新澳餐室 (富達大廈) (已結業)

豉油街晚餐時間好旺場，經過呢間餐廳見到裝修好靚，開頭以為係cafe，但睇睇下餐牌發覺係泰式西式港式都有，決定入去試吓入到去見到個個都叫蜜汁豬扒叻沙，所以我哋都叫左一份試試，另外又叫左份牛扒晚餐，包餐湯牛角包同飲品，抵玩牛扒大塊煎得好香，配埋雜菜同薯條。蜜汁炭燒豬扒真係幾正，超厚切又唔硬，食落BBQ味好重食到芯都咁惹味，配埋喇沙雙重享受；好彩佢辣椒醬分開用調羹上，唔係辣到食唔到！不過個冷氣好大風好凍，飲埋杯凍紅豆奶茶走人。