新泰東南亞餐廳 (已結業)

The ambience is the restaurant was one of the most outstanding ones that I have been. The staffs showed us to a traditional Thai hut which really brought out the atmosphere of actually dining in Thailand.Firstly, we ordered the traditional Phat Thai that was topped with shredded crab. Next, we ordered the iconic and delicious Tom Yum soup, which is my favourite dish overall. The soup was not too spicy but still carries the authenticity of the taste of the Thai. We also ordered the Brussels sprou

When my friend and I first arrived at the restaurant, the impeccable service and the modest design was the first thing that caught my attention. Despite having a busy night, the staffs were very attentive and welcoming and always greeted us with a smile, no less. The design of the place was really nice because I felt it really brought out the feeling of being in a relaxing resort in Thailand especially so when we were introduced into a cute massage parlour structure which reminded me of my trave

泰菜好耐都冇食啦 ，今晚好想食生蝦，所以近近地行去W Square 新泰開餐。餐廳好有泰式風味，侍應都係泰國人。嘩！ 好多辣椒呀，生蝦大大隻，都好新鮮，醬汁都好濃味，最欣賞係佢放喺包了保鮮紙嘅冰面，蝦鮮味不會被帶走。 一眨眼已經見碟底其實今晚唔肚餓，所以我被燒菠蘿吸引了，點了燒海鮮拼盆，有扇貝、燒蠔、虎蝦，仲有菠蘿！當然要一客椰青解解熱氣，清甜多水，冰凍。最後點少得芒果糯米飯！ 有兩個飯，配上大量椰汁，腦裡浮現了泰國風情畫。

朋友是個要求高的人，對於食物質素環境都有期望。佢精心挑選出來推薦的新泰東南亞餐廳。吃得好，吃得飽，是人生最幸福的事情之一。餐廳位置唔算近地鐵站，在灣仔A3出口向銅鑼灣方向行大概8分鐘就到這𥚃的店員流利中文，服務非常有禮貌，而且下單後上菜十分快，餐廳既光線好柔和，門口充滿泰國風，入面好大，很喜歡側邊的特色卡位，好舒服既感覺。我們先食個🥗泰式柚子蝦沙律，沙律清新好味，個汁好惹味吃起來好滋味，好多層次。食泰國菜一定食馬拉盞通菜，這道菜夠鑊氣，通菜炒得夠爽口又保持青綠色，馬拉盞味道不會太辣仲非常惹味當然咖哩也是必叫的一造菜-泰式青咖喱雞，雞肉肉汁吃下去非常Juicy，咖哩汁不辣，很有特色泰風味見到個 menu個椰靑沙冰巧靚，而椰汁仲好香甜清新，完全是解喝又解膩感最後甜品椰汁木薯，木薯清甜口感煙韌彈牙， 椰汁味濃

最近發現有間樓上泰國菜"新泰"好似置身於泰國之中，一開開笠門就有位好親切嘅店員帶位，座位非常寬敞環境格調優雅， 因為枱同枱之間都有足夠嘅距離所以傾吓計開心笑吓都唔怕嘈到隔離除咗環境好之外，餐廳都好多泰菜選擇!食泰國嘢點可以唔叫生蝦呀～個泰式辣汁好特別唔似出面成日食到，呢間嘅辣汁蒜味濃香口多啲嘩~呢個拼盤真係好唔簡單所有海鮮都係珍寶size， 淨係嗰隻蝦都已經長過對筷子，仲有隻帶子成隻手掌咁大!可以講得上超份量~

平安夜去到灣仔風雲丸要排隊，又記起好耐之前食過新泰午餐都OK，咪試下新泰晚餐囉。今晚隔離兩枱都有出現order遲來或無來嘅情況，偷聽到好似話今晚廚房唔夠人，幸運地我嘅order總算到齊：串燒($88/6串) - 佢可以每樣叫兩串，十分好。味道方面都OK，但唔夠香口，食串燒唔香口真係失色。日本南瓜焗海鮮飯($108) - 調味同啲“海鮮”都算OK, 但啲南瓜無味道，到底應唔應該食埋啲南瓜肉呢？馬拉盞通菜($72) - 味道正常芒果糯米飯($62) - 無得揀黑/白糯米，黑白各一舊，除咗舊芒果好酸，味道正常總括而言，以今日嘅水準來計，不致劣評，勉強OK。

