新澳餐室 (富達大廈) (已結業)

旺角豉油街新開嘅茶餐廳， 裝修好新感覺好明亮，睇餐牌有好多招牌菜、推薦菜食咗幾款，覺得這類的豬扒出品非常高質， 鮮茄厚切豬扒焗飯($66)，焗得又香又多茄汁，最緊要個主角塊豬扒， 厚切之餘仲要非常鬆化，仲要冇骨成塊都係肉另一款豬扒出品， 馬來蜜汁炭燒厚切豬扒喇沙摻摻，炭燒豬扒外層微脆，帶蜜糖香甜味道，依樣厚切鬆化， 喇沙湯底都好正，辣度和椰香比例調教得好，兩者味道突出又唔太搶，質感細滑creamy，摻摻面底亦唔錯另外無骨海南雞飯($68)普普通通，不過好抵食， 一個set有湯有油飯有油菜

經過新澳餐室被門外的餐牌吸引着有好多不同種類的食物選擇西式中式都有裝修明亮整潔餐室可用QR code點餐很方便👍~海南雞飯套餐 68配油飯，油菜，例湯 嫩滑雞肉無骨啖啖肉又方便配了薑蓉及黑醬油和開胃的酸蘿蔔整個套餐份量十足😋😋~招牌叻沙摻摻 76係海鮮為主有2粒帶子，蝦，蟹棒，2大件魚柳和魷魚圈我就好鍾意佢嘅椰香味重和湯很濃郁😋😋又夠辣味😋😋~ 咖哩薯仔牛腩飯 64咖哩醬汁濃度適中但唔係唔算辣嗰種😊😊如果鍾意多啲汁撈飯嘅仲可以選擇多汁㗎👏我同老公都好鍾意飲湯嘅( 但我平時好少煲湯呢😂😂)所以再另外叫多兩個湯😁😁~老火湯 ~羅宋湯飯仲可以選擇小飯，正常和多飯有汁類，可選多汁湯類，可選熱D嘅適合唔同客人嘅需要呢點我覺得餐室做得好貼心啊😊😊

放咗工想食個惹味快餐有着落啦。旺角呢間新澳餐室座位幾多，有單人座位自己食飯唔洗同人搭枱👍🏻 員工好有禮貌又快手。好抵讚。 招牌無骨海南雞 $68個餐有老火湯，菜心，油飯，幾豐富抵食。去骨海南雞好嫩滑，啖啖肉，點醬汁食好酸辣開胃，油飯好香，飯量都幾多下。菠蘿咕嚕黑豚肉飯 $62 咕嚕肉酸甜惹味，大大舊，醬汁好豐富，送白飯一流👍🏻咖喱薯仔牛腩飯 $64牛腩好入味，又軟淋，咖喱汁香濃，連薯仔都好味，正靚正啊👍🏻

今日下午茶嗌左一個炸雞髀🍗+熱奶茶因為係即叫即炸，所以需要10-15分鐘，呢個都冇問題，仲好期待終於出品，賣相果然冇令到我失望雞髀🍗好大，香味四溢，即刻趁熱食喇！emmm，雞肉唔會好乾或者好厚粉，肉質鮮嫩香脆，入口唔覺得油膩，外皮同樣香脆，真係好好味😋個雞髀炸得好出色薯條都好食，炸得剛剛好，加上佢既絕配茄汁，講真，一個人食真係好飽熱奶茶又香又滑，個人口味，我就鍾意唔加糖，就咁飲都唔會好難飲，我覺得都做得出色嘆完個下午茶先有氣力番去公司繼續做事呢個雞髀下午茶下次一定會再嗌

新澳餐室今日同朋友行旺角突然落雨就去咗一間依間新開嘅茶餐廳避下雨順便叫啲嘢食叫咗佢哋嘅漢堡包同埋雞扒三文治 🥪 漢堡包 🍔跟薯條 🍟 漢堡包就好似平時食開嘅漢堡包咁跟咗芝士蕃茄生菜當然仲有漢堡扒番茄新鮮多汁而漢堡扒都煎得唔錯咬落仲好有肉汁味道唔會過鹹蛋食得出有肉味絕對對得住佢價錢薯條 🍟 都唔錯好過大部份快餐店雞扒三文治雞扒份量大而且有生菜芝士仲有一個好滑好好食嘅炒蛋一咬嫩滑嘅蛋漿係口腔溢出蛋香濃雞扒亦煎得唔錯而茶餐廳最重要嘅當然係佢嘅咖啡及茶佢地嘅港式奶茶 茶味香濃入口幼滑甜度適中咖啡都唔錯價錢實惠值得光顧

