新泰東南亞餐廳 (已結業)

第二次來份於軒尼詩道   一)  大件夾抵食 (一般人都鐘意) 二)  價錢公道   (貼地)三)  泰姐姐夠Nice笑容可掬 (宅男見到笑咪咪) 我同男友好豪氣點到一枱都係食物  椒鹽軟殼蟹$78用上大量椒鹽、香料炒香軟殼蟹，唔好以為份量好多，相實只有一隻蟹。入口相當香脆，不油膩，暫時將熱氣拋諸。 冬陰公 $78單看用量不怎豐富， 但是味道相當惹味。入口酸和辣度平衡，味道突出澎湃 ， 喜歡突出的香茅芳香。喝一口已經不得了, 就是有點要追住再喝的感覺, 令人欲罷不能啊。越式蟹肉炒粉絲$98粉絲無炒到痴埋一墟，口感都相當唔錯，雖然不太有鑊氣，但用料足搭夠，材料有有蟹肉、扎肉、香芹、三色椒、香蔥等。 而且份量十足。粉絲入口彈牙也不太油膩, 不重口味, 味道清爽。            串燒 （鷄、牛、豬）食泰國菜點可以無串燒，不過呢個份量絕對是我吃過最重量級。正所謂有圖有真相，串串都是大件、肉厚 。我先吃了雞肉，口感外脆內軟，唔會太干，第二件再點小小沙嗲醬一啖放入口，沙嗲醬花生醬味好突出， 小小甜。不過我覺得唔點醬好味D， 可以吃到燒烤味道，更真實 。再試豬肉，更富口感又不韌¸ 肉味更香濃

在灣仔做完瑜伽，就行去新泰吃東西，在W SQUARE2樓的泰國餐館，經常坐巴士都經過看到，今次尊程來吃，上到去非常有泰國feel,而且店員全是泰國人，非常Nice,我好喜歡泰國，所以好鍾意這裡，地方濶落，很高尚，有點好像去了spa地方咁我最喜歡吃泰式生蝦$98，鮮甜，但好辣呀只是我不吃得太辣，因吃了辣椒所以立即叫了椰青飲，解一解辣，嘩！好清甜又夠凍，肉又嫩仲要夠晒大個要多半隻去骨海南雞$128，雞皮爽滑，鷄肉香甜多汁，食一啖青瓜，就可解油膩好味店員非常細心，經常給我加水👍🏻👍🏻笑容滿面

半年前跟朋友到新泰聚餐，覺得水準好好，而且環境很舒適又多分店。今次就帶女朋友試試，她對於充滿泰國渡假風情的裝修表示滿意！泰式生蝦一如以往的新鮮，每隻蝦都很碩大。生蝦上面放了少些辣椒，配上酸辣的醬汁，作為開胃菜一流。拍下了密密食的女朋友，哈哈！生菜包可以選雞肉或者豬肉碎，女朋友揸主意選了豬肉。生菜新鮮爽脆，肉碎微辣可口，很好吃。肉碎份量很多，包完生菜還有剩。串燒一份有半打，雞牛豬每種兩串，可以跟女朋友 share。串燒燒得火喉不錯。燒鱔燒得很香，鱔肉仍然嫩滑，非常美味！順帶一提，上次食了燒牛扒亦是好有質素！想試有別於 pad thai 的粉麵，就點了越式蟹肉炒粉絲。蟹肉頗豐富，不會炒得油膩，不錯。甜品也比一般泰國餐廳選擇多的。

餐廳既裝修好有泰國風情，用木製枱櫈夠特色。侍應都係泰國人。叫左日本南瓜焗海鮮飯($108)，鐵板蠔仔炒蛋($88)，馬沙拉咖哩雞($78)，印度酥餅($30)，椰汁西米糕($52)，椰青($42)。焗海鮮飯原個南瓜上枱，入面挖得好深，有大大隻青口，蝦，魷魚，南瓜，海鮮非常足料，有少少芝士係面頭，d飯應該係加左香料醃(?)，所以顏色係橙色。如果南瓜味更突出，會更好。南瓜焗得夠"林"，成個南瓜連皮食都冇問題。最值得讚鐵板蠔仔炒蛋。上枱個陣仲有煙出，鐵板燒得夠熱。炒蛋入面有好多好多大大隻既蠔，手指公既長度左右，好誇張，啖啖都食到蠔。仲有芽菜鋪係蛋下面，d芽菜有鑊氣味，good。抵食海鮮。幾乎枱枱既食客都叫尼碟海鮮。馬沙拉咖哩可以揀豬牛雞雜菜，咖哩唔辣，但唔係黃咖哩，食完唔會成個口都係香料味，好難得，因為次次食完東南亞咖哩，個口都會一陣香料味。入面有好多雞柳，至少10件。仲有薯仔，椒。侍應建議叫印度酥餅，食個陣有陣牛油味，之後加d咖哩冇咁乾。泰國特色甜品椰汁西米糕必試，有4件，上層係椰汁膏feel，下層係西米糕，加入粟米，木薯粒，好有口感，爽爽地，又好香粟米味。椰奶打左既cream咁，好cre

