日悅極尚日式放題 (已結業)

同朋友預祝聖誕，食放題就走唔甩，多野食，氣氛好，最緊要價錢唔貴，無人可以有藉口話未出糧而放飛機今次揀左尖東既日悅極尚放題，都幾易揾，第一次食呢間，食物好食，又多野食，仲有哈根大師同movenpick任食，呢間有下次~首先叫左刺身先，擺位唔算好靚，可能我地叫得少，無澎湃感，諗住叫少少試下味先，帶子，三文魚，劍魚腩大推，肥美鮮甜！壽司推介左口魚，鵝肝帶子，和牛，三款都係火炙既，又香又鮮味~估唔到海膽幾鮮甜，而且每件滿滿的~亦推介~燒凡立貝~燒蝦新鮮彈牙，炸芝麻雞翼，脆卜卜，肉嫩多汁~天婦羅都炸得好脆，即食正~坐坐下出面有人排隊，原來有燒乳豬拎，一人一份，脆卜卜架~~除左餐紙上既食物，出面仲有美食區，都好多野食，朋友拎左溏心蛋入黎，甜甜地幾得意，仲好溏心~movenpick haagen-dazs 任食，飽都要食多幾杯！美食區仲有各款甜品架~飲品選擇多！

已經有一年無食過放題，無意間發現呢間有兒童遊戲室，訂咗喺假期嘅午巿放題，可以帶埋小朋友去都唔怕佢悶。餐廳好大，當日唔多人，只開咗前半嘅場地，沙律，前菜，海鮮，甜品，湯，熱飲都喺自助吧自取。呢間餐廳比我感覺好好，由訂枱至食嘅過程，職員都好有禮貌，人手足，職員唔會忙到急步走，地方大，唔止有遊戲室比小朋友玩唔會四圍走，枱又夠大唔會細到無位擺而要好急咁食。食物質素唔錯，由其壽司，選擇多，上菜快又唔會漏單，全程都好滿意。自助吧枱都好大。刺身嘅款式都好多，帶子，赤貝，甜蝦都幾新鮮。壽司種類好多，呢度海膽壽司都有，不過啲海膽顏色有少少青，味道無問題，壽司唔係細細件，所以都幾飽，全部都好味。吉列炸蠔同脆皮貓山王好味，榴槤唔會乸喉。雞軟骨太乾。皇帝蟹棒天婦羅都幾好味。帆立貝北海燒每隻殼都有半隻帆立貝，半隻都幾幾肉，個醬都唔錯。免治雞肉串都幾特別，入口有啲軟綿。牛舌同雞翼都可以，唔會太乾。前菜，海鮮甜品都係自助吧自取。飲品選擇好多，有盒裝，罐裝，支裝，亦有酒類。兩個大牌子，四種味任食。另外呢個開運小公仔係一位好友善嘅職員送比小朋友，多謝晒，留返新年點睛開運。

呢間既放題唔知係咪開左年耐，d裝潢都幾新淨，店舖內都幾大，可以容納好多人，佢地放題同某人氣放題其實都幾似，食物種類繁多，有刺身有熟食有前菜有甜點有飲料有鍋物，真係乜都有得你食。飲料區選擇都係多到爆，有冬飲有熱飲，有啤酒，有茶有果汁。呢度就係自助沖飲料既區域呢度有d小食，甜點，前菜俾你自助出去拎，所以除左紙上面俾你點既食物之外，出面亦可以自助選擇。呢d係冷盤小吃另一邊有湯飲冷盤海鮮當然唔少得啦至於order返黎既壽司賣相同味道都唔錯刺身方面好有驚喜，因為感覺好新鮮，好鮮甜，但唔會份量少，三文魚果d都算厚切，甜蝦都幾大隻似牡丹蝦，刺身very good👍🏻👍🏻👍🏻清酒煮蜆，份量小小地，唔會驚食唔晒，因為仲有好多啲食物俾你選擇，所以冇用少少哋少少哋其實已經好足夠，不過酒味唔夠濃。

