日悅極尚日式放題 (已結業)

今天超開心可以食放題這間餐廳位於尖東但人潮也很多在人山人海的門口等了十五分鐘終於可入坐外面有四大個飲品雪櫃最喜歡是果汁先生蘋果汁和道地解茶指定動作第一輪先點刺身都是三文魚油甘魚赤蝦帶子等全部魚生都新鮮美味更有乾冰增加視覺效果熟食點了燒牛舌燒蝦子天婦羅一大碟奉上熱辣辣即叫即炸我最愛的芝麻雞翼更爆汁麵類有湯烏冬冷蕎麥麵等蕎麥麵精緻更配上生鵪鶉蛋這是高級日本料理才有的賣相吧白汁焗元貝也是新鮮出爐火炙壽司細細件很香口煮蜆體型非常巨大場外更有沙拉湯品和凍海鮮飲飽吃醉很再吃movenpick雪糕這次放題我們真的吃回本了

平時食放題黎黎去去都係果幾間，雖然食極唔厭，但我個佬話無新意🤣好！今次比佢㨂～就㨂左呢間新開既酒店式放題。要食梗係食最抵既時段，6點半前入坐，$278+1 食兩個半鐘, 好耐無食過夜晚放題，因為平時食開果d 都比較貴，所以今晚平平地～輕輕鬆鬆食下唔使駁左條老命🤣。✨先講環境真係幾大，6點幾已經差不多坐滿，我未試過食放題，枱同枱之間既距離係闊過一張2人枱😱。入面仲有間房比小朋友玩，真係好貼心。✨自助區有好多野食，冷盤一定搶先拎。青口最好食，夠大隻鮮甜，有酒店質素。翡翠螺相對細粒，味道比較遜色。✨仲有甜品區，沙律區，涼伴小食。試左個柚子醋米茄，味道又幾清新～食落涼浸浸，忍唔住食多兩舊。✨飲品除左凍櫃，仲有常溫區的，啱晒唔飲得凍既我。不過今日黎無左果隻韓國檸檬啤，想飲可樂就剩係得zero～之後沖左個玄米茶，個茶包唔知係咩牌子，但個味好香。仲有我最愛既水果茶，不過味道就比較淡，最後轉戰梅酒❤️好飲。✨之後試左個大根牛骨湯，幾清甜又夠味。除左湯佢仲有d 中式野～好似蓮子杏仁茶，黑糖紅棗茶等等。✨刺身幾新鮮鮮甜，赤貝，甜蝦，蟹腳，帶子，蟹腳都再encore 😚✨黑松露油甘魚，松露味超濃的。✨鵝肝帶子

本抱著試一試心態，一入門口，個知客經已態度極差咁講無枱，諗住轉身走，比另一位知客叫停有位，咁我地就坐低！ 叫左兩轉炸物，都無黎過！ 問兩次個侍應一次hea跑走，另一次就聲大大咁講話我無寫枱號，我話我有寫啊，佢再大聲咁講：你咪寫多次囉，你有寫既我咪同你睇下有無落單囉！ 火都黎！ 我落第三次order, 再等再問第三個侍應，終於黎喇！ 是旦搵第二張枱既比我，啲野食都唔係我叫既！ 過份到一個點！ 食野好唔好食：一般，小野簡態度：你想搵嘈交呢到既侍應一定配合到你

日本放題非常普及化, 真係多不聲數。剛幫襯完一間日式放題~ 日悦極尚日本放題, 來頭不小, 附屬德興飲食集團, 大集團質數應該有保證。地方都超大整潔, 放題時間為兩小時, ㄧ入餐廳, 非常寬闊, 仲有ㄧ自助區, 擺放多款飲品, 如汽水, 啤酒, 綠茶, 果.汁, 甜品及湯水。厚厚点食物紙, 種類繁多, 有燒物, 刺身, 壽司, 日本熟食, 串燒等等.... 講得出嘅日本料理, 都可以找到。首先係天婦羅炸物到場, 雖然SIZE不算大, 食物質素也不錯, 炸漿不太厚, 炸得啱啱好, 唔會過火, 外面卜卜脆, 裏面餡料都花款多多, 十分爽口!再来刺身, 毎枱主攻刺身, 必食主打: 珍宝大蝦, 赤貝及帶子刺身等等.....刺身包羅萬有, 大蝦新鮮又爽甜, siZE要用" 巨 "來形容。至於蟹腳 果真名不虛傳, 成支筷子咁長, 仲非常多肉, 鮮甜美味! 赤貝非常新鮮及好有口感, 最重要係爽! 終於我地 照板煮碗order左幾次, 真係滋味l!壽司有多種款式, 最難忘帶子壽司, 係呢間店舗特式, 帶子壽司飯啲啲式式, 唔會太多, 可以ㄧ啖放入口裏, 正! 大大粒带子放上壽司飯上,帯子爽口, 真味