我和友人-豬妹都愛吃泰菜，那天聚在一起，她帶我來了這間，說泰式甜品和青咖喱都好正！這兒環境真舒適，泰國式裝修，簡約又清新的感覺。先來喝點飲品，那芒果沙冰，芒果味道好濃烈，好香甜又酸的芒果味，齒頰留香；那綠豆沙冰，充滿驚奇，好綠豆沙味道，但又那又冰粉，好透心涼，一齊分享飲品，好正！點了鹽烤烏頭，烏頭肉其實不滑，但沒有泥味，因用香料醃過，已蓋到魚的泥味，但有魚本身的魚肉鮮，再加上泰式酸辣汁配上更為提鮮，好開胃，魚的味道即時好吃很多。青咖喱雞做得好出色，夠辣夠香，我食到好多如檸檬葉、金不換、蔥頭等的香料味道，好濃好香也夠晒辣，而且青咖喱汁夠多，雞肉入晒味配上泰式薄餅來食，絶對沒有浪費美味青咖喱汁！薄餅吃落有點酥皮的香啊。甜品是南瓜布甸，南瓜香軟清甜，布甸滑滑好吃，好清新的甜品。還有椰奶木薯，木薯味道好腍鬆，少少似蕃薯，但吃滿更鬆軟，多D椰奶更好味。最特別是椰青班”cake”表面帶脆，入面是甜軟糯米和椰絲，有絲絲椰香，不會死甜，好好食。這店的泰式甜品和青咖喱果然超讚，呢個廚好得呀！

其實呢間嘢都係以泰菜為主星加坡菜 都係錦上添花佢嘅豬頸肉炒可真係好正有少少 廣東嘅椒鹽味 老實講真係幾辣但係夠曬惹味勁正佢個喇沙做得幾正宗如果加少少青檸汁 就真係無敵中和個肥膩感亦都有啲泰菜感覺為迎合香港人嘅口味佢都加咗米線佢竟然有賣 少有嘅北泰國口味我仲發現佢每日嘅lunch menu 都有啲唔同成日改變啱曬附近嘅上班一族點食都唔悶反而佢個蝦餅令我有少少失望佢係純蝦餅嘅 感覺上好似買返嚟咁樣如果加埋少少香茅 或者少少泰式香草類物體 咁就完美喇佢個越南 軟殼蟹米卷 我就麻麻地水分太多 搞到好似一pat pat咁如果第二度國家嘅嘢整得唔夠好食不如唔好 畀人選擇因為泰菜已經做得好好加油同埋意料之外嘅就係平日上班時間 中午最忙嘅一點竟然有位仲要唔使搭枱

My friend works nearby and today i happen to be in this area for shopping, why not find her lunch for a little catch up😊? This is one of her canteens. There a few lunch sets to choose from, Phai Thai, some soup noodles, and rice sets! Both of us choose Hananese chicken rice lunch set. Big portion with drink and little dessert! The texture of the chicken is smooth and fresh!Tastes quite good! worths the price!!Look at the veggies, I love it as it makes the whole lunch more healthy! Nice!The soup

琴晚和好兄弟食飯慶祝佢生日，去了新泰，2個人食了660蚊，質素唔錯值得推介😆首先食了一個青芒果沙律。集酸、辣、甜、爽於一身！好開胃好好味蝦醬炒飯。份量剛剛好兩人食，蝦醬味唔濃，不過配料好足，飯都炒得好挺身，粒粒分明，伴以煎臘腸、肉鬆、烤腰果、蛋絲，十分滿足的口感！沙爹串。雞牛豬各2條，肉的份量唔惹少，而且係即燒的，肉質鮮嫩可口，個人認為比起大多數泰式餐廳的串燒出色！奶油大蝦。份量唔多，但味道很好。蝦係6、7寸長的虎蝦，油炸完淋上奶油醬汁，我最後連蝦頭都食埋😆青咖喱（牛），另加薄餅。咖喱汁有好多件5蚊銀咁大的牛肉粒，仲有d蔬菜，包括煮得剛剛好的茄子，齋食汁都夠食3碗白飯！薄餅好鬆脆，唔油膩，俾個讚最後，我叫了杯芒果沙冰。芒果搞成果蓉舖係上層，下面則係芒果碎冰，雙重口感，無加糖漿的新鮮芒果蓉為全晚豐富的味覺享受劃上完美句號。

食泰國菜除咗去九龍城，灣仔都有好介紹。雖然呢間餐廳已經開咗一段時間，不過一直都保持到水準，幾間分店食物質素都好穩定。主打泰國菜，亦有少量印尼、越南及馬來西亞等菜式，選擇夠晒豐富。招牌菜有燒春雞配香茅飯、日本焗南瓜海鮮飯、牛油果🥑軟殻蟹紙米卷、椰青、明爐魚、芒果糯米飯、印度酥餅、泰式炒金邊粉、串燒、冬蔭功、南瓜🎃焗咖哩海鮮、千層糕等等等等。最緊要價錢唔算價，而且地方闊落，一大班人或者情侶都坐得舒服。

