚在半島中心吃過一間優質放題 大力推介。這間放題都幾full, 我們選較早時段。 去到門口， 眼前一亮，四周環境超級闊落， 空間感十足， 店的一邊更劃出一區作兒童區， 放題也不忘親子。 餐廳裝修簡潔平實，有一邊是自助corner，各式飲品甜品小食冷盤 十足酒店buffet 一樣。 未食都覺得好吸引。 飲品櫃內罐裝飲品都是自取， 發現一些之前放題未見過的，但品牌熟悉，混合了生果的酒精飲品， 仲有支裝蘋果汁橙汁實在驚喜， 雖然不是什麼矜貴飲品但每樣升級少少已經令人印象深刻。自助區還有梅酒，清酒， 花茶可自斟自飲。先來一輪刺身。 朋友很喜歡吃蟹腳， 佢讚這裏的蟹腳味道唔太鹹， 看她技巧純熟的剪蟹腳，吃得真過癮。蝦刺身方面亦有大赤蝦和甜蝦， 兩者都鮮甜， encore 了兩around 。赤貝大隻爽口 鮮甜唔腥。其它卷物都做得唔錯全部都比較細粒精緻， 當中一定不能錯過海膽軍艦， 唔可以話好鮮甜，不過放題質素絕對接受，唔腥並有少少海水味，紫菜都堅脆，難得也是任叫。 我們兩個都encore 了因為很喜

今晚同老爺奶奶去了尖東半島中心的日悅極上日式放題食晚餐，我們約七點多到達，餐廳幾乎全部滿座。食物款式跟外面的放題差不多，有刺身、壽司、燒物、炸物及主食等。外面有自助沙律、日式小食、甜品及生果。飲品方面除了有雪櫃中的韓國飲料、啤酒及無糖茶外，還有hoegarrden的果味啤酒，其中青檸味清新。其次還有清酒、梅酒、果茶、蜂蜜薑茶及杏仁茶等等，款式甚多，應有盡有。我們先點了一些刺身類，包括了三文魚、油甘魚、帶子、北寄貝等，其中油甘魚是眾多款式中最鮮最甜，其次是三文魚，雖不夠肥美，但色澤鮮橙，味道尚算鮮甜。熱食類點了些炸物包括炸蝦、炸蟹棒、榴槤炸彈及芝麻雞翼等，其中榴槤炸彈皮薄榴槤肉香，雞翼炸得香脆，炸蝦粉漿比較軟不夠脆，所以有點遜色。燒物則點了牛舌及菠蘿，牛舌外層有些黑椒，燒至微焦帶脆，肉質爽彈；而菠蘿則非常清甜無渣。店員突然行過說有乳豬，很快外面就大排長龍，我們都排隊要了一份，乳豬皮脆且幾乎無油脂，外皮只連著少許肉，質素媲美燒味店，絕對是亮點之一。最後食埋movenpick及Haagen dazs雪糕，為這一餐放題作完美的終結。

人生總會遇上幾個怪朋友，我就有個朋友叫「放題王」，不斷四處搜羅各間新舊場，每星期都會最少食一次自助餐或放題，就算冇人陪佢食，自己一個都會去食，仲要自拍啲扮俾人餵食或乾杯相片，深夜喺IG放毒，好攪笑! 小妹實在胃納有限，未能每次應約，但偶爾奉陪吓都可以嘅。呢個場位處尖東，都幾方便。一入嚟，第一個印象就係地方大! 個場真係好大，空間感足，座位闊落。出面有自助區，主要係甜品同飲品。飲品選擇好多，冷、熱、常溫飲品都有齊。連酒精飲品都有︰亦有沙律吧同凍海鮮：Order紙有十張，中英對照仲有啲相應圖片，但當中有五張係卷物同壽司，好多飽肚野。刺身當然唔少得，食左幾款都唔錯，冇乜雪味，連松葉蟹腳都有。最好食係北海道帶子，唔係大粒，但潤澤彈牙。大赤蝦幾大隻，甜同膠質重，有口感。壽司同卷物只係食左幾款，飽肚兼味道麻麻。有乳豬食，師傅即切，不過就要排隊拎，秩序還可以，你講幾多人就會按人數俾相對份量，一個人可以拎埋其他人嗰份。兩人份量係四片，攞到埋位只係微暖，但就酥化脆口。最驚喜係蒜片牛柳粒同和牛薄燒，一般放題啲牛都做得麻麻，但呢兩個係有牛味之餘仲好腍滑同惹味。燒物 - 牛舌係硬到咬唔到，蝦就大隻彈牙。朋友反

又到 Happy Friday, 梗係要食好西啦。見呢間新開無耐，口啤又唔錯，就呢間啦。服務：我地訂咗枱2位，去到居然安排我地搭枱，同另外4個大漢一齊坐。我地拒絕，最後安排4人枱比我地2個人……環境：比酒樓還要嘈吵。食物：刺身麻麻地，三文魚不肥美，2款蝦好多碎殼。蝦天婦羅是淋的。吉烈蠔是凍的。蒜片牛柳粒濕立立的。麵豉湯好咸。蝦蟹粥沽清。無鰻魚供應。全晚最好食係嗰2款名牌雪糕。(但M字頭嗰款只得士多啤梨味供應……無言)

