方榮記沙嗲牛肉專家

营业中

休息中

同班兄弟gathering，一定會想打邊爐，行過見到方榮記有位容納我地成班人，試一試會唔會中伏。成個檯都係野食，男人老狗加埋成檯野食放滿檯，嗌埋啤酒飲，真係好麻甩。星級牛肉唔錯，但要$298就唔係好值，太貴囉，不過成大班人食都可以接受！到最後嗌多round野食嘅時候，試下細碟嘅手切肥牛，呢碟真係中曬伏，好冇肉味好難食！垃圾都要$178一碟！好差！食左兩舊想掟筷子走人。難怪唔洗book檯都咁多吉位，原來咁差咁中伏。

說到方榮記要用會員卡, 難道是因為她拿了會所牌, 所以只能招待會員? 這是我光顧多年來一直不解的問題. 如果答案是”是”的話, 也許她是全香港最開揚的會所了! (笑)方榮記的歷史和名聲, 是香港人也應有所閒, 所以我覺得奇怪的是, 為何她在Social Media的Involvement愈多愈多, 但其裝橫一看就知這不是IGer打卡的美麗地方, 如此”佬”的地點和IG等也有點格格不入就是.來方榮記就是要吃十年如一日的沙嗲火鍋湯底, 儘管很多人說她的食物質素大不如前, 但其湯底沙嗲味的香濃, 充滿花生的厚實口味, 依然令人神往. 比起現時大熱的麻辣火鍋, 這裡的更能提升肉類的鮮味, 以及不會令人愈吃愈辛苦, 沒有辣味是因為她對其沙嗲香味的自信, 一個以數十年經歷累積的自信. 除了牛肉外, 出前一丁絕對是這湯底的好伴侶.

九龍城嘅火鍋店方榮記都叫出名，但一直未有機會試試。咁啱朋友約食飯話去呢度火鍋，咁我當然話好啦。4位walk in 8點去門口排隊，前面有5張枱，大約等25分鐘左右可以入去。環境算係擠迫，一般的酒樓火鍋會寬敞過佢。但來得呢度當然唔係食環境啦，係想食兩樣嘢，1.佢個特濃沙嗲湯底，2.牛肉。所以來得呢度你最好知道應該食咩。其他食材同出面嘅無咩大分別，唔講啦。佢個沙嗲湯底真係好濃，係好似芝麻糊咁 傑，你可能以為會咸到PK, 但又唔會死咸，同埋都幾香沙嗲味。叫得呢個湯底，一定要係鐘意食重口味，如果唔係你就唔好叫啦。另外牛肉我地叫咗兩個，最後得星級肥牛仲有供應。個星級肥牛係貴嘅，不過係好食嘅。因為厚切有少少𡁻口，肉質唔韌實，牛肉味濃，鮮甜。就算係經過咁濃嘅沙嗲湯底煮完，都食得到有牛肉嘅鮮甜味，唔會話得返沙嗲味。其他的就唔講啦。完

多數非任食火鍋，一係就著重湯底，一係配料出色，但呢間就可以平衡到兩方面既要求。好彩有預先book枱，黎到個時等wall in客都唔少。環境老實講就非常地道，不過食野最緊要係食材，環境who cares🤣一場黎到梗係試最出名既沙爹湯底啦，黎到個時已經覺得好濃，係之前未見過。隔離整多個柴魚湯，比較清，但都好重魚味👍🏻見到咁多配料，對於選擇困難症既人黎講係一大考驗(本人諗左15分鐘🙈🙈)精選左幾款較出色既配料。手切牛肉好重牛味，而且好厚身，放落湯都要30秒左右先熟，非常好味。雖然每塊大小不一，但呢d先叫手切嘛!放落湯底10秒就食得，好爽脆好好味😋雲吞入面隻蝦好大隻好足料，牛丸爽口彈牙，魚皮鮫相對地普通服務態度就一般啦，因為始終都係一班較資深既伙記。想食特別既火鍋，可以一試。

九龍城的方榮記沙嗲湯底一向都出名，這夜我們點了沙嗲湯底，沒有另加清湯湯底。沙嗲湯 （8/10分）一開始覺得味道未如想像中香濃，有小小失望，點知原來哩個湯底愈滾愈入味，連豉油等調味都不用加！食到後期同行友人都不斷大讚。手切牛 大（6/10分）份量很大 屬於有咬口果種牛 牛味合格 水餃 （8/10）雖然係普通料，但跟湯底好夾，難怪在菜單上有星星推薦金菇 （7/10）份量夠 抵食珍珠蠔 （5/10）唔係話太新鮮，不推薦魚角 （6/10）夠彈牙豬肚，粉腸，柏葉心 （6/10）新鮮好味，好爽口總括係哩度打邊爐都幾抵食，料就唔係精緻果種，但個湯底真係一絕，不過滾緊果陣要小心痴底呀！😂