呢一間泰國菜性價比一直都好高，價錢合理，食物質素好，坐得又說舒服，所以有咩聚會都會嚟食。香芒牛油果軟殼蟹卷軟殼蟹炸得脆口，配上Rice Paper Roll, 入邊仲有芒果、牛油果同生菜絲，充滿口感得來又清新！南瓜焗海鮮飯平時見到個個都叫呢個飯咁滯，今次都一於試吓！南瓜好甜，令到個飯更加有鮮味，配上啖啖肉彈牙海鮮，成個飯真係一個perfect match!個飯其實係有少少辣辣地，但係一入口又無咗，感覺都幾過癮。泰式炒椰菜仔椰菜仔炒得好有鑊氣，食落爽甜又唔苦，又唔會太鹹！幾好食甜品今次試吓新野我哋叫咗椰青班cake呢個係Menu係冇圖片嘅，所以我哋都係估估下，估唔到又幾有驚喜喎！甜品有好煙韌嘅糯米同椰汁香之餘，仲可以食到有一條條嘅椰絲，表面仲有少少脆脆地！覺得好有特色！鍾意椰汁嘅朋友可以試吓！

呢間泰國餐餐廳一直都係我嘅心水，今次又約咗大學同學嚟食飯，數數手指，原來已經有兩年無見啦。因為係閒日夜晚，餐廳大約6成滿座，所以都幸運地安排左四個人嘅位，坐得好舒服。我哋叫咗一個南瓜焗海鮮飯原個南瓜上，賣相真係好吸引。每一啖都可以食到好香嘅椰汁同九層塔味，白飯軟綿綿，配上南瓜蓉，兩者混為一體，口感極佳。旁邊仲有一層南瓜可以批出嚟食，感覺都幾清新健康。海鮮有青口、鮮蝦、魷魚等等，全部都新鮮肥美，鮮蝦特別彈牙。兩個女仔食完呢個飯已經有八成飽，但係都要留肚食甜品嘅！我哋叫咗個芒果糯米飯，掛住傾計差d唔記得左影相🙈🙈糯米飯椰汁依然都係熱，糯米軟熟，極有口感，芒果清甜。個人覺得黑糯米更香更好味。今晚同朋友傾左好多好多，真係覺得好開心！餐廳嘅環境，地方寬敞，明閒日就特別適合傾計；店員服務好好，充滿笑容；而食物質素，我哋兩個都好滿意。

只從去過泰國之後，就迷上左泰國菜上網search下就見到呢間，就黎左試下。入到去d侍應差不多全部都係講泰文，立刻對食物質素好有信心。不過好彩早到，過左7點幾就愈來愈多人，差不多爆場。叫左個生蝦，好大隻又有咬口，同非常夠新鮮。不過唔太食得辣既我就冇同辣椒一起食，只係夾蒜食。雖然得5隻，但質素抵翻。見到有軟殼蟹當然即叫，叫左麵包焗咖哩軟殼蟹。麵包好大份，同伴碟個d加埋，應該有1.5個農夫包。同佢凍左唔會硬，十分軟熟！入面d咖哩勁熱，好香椰味！軟殼蟹份量唔少，咬落有膏好香好咬口！食完個包都幾濟，始終有d heavy 但去到最後當然要叫甜品，呢度既選擇都多，不過我都係簡左芒果糯米飯。芒果好甜，不過品種唔泰國食到熱既椰漿配糯米飯，好香好有咬口，份量都多。白色既偏硬，不過好岩我胃口。整體黎講，都幾好味，呢個格局同食物質素又靚又好味，價錢亦唔算太貴。

生日前一星期，男朋友話帶我食最愛的泰菜預祝一下先。黎到發現原來之前食過灣仔分店，味道都不錯☺️呢度d裝修令過灣仔分店，侍應安排左我地坐梳化既卡位，坐得十分舒服！⭕️生蝦沙律 $98有5大隻，不得不講呢個生蝦十分高質，同係泰國食到既有9成似！隻蝦超級大隻，非常爽口！個sauce偏辣，十分刺激！同佢唔似出面個d直接擺係冰上面，用保鮮紙包住碟同冰先上👍🏻⭕️燒春雞釀黃薑飯 $168見呢個平時泰國餐廳小見，所以就叫左🤓🤓份量都幾大！侍應會幫手切，不過貪玩既我地當然要自己動手！一切開就會見到d黃薑飯釀得非常實，飯吸哂雞既汁同香味，好好食！雞十分之滑，連雞胸亦唔會難咬👍🏻伴碟既沙律菜非常好食，除左新鮮爽脆既沙律菜外外仲有豆苗同個sauce酸酸甜甜甘好開胃！！☺️⭕️芒果糯米飯 $62椰汁熱辣辣好香，配飯食勁正！最中意係紫米個邊，因為易咬d同香d！芒果亦夠甜，高水準！