新記雞粥 (筲箕灣道)

营业中

休息中

工作之前去附近嘆嘆食吓好嘢，新記原來已有多年歷史，見佢雞粥咁出名，當然要選擇！真係幾多人排隊，不過環境同樣舒適，唔係以前舊式果種冇冷氣又唔舒服果隻！貴妃雞粥＄48加＄15有瑤柱加＄15有帶子碗粥都幾大，不過就唔算好深， 同正常嘅份量差不多。裏面嘅飯已經煮到非常綿綿，吃下口感順滑，癡住一啲貴妃雞油，同埋些少蔥，味道簡直一流，有舊時的味道。貴妃雞行香十足，配搭較為清淡的雞粥實在是不錯的配合。瑤柱其實已經融化左係裏面，所以每一條食落都有好香嘅瑤柱味，但係肉眼冇好大件咁睇到。帶子就比較彈牙有口感，味道不錯。泰式青檸冰＄19整體味道比較甜和濃郁，如果喜歡重口味可以一試。