新澳餐室 (富達大廈) (已結業)

清湯牛腩（小）🐮牛腩炆得好軟腍而且充滿牛肉味☺️咬落去係啖啖肉汁同埋絲絲細肉慢慢咀嚼後會有種清啖既牛肉汁係口中🤤白蘿蔔炆得晶凝通透 夠入味🥳蕃茄焗豬扒飯🐖豬扒夠大舊又腍 好少再食到有炒飯底既焗豬了米飯粒粒分明 夠乾身😍牛扒雞扒餐🐥雖然係茶記食牛扒但質數都唔差咖😆牛雞扒大塊之餘 牛肉質多夠軟奶茶紅豆冰🫘奶茶香濃🧋仲有大大粒紅豆🫘 飲落去紅豆軟軟的又有口感新澳餐室-(富達大廈)📍旺角豉油街50號富達大廈地下5號舖

店家的招牌菜式是美式雜扒，每天早上11:30開始供應。菜單上有多種選擇，我可以自由搭配兩款主菜。四冷牛扒、板煎雞扒、香煎豬扒和炸魚柳，看起來都非常誘人。我決定點了四冷牛扒和香煎豬扒。四冷牛扒是用優質的牛肉製作而成，配上茄汁，口感鮮嫩多汁，肉質的鮮美完全展現出來。而香煎豬扒則是外脆內嫩，香氣四溢，讓人垂涎欲滴。這兩款主菜搭配的配菜也非常豐富。煙肉和炸薯條是我最喜歡的搭配，煙肉的鹹香和薯條的酥脆完美結合。牛油炒雜菜則提供了一份清爽的口感，讓整餐更加均衡。豬仔包則是店家的招牌小吃，麵包外皮酥脆，內裡包著鮮嫩多汁的豬肉，每一口都讓人回味無窮。除了美式雜扒，這裡還供應全日早餐。其中一道特別推薦的是滑蛋蔥花叉燒飯。這道菜色香味俱佳，滑嫩的蛋液與香氣四溢的燒叉燒完美結合，每一口都讓人感受到滿滿的幸福。

呢間野其實係疫情其間都幫襯幾次，整體其實都可以接受，但疫情過後今日路經再去，叫左兩個晚餐，一個巨雞脾意粉，一個咖哩雜扒，咖哩黎左整體ok，而且都比一般茶餐廳水準高（本人食評絕對中立，吾會刻意批評）但巨雞脾黎就當堂打左個突，一塊平平無奇既雞扒，家人即時問會吾會落錯單，印象中食過好多巨雞脾，都吾會係咁既size,而自己既雜扒裡面塊雞扒都吾會比佢細，我就問待應，我要既係巨雞脾會吾會黎錯，佢就話呢個係架啦，之後再問收銀都話呢個係，佢話一直吾會有成隻脾上既，都比張餐牌我睇，係巨雞脾扒意粉，但我地用app落單既就打住巨雞脾，無左個扒字，而門口既相就係原雞脾上既，但最大問題係我經常去和順記，都食過好多巨脾招客既餐廳，第一次見一塊細到吾細既雞扒叫巨脾，我就話可吾可以比番條骨我睇下，我好想肯定你地所謂巨脾究竟巨係邊 ，會吾會只係條骨巨，之後當然吾太客氣問我地想點，又話補番平塊比我地，而家人又細細聲話吾要啦，連個意粉既味都呢樣果樣，咁我話吾要啦，好老實幾難食自己叫心甘命底，但我覺得睇餐名表達同實際可以相差咁遠既佢都算係第一間。如果呢個叫巨雞脾，咁佢全餐廳咩都可以用上個巨字，巨豬巨牛巨餐。

近排食左兩次呢間 lunch ,.個廚煮得唔錯 有鑊氣 份量少 d . 好似菠蘿牛肉夠鑊氣 但後幾塊 但我想講有個光頭既唔知經理定部長 西口西面甘 態度好差下 太多例子不勝枚舉，其中一個係我賣單時 同時有多一個人賣單， 而佢望仲聽緊外賣電話 當我賣單時 佢話<d ,i ,u, 甘 L book街 d野一齊黎既 > 無論係咪俾說話俾客人聽 我覺得佢都冇資格做服務飲食業。 就算嬲都唔應該係客人面前鬧 而且我聽到對話 佢對 d姐姐態度都唔好，所以要反映下 因為間野幾好食 俾一個廢人 搞禍就唔太好啦

係旺角食一個$50左右嘅下午茶，選擇唔係話好多，但其實都唔少，但係咁啱見佢有唔少選擇，咁就諗試吓都無妨，但係估唔到份量咁細，雖然我知道係下午茶，但係$50來講，份量係有啲少。不過勝在作真係有鑊氣，茶餐廳食炒飯炒麵就係要食佢嘅鑊氣，熱辣辣加上黑椒嘅香味，真心係幾好食，而且又唔會太辣，就算食晒成碟都好，都唔會覺得好需要飲水。講到飲水，唔知係唔係因為人手唔夠，所以基本上冇樓面會理你，就連入去坐低都未必俾杯水你同埋佢啲嘢飲，真係不了🙈🙈

間餐廳對正豉油街，個location係唔錯，見到佢裝修都光猛，所以就入咗去。餐牌選擇其實好多，但係略嫌有啲太多，令人眼花撩亂，因為佢啲選擇唔係喺晒同一個餐牌上邊，而係分散好多張餐牌。叫咗個晚餐嘅鰻魚雞扒飯，諗住呢一啲嘢咁簡單，應該都實冇死。個飯黎到嘅時候都係暖嘅，個賣相都算係唔錯，份量亦都足夠。但係一食落，傍晚好琳，同平時食開嗰啲好唔同，冇乜鰻魚味。個雞就不過不失啦。但係最難搞係佢個飯超多汁熱啲汁係多到浸咗好似Tong咁，令到啲飯唔會淡食落都好行好鹹，食完係覺得會生腎石嗰種。佢價錢就還好啦，都係60幾蚊到，但係呢一個質素來講，就真係唔係好抵啦。

