新記雞粥 (筲箕灣道) (裝修中)

係筲箕灣天悅廣場對落電車路開左間賣元朗雞粥嘅新記，但由於有一位同事唔食雞，所以一直未有機會去試試。今日下午我地有一半同事要去Training，剩返我地3個全男班出去食lunch，我地當然趁機去品嚐呢個元朗老字號新記雞粥。我地大概13:00去到新記雞粥，客人都幾多，我地被安排坐係一張4人枱，餐廳座位都幾寬敞，裝修簡潔明亮，全落地玻璃，採光度高。午餐有5款，價錢同散叫差唔多，只係多左1杯餐飲。主餐牌選擇非常多，最後我地3個人點左6樣野share食。來到新記雞粥當然要食招牌貴妃雞粥啦，雞肉好鮮嫩，份量都幾多，粥底好綿滑，唔會太咸味道剛剛好。呢度嘅蒜泥白肉蒜味唔太重，豬肉好入味唔會好乾，青瓜好爽口，味道唔錯。不過我比較鍾意白肉上面佈滿蒜泥。酥炸軟殼蟹我地3個人點左1隻，每人試到少少，味道濃郁，好香脆，$29都幾抵食。呢度嘅鮮蝦腸粉好有水準，腸粉好滑，蝦好大隻，爽口又彈牙，$23堅抵食。蜆介鯪魚球亦係水準之作，好大粒，超彈牙，沾上蜆介汁非常惹味。最後食埋材料好豐富嘅新記XO醬炒飯，唔駛加一，埋單每位$79，性價比好高。餐牌

經開筲基灣，轉角見到呢一間餐廳好光猛。望一望原來係食雞粥， 再上網睇一睇原來呢一間繼續喺元朗都係好出名嘅，所以就試一試佢。去到嘅時候仲係下午茶嘅時間，見到佢下午茶有好多套餐都非常之抵，特別係呢一個碎牛粥配埋炸両先至係＄40左右，好抵食。炸両整咗出嚟係熱辣辣，係新鮮整嘅，雖然油炸鬼唔係十分之脆，但係食落去都感覺到香口，腸粉都夠滑。另外就真係要試一試呢一度嘅雞粥，用砂鍋來上，所以就算慢慢食都唔會凍哂，亦都冇咁容易反水。呢度嘅粥嘅質感就比較綿，有米香，加埋雞嘅香味，甜味，的確唔錯。小食叫咗碟椒鹽鮮魷，令我喜出望外。佢嘅鮮魷肉質非常之厚身，外面有粉漿的微脆，咬落去爽口，非常好食。除咗食物唔錯之外，佢呢一度有五花茶係自己煲，飲落去唔會苦，都唔會太甜，感覺好涼快。

坐緊電車去筲箕灣嘅時候，見到新記雞粥就落車8吓~ 見到門口嘅餐牌價錢非常之平！廿零蚊就可以叫個小炒嚟都新記就梗係要試下佢最出名嘅雞粥啦！雞粥嘅份量都係一人份，個粥上枱嘅時候就已經聞到香味，雞粥亦都煮得非常之綿！ 最後梗係試埋入面啲雞啦~ 估唔到啲雞竟然保持到新鮮嘅感覺 一啲都唔鞋仲要係彈牙，好似食緊走地雞咁！通常食粥嘅時候我都會跟返碟炸兩攞嚟送粥！ 呢個炸兩都做得幾好個皮都做得好薄油炸鬼都叫脆口。最後就叫多個椒鹽軟殼蟹，同平時食開嘅都唔同，佢嘅配菜會比較多！28蚊可以加多一個餸抵呀!

今日係筲箕灣同朋友搵地方消夜，剛好電車路開了新的粥店便去試試啦~過了晚市時間仍然很旺場，可能係開在大街的轉角位置啦，又光猛，所以吸引好多人黎~主打是雞粥當然必試馳名貴妃雞粥$48話晒馳名當然係必試啦，個粥底很綿，煮得稠，入口細滑而充滿鮮雞味，雞的鮮味與粥互相融合，氣騰騰非常好味。金牌貴妃雞半隻$100雞夠黃油，雞肉又鮮嫩夠滑，雞味非常香濃，食得出係新鮮雞，且絕對唔係冰鮮雞，非常棒!椒絲腐乳炒通菜$39炒得好香口，腐乳味濃又不會過火，菜又唔老，OK，少少椒絲都唔會好辣!涼拌皮蛋$29酸酸甜甜又帶點辣，非常開胃，餐前小吃至愛之一呢~飲品有半價當然唔好錯過啦~泰式青檸冰$19 清新又解渴怡神，夏天飲一流~