身在銅鑼灣，想食咩菜式既餐廳應有盡有，揀左泰國餐廳，7點半已經有唔少人食緊dinner。好特別，餐廳竟然有卡位，而且好有格調。先上椰青($42)，有好厚既椰肉，椰子水清甜，不過椰肉略為消淡。南瓜焗海鮮飯($108)有3款海鮮，包括青口，蝦及魷魚，面頭有d咖哩南瓜汁，焗飯乾身，飯粒粒分明，焗完唔會軟綿綿，唔會太多水份。而且每啖都食到海鮮材料，仲可以任你挖南瓜肉，送飯一流。鐵板蠔仔蛋($88)最有睇頭，因為d蠔大隻到估你唔到，食極都仲有蠔。同台灣最大差分別係，台灣柯仔煎落好多麵糊，但尼個係純蛋漿，所以食落唔會厚粉。成個餸份量多。拼盤有分大細，細($98)，有齊2款炸餅，各款4件。蝦膠打得好彈牙，外層炸得夠脆，香茅肉餅既肉好厚身，加入左好多香茅，食完好邪惡。炸物小食唔熱氣，熱辣辣，香口，但唔油膩。加埋甜酸辣醬，就更惹味。燒鮮菠蘿($58)，燒完好甜，大大件，邊邊位有dd燒焦，但冇損菠蘿既甜味。又一解渴之選。

上星期同朋友食泰國 o野~一岀𨋢就見到好有泰國風情 ge 裝修, 好靚 ar最入面有 d 卡位係好似帳篷咁約會好有feel, 又坐得舒服 前菜係我最鐘意 ge 泰式生蝦冰鎮生蝦好新鮮夠爽口而且醬汁夠辣非常開胃呢見到都流晒口水~叫 o左碟燒黃鱔外表有 d 似串燒呢, haha黃鱔魚肉好嫩好肥美, 好好食! 另外嗌 o左個泰式肉碎生菜包d 肉碎香辣惹味包落 d 新鮮生菜度食可以中和到少少辣~食落口感好 fresh我同朋友真係食唔停口, lam lam脷 依度 d 甜品都好好食叫 o左個南瓜布甸係將布甸釀入南瓜到原隻咁蒸 ga軟熟南瓜肉同充滿奶香 ge 布甸一齊食真係好正甜甜糯糯, 南瓜愛好者必食~ 

平時去灣仔行街總覺得無乜好野食⋯⋯今次朋友推介我去試呢間泰菜，試完都覺得要推介比大家！呢個係餐廳既走廊，好有泰式風情，即刻好掛住泰國，如果有得即刻訓底邊享用thai massage邊食野你地話幾好軟殼蟹紙米卷。好食呀！團友爭扎左好耐到底試呢個紙米卷定青咖哩軟殻蟹好，但因為怕太油最後試左呢個食落好清新，軟殻蟹炸得夠脆，夾落紙米卷後中和左個肥胖感。點埋個甜酸醬就一流！飛天通菜。大大碟抵食每次食泰菜都必試既泰式拼盤特別之處係佢有生菜包，唔洗好似平時咁一味食炸野好味！又係必點既串燒，有雞牛豬。沙嗲醬好香花生味不過老老實實，我同朋友都分唔到邊串係雞邊串係豬青咖哩牛肉同蒜蓉包蒜蓉包牛油味好重我個人覺得一般般無乜特別不過個青咖哩就好香食完成個口都係椰香，亦唔算太辣，適合唔太食得辣既朋友呢個菠蘿包其實係炒金邊粉，賣相就夠哂分，不過味道就普通，略嫌甜左少少可以不試壓軸出場既係佢（死啦，唔記得左佢叫咩名）淨係睇個賣相已經好吸引本來以為會食到好messy，點知原來佢已經幫你起哂骨，一切就食得！個雞肉好嫩，肉質似slow cook咁，好juicy入面個飯好香薑黃同雞油味大家必試！！另外個醬甜甜地，好夾本來想食