🇭🇰最近好掛住港式奶茶，經過就求其入左間🍔 千島板煎雞扒漢堡配菜可以揀薯條同凱撒沙律，漢堡緊係配薯條😋成包好軟熟好大個，雞扒要驚喜煎到好香口，層皮脆卜卜，切開有肉汁🐟千島吉列魚柳 炸魚感覺無咁熱氣，所以就搵左凱撒沙律，感覺平衡啲無咁油膩，炸魚唔算太大塊，但炸粉唔厚，外脆內軟🌟飲品有待改善

週末晚上好累，不想去太遠的地方，到旺角找吃的，這家幾年前在黃埔吃過覺得還不錯，就去了！我們點了一個生炒骨，一個xo醬滑蛋叉燒，兩個都很好吃，就是生炒骨份量太少，飲料太差了，點了一個雪山朱古力，我只喝了一口完全沒有朱古力味

價格偏高，性別比低今日2點鐘左右去到，唔洗排隊直入，友人之前試過話唔差所以決定要試下，點知就中伏了！環境方面：同一般新式茶餐廳無乜分別，不過就冷氣夠大，唔會好熱！用QR code自助落單都ok如果佢價錢平返20蚊又唔同講法！首先叫左一碗鮮茄湯麵，本身得2個餸驚唔夠食所以決定加左個餸！點個碗野一嚟到一啲蕃茄碎都見唔到？咁就試下湯一啖湯，頂，完全得啲味精味，超級失望!另一碟係自定製XO醬叉燒蛋飯，中規中矩啦 。不過個Xo醬就無乜海鮮啦你只會食到啲魚仔乾，都係個句，個價錢平返10蚊就合理。

今日行開旺角，門口伙計推介試下佢地嘅特選午餐，坐抵掃咗QR code 叫咗個無骨海南雞$68, 加杯熱檸共$74。熱檸先到，味道都ok，放咗糖喝一口正正常常啦。套餐到了，除了碟海南雞外，有碗有味飯，薏米"雞"湯，一碟dark soy sauce, 一碟海南雞醬，還有一碟白菜仔，大约有6, 7條，份量都算多，成個套餐用個黑tray上，擺位井然，presentation 都唔錯。碟海南雞大约有5、6舊啦，全部是雞胸，扒啖飯吃舊雞，出事了🙄，件雞又柴又老，個名就叫海南雞，根本係過火老雞，惨啦仲有5件要捱，呢個故事教訓我唔好隨便信人一面之詞，賣橙個個話自己D橙甜啦，邊個會話酸呢？成個餐最好食係碟雞醬，不過冇机會再試了，唔會回頭啦，因為在那處同類形餐廳多的是。

第一次去光顧新oh！入到去已經覺得有少少伏，因為樓面只有兩位伙計，好忙咁處理外賣和店內客人落單，不過算幾快奶茶送到，但望真啲杯野真係幾深色和極之苦，通知伙計比少少花奶，最終碟飯食完都係無人理你，而且個飯係唔夠熱，只係微暖，真係無下次😏

上星期去咗旺角行街，買完野想搵間餐廳比較乾淨嘅地方食個飯，行過豉油街見到有好多間連鎖餐廳，其中新澳茶餐廳一向都喺九龍灣有幫襯開，黃埔嗰間上年都有幫襯過都唔錯，兩間分店都好乾淨，服務員又有禮貌。旺角呢間分店有啲套餐嗰兩間分店係冇嘅，好似煲仔菜，新澳炒飯，得旺角呢間先有得食。尤其是個新澳炒飯，大大碟又夠鑊氣，同埋啫啫芥蘭煲，兩個配搭超正，超有鑊氣。仲有無味精中湯。喺旺角區要搵呢類茶餐廳又要環境乾淨又要平，又要夠鑊氣，暫時淨係搵到呢間

叫左兩個下午茶餐，兩杯野飲真心難飲！咖啡同OT茶餐廳間間都差唔多，個人冇咩要求，不過依間真係勁！一飲我就覺得出事，完全冇咖啡味😆😆😆，一度懷疑自己係咪叫左走咖啡！！其如食物食得下，都會飽肚～ 唔會有下次

份量超少嘅小菜旺角近排開佐好多間茶餐廳我見個裝修都幾靚就吸引左我入去晚餐時間都好多人，食物都好多野可以揀有扒，小菜，煲仔飯……我揀佐個兩人套餐有兩個小菜，兩碗飯兩杯嘢飲兩個餐湯一個椒鹽豬扒，一個咕嚕肉份量真係幾少下，係幾有鑊氣但係食完真係仲好肚餓😅如果份量可以多啲都食得過

個全日早餐好寒酸…一黎舊薯餅油成咁已經覺得瀨嘢。叉一下散曬仲流得出油🥶 炒蛋不過不失啦，feel到好多水。啲嘢一上全部凍既。個紐倫堡腸咁細條先得兩條，成碟嘢靠個變形🥐頂肚。另外frd子嗌個茶餐，一開始係因為張圖所以想試下，上到黎係符合圖片既，但配個蛋黃醬可以話係災難，少少夾都稱唔上，加埋個飽係個種丹麥方飽，食到最後都一樣得「油油油油」。唯一可以讚下得佢地杯奶茶，味道係正常茶餐廳奶茶😵‍💫😵‍💫😵‍💫