先要講每款菜式都熱辣辣上枱❤呢方面係100分，同埋我坐位置係一定叫到侍應，卡位👍
先黎串燒，雞牛豬各一串，熱辣辣，泰式味道濃郁，唔會燒到乾爭爭，其實呢款菜式周街都有，但50%都做得麻麻好求其，所以呢啲質素我覺得唔錯👍
泰式炒金邊粉，我係呢間食過最好食，唔會太流，唔會淋，炒得好香！下次再黎係必叫！
咖哩牛加薄餅，咖哩其實都香，牛肉都好淋，唯一不滿意係……可以多啲咖哩，因為食完一份薄餅，我再叫多一份，薄餅好鬆軟好香口👍😎😎
燒魷魚就一般，不過熱辣辣，係要加分嘅，唔夠淋。
炒椰菜仔好爽口，傾傾下好快都食曬了，請大碟一點就好了😂😂
總括都係好滿足，仲要每人二百幾蚊食咁多野，算抵，可以介紹朋友普通聚會黎試下👍