最近秋風起，天氣涼涼地，係時候搵返間雞粥食，暖下胃。之前黎開筲箕灣區，每次都唔知食乜好，今次嚟到筲箕灣見到呢間新開嘅粥鋪，係出邊望入去見到裏面裝修得都幾光鮮，幾乾淨整齊，而且餐牌上邊嘅嘢食，款式又多，而且賣相都幾吸引，於是我哋幾個人就入咗去試吓佢好唔好味。小食嘅餐牌如下：睇個名就知道，呢度專門食雞粥為主，點知發現其他嘅小食，其實都做得非常之出色第一道為大家介紹嘅係以下呢一味雞腎未食就已經聞到好香嘅麻辣味，配以酸瓜同埋適量嘅芝麻，而且麻辣味唔算好強，唔會蓋過本身雞腎嘅香味，口感方面都非常爽口，食主菜之前食都幾開胃。然後係下邊呢碟海蜇手撕雞第一啖食落去好特別嘅感覺，因為好少系出邊會將呢兩樣野加埋一齊，但食落發覺原來都幾夾，酸酸地嘅感覺加上適量嘅辣味，最重要係海蜇本身非常爽口，食到停唔到！跟住係重點推介嘅乳鴿出邊好多話出名嘅乳鴿，慢慢質素都下降，可能因為乳鴿嘅用料因為成本關係用啲質素比較低嘅去代替，但係呢間新記雞粥堅持用A級乳鴿，食得出嗰種分別真係爭好遠，食落去你會發覺裏面既油分恰到好處，當你咬落去，裏面既油立即標出黎，而且肉質非常鮮嫩。炸大腸呢個亦都係重點推介，炸得香脆嘅外皮，加上裏面豐富

身為九龍人，好少過港島，咁啱喺筲箕灣睇完戲，周圍行下經過一間裝潢非常新淨嘅粥店， 就同友人一行四人入去試試。 因為已經係宵夜時間，所以打算食得清清地，但打開餐牌先發現一間看似普通嘅粥店原來內有乾坤。先講講招牌雞粥：罕有地覺得雞粥比海鮮粥更加鮮味，特別係有貴妃雞嘅雞油滲透入粥底。另外再值得一提嘅就係琳瑯滿目嘅小食，有泰式 、西式亦都有港式…當然我特別推介嘅係港式嘅小食， 特別係酥炸魷魚鬚。 如果只係食粥嘅，飲品就不是必須的。但如果好像我們一樣叫了那麼多小食的話，我建議閣下點一杯五花茶 (抱歉因為太口渴，所以並沒有拍下五花茶的相片） 那個茶比我想像中要濃味，不像那些“溝水“的。而你可以在圖中看到的是泰式龍眼冰，本人覺得有少許失望，而且那個“綠色的飲料“比較配合現時萬聖節的氣氛， 但味道就一般。總括而言， 作為一間街坊的粥店 ，他的性價比非常高，而且入面有一位像PR的姐姐，她會十分詳細地介紹他們的拿手小菜，但你又不覺得她太over。讚！

今日係筲箕灣行街，見到間粥鋪大大個公雞Logo，排哂長龍，相當受歡迎。肚仔都有啲餓，決定試試呢間啦。排左幾分鐘終於有位啦！我地叫左份貴妃雞粥，豬潤炒麵同小食海蜇熏蹄。另外仲叫左杯凍嘅阿華田同呢到嘅特色七喜龍眼冰。好快海蜇熏蹄就黎左，食落酸酸甜甜咁，而海蜇相當有咬勁，食完真係好開胃！跟接住就係呢到嘅招牌菜-貴妃雞粥，外貌就唔算特別，但係食落就內有乾坤。粥吸收左雞肉嘅鮮美，甜而可口。而雞肉也相當濃味，肉質亦唔會係熬嘅過程散失左應有嘅彈性。真係相當好食，令人停唔到手！而豬潤炒麵則可圈可點，豬潤片表現唔錯，相當濃味，是本菜嘅一大賣點。而炒麵就比較乾身且淡味，和豬潤片形成強烈對比。故食完豬潤片後，會覺得炒麵偏淡，相當可惜。而杯七喜龍眼冰都十分新鮮，綠綠地色。其以龍眼嘅鮮甜蓋過七喜中嘅酸味，飲下之後整個口腔都充滿左甜絲絲的感覺，十分過癮！整體來說，今餐都相當滿足，難怪吸引到咁多客人排長龍。下次再黎，睇怕要book定位先得啦！（講笑）