食放題比自助餐更寫意，一來放題食品選擇多，有刺生、壽司、熟食、甜品和飲品，任君選擇。二來是放題安坐後，祗要揮揮手，在點菜紙左寫右劃，侍應就會送上美味食品，不用爭食，自得其樂。而且放題食肆百花齊，選擇又多，東嘗嘗，西試試，可以擇肥而噬。今日就東闖闖，到尖東半島中心2樓日悅極尚日式放題嚐個晚市放題。晚市放題，不同時段，不同收費，放題2小時30分鐘收費由$258至$298不等。此店地方非常寬敞，佈置簡約，座位很多，環境舒適，而且設有小休區和兒童玩樂區，在坊間放題食肆來說，實在罕有。食物方面，有多款點心紙分類，有刺身、壽司、手卷/軍艦、卷物、創意壽司、火炙壽司、燒物、炸物/天婦羅、一品料理和食事等。除有點心紙自選食品外、大堂更設有自助食品區，有各式冷食、甜品和飲品供應，還有各位式凍飲和雪糕放在凍櫃，方便食客自取。先來刺生掲開序幕，叫了三文魚、油甘魚、赤具、北寄具、大八爪魚、松葉蟹腳、赤蝦和甜蝦等。三文魚入口新鮮嫩滑、油甘魚味豐富。另外八爪魚刺身、北寄具和甜蝦味道也不錯。壽司和卷物種類繁多，叫了香芒大蝦、牛油果軟殼蟹、芝士鰻魚卷、火炙香蒜牛肋肉、火炙鵝肝帶子、火炙三文魚、火炙芝士蟹棒和火炙鰻魚等

本身對放題觀感只係一個價錢食好多超級市場質素嘅日本嘢。今次朋友介紹去間咗新嘅放題，首先，坐位上唔似一般放題餐廳個位咁窄，中間大廳仲有buffet 枱拎前菜甜品，賣相仲幾好，幾企理。食物高質素，完全唔似放題：炸物夠脆夠熱，唔係微波爐啲fd.刺身都夠新鮮鍋物足料夠味，即整新鮮熱辣燒物仲有牛舌同帆立貝，牛舌又夠唸。飲品仲有青檸味 hoegaarden, 清酒，梅酒。。仲好細心地提供唔凍嘅飲品仲有就係落本甜品 movenpick 同 haagen dazs...同buffet 枱嘅蛋糕甜品

和朋友約食飯，約了一段時間 大家都要湊小朋友，平日放工好難就 終於約到係新年前聚一聚 大家住得天東地北的 最好的聚腳點，就選了尖東 日．悅 極尚日式放題 位於半島中心的2樓，前面有個扶手電梯上去~ 呢間係新開的日式放題 估唔到入面係超級的大~ 分為2邊大廳，超級寬落~ 我地食頭轉，五點半已經上到去，人未太多 六點後已經差唔多坐滿~ 呢度最特別係有個小朋友玩樂天地，而且不係一個角落，係成間房 小朋友叫佢坐定定食2粒鐘真係好難 有左呢個玩樂房，耐唔耐去郁下，玩完再食過，真係幾好 小朋友有地方玩，媽媽們就可以盡情傾計啦~XD 放題同酒店的BUFFET 好似 都有前菜 / 冷凍海鮮 / 沙律吧~ 冷凍海鮮質素幾高，SIZE 大隻，而且肉質爽口 不過 REFILL 有D慢，好耐先REFILL 第二轉~ 好多日式前菜選擇，八爪魚/螺肉都超級大隻~ 不過醬有D多~ 呢度做緊新開優惠 四人同行一人免費，仲送一條薄切活魚 估唔到二百幾蚊的放題，竟然食到薄切活魚呀~ 當然，最重要係質素唔差架~雖未至於極度鮮甜，但都有魚的鮮味~ 切身方面絕無欺場 件件都大大件，又唔會雪到硬哂 就連腳蟹都好有味道

