新澳餐室 (富達大廈) (已結業)

11點宵夜…轉左QRcode 落單，超餓既我重要喺重重野食字裡面搵我既特餐….沙嗲牛肉麵，終於搵到再點炒蛋麵包，下一步應該飲品，但唔比落單點都要加7蚊加餸先可以跳下一個步，加左餸再點又唔知點解又完成唔到，最後尾搵咗個待應，佢話冇雞蛋🤷🏻‍♀️所以冇特餐…算….之後叫左個海鮮叻沙，（上一次食過鴛鴦麵，油麵同米線），圖片好正好吸引，望落蝦大隻新鮮，點知一黎到我隻蝦呢，相果隻蝦呢🤷🏻‍♀️點解變咗蝦仁再睇睇得油麵我個鴛鴦麵呢，原來賣曬…..哦…..咁依個價錢我就覺得有小小貴羅………撇除隻變左蝦仁既蝦個湯底都好味既重點以後過左11點唔好去依間，因為乜都冇曬

今日點咗個兩人小菜晚餐又唔差喎，唔使等好耐，佢都幾多客人幫襯服務員好好，我哋兩個人，佢肯比張枱我哋唔使搭枱讚我哋點咗 韭黃叉燒炒蛋最緊要唔流，好好味，叉燒又大片，蛋都幾滑美中不足係唔夠大碟仲有一碟係XO醫蝦仁炒西蘭花，西蘭花好爽口，唔爛，好夠XO醬，無偷工減料，蝦仁夠大隻，西蘭花同蝦仁都入晒味，又係再大碟啲就好啦佢哋嘅湯都係推介要似之一，唔太咸，好鮮甜，啱晒我哋呢班打工仔少湯水嘅人類！無味精，夜晚啱會好口渴餐飲都係困啲嘢啦！最後埋單$176！抵食！

嗌左雞扒炒蛋飯(豉油汁)一黎到個飯竟然無鼓油 塊雞扒某部份有陣酸味🤢 認真食完真係驚肚痛 美好既一日就比呢個飯破壞左 附近咁多冰室可以選擇 呢加真係無下次 大家要食既話 自求多福

一個口水雞飯$70，野飲都冇，都算啦，啲雞？我係第二度食既話，下午茶都多過你啦大佬，如果唔係外賣拎得遠？我一定拎返去比你地算，一罐狗糧都多過你啦，挑拉星，唔做外賣咪早講囉，定係想快啲執粒啊？你比成碗鹽水咁既湯，比幾條菜黎做麥姐？口水雞唔好少得咁膠關啊大佬，應比既你唔比。外賣盒仲要收兩蚊添。外賣出面大多數都八折啦，咩時勢啊？難怪餐廳冇人啦，有原因嘅。聽執啦唯有一個企係門口既大哥服務周到又落力，不過幾努力都冇用啦，咁樣既函比啲客。

路過見新開入去試下，座位唔好座，叫左個5十幾蚊既早餐，成碟野超油，成個碟底油到發光，食食下發現煙肉中間夾條毛（呢個post係第2次打，第1次被openrice拒絕刊登）

平時去茶餐廳都唔會食牛扒，今日去咗旺角新澳餐室食野，見到隔離檯嗌咗西冷牛扒，好似好正，自己都嗌左一份.有滴驚喜，安格斯牛扒大塊厚實，切開筋都唔算好多，口感有嚼勁，點埋黑椒汁，我嗌咗5成熟，岩岩好，仲有配菜，粟米粒、蘿蔔仔，西蘭花，整體黎講，雖然係鐵板上既，但係同專門食扒既地方比較，味道都差唔多，好抵食，再嗌多一杯香港正宗奶茶，正對於一間茶餐廳黎講，$158食到咁大塊咁厚實，味道又唔錯既西冷牛扒，真係好低食，下次要介紹朋友都黎試下

雖然疫情之下有好多餐廳無奈結業，但亦都做就了好多新面貌係街頭上出現，講緊既係旺角豉油街最近新開的新澳餐廳， 連裝修都勁少女風，非常ig able， 粉色設計 一改以往茶餐廳平淡裝修的風格, 連係入面食便飯的人也會變得可愛焗豬扒飯即叫即焗芝士仲可以拉絲， 飯底有炒過夠誠意， 豬扒大大件唔會太柴，一個女仔肯定食唔晒。海南雞飯配例湯及油菜海南雞肉夠爽，皮夠嫩， 當然梗係有啫喱。 一個套餐包油菜包例湯包埋雞飯仲有嘢飲添， 例湯冬瓜湯，料夠多，唔會有味精。 雞飯有香茅香， 零舍醒胃。咖哩薯仔牛腩飯最 有誠意之處係 牛腩份量超多， 牛筋軟淋， 啖啖肉， 而且新薯也特別香甜， 撈飯食非常一流。另外仲想叫咗一碟菜心，清甜。紅豆冰熱檸茶套餐跟餐飲， 來茶餐廳當然要叫番杯紅豆冰吧， 紅豆冰分量多， 唔會冰多豆少，無得彈。