好耐冇食泰菜~約埋朋友就黎番呢間食過既門面闊落, 舒適~雖然個名有個泰字, 但係其實係東南亞菜~除左泰國之外仲有越南同馬拉菜食人多就當然叫多D唔同野試啦~先叫左個越式既軟殼蟹米紙卷~皮薄蟹脆~加埋其它配菜同酸酸地既汁好開胃~小食拼盤係我地秒速同意要叫既野除左春卷蝦餅同果舊肉我地岩岩每人都分到一件之外~最開心就係有埋肉碎生菜包, 唔洗另外再叫~肉碎微辣~份量唔少, 每塊生菜可以包多D都得, 唔洗學我包埋黎食又fresh又辣又有肉咬下, 正~食得東南亞菜又點可以唔叫串燒呢~要左雞豬牛每樣果兩件既半打~黎到果陣全部熱辣辣~呢度既沙嗲醬係唔辣既~花生味幾香兩樣配埋好夾~ 我自己就最鍾意牛, 唔韌香口有牛味本人至愛既泰菜~~~pad thai面頭既蛋絲拉得好靚下~ 食落都脆脆地幾得意汁係酸甜入面偏酸少少既~岩我口味~蝦既份量唔少, 食落爽口, 金邊粉炒得入味~整體黎講係好食既pad thai之後係男人們鍾意既青咖哩牛~味道唔錯, 香料味足, 牛肉唔韌入味~不過咖哩冇跟飯, 所以我地食左兩啖就等下一味~越式燒雞釀黃飯~配菜沙津好大份雞燒得香脆惹味~入面既黃飯除左有香茅去煮之外當然仲有最重要既雞油兩

新年冇約朋友出去食一排, 開始番工後又繼續得閒就食下聚下~今次揀既係近大家收工既呢間東南亞菜~出升降機之後既門面都好大好闊落, 冇一般餐廳咁「放多幾張枱」算各式飲品甜品如酒類, 椰青, 芒果糯米飯都有~果然係東南亞雲集坐落傾左一輪食咩之後就決定左呢個前菜先~越南野既蝦米紙卷~皮薄, 蝦彈牙, 整體感覺爽口開胃~唔錯泰國野大家最鍾意之一既馬拉盞通菜~味道唔錯, 馬拉盞味夠得黎唔會太辣~多人食就一定要叫既拼盤~炸既唔會太厚粉, 熱辣辣之餘岩岩好每人一件中間仲要有肉碎生菜包, 唔洗再另外叫~肉碎唔會太辣, 仲食到既level, 非常好串燒又係東南亞食品必叫之一~佢地既味道似係馬拉/泰國菜~醬係沙嗲~雞同豬既味道有d似, 牛就明顯好多全部都唔會韌, 準備同燒得幾正~女人們至愛既泰式蝦炒金邊粉~味道唔錯, 甜甜酸酸咁, 面頭既蛋絲整得好靚下不過我自己就鍾意青咖哩多d今次要既係牛~咖哩汁多, 牛份量都唔少, 辣度係可以我唔食開辣既都岩岩好接受到~非常岩食因為咖哩冇跟飯~我地就叫多個蒜蓉包點下咖哩汁蒜蓉包趁熱食真係好邪惡又冇得輸牛油同蒜蓉都足料, 就咁食就香脆, 點埋咖哩汁就比較特別, 但係個味都好

新泰東南亞美食今日又係要去灣仔做嘢，約埋個灣仔做嘢嘅朋友一齊食咁快lunch聚一聚，星期一想食啲開胃嘅嘢，東南亞菜就最好啦。上次已經試過午市套餐幾抵， ＄75仲奉送咖啡或茶，加＄28可以打一個小食，叫咗個炸蝦餅，即叫即炸，非常香口，好彈牙。以呢一個價錢，有四件，性價比高。青芒果沙律青芒果沙律都係好新鮮，略嫌有點酸，不過可以講我係非常開胃。海南雞飯，賣相幾精緻，仲有雞翼，肉質唔算太肥，都幾健康，配埋泰式醬汁加埋油飯。整體都唔算太油膩，個人覺得，就算好似我咁減緊肥，都可以走雞皮，減肥之餘，亦都可以食得好豐富。朋友叫咗個海鮮焗飯，個人覺得佢太過濕潤。食完正餐，仲送一件泰式甜品，完美一餐。

新年同朋友團拜, 今日就去同朋友一齊去食灣仔嘅新泰我點一杯泰式奶茶, 第一次飲泰式奶茶, 感覺同港式奶茶與別不同, 顏色深啡色, 飲落去茶味十分香, 香濃嘅茶味係口腔裏久久不散, 越飲越想飲, 話咁快就飲曬喇之後點咗東巴牛展, 東巴牛展醬汁風味無窮, 甜甜地唔算辣, 牛展同個醬汁十分之配合, 牛展煮熟好淋, 咬落去冇黐牙, 嗰張執一啲都唔可以晒, 就點埋蒜蓉包, 點一點醬汁一齊食, 芝味無窮另外再叫咗個蟹肉炒粉絲, 炒得夠乾身, 一啲都唔油, 非常之彈牙, 另外再有啲蔬菜絲, 蘿蔔絲增加口感, 蟹肉之外, 仲有札肉, 整成薯條嘅形狀, 相當趣緻