平時食放題通常都係大XX，XX屋，今次有朋友提議去尖沙咀半島中心新開的酒店式放題，小弟上網參考過評價不俗，地方寬敞舒適，一於去馬😆😆我起初也奇怪，為何日悅會標明是酒店式放題呢？去過就明白了，地方真的很大，座位也很闊身鬆懈，不會像平時的放題店坐得迫促不舒服！而且還提供兒童遊戲室、休息閒談的位置，在吋金呎土的香港，實屬罕見😮😮平時去放題，通常都只有飲料、甜品自取，這裡連前菜、沙律、凍盤都是自取任食呢！感覺就像置身酒店吃自助餐一樣😆😆而且款式不少，侍應又會很快補給，酒店級的效率和水準，值得一讚👍🏻👍🏻放題少不了當然就是壽司同刺身拼盤吧！即叫即製，賣相吸引！有少見的松葉蟹腳和幾款赤貝類刺身！但小弟最推薦還是三文魚和大赤海蝦，厚身肥美鮮甜，朋友們也讚不絕口😋😋熟食方面，小弟推薦忌廉焗扇貝、辣酒煮蜆和牛肉薄燒！扇貝焗得香烤惹味，不過食得太多還是會覺得太膩！辣酒煮蜆就煮得入味，而且亦很大隻有肉地，值得一讚！另外最令人意外竟然在放題店有乳絲供應呢，雖然是限量供應，水準當然無傳統酒樓做得好，不過也算做得薄脆可口，誠意搭夠👍🏻👍🏻最後必提的是有move pick和Haagen Dazs雪糕無限量供應，不似

今次比我喺尖東搵到一間又好食，又抵食嘅放題，一定要介紹比大家！呢間放題叫日悅，喺尖東半島中心，餐廳面積好大，有比小朋友玩嘅地方，食飯嘅地方坐得又舒服，食都食得開心。呢度主打酒店式甜品，半自助餐咁，各款前菜同甜品任食，有中華沙律、海蜇、螺肉、泡菜等；海鮮有蝦、青口等，甜品都有中式杏仁茶、紅棗茶，款式真係好多，食極都唔厭！食放題，刺身一定唔少得，三文魚、油甘魚、蝦、象拔蚌、長腳蟹，蟹腳同象拔蚌好鮮甜，仲有個鉗同鉸剪比我哋剪開，好方便。我哋四個人同時食，仲送一盤好特別嘅活魚薄切刺身，仲擺得好靚呀！幾鮮甜，而且又有脆紫菜包住嘅海膽，好香嘅鰻魚、帶子壽司，仲有我好鍾意嘅炙燒三文魚呀！其他熱食都唔錯，芝士焗大大粒帶子，脆卜卜嘅天婦羅，蟹柳同蝦唔錯啊；串燒有牛舌同雞軟骨，最特別係竟然日本放題餐廳有燒乳豬食，佢限定一個小時只有一輪，拎哂就無喇！乳豬外脆內軟，真係食唔停口！飲品我就推介呢個微酒精嘅檸檬味啤酒，啱哂酒量唔好嘅你哋，哈哈！大家快啲去試下啦！

今次泥到依間新開既放題店🤤 種類都有幾多下 刺身 壽司 燒物 料理 炸物同甜品😜講左壽司先👅 最推薦既係三文魚腩壽司 咬落去既三文魚油令yumyum都encore左次 其他試過既壽司 好似牛肋肉 饅魚 牛油果軟殼蟹 三文魚花之戀都唔算太特別 份量偏細 壽司舊飯都比較軟身 🙆🏻 香蔥呑拿魚茸手卷雖然係menu寫住人氣但出面既紫菜太過軟身 魚茸好淡味 唔太食得出呑拿魚味🙈 而刺身揀左三文魚 北海道帶子同蝦 味道都不過不失 刺身比較普通🙈 唔太特出 但勝在種類算多😀 燒物方面 帆立貝北海燒都幾大隻😋 醬汁好特別 酸酸甜甜 都幾開胃 鹽燒牛舌都唔錯 牛味幾濃 😀 雞軟骨都係不過不失 未去到想翻叫既程度🤔 菠蘿整到暖暖地 用泥消膩一流🤣當然唔少得炸物方面啦😎 中意食榴蓮既點少得脆皮貓山王 食落啖啖榴蓮香 分量偏細 好彩係放題可以任叫👍🏻其他好似吉列紫薯餅 南瓜天婦羅 蕃薯天婦羅個皮略嫌有啲軟身 唔太夠脆🤔帆立貝炒鮮菌都幾入味 好多菇 所以食落好飽肚下 和牛薄燒偏向似肥牛 但食落都有啲筋 有啲痴牙🤔放題有自助沙律吧同甜品吧😍 都幾多野揀下 例如有和菓子 栗子撻 薄荷慕絲餅 仲有得一次過滿足哂你2個