茶記篇：旺角區新開嘅茶餐廳如雨後春筍，只要邊間有實力，認真地出品食物必定能脫穎而出⋯新澳餐室已經開咗都有兩個多月，買過一次早餐外賣見質素都唔錯，午餐時段見過有兩個男職員在門口派傳單，看來這區競爭都頗大。今日特地去堂食早餐，叫咗一個吉列魚柳餐跟煎蛋及餐肉，飲熱奶茶因外賣那次奶茶苦澀得很，所以今次就叫佢多奶。另外一個要咗沙嗲牛肉公仔麵餐飲凍奶茶。目測，蛋，乾嘅，午餐肉都一樣頗乾，應該係放咗喺煎pan上一段時間等到有客嚟嘅時候就上碟，茄汁豆係凍嘅，唯一主角吉列魚柳唔錯，睇得出係即炸，熱到出煙，但可以做好D嘅就係過醬汁應該用他他醬比較夾，奶茶因叫咗多奶所以冇苦澀但係冇乜茶味。沙嗲牛肉麵唔算係突出沙嗲唔夠香牛肉一般，其實細節可以做得更好。我去餐廳食嘅時候係11:30左右見到只得一個男待應睇晒全場,做到發晒炆憎,就算其他職員要食飯都可以安排得更好。相信人事管理出咗問題喇，都要檢討一下。希望下次去會有所改善。預告：下次茶記篇，我會介紹一間旺角唔錯嘅茶餐廳食早餐午餐環境都好乾淨企理嘅🤨

上禮拜五行開旺角，叫到哩間新澳餐廳食物幾多元化，就去試下，叫左一個極級西冷牛扒同一個招牌叻沙，叻沙幾特別有兩種粉同一些海鮮配料，湯底都還算唔錯，但係唔夠濃郁。而極級安格斯西冷牛扒，本身睇圖真係好吸引，不過一見到實物，真係不敢恭維，食物10成，7成係筋，同收銀姐姐反應，得個“嗯，知了”就完了，連一句唔好意思，或者想處理嘅態度都沒，差到沒人有。有今次沒下次了。極級安格斯西冷牛扒158，真係唔抵食，想嘗試嘅請謹慎

👣 新澳餐室 👣🍳🍳🍳🍳🍳🍳🍳🍳🍳🍳🍳🍳🍳🍳🍳🍳🍳旺角呢間新開嘅新澳餐室環境乾淨光明🤩座位多 上菜亦頗快以冰室來說 菜式有多國菜可以選擇都幾好！😉⭐️⭐️ 招牌叻沙摻摻HKD$76⭐️⭐️份量好大碗一上枱好香嘅椰香味已經飄出嚟😆橙紅色既湯汁微辣飲落有濃郁椰奶香 另外仲配有叻沙醬 可根據個人口味加埋落去本身見到碗入面有米粉同油面好驚奇 之後才發現摻摻原來係兩款麵嘅雙拼 🤣入邊仲有大蝦蟹棒帶子粒魷魚圈同魚柳 不過食得辣之人 食吸滿湯汁既豆卜才是重點!味道：🌕🌕🌕🌕🌘⭐️⭐️全日早餐🍽 HKD$68⭐️⭐️全日早餐有牛角酥🥐煙肉🥓薯餅🥔炒滑蛋🍳同茄汁焗豆🍅薯餅炸得好香脆 炒滑蛋滑得黎唔會太油膩🍳另外有塊大雞扒 肉質幾滑唔乾柴估唔到食完都幾飽🤪味道:🌕🌕🌕🌕🌑⭐️⭐️紅豆冰奶茶 +HKD$13⭐️⭐️茶底香濃 喝起來順滑😙紅豆蓉得來同時又有咀嚼感😆整杯頗甜🤣少甜的話就更完美！但飲品加配可以用半價！好抵🤩味道：🌕🌕🌕🌗🌑️⭐️雪山特濃朱古力 +HKD$13⭐️⭐️大大杯 份量都幾多😝雪山係頂層嘅忌廉 甜甜的朱古力味道未算濃郁 但中意少甜人士可試想甜啲可加多點糖🤪味道：🌕🌕🌕🌑🌑