同朋友慕名而來，聽講呢度既沙嗲牛肉係好出名！ 我地大約6點就到，仲未有好多人。叫咗個沙嗲湯底打邊爐，係一個好濃郁好’杰"嘅湯底~仲叫咗頂級牛肉!($298)同其他配料.墨魚丸、響鈴，水魷，水餃等等：）個湯底可能因為杰、要多d時間先滾@@呢個湯底唔太適合食響鈴，因係太濃了😂味道係ok嘅，適合重口味人士😂😂急不及待試下個牛肉！食完同友人都好失望～因爲個牛肉好硬，好似咬唔爛咁🤢 可能肥牛會好食d其他配料都ok，牛栢葉幾好食！值得一讚係支裝可樂好夠冰凍！🥰忍唔住要encore !

高檔路線的打邊爐專門店這家店的職員服務很好又有禮。食物非常新鮮。牛的種類非常多，例如：牛肉分手切和機切，牛柳粒等等。魚類：鯇魚皮（），炸魚皮 (最正）給其他食家的小建議：湯底方面（一款湯底：沙爹湯）食物方面：先食麵或者響鈴或者自家製魚皮，之後先加水食其他食物book枱好重要咪會可能無位加上店門口有咪錶位，所以更加方便

今日無無聊聊，突然之間又口痕，第一時間就諗到就係打邊爐，之後我同老公二話不說就去咗九龍城方榮記度打邊爐，又係我自愛嘅沙嗲湯底，濃郁的香味，充斥着我成個口，好貴正呀，今日我哋就選擇咗機切肥牛，同埋美國桶蠔，估唔到有驚喜，肥牛比手切更加薄同幾好咬口，桶蠔好新鮮好大隻，淡淡肉正丫，勁好味，無得輸，夾埋湯底，一流配撘另外仲比左一籃菜我們，今次有最合時既西洋菜，哈哈，所有材料配撘沙嗲湯底，簡直係完美嘅配搭，每一次口痕想打邊爐，又想食沙嗲湯底，就一定會揀方榮記

見一大班人gathering，成班想打邊爐，就試下方榮記係咩料到，試一試會唔會中伏。我地嗌到成個檯都係野食，粟米、蝦係好食嘅，碟星級牛肉都唔錯！但要$298呢個質素真係幾貴，唔係好值囉，但成大班人食都可以接受嘅！到最後嗌多round野食嘅時候，試下細碟嘅手切肥牛，呢碟真係中曬伏，好鞋口冇肉味好難食！！！食垃圾都要成$178一碟！唔想食垃圾嘅千祈唔好嗌。環境方面都算大嘅，但裝修就有啲差，可能太舊喇，地方唔算太乾淨，需要加以改進改進！

平安夜食乜都貴😭好想打邊爐，就諗起嚟方榮記！哈哈🤤🤤🤤一行8人，揀左2個湯底，一個沙嗲，一個蕃茄，但個人都係覺得沙嗲最好味🤤淥完咩豉油都唔洗點🤤打邊爐都真係啱一大班人食，因為可以叫好多唔同嘅餸😆一下子就叫到成枱都係啦😆第一回合叫左本地手切牛，牛味都ok！脂肪比較少，無咁肥！仲要係厚身，所以食落會有肉汁🤤重點係千其唔可以淥得太耐，如果唔係，好似食十成牛扒咁會好un，咁就嘥曬！！！！！一轉色就得架啦其實😌都係我嘅打邊爐至愛😙好親鮮好好味😌第二回合，我地叫左頂級牛，一望就睇得出同普通手切牛嘅分別，脂肪分佈好平均，食落口再諗啲！牛味再濃啲，好正，都一樣，千其唔好淥太耐唔係就嘥曬呀！