係公司OT辛苦左成個月, 終於完成年結報告, 老闆決定請我地部門食餐好答謝大家既辛勞, 要滿足每位同事既喜好, 又唔可以超出老闆既budget, 放題絕對係一個好選擇。雖然出面有唔少放題餐廳, 講到最有質素保証莫過於大喜屋集團。屋企人早排去過尖東新開既日悅極尚日式放題後讚口不絕, 而且地點交通亦算方便, 所以book地檯決定去呢間放題試試...餐廳面積很大, 座位很集中, 自助吧檯設於餐廳中心位, 提供清酒、熱湯、冷盤前菜、甜點等等...飲品款式多, 放滿整個大雪櫃, 更有常溫飲品供應餐廳另一個偏廳設兒童遊玩區, 令帶同小朋友既家長們可以舒舒服服, 食得安心。放題必食既刺身包括有北海道帶子、三文魚、油甘魚、赤貝、松葉蟹腳、甲紋魷魚、北寄貝、大赤蝦、甜蝦、希靈魚同埋8爪魚。刺身均為厚切而且新鮮, 當中最有驚喜就係蟹腳, 沒有雪味, 很鮮甜~  推介必食!壽司包括有特色創意壽司、手卷、軍艦、卷物, 款式花多眼亂, 眼闊肚窄只係揀幾款試試軍艦即叫即整, 紫菜還是脆的壽司既飯細細件, 食多幾件都唔會太快飽, 火灸壽司唔會太乾, 但其中既鵝肝帶子壽司, 就完全唔見鵝肝蹤影, 而且配搭燒汁, 食唔

聽聞尖沙咀開咗間勁大間的放題，即刻同朋友去試試！入門口的環境果然係好闊落，空間感十足。座位同座位之間有一定的距離，坐得舒舒服服，唔似坊間放題店般狹窄。最特別係佢哋有一個自助區，就好似酒店咁，有沙律吧同埋甜品區。而雪糕亦都係飲食，有我最鍾意的MovenPick！仲有一樣野都好有趣，原來餐廳的一個角落位置，有間兒童房，環境都幾舒服同企理，啱晒一家大細去放低小朋友。一口氣拎晒咁多款前菜，自己夾又別有一番風味。餐廳亦會有少量特色的食物，就好似酒店咁，即場泡制，鐘聲一響，就有唔少人去排隊。食物的選擇好豐富，唔少貴價的食材都可以任食。刺身的賣相唔錯，色澤均勻而且有光澤，可見佢哋處理得食材幾好。兩款蝦肉都夠晒甜又有鮮味。油甘魚的魚油好豐富，好肥美。壽司整得幾好，壽司飯唔會太大件，唔會好容易就食到飽。熟食方面，串燒同炸物都幾好食的，可惜餐廳的冷氣太勁，擺低冇耐就吹到凍哂，只能夠爭取一上枱嗰一刻熱辣辣。講起熱辣辣，一定唔能夠唔提牛肉壽喜燒。湯底甜甜地，好惹味。豆腐夠滑，牛肉味夠濃，佢哋亦好貼心加上一隻鮮雞蛋。整體的食物選擇都幾多，分量足夠，服務亦都唔錯。好欣賞佢哋一張單都冇漏到，所有食物係貨真價實的任點

又想吃自助餐、又想吃放題，這間位於尖沙咀東部的「日.悅極尚日式放題」就同時可以滿足兩種要求。餐廳位於尖沙咀東部，除了提供自選的日式放題外，還有自助式的食物由客人自行選取。自助區食物包括：飲品、熱湯、中式糖水、沙律、日式小吃、海鮮、西式甜品、還有任食 Movenpick 和 Haagen Dazs 杯裝雪糕。放題包括：燒物、炸物、一品料理、食事、刺身、壽司、創意壽司、火炙壽司、卷物、手卷.軍艦等。➿➿➿➿➿➿➿➿➿➿➿➿自助飲料區▪️大型雪櫃放有多種罐裝、樽裝及紙包裝飲品。▪️還有清酒、梅酒和果茶。▪️咖啡熱飲自助熱湯區當晚兩款熱湯分別為味噌湯和大根牛骨湯。自助中式糖水區當晚兩款中式糖水分別為蓮子杏仁茶和黑糖蓮子紅棗茶。自助沙律區有多款新鮮沙律菜可供選擇。自助日式前菜區有不少日式漬物和日式的前菜小吃，例如螺肉、墨魚仔、八爪魚、中華沙律等。自助熟食海鮮區有海蝦、青口、翡翠螺。自助西式甜品區有大約十款精緻西式甜品和水果。甜品有芝士蛋糕、布甸、慕絲等等。自助雪糕有Movenpick 和 Haagen Dazs 杯裝雪糕。燒味區當我們吃到一半時，聽到敲鐘，原來有新鮮出爐乳豬，可以到燒味區排隊領取。➿➿