新記雞粥 (筲箕灣道) (裝修中)

天氣寒冷，好想吃點熱騰騰的美食暖暖胃，剛巧找到這間粥店，看它寫著老字號，就更要嚐一嚐了。店內裝潢比想像中時尚，環境整潔光猛。七點未到，人客已相當多，大部分似是街坊熟客，與店員閒話家常。幸好早一步進內，不消一會已全場滿座需要等位。餐牌上食物種類非常非常多，單單煲仔粥已有幾十款，還可以自選配料加拼。除了招牌粥外，也有多款腸粉、小食、燒味，最意想不到是連炒粉麵飯和小菜款式都幾乎比茶餐廳還要多，簡直包羅萬有，價錢亦相當親民。貴妃雞豬潤粥份量頗多，粥底綿滑，雞肉非常嫩滑，豬潤是黃沙豬潤，極度爽口，味道佳。鮮蟹黃鱔粥，蟹料多，蟹肉好有鮮味又有膏，黃鱔彈牙有口感。炸大腸份量好多，炸得香脆而不油膩，肥美得很，又處理得好乾淨白雪雪，完全不覺嗱喳污糟，沾上甜甜酸酸的醬更添惹味。海蜇生腸也是好大碟，兩者均爽口入味，醬汁夠多。酥炸軟殼蟹好大隻，炸得香脆，炸皮不厚粉，一咬已是爆膏的蟹肉，口感相當豐富，好味道。竟然還有自家製豆腐花，還用木桶盛載，份量也不少，二人吃都得。

今天與小米到中央圖書館後，坐叮叮去筲箕灣，來一個叮叮河。叮叮慢慢駛，小米就坐在上層車頭位置，細看街景，不知不覺間，就來到筲箕灣。看到這角落，有家外牆黑色的餐廳，內裡已客滿，應該頗受歡迎。再細看門前餐牌，原來是下午茶時段。有粥，小食和飲品，價格還算合理，於是和小米在此午餐吧！等了廿多分鐘，終於可入座了！　幸好等待期間，大家已選好喜歡的套餐，很快就可以下單了！　　香煎蘿蔔糕 　粥品下午茶套餐的小食先呈上。這是小米喜歡的蘿蔔糕。蘿蔔糕的臘肉較少，以白色為主，漿粉較多，同時蘿蔔絲卻不多，整體口感較軟，很適合老人家享用。　　豬潤粥　散點一個豬潤粥是29元，下午茶只是39元，還多一杯豆漿和蘿蔔糕，真抵食。本身很喜歡肝臟系列的食物，炒雞膶，法國鴨肝鵝肝，俄羅斯牛肝餃子，豬膶腸都是喜歡的肝臟美食。在這家主打雞粥的粥店，為了豬潤，放棄了招牌菜雞粥。　　粥底不算太杰／濃稠，但米粒都已煮至爆開，軟綿綿。色澤帶淺啡，應該是醃料或是豬潤釋放的精華，滲至粥底。碗內的豬潤，表面尚算滑溜，豬潤血管壁也很明顯，而每個的肝小葉都很飽漲卜卜。以形補形，是養肝的食物呀！這几片豬潤是剛浸熟，為免其變硬，一定要先嚐豬潤。豬潤嫩滑

放工攰攰地，無咩胃口，朋友帶左我去呢間粥鋪，鋪面唔算大，空間感不大，覺得有少少迫，入到去full晒，好多人食呀😳😳😳叫左個雞粥蟹粥，再加個豬潤同黃鱔，一個字，正👍🏽👍🏽👍🏽👍🏽👍🏽刺激到我d食慾！🤤再叫多個炸大腸，點左個醬，惹味十足！👍🏽👍🏽👍🏽食到好飽🤣🤣🤣見到隔離枱既豬潤炒面同埋炸兩都好似好正咁，決定下次再去光顧👏🏾👏🏾價錢唔算貴，幾抵食👍🏽平時好少去粥鋪既我都好滿意😚😚