FINALLY the weather was getting cooler. With weather like this, it means I can go out and explore other areas of Hong  Kong where there is no constant need for air conditioning!One of these areas is Shau Kei Wan. An area of Hong Kong where there are a lot of interesting little eateries that are both old and new. As boyfriend and I were exploring the area, we stopped by this bright restaurant that was located in a new building.  The restaurant served various types of congee so it was perfect weat

雖然看似d 雞粥出名d，不過而家下午時份仲係好熱，身水身汗，唔係太想食d 太熱既野，諗住叫d 腸粉果d。佢d 腸粉好平，$21 已經有牛肉腸/叉燒腸，鮮蝦腸都只係$23。外面食如果唔係齋腸或者蝦米腸呢d 起碼都$25 起跳啦，鮮蝦腸更加再貴一d。好，就要蝦腸。隻蝦ok 大隻，個粉皮食起上黎唔會話好粉漿咁既感覺，幾好。唔知點exactly 形容，我唔鍾意食d 黏度好高黐埋一pat，咬落去又好有顆粒感既腸粉… 另外點左份皮蛋，可以涼拌或者子薑，叫左涼拌，釀製得好入味，好好食啊，作為清涼小食十分唔錯。最初以為一個人食會多左d，但夾下夾下，咋一聲都清埋lu~

工作之前去附近嘆嘆食吓好嘢，新記原來已有多年歷史，見佢雞粥咁出名，當然要選擇！真係幾多人排隊，不過環境同樣舒適，唔係以前舊式果種冇冷氣又唔舒服果隻！貴妃雞粥＄48加＄15有瑤柱加＄15有帶子碗粥都幾大，不過就唔算好深， 同正常嘅份量差不多。裏面嘅飯已經煮到非常綿綿，吃下口感順滑，癡住一啲貴妃雞油，同埋些少蔥，味道簡直一流，有舊時的味道。貴妃雞行香十足，配搭較為清淡的雞粥實在是不錯的配合。瑤柱其實已經融化左係裏面，所以每一條食落都有好香嘅瑤柱味，但係肉眼冇好大件咁睇到。帶子就比較彈牙有口感，味道不錯。泰式青檸冰＄19整體味道比較甜和濃郁，如果喜歡重口味可以一試。

同朋友係筲箕灣玩到晚上意猶未盡，大家諗住食埋個宵先閃人。其實都唔係好夜姐，十點半度啦。係佢屋企附近遊走，發現左呢間雞粥，即入。諗起粥店，總係幻想到好上一個年代既格局咁款，但呢間鋪頭燈火通明，好有新式粥店既感覺，座落好舒服。先整d 冷盤先。呢個海哲生腸唔係我點既，試左紅色果d，好爽口彈牙，我最初以為係雞腎來的，後來先知唔係。有d 芝麻，又甜甜地，作為開胃菜十分唔錯。間鋪頭以得雞粥自居，梗係要試下佢d 雞啦。叫左半隻金牌貴妃雞，嘩真係好雞味香濃，絕對唔係冰鮮雞，拍得住酒樓級wo，而且佢個生熟既程度拿捏得好好，有時外面食開一般為左令隻雞滑d 可能煮得raw 一d，令近骨個d 位紅紅的，但呢間就無呢個情況，鮮嫩得黎起肉都唔難！另外仲叫左佢地個招牌馳名貴妃雞粥。一樣都係滲晒d 雞味落d 粥度，個粥底應該真係連埋雞肉煲左良久先可以咁，出面d 粥鋪好多時都係個粥底煲煲一樣，你話要咩料佢就落咩料落去跟住興兩興咁。呢度碗粥個粥底好入味，但付上既雞肉又唔會話好似煲左好耐實ding ding 果隻，佢應該上檯前會另外俾d 新既雞肉你，好好呀咁！鮮香既雞味，加上雞肉自然溢出o既黃油，令人一試難忘！