今次得意黎到九龍城食火鍋，因朋友想試這個沙爹湯底！ 一開始見到其他人的鍋很細，比吉野家的鍋大小小，所以以為自己好叻，只點了 沙爹湯底 沙爹底超濃， 因為我唔鐘意花生味 甜味重既沙爹，所以一開始都好擔心😂😂 好好彩 呢個沙爹好岩我口味！ 完全不用其他醬料，就咁6熟d 火鍋料就可以食，例如必點的 牛肉 同公仔麵🤤🤤 魚皮也十分推薦！ 同出面食開的魚皮不同，佢地似係成條魚既魚皮咁炸，炸至金黃色，好吸引，又脆又香口👍🏻👍🏻👍🏻不過獨孤一味，食多幾啖就覺得好重口味了，即時好後悔無叫鴛鴦湯底！ 所以十分建議一定要叫 鴛鴦湯底！！！

最近天氣轉涼同朋友聚會最好不過嘅就係打邊爐啦今次有人提議去九龍城 因為眾所皆知九龍城嘅火鍋店最出名嘅就係手切牛肉我哋入到去即刻叫咗一個最出名嘅沙嗲鍋同埋清清地嘅一個蕃茄湯番茄湯都幾足料雖然佢只係水加好多嘅蕃茄但係煲煲下其實蕃茄出哂味都唔錯相反佢出名嘅沙嗲鍋認真麻麻地 所謂嘅沙嗲其實都冇乜沙爹味 而且湯底太’‘杰‘’煲咗冇幾耐已經開始燶底啦 一直打邊爐一直聞到陣燶味 叫個夥計幫我地玩湯底佢一直只係叫我地再俾錢換個一個新嘅湯底值得講 講吓嘅係佢嘅魚皮 佢嘅魚皮應該係新鮮炸嘅 所以有啲骨同埋有少少腥味 而既然佢嘅手切牛肉咁出名就一於講下啦我哋一班人叫咗一碟星級牛肉 非常唔錯又有牛味而且肥瘦均勻 而我哋亦都有叫一個大嘅手切牛肉（$208）同埋一個細嘅機切牛肉（$148）哇呢兩碟完全唔得呀 分量多就多啦但係我諗得五份一嘅肉可以咬得入口其餘嘅太硬 完全咬唔開朋友們都話其實$200一碟牛肉都唔算平但係點解可以咁差嘅 我哋一致認為呢個價錢值得搵到更好嘅選擇

濃郁嘅沙嗲湯底，再配合各種新鮮嘅食材，估唔到拼湊出嚟嘅味道係咁好味，原本我係一個唔食沙嗲嘅人，偶爾一次，朋友邀請一起進食，從此就愛上左呢一種沙嗲嘅湯底，琴晚我同我老公喺旺角行嚟行去都搵唔到一間自己想食嘅嘢，但係又想打邊爐，但係又唔想去食任食，之後佢提出話不如去呢一間度食，二話不說梗係話好啦，去到依度都只會叫一個濃郁嘅沙嗲湯底，再叫返一啲海鮮，再叫返一碟招牌手切肥牛啊，又有魚皮餃又有海蝦等等， 真係勁飽勁滿足，其實鍾意打邊爐嘅人其實日日打邊爐都好似唔會厭咁樣，可能我太為食姐，但係食得是福，變肥妹都值啦🤣🤣🥂🥂深宵食堂又點得少得呢間🤣🤣

睇過我食評嘅朋友都知，我係好鍾意打邊爐嘅，不過呢間打邊爐，下次我唔會再去啦。-首先講環境，環境係一般大排檔咁，都唔好有咁多要求。-打邊爐最重要係咩，係湯底，佢最出名嘅係沙嗲湯底，但係沙嗲湯底來講，我覺得佢唔算特別出色。另一個湯底我哋叫咗番茄湯，番茄湯真係淨係用番茄加落水度。佢唔係加湯嘅，只係加水。$298嘅星級牛肉，都叫做好食嘅。諗住叫多幾款牛試下，於是叫左$178嘅手切牛肉同埋$148嘅機切牛肉，點知硬+靭+鞋到完全食唔到，同阿姐講，阿姐竟然話：一分錢一分貨，係咁㗎啦。我哋全部人都覺得我哋自己喺街市買嘅牛肉都好食過佢呢碟。再加上呢度夥計嘅態度，我哋唔會再嚟食囉。

好好吃的沙嗲湯底打邊爐，價錢中等，環境比較嘈吵而且座位很窄，但就很有大排檔風味。而且最重要，是食物新鮮而且美味。沙嗲和牛肉是絕配，方榮記的牛肉有很多款，個人覺得，最平價的機切牛肉已經好美味，無需花費吃貴價的。