呢間餐廳👨🏽喺九龍灣食過話好食一直都話帶我去試但好似無左回事😂直到人哋開左分店佢先記得帶我去食—————————————————————餐廳用左粉紅色裝修好有少女心❤️原來7月12號先開業所以全部野都好新好乾淨以茶餐廳來講款式選擇都算多除左各類炒粉麵飯都有叻沙問過👨🏽佢話個XO滑蛋叉燒好食但今日中島唔想食飯😂所以最後揀左個厚切豬扒叻沙塊豬扒上檯👨🏽已經想偷食咁款真係好厚切目測有1.5cm😯豬扒被蜜汁包覆住完全唔會柴 甜蜜鬆化配埋椰香叻沙摻摻 最緊要落個醬將叻沙再提升一個層次椰香帶辣不過最精華應該係豆卜索滿湯汁俾多幾粒呀唔該🙋🏻‍♀️而係咁多選擇底下👨🏽揀咗海南雞無骨喎都估到佢會叫嘅機會接近8成🙊離遠就見到好大個托盤上面已經有齊曬油飯 海南雞 油菜同湯海南雞啖啖肉嫩滑但係唔油膩加上香噴噴既金黃雞油飯令人食指大動雞同油飯一齊食滋味加倍👍🏻—————————————————————⎋ 馬來蜜汁炭燒厚切豬扒叻沙摻摻 $72⎋ 招牌無骨海南雞飯 $68

One of my favorite chachantang in town, can still remember their industrial location with shorted staffs when they first started operating at Kowloon bay & HH. Now they have finally expanded to a prime location - Mongkok with attentive services and still amazing food! Loving the scrambled charsiu pork rice 🍚 it’s unbeatable!!! Super delicious. Rating: 8/10part two of the meal was a western style dinner - not only offering Chinese dish, they also have western dinner meal which comes along with so

星期日約咗朋友去旺角行街，大約下午五點半左右，就決定去試新開的新澳咖啡餐室，我就點咗一個無骨海南雞餐，朋友就點咗一個雞扒全日早餐首先服務員好nice，入座就俾左杯熱水我哋洗餐具，在旺角人流多嘅地方一定要注意衛生海南雞賣相唔錯啊，例湯好好飲，好足料，雞油飯幾香，建議師傅下次可以加多d水煮，海南雞好食，加埋個辣醬，仲有酸甜蘿蔔，呢個我鐘意食，一碗飯真係太多，食唔曬，其他就食曬啦朋友話全日早餐都好食，塊雞扒都好大，又有牛角酥，薯餅，炒滑蛋，搞到我都想食，可惜太飽呢間餐室值得推薦，價錢算適中

晚餐叫了一个牛扒餐5成熟158蚊，在茶餐厅级别来说可以说是有点贵，不过我总会说一分钱一分货这種态度去选擇食物。来到面前一个黑色膠碟上放了一块薄薄的肉，有几粒小红茄几条红萝白(暖)两棵西兰花(冻/残)，一堆炒薯仔粒(暖)。牛扒又薄又“un”, 说好的5成熟不见了，须然块肉好薄但係“un”到可以切5开，经验推测牛扒是烚熟后再煎才会出现这个情况。结论: 如果没有扒炉或这方面師傅就别放在餐牌内！对食客来讲是很不负责任的！食物质素烹调方法怎样在旺角站得住脚？！大家可以比较一下餐牌相片同實况有多大的落差。

去冰室最鍾意就係飲紅豆冰，而家30幾度天氣，一支粗飲管吸起紅豆冰涼透心更加醒神。今次我點既係紅豆冰奶茶，奶茶可說是一間冰室既靈魂，茶底香濃而不澀，奶順滑，紅豆淋透得黎又有一粒粒紅豆既形態。以半價$13加點夠哂大杯，個人覺得幾抵飲！招牌無骨海南雞飯鍾意海南雞飯其一原因係一大盤上枱，好有氣勢！呢度既海南雞飯一套包含中湯、油菜、雞油飯，醬汁有甜豉油、酸辣汁。 海南雞夠金黃，肉質嫩滑無骨，雞胸位都唔會太鞋口。雞油飯有好香既香茅味道，米粒飽滿。青紅蘿蔔粟米豬骨湯，清甜足料。油菜條條翠綠馬來蜜汁炭燒厚切豬扒叻沙摻摻掺掺即係雜錦既意思，油麵遇上米粉，掛埋橙紅色既靈魂叻沙湯汁食，粉條特別滑溜有風味，微辛濃郁，仲有椰奶香氣，吸湯既豆卜尤其惹味。肉排係分開上，面層既蜜汁加埋炭燒既效果，肉質香脆內軟，咬落有豐膄油香，唔會浸泡到濕淋淋走味。

