影片
相关文章
我平时好少写食抨，但今次一定要写，真的十分感激他们🙇🙇🙇 近日去食lunch放题，我地一行5人被安排系坐在一个可容立20～30人的area内。食食下来了2位说普通话的客人，其中一人不停“索”鼻，鼻都红埋。恕我地紧张，呢个时势大家都惊惊地，所以厚著面皮问职员可否转枱。职员2话不说乐意立即安排，我地不停多谢佢地，佢话是应该的，大家体谅。果一刻十分感动，不愧我地keep著嚟食！呢间放题我地食左好多次，每次gathering都来，一年嚟几次，坐得舒服唔会焗唔会迫，唔太嘈倾到计；上菜快而且好新鲜味道又okay；有常温的罐装饮品/支装茶选择，啱晒怕冻的我；雪糕有movenpick；性价比高！有人情味的食店！
继续阅读
系香港食放题 一向都系迫到癫左 次次都系背脊对背脊 今次终于揾到一间坐得劲舒服之余 系高质嘅放题讲紧就系尖咀嘅 日悦极尚日式放题地方超大 完全无压迫感 而且食物款式多我地一坐低就叫左刺身拼盘 估唔到呢间竟然有象拔蚌 会唔会太正其他三文鱼 北寄贝 带子个啲都好新鲜 之后店员重送左一客鲍鱼俾我地 原来今个月优惠 4人同行就送一客 好软好鲜甜之后重有叫到我最爱嘅天妇罗 粉浆好薄寿司都好有惊喜。特别系海胆寿司 估唔到咁鲜甜小试牛刀之后 我地无限encore其他寿司都唔错架食食下出面敲钟 原来有扁皮鸭派 手快有手慢无甜品方面除左雪糕外 重有特色糕点 好多选择
继续阅读
地方大，环境系够哂阔落。食物质素一般，刺身唔新鲜，漏单，重复叫多次都系足足等成9个字先到，唯一好食系牛舌同清酒煮蚬。但整体而言，可以体验下，但唔会再来.....
继续阅读
呢间日悦极上放题，家姐好耐之前已经话想食😆可惜今次撞正佢坐月😅佢无口福啦！所以今次同老公撑枱脚🤭上网见到佢有海胆军舰，所以我决心要黎试吓！地点都方便系尖东！黎到餐厅有意外惊喜，餐厅非常之大，包括有自助区，用餐的座位同儿童游乐区🤩竟然放题都有，好抵赞！枱同枱之间一d都唔迫！而家自助区包括有沙律bar,荼加啡，清酒，冷盘小食，热食小食，生果，甜品等等！重点！重点！重点！重要野要讲三次😍佢有提供贵价雪糕Häagen-Dazs同movenpick 之余！仲可以任食呀！所以要回本真系一d都唔难！餐厅环境寛敞好似去左外国咁！完全感受唔到香港的地价！特别推介一家大细黎食野👍🏼
继续阅读
朋友介绍一间位于尖沙咀半岛中心2楼的日悦极尚日式放题，于是组织了一次聚会。事先有订枱，所以不用等太久便能入座。一来当然唔炒得有自助沙律吧，沙律吧仲有新鲜既大虾。梗系要一边食一边落单啦。从朋友口中得知日悦的寿司和刺身都是非常高质，当然亦专登叫来了多款不同种类的寿司刺身来试试。一试果然唔错，新鲜既玻璃虾甜虾，大只得来够晒鲜甜，刺身亦好厚切，好有口感。除左刺身，烧物亦非常值得试试。烧海虾、牛舌、鸡软骨等等，够晒惹味。最后一定要提既仲有雪糕环节。相信唔少地方都有Haagen-Dazs, 但有Movenpick 的放题在香港真系少见，少食甜食的我都放纵了自己一下。
继续阅读