新泰東南亞餐廳 (已結業)

4位美女聚會，必需揀一間坐得舒服嘅餐廳，因為女人傾計可以傾到喉嚨乾涸都未傾完😂今次朋友揀左呢間泰國菜餐廳，地方好寬，枱與枱有一定距離，大笑都唔會嘈到人👍😁先要講每款菜式都熱辣辣上枱❤呢方面係100分，同埋我坐位置係一定叫到侍應，卡位👍先黎串燒，雞牛豬各一串，熱辣辣，泰式味道濃郁，唔會燒到乾爭爭，其實呢款菜式周街都有，但50%都做得麻麻好求其，所以呢啲質素我覺得唔錯👍泰式炒金邊粉，我係呢間食過最好食，唔會太流，唔會淋，炒得好香！下次再黎係必叫！咖哩牛加薄餅，咖哩其實都香，牛肉都好淋，唯一不滿意係……可以多啲咖哩，因為食完一份薄餅，我再叫多一份，薄餅好鬆軟好香口👍😎😎燒魷魚就一般，不過熱辣辣，係要加分嘅，唔夠淋。炒椰菜仔好爽口，傾傾下好快都食曬了，請大碟一點就好了😂😂總括都係好滿足，仲要每人二百幾蚊食咁多野，算抵，可以介紹朋友普通聚會黎試下👍

呢間餐廳喺灣仔旺區嘅樓上店，地點非常方便，而且餐廳入面裝修唔錯，岩晒朋友聚會。今次餐廳仲安排左四人既卡位俾我哋， 十分好座！本人對泰國野都幾有好感，所以一坐低已經急不及待點左幾樣野。第一樣黎既係咖喱麵包軟殼蟹，咖喱味好香，面包索晒D咖哩味，味道一流，如果軟殼蟹炸得再脆少少仲正！之後黎嘅係泰式生蝦，生蝦絕對係一大亮點，蒜蓉味辣味十足，佢放咗唔止一種辣椒令味道更加有層次，配合埋佢獨特嘅醬汁，絕對同係泰國食嘅生蝦有得揮！再黎既係炸蝦卷同埋泰式炒米粉，炸蝦幾特別，脆卜卜但有少少多油。炒米粉反而覺得幾好食。整體感覺不錯，值得再試。服務特別底讚，全程冇停過幫我地加水，店員應該好多都係泰國人因為聽到佢地講泰文。

本應想食德國菜，點知發現德國菜無左，改左間泰國菜，附近又無咩選擇，決定一試。裏面裝修猶如置生於泰國，坐位非常寬敞，我們安排在坐係sofa ，可能位置較僻，人流亦少。蠔仔煎蛋煮得一般，未有獲氣味，蠔仔算多。好少食d熱氣野，見炸蝦賣相幾靚，就試下，外面d炸麵絲炸得好脆，脆卜卜，食完口喉都‘咯咯’地，真係要飲下椰青下下火。蛋包貴刁味道一般，抄鬆完之後，份量多到瀉，飽到想嘔。

之前同朋友食過新泰，覺得好好食。同事約食飯，話想食泰菜，於是同佢黎呢間食，因為食完想去銅鑼灣買野，所以揀左呢間。餐牌設計得好靚，食物選擇多，同同事揀左好耐先決定到食麼。冬陰功係食泰國野必點的。我地兩個人點左個細噶，每人都有兩三碗湯飲，而且湯料好足，有好多菇類，每人仲有一隻大蝦，不過蝦肉就麻麻地，而且無麼肉。不過呢間噶冬陰功湯真係好好飲，唔會過辣，香料味又夠。呢個叫馬沙拉咖喱，平時青咖喱，黃咖喱就食得多，但馬沙拉咖喱真係第一次聽，所以膽粗粗叫黎試下。味道幾似黃咖喱，不過就無甘甜，雞肉唔錯，最好就係無雪藏味。呢個咖喱我就甘都飲左好多，因為唔會太濃味。泰式金邊粉，又係必點噶。賣相一流啦，見到都流口水。入面餡料非常多，蝦球都有好幾舊，而且蛋絲都有甜味。呢個金邊粉落重番茄醬炒，酸酸甜甜勁開胃，我地好快清曬。呢餐真係勁滿足，每樣菜都好好味，同事話係近幾年食過最滿意噶泰國菜。