單食雪糕都值回票價@日悅極尚日式放題 早幾日和朋友去了日悅極尚日式放題，位於尖沙咀，不是最便宜，但真係CP值高， 單食雪糕都值回票價，這兩個品牌的雪糕是任食!!!! 平時食一盒都要$30啦~ 平日來食，都係$238一位，而假日都不過$300 自助區勁大位置，不會有爭食的問題 空間感十足，又有地方比小朋友玩~ 飲用區，凍的熱的， 有酒精無酒精一應俱全 水果茶~ 放題必食刺身，這裡的刺身都非常新鮮，當然不可以和高級日本餐廳比， 但食起來無腥味，厚薄適中 而我最喜歡的是三文魚，肥廋岩岩好，食起來有鮮味甘香 壽司也不錯，是一口的SIZE，一口一件，食起來輕鬆又不會太飽肚，更可以食多幾款 黃澄澄的海胆壽司也是回本必食之一!食起來很甜，口感CREAMY 不愛生冷也有好多熱食選擇，辣酒煮花螺一上桌時令我們好意外，平時食的花螺都是細細只的，而這裡的花螺好大只，但食落出奇地正，既入味又唔韌 蒜川炒牛肉，好惹味 黃金蟹蓋，看起來好吸引! 入面是蟹肉和沙律，食起來好香濃，不過建議大家SHARE食好了，多食真的會膩 串燒蝦和牛舌 燒大蝦足足成只碟那麼的大 牛舌厚薄適中，沒

今晚約了家人一起去食放題，要不是妹妹介紹，還不知道這裡有那麼大的地方可以大吃一番。這裡除了寬敞，還很明亮。食物大部分都是寫紙下單的，而前菜、湯、甜品、飲品和雪糕則是自助的。這兩個牌子的雪糕都是我的最愛，吃多幾杯已夠回本。現在食放題，通常都較節制，可以食多少就點多少，反正上得很快。一開始當然食刺身啦，很肥美。蜆肉比想像中的大隻。壽司亦有數款，而我最喜歡有牛油果🥑這款。不得不提的是乳豬時間，店員會通知有乳豬食，然後大家排隊取乳豬，很有氣氛。

呢間日悅極尚日式放題，位於尖東聖誕燈飾重地噴水池旁嘅半島中心2樓，方便各位親朋好友慶祝飯聚而且餐廳環境相當闊落，唔似一般放題餐廳，令人覺得坐到唔舒服特別一提餐廳將其中一部份設為兒童遊樂室，所以飯聚時大人小朋友都可盡興而歸飲品選擇除左雪櫃內嘅罐裝 ,紙包飲品外，也在自助區設有水果茶，日式茶包，點菜紙更有啤酒，梅酒，清酒應有盡有沙律吧，前菜小食韓式腌菜，凍蝦，青口多款甜品，真係幾過癮，因為一般放題，嘅自助區都無咁大同選擇豐富個人放題mode正式啟動，先黎大大盤刺身，帶子同劍魚腩都係一絶，新鮮肥美，其他就較一般。火炙壽司鵝肝帶子，鰈魚，和牛我都推介天婦羅炸漿皮薄而香脆，好好食，即叫即炸，但建議上菜後15分鐘內享用，否則變軟後口感差距很大，買有林林總總嘅串燒，串炸，壽喜燒，飯，麵食不能盡錄，中場有大廚即切脆皮乳豬都好好食，記得排隊。最後一定留肚比它，movenpick 同haagen dazs雪糕倆個牌子各有三款口味選擇好少食到放題有咁大滿足嘅感覺，真心推介日悅

同班書友好耐冇見,想去食下野唔想成日打邊爐, 今次就走去食放題近近地, 係尖東搵, 貪佢夠就腳就係DOO 完兩蚊之後, 發現有間日式放題, 就貪粗粗入左去..夠4個, 就送活魚刺身...O岩O岩夠四個!正兩本唔同O既MENU...慢慢揀除左MENU上面O既野..仲有野可以係出面揀飲品都任拎MOVENPICK 都任拎...真係癲先黎個活魚刺身...真係一條魚咁上, D魚肉韌韌地, 係幾新鮮極大盤刺身, 一班人食極開心好耐冇食過咁大隻O既甜蝦.....食完甜蝦食燒蝦另一種口感仲有羊架食TIM均衡飲食, 係要食D 菜炒雜菜都夠味唔會好DRY再黎一盤刺身!放題當然唔少得嗌壽司卷物人多, 是但嗌唔同款, 都唔驚食唔哂期間突然店小二係到敲鐘話有乳豬食...完全估佢唔到!!!!!不過已經飽左, 冇去拎唯有下次再食過!