老家附近開了間【新記煲仔雞粥】，聽聞是元朗有名的雞粥店。 元朗出名美食多，筆者一年都未必入去元朗一次，難得元朗總店開到西灣河，當然要試下！老店竟然可以在Openrice 上預約又可以有積分，一舉兩得。準時去到已經人山人海，店員非常忙碌，筆者沒有交代已經訂枱就自己入去揾位。小店內人山人海加上地方擠迫，沒有拍下任何室內照片。【新記煲仔雞粥】當然以生滾粥為主，款式有三十多款，價格$24~45不等。另外，小店提供不少小食，價錢廿多元非常實惠。小店以生滾粥作招徠，當然要叫款來一試。招牌是雞粥，用廿多種藥材及香料烹調而成。筆者沒有點招牌雞粥，反而叫了這個【海鮮粥 $63】。粥內有不少海鮮，有蟹、蝦、帶子……等，材料豐富。不過粥底才最重要， 煲粥看似簡單，但要做到綿而滑，帶米香就需要些技巧。 煲粥最重要的是時間，慢慢將米煲開成米花，令米粒完全漲大，就會綿滑。時間就是金錢，因此不少餐廳出來的粥都沒有軟綿效果。這裡的粥同樣沒有又綿又滑的質感，更壞的是粥沒有海鮮的鮮甜味，而且食完後非常口渴。忘記什麼時候開始習慣了食粥要加碟腸粉或炒麵，這個 【蝦米腸$17】 都叫滑，但米味略嫌太淡。勝在蝦米和蔥花需露在外面

I was happy to find a new congee store here. The first time we tried it, the chicken congee was fine. But when I went there again a week later, the chicken parts in the congee were either bones or wings, with little meat. And there was a cockroach in my friend's fish congee as well. We will not go there any more!

3.1.2018同老公去咗筲箕灣新記雞粥食晚飯，之前食過下午茶，雖然D粥同料都冇乜味但30多圓你想點啫，都抵食嘅！同埋見假期好多人等位食晚飯咪去試吓囉！小店招呼差都預咗架啦！飯連湯HK$15蚊位，飯凍兼硬，食咗半碗哽唔落啦！湯ok嘅，起碼仲熱！叫咗檸檬蒸烏頭(魚不太新鮮都算啦，塊魚皮全都是鱗！唔知條魚有冇洗過，感覺好唔得囉！)西芹炒帶子(帶子碎加埋6粒仔左右，都算啦，但唔知依家D西芹係咪都好貴呢？呢碟小菜隻碟同酒樓放茶杯隻碟差不多大！)但都唔及個咸旦蒸肉餅，真係見識到大廚嘅真功夫(個肉餅同隻碟已連成一體，黐到實一實，我同老公一齊用對筷子夾咗好耐先夾到D肉餅食，一試之後唔敢再食，因成個肉餅充滿住濃濃的梳打粉味！)之前係筲箕灣翠河茶餐廳食過蒸肉餅還覺得不太好味，但試完新記呢個就覺得翠河個肉餅真係太好味啦！評語 : 如果你鍾意睇人面色兼受氣先食得落飯，又或者你有食垃圾嘅嗜好就不妨去試吓筲箕灣新記雞粥啦！**評分時服務及味道我都一粒星都唔想俾，但好似至少俾一粒星先發佈到囉！

星期六,同女朋友去咗筲箕灣ge"新記雞粥 "食個下午茶,海蜇凍肥腸肥腸幾好食,不過有dd硬,個海蜇味道都好正,麻油味濃郁.叫咗個豬潤貴妃雞粥貴妃雞好嫩滑,大大件ge雞件,好香ge雞油味,另外個豬潤又係好新鮮,大大塊,2個咁正ge食材去煮粥,簡直系完美!另外距個粥底都好正,煲得火候啱啱好,好綿滑,米夠曬香!好正ge粥!夠曬惹味!公司三文治女朋友指定要食!好豐富ge三文治,三文治入面ge餡料好精彩,餐肉,火腿,芝士,雞蛋,番茄,仲有個靈魂,就係酸青瓜,三文治好唔錯,包ge2面都烤得香脆可口!西多士香港下午茶ge最愛,西多,炸得好靚,上面仲要有大大塊鮮油,好正!好豐富ge下午茶,食得好滿足,幾乎晚飯都唔洗食.