喺港島區返工，如果想食泰國菜，要走去九龍城實在太遠了。最近喺灣仔發現呢間泰國野，見價錢都ok （咁緊係無九龍城咁平民化），入去試下。原來成間餐廳都幾大間，座位好闊。所有侍應都係泰國姐姐。睇左餐牌有好典型常常食既泰菜，又有好多少見又新穎既菜式，例如鴨肉生菜包，本身想試呢個，但係最後叫得太多野，要放棄呢個。我地叫左泰式生蝦，蟹肉炒粉絲，芒果糯米飯，麵包咖哩軟殼蟹，蛹蝦。生蝦新鮮爽口，個醬好夠酸夠辣，越食越開胃，五隻真係唔係幾夠喉，不過唔食得辣既人要飲多兩杯冰水，因為真係幾辣😆食咖哩一定要配麵包，咖喱汁超多，個麵包底吸曬啲汁好入味，不過麵包有少少唔夠脆。軟殼蟹炸得香脆，香口野又係食唔停，如果再多幾隻蟹腳就好啦。蛹蝦，無喺泰國餐廳食過呢款菜，我都唔知佢係咪泰國野，不過唔理啦，好食就得啦。類似食蛋散咁，入面包住隻蝦。食落卜卜脆。甜品緊係芒果糯米飯啦，有紫米同糯米，芒果超甜。仲叫左個蟹肉炒粉絲，加埋一total 五舊水，都唔算貴，坐得又舒服，服務都幾好，如果喺灣仔銅鑼灣一帶諗唔到食乜食下泰國菜都幾好。下次要記得試鴨肉生菜包

環境非常舒服，座位又多又夠大，唔少位有舒服的枕頭，食飽訓一訓最舒服。木瓜沙律非常開胃，集酸辣於一身，不過醉係檸檬個種清新既酸，辣就唔油膩，係增添左美味。木瓜絲非常爽口，配上芽菜就更清新，仲有花生粒帶來既堅果香味，好食！鐵板蠔仔炒蛋好想食香口既海鮮類，叫鐵板蠔就非常適合啦。蠔有鮮味，份量非常多，雞蛋煎好似餅餅咁，底部非常香口，入面就好鬆軟，又唔會乾。最底係大量芽菜，爽口又清清地，去一去油膩感。仲可以點下甜辣醬，轉一轉口味。越式烤春雞釀香茅黃飯烤到金黃色既春雞配上大量蔬菜，一上菜已經有陣誘人既香味啦！雞肉非常軟滑，但個皮就烤到脆哂，非常多汁，每一口充滿香茅味同雞既味道。黃飯釀左係雞入面，味道非常之好，飯粒吸收左雞既精華，別有風味，金香美味。除左雞腿，成隻雞都係冇骨，非常方便，就算係雞胸一樣多汁又軟。

呢晚朋友揀左呢間食飯敘舊，第一次去W square，原來都有幾多餐廳，食過呢餐後真係幾鍾意呢間泰國菜館，環境好好，食物又有質素。連等位地方，即係𨋢口，都整得咁靚咁舒服，就算要等一陣都唔介意啦。不過我地六點幾就到，未有客人，直接有位。入面環境更加靚，地方幾大，係高檔餐廳既裝修。店員仲安排我地坐啲帳篷卡位，好有特色，座位非常闊落，坐得好舒服。呢晚天氣好凍，一坐低店員仲即刻倒暖水畀我地飲，好周到。特別有個應該係泰籍既女店員好親切有禮，全程笑容滿臉又殷勤，服務態度超好，值得一讚。餐牌上每個類別都有好多選擇，花多眼亂，基本上泰菜應有既都有齊。泰式生蝦好大隻又好厚肉，仲好新鮮彈牙，冇令我失望，正。因為同朋友都食唔到辣，所以揀左個唔辣既馬沙拉咖喱雞。咖喱好香，夠稠身，濃郁椰汁味，仲有蕃茄味好特別，咸甜恰到好處。雞肉有好多，大小適中又無骨，連咖喱汁吃好惹味。由於咖喱汁好好味，要嗌蒜蓉包點汁食。蒜蓉包好香脆，本身已經好夠味，就算唔點汁食都好食。指定動作要食埋芒果糯米飯，呢間都做得好有水準，糯米飯有黑白兩隻鴛鴦款，仲熱辣辣冒住煙，口感非常煙韌，椰汁好大量又香滑，完全滲入糯米飯好入味，配埋甜甜既芒果真係一流