今晚同屋企人去了尖東食日式放題，餐廳位於半島中心內。一入到去未坐低就見到外面大排長龍，問一問店員原來是排隊取乳豬，基於香港人仲意排隊心理，我都出去排埋一份。師傅會因應你人數而分配份量，乳豬望落去都唔錯，食落皮脆肉嫩而且無咩肥膏，確實有驚喜。之後落左單後出去行返一轉，外面主要分幾類，中間位全部都是熟食，有冷凍海鮮包括蝦、螺及青口；沙律方面有蛋沙律、沙律菜、冰菜、中華沙律、日式前菜、枝豆、秋葵等等；湯類有咸有甜，麵豉湯、蘿蔔牛骨湯、杏仁茶及黑糖紅棗茶；甜品有芝士蛋糕、桂花糕、和菓子、慕絲、木槺布甸等等，全部都有十多款，外面食一轉都半飽。除此之外，飲品方面更是包羅萬有，韓國啤酒汽水、hoegarrden果味汽酒、道地茶系列、清酒、梅酒、薑茶，幾乎你諗得出既都有齊，未試過放題有咁多款式選擇。雪糕就更是令人眼前一亮，Haagen dazs已經夠正架啦，仲有movenpick，每隻都有三款味選擇，真係食多幾杯都夠回本。刺身方面，主要是三文魚、油甘魚、甜蝦、刀貝及帶子等十多款，放題價錢質素不錯。壽司中火炙鵝肝帶子是最有特色的一款，鵝肝雖然比較細小，但味道還可以。其他熟食跟普遍的放題大同小異，其中蒜片

阿公生日，一班親戚一行12人去帶公公試下放題，見依家新開就試下除左餐牌，都d湯糖水前菜甜品自助形式自己夾一揭開餐牌，餐牌上既食物選擇真係少咗d係放題當然主攻刺身，三文魚都算新鮮d，甜蝦就霉咗d，其他刺身都麻麻地不太新鮮天婦羅就炸得唔錯既，炸榴蓮最正串燒就燒得差，翠肉瓜好生，菠蘿都理應燒完好甜好多汁，完全無依個效果另外其實仲嗌咗d熟食，羊排牛柳粒都比較靭，白酒煮蜆好多沙總括尼講，放題尼講依間食物真係有代改善

老爸話未試過食放題，不過又想食比較多熟食的放題，我見尖東半島中心開了一間新的放題，聽說食物種類有好多，所以全家去試下！餐廳地方很大，有很多座位，全部都滿座，很有人氣！兩本點餐menu，還有自助區，出面有沙律吧、飲品櫃、湯、甜品、糖水、水果等等！飲品種類超多！特色啤酒、茶、汽水等等！四位會送上活魚薄切刺身，魚肉味淡，配附上的醬汁吃，都幾鮮味！點了不同的刺身，都好新鮮，有我最愛的希靈魚，油甘魚也很好吃！各款壽司，飯團小小的，不怕吃到撐！海膽軍艦一定要試！老豆對壽喜鍋表示滿意！炸物我喜歡炸榴連和炸紫薯餅！天婦羅蝦也很彈牙！燒物也不錯，雞軟骨很香脆！羊架肉嫩！吃到中段有職員敲鐘，原來有乳豬，想不到日式放題有乳豬，乳豬皮極鬆脆，高質！除了各式甜品，還有Haagen-Dazs和Movenpick，完全是酒店級！值回票價！

一心期待海膽 但係好失望 都未試過啲海膽好似條鼻涕咁 果種口感真係冇可能再試到!!但係地方係可以 仲坐得好舒服 所以唔好太期待食物質素 揀地方呢度係100 但係食物質素就....自己考慮

自從做了Food Blogger之後，經常四出「搵食」，吃得多，對自助餐的慾望大大減低，因為很多自助餐的食物都不夠水準，不過這一間「日。悅」卻恨恨的摑了我一巴！才二百多元，松葉蟹腳、海膽壽司、Mövenpick、Haagen Dazs等任食，連飲品都竟然有去年才登陸香港的Hoegaarden Radler果味啤酒，果然不惜工本！ 「日。悅」位於尖沙咀半島中心，佔地15,000呎，地方很大，坐得闊落，我們訂了周三18:30，成人每位$278，四人同行更有一人半價優惠及奉送活魚薄切一條。 除了兩本「任點任食」的點餐紙，外面還有不少冷熱盤供應，如凍海鮮、日式餐前小食、湯品、糖水、甜品和飲品等，但才剛來，不敢一下子太貪心，只吃了凍蝦，鮮甜爽口，第一印象不錯。 北海道帶子、馬刀貝、松葉蟹腳、油甘魚刺身 松葉蟹腳 火炙鵝肝帶子、鰻魚、三文魚腩壽司 海膽魷魚、黑松露油甘魚壽司 海膽、龍蝦沙律軍艦 任點任食共有十張餐紙，各式壽司、刺身和熟食都有。最抵食一定是松葉蟹腳，雖然不算肥美，但鮮甜爽口，任食實在是不可能！甜蝦都很好，新鮮甜美！必點的還有海膽壽司，鮮而不腥，實在想不到自