Fried chicken leg with balsamic vinegar salad 🥗招牌炸雞髀配意大利黑醋沙律🍗 $42個炸雞比嘅皮睇落少少啡色炸得好靚，食落脆卜卜熱辣辣超級香口🤤配埋旁邊個健康得來又新鮮嘅沙律，再撈啲酸酸甜甜嘅意大利醋一齊食感覺上抵消咗肥膩感！Cheese Angus Wagyu beef mix egg toast 🍞起司安格斯和牛漢堡混蛋吐司 🧀🥩$52雖然安格斯和牛整到漢堡扒嘅形狀我個人不太喜歡，但係整體來講牛肉味道超級濃郁😋，炒蛋仲有少少牛奶味好加分🥛，成分菜式嘅擺盤都好精美，五顏六色，影相出嚟超級靚，真係好啱打卡㗎📸Borscht soup 🍅🥣 羅宋湯$18呢款羅宋湯同街外嘅比較唔算太辣，而且好足料，好似椰菜、紅蘿蔔🥕、洋蔥🧅、蕃茄等等全部都好多，大人小朋友都啱飲！All day breakfast with chicken chop 全日早餐配雞扒 🍳🥓 $68呢個全日早餐真係好豐富呀，入面有炸薯餅、煙肉、炒蛋、牛角包🥐、茄汁豆🥫，個炸薯餅做得好出色，勁香脆同麥當勞嘅比較差唔多，配埋雞扒真係健康得來又夠飽肚🥰Boneless hainan ch

行開旺角趕時間想快靚正食餐飯，見呢間茶記門面新淨，入面乾淨企理，就入咗去。叫咗份馬來蜜汁炭燒厚切豬扒叻沙摻摻同海南雞飯套餐，飲品就加錢轉咗做紅豆冰同紅豆奶茶。先講個豬扒叻沙摻摻，豬扒厚切大大塊，蜜汁非常入味，肉質keep到鬆軟一d都唔韌。叻沙湯底椰汁味濃，摻摻係米粉溝油麵，有齊兩種口感。海南雞飯餐有埋中湯同油菜，夠哂豐富。個老火中湯值得一讚，非常足料清甜，係家嘅味道。海南雞嫩滑，配埋香而不膩嘅雞油飯，雞味濃郁。紅豆冰同紅豆奶茶嘅紅豆軟硬適中，有口感得黎唔會太硬，奶茶茶香奶滑，值得一試。。。新澳餐室 (富達大廈)旺角豉油街50號富達大廈地下5號舖。。

要食得出神入化兼且鑊氣又要夠方便無論對於大眾市民夠飽肚，無論一日三餐在消費、食物、質素上達至(平靚正)怎能阻擋呢以香港人熟悉的茶記主要食材等滋味配搭，經典美食以中西揉合，正是魅力所在的靈魂「招牌叻沙摻摻」(帶子/蝦/蟹棒/魷魚圈/魚柳) 爆表程度口味不會太鹹太重，一碗即叫即做濃郁入口惹味可口讓人一口接一口、叻沙湯底連成一線醬與湯一拼吃滿足不過「川式口水雞 」濃濃經典(香辛辣)夠集中，愛吃辣人士忍不住口水直流，食慾胃口增添之餘每啖惹味肉嫩配合刺激味蕾不黏身吃出輕盈不會一嘴油「路邊乾炒牛河 」香炒河粉/牛肉加上鑊氣足，簡單搭配吃出港式風情

我好少寫食評，因為今次真係令我好失望！我就住喺富達大廈，今朝早叫左個外賣早餐，等左25分鐘仲未有，於是打去餐廳問下，之後店員話外賣員已經出發左15分鐘。我覺得奇怪，就樓上大廈咋喎！咁耐都未到？之後店員話再幫我追問，我過多5分鐘問佢問成點，佢話聯絡唔到外賣員！仲話可能佢送左信和先再過黎！聽完之後真係勁嬲 😡 喺正樓上既大廈唔送左先，走左去信和？拎住我份早餐行左轉旺角？等左30分鐘，都夠我自己落去買完再食埋啦！之後我話唔要喇，唔好送上黎。點知外賣員過多10分鐘出現！前前後後由叫早餐到外賣員上黎，足足係40分鐘！第一，叫外賣員出去，有冇交代佢去邊一單先？第二，有乜可能會同佢失聯？冇一個交代比客人？第三，當客人等左咁耐都未收到外賣，係唔係第一時間要安排過另一份早餐比客人先呢？既然聯絡唔到外賣員，仲叫個客繼續等落去？呢間餐廳我食過1次，原本感覺都還好，野食唔覺太差，屬於普通。但經過今次之後，就決定以後都唔會再幫襯！真係十分之失望😡😡😡

豉油街晚餐時間好旺場，經過呢間餐廳見到裝修好靚，開頭以為係cafe，但睇睇下餐牌發覺係泰式西式港式都有，決定入去試吓入到去見到個個都叫蜜汁豬扒叻沙，所以我哋都叫左一份試試，另外又叫左份牛扒晚餐，包餐湯牛角包同飲品，抵玩牛扒大塊煎得好香，配埋雜菜同薯條。蜜汁炭燒豬扒真係幾正，超厚切又唔硬，食落BBQ味好重食到芯都咁惹味，配埋喇沙雙重享受；好彩佢辣椒醬分開用調羹上，唔係辣到食唔到！不過個冷氣好大風好凍，飲埋杯凍紅豆奶茶走人。