日悦極尚日式放題尖沙咀好多放題店，不過坐得咁舒服寬敞，地方又咁大的放題地方就唔多喇，這家日式放題位置便利，地方超級闊落，空間絕對是優勢，裝潢新穎整齊，有酒店級水準，整晚坐得特別舒服。今次呢個放題除左落單出食物之外，仲有部分食物係自助形式，自助分別有前菜類，甜品，湯，糖水等等。放題刺身當然係重點啦，呢到刺身非常多款，有三文魚，油甘魚，甜蝦，希靈魚，赤貝，帶子，劍魚腩，馬刀貝，赤蝦，北寄貝。刺身整體水準是很不錯的，三文魚富油香，帶子厚身，肉質鮮甜，甜蝦都幾大隻，值得再點，另外平時放題少食到好食的赤貝及馬刀貝，呢到同樣出色，肉質爽甜，鮮甜味濃郁。我們又點了火炙壽司，包括三文魚腩、左口魚、香蒜牛肋肉、鵝肝帶子。火炙三文魚燒得很香，火燒左口魚油脂味也很濃郁。鹽燒牛舌、蝦燒得好香口！免治雞肉串燒同喺日本居酒屋食到嘅味係一樣！簿燒和牛加埋蒜片好惹味！推介！軍艦壽司非常足料，冇諗過竟然喺放題見到任食加拿大海膽，海膽香甜甘香！超級好味既芝麻雞全翼，而家好多放題餐廳都冇得食，所以有得既時候一定要食反夠本呀。呢個雞翼炸得幾金黃，而且好脆，睇得出佢系用乾淨既油去炸 唔會係黑炆炆，雞軟骨也是我的最愛。自助吧大得

今日最最最最想寫低嘅係我個仔可以一路食一路玩喇。 之前見到D 媽媽介紹日悅極尚放題有個playground 可以比小朋友玩, 所以好心郁郁想去一路食住玩。果然, 這裡出現的小朋友一定比面放題的多, 這裡空間很大, 我估計以前應該係酒樓, 所以有咁大嘅地方。刺身都新鮮而且款式都好充足, 蝦都有兩款。最滿足就是劍魚腩 , 帶子同油甘魚,夠曬甜。我叫了串燒中的雞髀菇, 出奇的好食, 非常多汁, 沒有乾沒有硬,平時不多吃此菇, 如今改觀了。海膽壽司真係好吃, 好甜又無異味。有驚喜地竟然有越南網皮春卷,有水準,夠脆。裡面係有芋頭蓉的。芝麻雞翼就 炸得好香脆, 但不夠芝麻香。辣酒煮花螺, 係用好大隻嘅螺肉整, 夠辣味的但太大隻。牛油帶子炒雜菌, 一樣出色 的, 菇沒有"嗡"味只有吸曬牛油嘅香味。甜品有伯爵茶忌廉, 好香濃, 不會過甜。清油,梅酒,生啤都係任叫, 回到本喎!海鮮粥, 多料到不得了, 超級鮮甜。好處係細細碗, 但我起碼要食兩碗先頂到癮。炸榴槤好好食, 皮唔算厚但煙韌, 榴槤汁係完全溶曬, 咬一啖就流曬榴槤汁, 仲會停留口腔。正呀。炸香蕉就相反,皮厚好多, 香蕉肉熟曬但份量少。最後還可以

我雖然有女朋友拖拍, 但都唔會重色輕家人㗎!     今個星期家姐話要食放題, 又要坐得唔好迫夾夾, 仲有我個姨甥仔 (3歲) 好黐身㗎, 成餐飯都無啖好食.  上次聽到有同事講,  日· 悅極尚日式放題,   好啱要帶小孩的家庭去 .   看 看, 價錢中等. 呢度地方夠大, 位置好寬敞. 日·悅   基本分2大部分, 有order紙, 有部分飲品及甜品可以自己去拎。首先去拎咗部分冷盤，青口，蝦，螺.    場面真大,食物款式多, 質數同酒店 buffet 有得 fight!飲品最唔同就係有酒:啤酒, 清酒及梅酒, 絕大部分放題都無包酒嘅, 鍾意飲日本酒嘅我, 點可以執輸?第一round, 先來個刺身船, 有刀馬貝, 油甘魚, 蝦, 帶子, 希靈魚, 赤貝, 全部都新鮮甜美.每4位亦會送活魚刺身, 好扺食。仲有壽司, 手卷, 海膽軍艦   (呢個番本之選，最少來咗 3 round)燒物, 菠蘿, 羊架, 鯖魚,燒大蝦.天婦羅, 連壽喜燒,   都一應俱全. 我家兩老唔多食生冷嘢, 主攻熟食都好多款揀。食到咁咗上下, 我個“可愛嘅“姨甥仔開始坐唔定, 扭住要落地玩, 我見家姐、姐夫食得