這是我去過環境最好的泰國餐廳，而且食物質素也有保證，令我念念不忘。甫出𨋢便有一個非常大又舒適的空間讓人等候入座，好有氣派。餐廳地方頗大，裝潢設計充滿泰國風味，又不失雅緻。最驚喜是有帳篷式座位，內有超大張沙發加長桌，極度舒適，好有私人空間，最適合三五知己聚餐盡情聊天。晚上七時許人客已頗多，幸好一早訂位。餐廳的服務不俗，特別欣賞一位看似泰籍的店員態度超級殷勤，能操流利廣東話，全程笑容滿面，非常有禮貌，做事勤快，也好細心周到，給予接近貴賓般的招待，絕對值得讚揚。餐牌頗大本，食物及飲品選擇超多，幾乎所有泰國菜式都能找到，而且價錢合理。泰式柚子蝦沙律🥗 柚子肉極多，更是一大排的，不像一般的只有散開的條狀果肉，這兒完全是毫不吝嗇。大大排的果肉非常爽甜多汁，配上腰果和又大又彈牙的蝦球，口感豐富，非常開胃。牛油果軟殼蟹卷十分清新，卷皮清涼軟滑而煙韌，將餡料包得扎實，完全不會鬆散。軟殼蟹與牛油果、粉絲、蔬果等餡料好搭，口感一流。鐵板蠔仔炒蛋甫上枱隨即香氣撲鼻，更冒著煙熱騰騰，鐵板讓蠔仔炒蛋一直保持溫度和鑊氣，吃到最後一口仍有熱度。炒蛋裡蠔仔非常多，每隻更是大大顆，好有口感。炒蛋滑滑的又有蛋香，底下更有大

今日係銅鑼灣行完街，去左食泰國野。每次想食泰國野又要品質保證又唔想諗，就會去食新泰。一入去好有泰國東南亞feel。燈飾同木檯凳設計得好休閒，好有高級泰國resort既感覺。叫左個金邊粉黎食。上菜菜色都靚過人。蛋絲整成網咁包住金邊粉。將花生碎同檸檬汁撈允之後，食一啖金邊粉。好開胃，金邊粉唔會太酸，花生碎提升左金邊粉香味。金邊粉本身炒得好彈牙，口感好好。仲有幾個大蝦，越食越開胃。份量多，呢個金邊粉兩個人食差唔多。跟住叫左個越南胡椒炒牛展。酸酸辣辣，都係開胃之選。牛展有炸過，特別爽口。酸辣汁同埋青黃紅椒一齊炒，味道好惹味。食既時候熱辣辣，好暖肚。好快就食完。食完兩樣野已經好飽，每次黎食到好食既野。呢間餐廳真係乜都咁好味，好滿足。

👁‍🗨 泰式蝦炒金邊粉（7/10）💲98呢個金邊粉個味都係泰式嗰種，酸酸甜甜，但就唔係辣既，如果鍾意可以再加青檸同花生碎，有蝦🦐、豆腐乾、蛋，餸份量唔算多🤤不過金邊粉頗為有咬口👁‍🗨 日本南瓜焗海鮮飯（7.5/10）💲108個日本南瓜焗海鮮飯係成個南瓜咁上😱望落似係蕃茄焗豬扒飯，因為面頭有溶溶地既芝士🧀食落原來個飯唔係南瓜汁，只係入面有南瓜粒，所以南瓜味唔重，反而係比較重椰漿味同埋咖哩味，辣辣地其實都幾惹味😍海鮮有青口、魷魚🦑同蝦🦐，啲料頗為豐富呀👁‍🗨 泰式青咖哩（雞）+ 印度薄餅（7/10）💲78 + 30食泰國野無理由唔叫青咖哩，當我地睇緊加唔加飯，店員建議我地加印度薄餅，一兜有八塊，但係掛住食唔記得影相😭薄餅熱辣辣得黎，食落都幾脆身同香口，不過因為兜青咖喱入面雞既份量比較少，而咖喱汁比較多，食落辣同鹹，點點下汁好快食曬印度薄餅🤤👁‍🗨 椰青沙冰（7.5/10）💲55唔可以唔講椰青沙冰，好正！呢度既椰青好大個，其實我地四個人每人叫一個，就算咖喱辣，大家已經不斷飲，但最後都係得一個飲得曬😂因為唔只成個椰青滿曬，仲要面頭都堆到好高😈不過沙冰始終會溶，所以一開始飲曬面頭嗰啲先，唔係既話