分享一間我經常食嘅茶餐廳-新澳餐室，呢間絕對是我吃過價格實惠又好吃的牛扒店啦，今天同朋友去食晚飯，我已經揀好心水菜式直接叫咗一份蒜茸黑椒汁配牛小扒牛小扒一上桌熱氣騰勝咋咋淋咁響，食慾立馬大增，淋上黑椒汁靈魂醬汁配白飯一絕有鐵板保溫保證每一口牛都是熱的，重點係它嘅牛小扒真係好好吃，一刀下去很快速就可以切好，一入口，黑椒汁的味道帶有一點點的微辣配上牛肉果然是最佳搭配，仲有配菜：炒薯，番茄仔，西蘭花，真係值得大家去試下㗎

新澳餐室 (富達大廈) (旺角).之前食過紅磡，佢個叻沙幾好食😋今日去開旺角行過就入去食個叻沙！.🔹招牌叻沙摻摻🔹.一上枱大大碗已經聞到好香嘅椰香味，然後佢再另外加埋個叻沙醬，你可以按照個人喜好加多或者加少，只要加少少已經令到成個湯昇華晒！小小嘅辣味再加埋有少少似沙嗲醬嘅味，配搭埋啲椰香好好飲！你叫呢一個係海鮮類別，入邊有一啲帶子粒，大蝦，蟹棒同魷魚圈，仲有一大塊魚柳🔹海南雞配油飯油菜例湯🔹.呢個又係性價比之王，$68有齊飯餸湯，個海南雞無骨嫩肉，有酸辣汁比你點，配上乾身油飯入口齒頰留香，齋食飯都得油菜今日係菜芯，睇相都睇得出新鮮綠油油，落左少少蠔油，好食！.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 新澳餐室 (富達大廈) (旺角)旺角豉油街50號富達大廈地下5號舖

同朋友係旺角行街，見到有新開嘅茶餐廳，緊係要試下啦睇到餐牌，竟然有招牌叻沙摻摻，茶餐廳可以食到泰國菜，咁一定要試下啦，有d期待.嗌咗一個招牌叻沙摻摻終於上菜啦，果日冇令到我失望啊，裡面有好豐富嘅材料，有魷魚，蝦等，鍾意個湯，有椰香，辣得黎帶一d香滑，摻摻係米粉同油面雙拼，兩種麵類夾埋一齊食層次感更加豐富，其實我覺得佢個醬先係重點，撈係個湯到，令到味道好突出啊，又有d辣辣哋，食落非常入味最後連埋湯都飲曬覺得好驚喜，茶餐廳有咁好食嘅泰式美食

新澳餐室進駐旺角啦今日就去幫襯啦，門口一眼望去就見到好大的粉紅色牆，幾鐘意呢個裝修，服務員好熱情帶我去卡位坐，我睇完就叫做鮮茄豬扒飯，首先我係一個芝士愛好者，焗飯都係需要時間，大概15分鐘後就出餐啦，一睇賣相就好吸引豬扒煎得幾香，飯底夠乾身，蕃茄🍅有少少甜，唔會酸，面頭嘅芝士非常邪惡飯伴著芝士嘅奶香，趁熱食有拉斯㗎，令個飯多咗個層次，真係太滿足啦如果鐘意食芝士嘅一定要試下新澳呢個焗飯，包你滿意我見到營業時間係開到晚上12點，平時睇完電影就可以食個宵夜先返屋企，正啊

岩岩收工，準備去搭地鐵，見到新寶戲院附近有一家新開嘅茶餐廳新澳餐室，有d興趣，於是決定試下嗌咗一個漢堡餐-安格斯和牛芝士漢堡配薯條+凍奶茶首先漢堡外觀好吸引啊，牛肉同芝士味道融合得好好，對於一個經常食麥當勞的我，覺得呢個好食薯條即炸好熱好脆，配合蕃茄醬剛剛好，好食😋港式奶茶雖然係好常見既飲品，但係唔知點解覺得呢間的好好飲，我係少甜少冰，食左漢堡一定要配杯凍飲先絕配喇以後收工夜嘅話，又多左一個選擇解決我嘅晚餐問題啦，其實睇完餐牌，我仲有很多野想食，慢慢試啦