W square向來的餐廳食物質素也不錯，在門外看了看菜單，便決定試試這間泰國菜-新泰。內在環境挺寬闊，有不少大枱，也有卡位，非常適合朋友來聚餐！打開Menu認真看看，才發現食品種類非常多，在多項選擇中要定下吃甚麼實在有點困難，因為每樣食物好像也很好味最後，和朋友爭論後，決定了炭燒豬頸肉。炭燒豬頸肉看似普通，但很多泰式餐廳的豬頸肉並沒有經過炭燒，而醬汁也大同小異。但這間餐廳的豬頸肉明顯有被炭燒過，而且更特別的是配上的醬汁較外面的餐廳特別，香茅味很重，豬頸肉醺上微辣的醬汁，很惹味再來是泰式蝦炒金邊粉，外型非常美觀，配料十分豐富，炒完也不會太乾或太濕。最後上菜的酥炸香茅魚，外型上已十分出色，一條魚片起魚肉後再把魚肉炸起，加上香芽菜襯碟，非常好看。醺上醬汁後試了一口，炸得十分酥脆，炸粉不算多，魚肉份量不少，吃過一條便會吃過不停，因為真的很好吃除了酥炸魚，還配試青芒果沙律，酸酸甜甜，稍減熱氣，由醬汁、炸魚和沙律均是很好的組合，實在推烈推薦大家試試這間店除了食物質素很好之外，員工的服務態度也不錯，常常面帶微笑，必定會推介朋友來試試

冬天想食泰國菜，經朋友推介下 book 左新泰。夜晚 8 點到步後一出電梯己經覺得裝修有東南亞特色，入到去座位都好寬敞。食泰國菜，本人一開始一定先叫生蝦，當然結果無令我失望啦，又大隻又鮮甜，醬汁調得好好，上碟時用冰鋪上保鮮紙值得加分。泰國菜一定唔少得既冬蔭功湯，我一直有試過外面其他餐廳，一係太稀，一係無味道。呢到竟然兩者都兼顧到，而且湯料都好豐富。試完兩種我到泰國餐廳必試既菜式後，我叫了蒜蓉炒貴妃苗，蒜蓉去到草腥味之餘，D 菜都好嫩滑呀，食落非常鮮味，仲好夠蒜香味添。最後叫多個原隻燒魷魚，火候剛剛好，又彈牙又唔韌。醬汁加好多分。本來想再叫多幾串串燒，但己經飽了。留返下次再黎食。整體來講新泰裝修，食物質素，服務態度都好好，下次想食泰國菜唔駛再左搵右搵了。

今日陪男友去灣仔買野，買完後都夜晚 7點幾啦，兩個人都想食下辣野，於是去就近既新泰東南亞餐廳試下啦! 一出升降機就就見到東南亞風的熱帶佈置，燈光亦好有格調，經店員帶位後地方幾寬敞，有足夠既空間坐得好舒服 ! 泰式生蝦，又爽又甜，一食就知新鮮，仲有份質感滑到溜食生蝦最重要的是蒜和辣椒，醬汁香濃之餘又帶少少辣，作為開胃菜非常適合!冬蔭功湯. ，有好重椰汁味，用料足夠，飲落勁有泰國香料味道，好夠地道，份量亦剛好，少辣之餘又帶酸，香料亦落足。越式蝦米紙卷，味道有層次感，個汁酸酸甜甜咁好好味! 而且用料好新鮮，食落夠爽甜同埋清新，值得一提既係呢碟菜好飽肚!蒜蓉炒貴妃苗，好大碟，分量足，蒜蓉夠多，蒜蓉分佈哂每一條貴妃苗度，貴妃苗又新鮮，食落好爽口。男友叫左個泰式凍奶茶，同港式用紅茶沖好唔同，感覺有椰汁味!仲有獨特既泰式茶香添。值得一提既係間餐廳全部都請泰國人，服務態度好好，笑容十足，呢餐食得好滿足!

跟家人来港取暖，住在湾仔，听说这家泰菜评价不错，就晚上遛达过来尝尝。这家店所在的街区很多东南亚餐厅，也有不少酒吧。店里空间不小，环境也挺好。看菜单点了芒果蟹脚米纸卷、清炒豌豆苗和南瓜焗饭，二人食合适。最喜欢这个米纸卷，配的蘸汁非常清爽，作开胃小食再合适不过。豌豆苗和焗饭中规中矩，没有特别惊艳。