屋企附近唔係比啲出名嘅商場霸佔就係好多平民小食店唔夠錢交租想食碗平民啲嘅粥都冇今日要走到筲箕灣11點幾已經座無虛席遊街外網望入店內碗粥好大碗咁就好奇入去試吓啦我發覺店內入邊全部都係姨媽給嘅人鎮守粥店入邊廚房個大廚竟然係個女人好犀利我就叫咗碗牛肉粥冇味精大大碗肉都好似冇葉過甜好難得可以食碗咁平民嘅粥炒麵就同出邊嗰啲冇分別啦但佢哋啲嘢都好大碟兩個人都食唔晒就睇過粟米魚柳飯好似平平無奇但食落去真係好好味真材實料連個炸倆個味都唔同啲以後又可以成日來e間野食太好了

最近得知係元朗好出名既新記雞粥係筲箕灣開左分店，咁當然要黎一試招牌貴妃雞。招牌貴妃雞：用上新鮮母雞製成，再加上二十多種藥材浸煮，再加上蝦乾和瑤柱，所以食落除了有藥材味外，還有咸咸香香的蝦乾味道。雞肉厚肉，食落嫩滑，加上浸煮得合時，唔會令到雞肉老身，所以軟滑。薑蔥炒肉蟹：用上原隻本地肉蟹炒製，加上大量薑絲和大蔥，所以肉蟹會有香蔥的味道，加上蟹肉新鮮，食落肉質鮮嫩，唔會有霉味，證明蟹質新鮮。沙嗲牛肉牛仔麵：唔講唔知，原來依到沙嗲牛肉麵都好出名，用上新鮮牛肉切片，加上沙茶醬醃製，所以令到牛肉肉質軟滑，加上用油走過，令到牛肉鎖死肉汁，令到汁液都鎖死，所以食落好有牛肉味道。總括來說，這裡食物質數同元朗總店一樣，位置又方便，以後想食招牌雞真係唔洗入元朗了。

通常食客為食家都不會喜歡長篇報導引述但巿中心的筲箕灣新記四圍都是介紹文章好像順德老饗又為食又意見（口水）多多在筲箕灣倫理這是親切的廣東人家的⋯⋯街坊鄰居的粥店下午茶出名抵吃他們論粥品的時候好像去了澳門鮮蟹粥海鮮粥泥蜢黃鱔粉腸泥蜢！英雄淪落筲箕灣不識叫什麼來頭貴妃雞但而家下午3:30⋯⋯等我舊書友來好好吃掉一個平安下午吧貴妃雞粥48$吃掉粥狂野的心始終都守不住要了濃郁的豉椒炒黃鱔70$公道啦⋯⋯黃鱔都幾貴剛過冬又適逢聖誕節誓要去-野味一番下午茶套一及第粥叉燒拉腸粉三十九元很受街坊歡迎。鮮蟹海鮮粥兩個大蝦半只蟹仔帶子魚塊63$一個純樸講粥講粉面 油條炸兩多野選擇的館子老派港人的鑊氣和慢煮粥品算是懷舊風情的一地標所謂對粥當歌人生幾何

