日悅極尚日式放題 (已結業)

尖沙咀這間放題店2.5小時無限供應,位於尖沙咀半島中心，佔地15,000呎，餐廳面積很大, 座位很集中, 一入門就會見到開放式的日式刺身區，仲特地劃分了一個自助區，好似自助餐咁!! 自助吧檯係餐廳中心位, 有提供清酒、熱湯、冷盤前菜、甜點等等…宜家做緊優惠 - 四人同行更有一人半價優惠及奉送活魚薄切一條。除咗 兩本「任點任食」的點餐紙外 外面自助區有小量海鮮、前菜、沙律和熱湯等可自由拿取, 凍海鮮有海蝦、青口和翡翠螺輪流供應前菜有螺肉、八爪魚、海蜇、帶子裙邊等漬物,溫泉蛋、麻醬豆腐等...... 而任點任食共有十張餐紙，各式壽司、刺身和熟食都有。食到一半，突然聽到鈴鐺聲，原來是店員拿著鈴鐺邊走邊響，提醒大家自助區脆卜卜乳豬， 師傅即切，想食就要快手快腳出去排隊！刺身用冰碗奉上，有三文魚、油甘魚、北海道帶子、松葉蟹腳、大赤蝦等，數目、款式也執得齊，有乾冰飄煙，影相呃Like。熟食方面有燒牛舌呀，好味唔硬,仲有有燒羊鞍，個人接受到但係味道較"蘇"仲有燒帆立貝，不過我略認為佢D 沙津醬較多最後不得不介紹一定要點燒菠蘿超好食的!!! 請留意！這裡有Mövenpick和Häagen-Dazs雪糕