1行3人，一向鍾意食粥，諗住呢間新開，仲要主打粥類，應該無走雞啦！等完一輪終於有位入座，叫咗沙鍋雞粥、肉片粥、肉片炒河、腸粉和海蜇。食物未嚟已經覺得好古怪，由於人頗多要搭枱，點知D服務員不斷係我哋頭頂，遞D食物比坐入面的顧客，嚇到我哋縮都縮唔切，係度閃來閃去點知食物嚟到就更加知唔對路沙鍋粥嘅鍋唔熱嘅（即係唔係原煲啦！），兩款粥都只係暖暖哋；炒河又係暖暖哋，黏埋一舊；腸粉唔滑（又係暖暖哋）；最大鑊係碟海蜇，係又粗又鞋（一食就知係下價嘢），味道怪怪卒之那那聲埋單，去第間再食過。呢間以後唔使諗

筲箕灣除左東大街有野食,其實行番出少少電車路個度都有唔少選擇今日買完杯珍奶茶之後,見到佢隔離開左呢間新餐廳,價錢又幾抵食,就入左去食晚餐鋪頭名加上雞粥兩字,即係呢度最出名就係雞粥啦咁就一定要試下果然雞粥係幾出色既粥底好綿,而且食到有好香既雞油味而入面都有好多件雞,啲雞都幾滑份量亦相當大,建議2人share海蜇燻蹄海蜇好爽脆,而燻蹄則好腍身食落幾開胃豉椒炒黃鱔炒得好有鑊氣,好香口惹味黃鱔好爽口,而佢上面加左啲陳皮用黎去除腥味而佢啲配菜,例如燈籠椒都炒得好香口,連配菜都食埋

現在搬左去青衣，要去港島東，對我來說真是非常非常遠哦🙈但是聽朋友說，屋企附近開左間好出名的元朗雞粥，自己又心思思，想試下去港島東覓食，就成就了今次的港島東之旅⛵️經過東涌線🚈荃灣線🚆柴灣線🚋足足用了個半小時😤所幸，走出地鐵只需要走五分鐘，即可到達。但是大家要小心哦，正門位置轉彎位，大家小心行行下會錯過了😉山長水遠黎到，當然試招牌生滾煲仔粥啦。但係淨係試貴妃雞好像有少少悶👉🏻👈🏻加埋豬潤補補血先🐽嘩‼️粥底超級綿滑❤️啲米都煲到溶晒，一粒米都見唔到喇😋粥底加左招牌貴妃雞🐔初嚐的時候以為食緊客家的咸雞粥，但是新記的雞粥無禁咸，而且雞肉雖然用黎煲過粥，不過雞肉依然嫩滑❤️❤️❤️豬潤一食就知係新鮮貨，唔係雪藏野💯店家處理得好好，完全沒有腥味✅而且質感非常脆口😍大家唔好睇少豬潤里啲平價貨，處理得唔好，成碗粥都唔使食了🙈單單一碗粥又點會滿足到我呢，一定要叫多個炒麵/腸粉 送粥先岩的🤣簡單是最好的👍🏻嘩嘩嘩‼️腸粉皮的顏色超級通透，唔係平時見到的個種死白色🍽一咬入口，有種煙煙unun的感覺，唔會一夾起就爛😋加埋啲蝦米仔🦐的咸香味，唔點豉油，淨食都好好味💯其實食到里個時候，我已經飽左七成（🙀正常女仔應該已經飽到上

兩條麻甩佬吹下水去邊鼠好﹖都係打個冷、食下粥o架o者，唔通M 記……﹖﹖﹖(我諗起《男人一生，只為尋覓一個肯同自己挨麥記嘅女人》……整！講緊乜春……)碟乾炒肉片河($47)，鑊氣凌厲，令我肅然起敬——男人就是要挨得過千錘百鍊，白sai sai o既河粉原本淡而無味，就好像入世未深o既小男孩一樣；經歷過各種甜酸苦辣o既洗禮，才會成為讓人驚嘆o既男子漢！碗艇仔粥($30)，綿度十分好，唔會太稀好似奶咁d 料沉晒落底；又唔會杰得滯似一pat 糊咁d 料浮晒上o黎俾人盡收眼底。我突然領略到一個道理：做人就好似眼前呢碗粥一樣，要做到攻防並重，收放自如；適當o既時候要表現自己，但又唔好太鋒芒畢露，總要留番一手。是夜，我地傾左好多男人o既話題，啊，一時間太 感觸……