好耐無嚟筲箕灣又多了好多新的食店連元朗老字號的雞粥都有得食咁就早點入去食個晏先 ...點知 ...11:30AM 仲未有午餐，因為早餐食到中午 12 點早餐選擇有中式粥麵餐，也有西式麵餐和多士 ... 我的選擇困難症又發作喇 !!!不過，來到元朗老字號新記『雞粥』一定要試番碗雞粥可惜早餐未有供應雞粥，咁就嚟個中式早餐 ...生滾豬豬膶粥 + 叉燒腸 + 豆漿 ... 盛惠 HK$39叉燒腸有很多叉燒粒可能要包著裡面滿滿的叉燒粒，所以腸粉皮較結實，不過入口幼滑配埋自家秘製的豉油，不錯生滾豬豬膶粥以瓦煲上枱，熱騰騰、份量十足 ... 我們兩個人每人食到兩小碗豬膶份量也不少，大大片厚度適中，無腥燥味，入口軟嫩粥底綿綢，無味精的感覺，食完成個人暖笠笠 兩個點一份早餐，好似不多好看到餐牌仲有店家的必食推介 ... 於是多點一客 ... 蜆介鯪魚球 HK$42 一份有五個，剛炸好的鯪魚球脹卜卜、圓碌碌、又大大粒 不只賣相不錯，味道都不錯 朋友仔的凍奶茶 ** 以上分享是以我的口味、喜好和情況作出分享及感受，一試 / 合用與否請自行決定

最近筲箕灣開咗間新餐廳，聽聞係新界做到響晒朵，放工就同個朋友去咗食飯入到黎裝修光猛，空間感十足睇完個餐牌先來一個招牌靚雞粥粥底好綿，雞味濃郁而且雞肉彈牙，而且份量都唔少，三四個人食都冇問題另外仲叫咗個海蜇，爽口彈牙，而且醃得非常入味xo醬海鮮炒飯，飯粒炒到粒粒分明，份量好大，而且仲好足料，入面有魷魚，帶子等等，即叫即炒，完全感受到佢既鑊氣炸大腸好鬆脆，肉質juicy炸乳鴿，份頭大，炸到個外皮卜卜脆，但係因為太大隻，食落口感有點鞋口

食物味道還可以，豆漿味道頗佳。雞粥及軟殼蟹味道雖不錯，但不夠熱。Xo叉燒炒蛋味道偏鹹，不過食物夠熱。員工服務態度極差，叫炒蛋時有加配白飯，但炒蛋都放涼了飯還沒送到，請員工跟進兩次都沒反應，最後來了一碗冷飯！

昨天一家三口第一次去這家吃晚飯，價錢都好合理。 叫咗田雞煲、貴妃雞粥 、蜆蚧鯪魚球 、銀芽炒河、炸兩及一杯特飲 ，份量都唔細碟 ， 不過田雞就唔多，炸兩亦不及粥鋪好食，其它味道都ok下次可以再幫襯。 店鋪人手唔係好夠，見有啲人都要再進單， 餸到咗飯都未到。 不過最後美中不足就係埋單嘅時候畀個QR Code收銀掃， 但佢話唔需要，只要佢哋confirm openrice嗰個訂座就可以攞到飛行里數，但今日收到openrice的通知話我缺席。

在筲箕灣不難找茶餐，因為附近總有間茶記。 但要坐得舒服，唔趕急， 但又抵既。今日試左呢間粥鋪-新記雞粥你見鋪 只會覺得係貴嘢， 齋食粥。 但原來好豐富的餐牌，粥鋪有既佢有，茶記有既佢都有。 味道都有所水準。 因通常係粥鋪有少有奶茶， 有既都該是勁苦澀茶味。 但新記個粥餐都有野飲， 並且味道不苦， 雖不致於係頂級好味 。但起碼不妨一試既。 另外抵讚係： 西式茶餐，大部分都係2字頭價錢。 西多士都係25蚊連飲品....（抵過隔離街既連鎖快餐店) 。 總括而言： 好抵食、又環境舒服光猛，又唔趕客。 好快會成為飯堂之一