有晚去尖東， 朋友話食放題，帶埋佢小朋友。 唔講唔知， 尖東有放題 仲要地方超大完全唔逼 通道闊 仲有好多大枱 唔怕小朋友撞到人或比人撞有自助bar枱， 非常企理 超多飲品選擇有無雪的， 完全就晒小朋友唔飲汽水的我 仲可以揀花茶 水果茶連熱飲都好多選擇 當日有d傷風 即刻飲返幾杯 熱韓國菊花薑蜜海鮮和沙律都好豐富， 小朋友有得走動下 攞下嘢食烤雞翼 小朋友最鍾意大人就喜歡羊架食食下 突然侍應 係度敲鐘 原來有 限定 乳豬 唔知係咪次次都有新嘢呢人多d 仲可以獲 特別刺身出面都幾百蚊 一個鯛魚刺身即刻覺得好抵食呢 小朋友唔食 生嘢 都可以食烏冬 和粥 等食物 絕對不會餓親不過小朋友最開心的 就係有遊樂場今時今日在餐廳裡 有遊戲室 簡直是難得 下次一家大小 or 同幾個 family 去日悅極尚 就最啱了

今晚約左朋友出尖東食放題，我揀左上次旺角食過覺得非常唔錯既「日悅」而且呢間放題可以食兩個半鐘，時間充裕，可以慢慢享受尖東分店既地方比旺角更大，除左好適合一大班朋友聚會外；餐廳重有一個比小朋友玩樂既地方，非常貼心要知道香港寸金尺土，真係無嘜餐廳會將地方咁用飲品款式多最驚喜連呢兩款雪糕都係任食餐廳都幾揼本雖然係放題，但有唔少食物都可以係自取區任取望落非常乾淨衛生連熱湯同糖水都有朋友重讚不絕口不得不提重有熱飲供應，熱西洋菜蜜比起平時飲開更好味，味道濃而不甜天婦羅粉薄、新鮮又脆口必食帆立貝北海燒配上沙律醬非常惹味壽司及刺身有居酒屋既質素刺身新鮮肥厚海膽壽司有驚喜咩都翻曬本了整體食物質素高，服務都幾好，無漏單，又可以食足兩個半鐘，坐得又舒服，值得再來

環境的確唔錯，光猛又夠闊落，上菜速度OK！但食物就保留，本身食物種類已經唔多，仲要有啲無供應又唔出聲，追幾轉先講無，刺身係一般放題果啲，無驚喜！最神奇係贈送既果條活魚刺身，大大條魚，但得幾條魚絲般的肉，其他的去哂邊？仲要唔係得我果枱係咁，我因為公司飯局，有成三十幾人，共有7-8份活魚刺身，全部都係咁，咁肉酸就唔好送啦，拎埋去做刺身或壽司就算啦，擺條魚骨出嚟托咩？壽司反而可以，雖則種類不多（直頭少，相都費事影！），但勝在細細件，不會大大嚿飯細細件肉，但可惜好多餐牌上的都無供應，如海膽、吞拿魚、芥辣八爪魚軍艦等！熟食唔熱，就連壽喜燒啲鍋物都唔熱，只是微溫（烏冬也一樣）！整體而言去到尖沙咀食放題，他絕對不會是好的味覺體驗，但以飲下酒食下簡單嘢傾下計佢環境就真係唔錯，夠闊落又有兒童遊戲空間，只有這一點可取，如不是公司請，我就真的不會自費來食！

今晚放工後仍要去上堂， 落堂已經差不多晚上9時。 真的身心俱疲，和朋友去了尖東， 終於嚐到了大家說了很久，卻沒有時間去試的日式放題店！ 還趕上它的特價時段。✌️😋日式放題的競爭愈來愈激烈， 但老實說 ，每家的賣點各有不同，很難比較 ！ 而這家吸引到我來試的原因， 就是之前已聽過很多朋友說它地方很大，座位寬敞， 沒有一般銅鑼灣丶尖沙咀 購物旺區樓上日式放題的迫夾感， 和放得密密麻麻的桌椅 ， 它座位寬敞之餘還很有空間感 ，坐得很舒適！ good！另外，它們有一個很歡樂的兒童室！下次可以帶外甥來玩！自助Buffet line 的所佔地方相對地大 ，食物選擇也有很多，以熱湯丶前菜丶冷盤為主！由於大家都很疲倦的關係，真的沒有吃很多！ 我們只是精挑細選的吃了一些 壽司丶燒物和炸物！今晚，我覺得做得比較好的有以下這些：日式海鮮粥炸榴槤貓山王 (下圖-圓形波波) 及炸香蕉(下圖-金黃色長形)及米紙卷串燒牛舌 (下圖-中間)粟米壽司店裏供應很多飲品選擇，連冰凍梅酒及啤酒也是 免費任飲的。我們最後還吃了movenpick雪糕 為晚餐作結！如果你跟我一樣。。。工作過後不想和人逼， 想舒舒服服的吃一個簡單又有