新澳餐室 (富達大廈) (已結業)

好多年都冇試過咁早起身，仲要去旺角，攰到爆。見到有間新開嘅餐廳，所以入去試吓。可能新開嘅關係，個餐擺位好靚，裝修唔洗講，當然新淨啦，但又冇裝修難聞嘅味道。太陽蛋係脆邊嘅，魚柳係即炸，仲有迷你牛角酥。食完飽晒，精神晒！令外落單係用手機落，好多嘢可以慢慢揀，唔使心急，一般茶餐廳，啲伙記會企喺度望住你，等你落單令到你會好唔自在同好緊張。下次會再去試佢午餐和晚餐，因為睇到佢有個滑蛋叉燒飯，好似好吸引，會去試吓佢。

由於限聚令關係，有些餐廳響晚上10點無堂食，不過有好多市民為咗良知同公民責任(定為咗抽獎？)，已經或陸陸續續去打疫苗，所以有些餐廳都開始營業至凌晨12點，尋晚夜晚11點左右響旺角經過幾間開咗好耐嘅茶餐廳都要等位，最後去咗一間無咁多人嘅細餐廳食炸醬麵；咁今晚差唔多10點左右，經過豉油街見到一間餐廳門口有啲花牌，原來係「新澳餐室」新開業，見到可以收凌晨12點，即刻衝入去試下，其實之前響紅磡民泰街另一分店已經食過沙爹牛肉麵，不過好普通，今次又試下新店嘅沙爹牛肉麵，睇下掂唔掂。呢度位與位之間都算寛趟，仲要冷氣非常夠凍(連我都用夠凍就真係好夠凍)，原來仲有用QR code自助落單，睇完餐牌即點「新澳招牌茶餐」嘅招牌沙爹牛肉公仔麵($54，配炒滑蛋/煎雙蛋，丹麥牛油酥包，奉上即磨咖啡或香滑奶茶，普通凍飲加$3)，要咗炒滑蛋、丹麥牛油酥包同凍檸茶(加$3)，而我4月中響紅磡食同樣嘅餐只係$48加$3(唔知依家有無加價)，原來開到嚟旺角要加多$6。凍檸茶先到，用不銹鋼杯好處係夠凍，茶底都算清甜，不過隻杯size就比較細隻；再到嘅係炒滑蛋、丹麥牛油酥包，炒滑蛋係碎哂(上次紅磡店食個蛋好食啲)，丹麥牛油酥