灣仔條街終於解封luu，去左食w square既泰國菜😙。入去既時候只係七點 當時仲有car位坐~ 地方闊落又有cushion挨超舒服。裝修都好靚，燈光昏暗，又有好靚既燈，好浪漫呢💓香芒牛油果軟殼蟹米卷味道好清新既米卷，入面有好多蔬菜，配合酸汁好正，味道好有層次感😍串燒88蚊6串 算幾抵😙我地叫左每隻肉兩串，香料味好出，就算唔點沙嗲都好正，肉汁幾juicy。個人最鐘意豬肉串燒😉日本南瓜海鮮飯一拎上枱見到個飯係釀係個完整既南瓜入面就覺得好靚，食落更滿足富嘻嘻😀飯入面有魷魚青口墨魚等海鮮，除左一舊舊見得到既南瓜，仲加左少少薯仔令口感更豐富😏 上面既芝士同加左椰汁反而令個飯比較膩， 不過最後刮埋南瓜肉出黎，成口都係濃濃既南瓜味woohoo~望落個南瓜唔算好大 但兩個人share都食到好飽架!龍眼冰 椰青佢既英文譯名叫Thai Young coconut haha🧐 係好清甜既椰青👍🏿食到有少少滯就飲兩啖 啱啱好清一清然後繼續食~份量都唔少架，食完晒啲野之後，仲可以刮埋啲椰子肉飲埋最後幾啖大滿足😋龍眼冰就冇乜特別，味道比較甜。最後每人食左二百蚊，食到好飽啊！最緊要環境舒服，可以慢慢食😙

東南亞野真係食極都唔厭，今次就揀左呢間喺openrice都幾多人讚既新泰啦。入面非常寬敞，亦都佈置得充滿泰國風味，坐位亦都好舒適。坐得舒服，食都食得開心啲。兩個人我地叫左柚子蝦沙律，串燒，芒果軟殼蟹春卷，咖哩雞，炒椰菜仔，當然唔少得芒果糯米飯！柚子蝦沙律，柚子好好味，配上酸酸地既沙律汁，超開胃！串燒(豬，牛，雞）都燒得啱啱好，配上沙嗲汁，非常好味，想食多幾串。芒果軟殻蟹春卷，軟殻蟹炸得好鬆脆，包住芒果一齊食，大大減低左熱氣既感覺。咖哩雞唔辣，好足料，叫埋個薄餅點黎食，真係一流。炒椰菜仔真係一定要食，用泰式調味黎炒菜，真係特別好味。而我地既甜品芒果糯米飯，有黑白糯米，熱辣辣，送到黎仲冒緊煙，好粘口，充滿椰奶味，芒果好香甜，係非常推薦既飯後甜點。啲野好食之餘，最值得一讚就係超級好既服務態度，不斷幫你加水，一舉手就有人過黎幫你。

三不五時便會想吃泰國菜，香港人喜歡泰國菜的程度絕對不遜於日本菜，友人在灣仔放工，便決定在附近尋找泰式餐廳吃個飽。到餐廳時間還早所以人不算太多，不用等位便能入座，職員帶我們到靠窗位置的座立坐下，枱旁放有椰樹小燈擺設，令環境更有氣氛。先吃了個沙律，柚子清新，大蝦和魷魚份量足，有微辣，怕辣的朋友也易入口。紙卷包著的軟殻蟹香脆，吃時還有微暖，芒果不酸，配合脆蒜片，整個配搭十分好串燒同樣出色，沙嗲醬調得很好，又有花生粒，令口感更好，雞肉嫩滑，牛肉和豬肉也不錯。另外點了一個必吃的椰菜仔，口感爽脆，吃過還想再吃!最後甜品點了一個糯米飯，飯蒸得熱騰騰，配上暖的椰漿，和冷的甜芒果，為今晚的晚餐畫上完美的句號

辛苦左成個星期，黎到星期五晚，Happy Friday ，梗係要對自己好啲，即刻相約朋友去食大餐！去灣仔新泰泰國餐廳，友人話原因是價錢便宜又快上菜，而且味道仲非常好，果然聞名不如一試，環境大食物有質素，最重要係服務態度非常好，上網一查已經開咗多間分店，但態度服務食物保持到水準，而家已經小有食泰菜必點生蝦！以冰凍墊底感覺比冰粒更乾淨衛生，蝦肉新鮮而且非常爽口泰式青咖喱雞味道咸中帶點微甜，有香濃的椰漿味，配上印度酥餅，簡直一流！ 泰式炸蝦餅拼炸魚餅 - 好大件且厚身，炸至金黃香，口感結實沾點甜酸醬就已經非常好吃

在港島區搵一間食泰國菜的地方，要乾淨，要闊落，坐得舒適，確實不易。新泰是正確之選。頭盤選了牛油果軟殼蟹紙米卷，凍食，不錯！軟殼蟹炸得脆，配搭牛油果及粉絲，十分美味！泰式燒鷄，上枱時香氣撲鼻，入口時，燒鷄的油香及雞肉的鮮嫩，非常惹美！炒貴妃苗，鮮嫩，炒得非常入味！餐廳內侍應用心招待，為餐廳增加不少分數。