新新酒樓

营业中

休息中

星期六的中午時段, 與家人到佐敦附近飲茶午飯. 倫敦廣場交通方便, 就哂大家. 酒樓內在環境OK, 唔算太迫, 幾光猛.知道呢間酒樓點心唔錯, 屬於傳統手工風格, 所以點咗幾個來試下. <<味菜胡椒豬肚>>出面已經比較少見, 工序多.  豬肚入味, 不過味菜比較鹹. <<咖哩魷魚>>香口唔太辣, 魷魚非常好食, 惹味彈牙!! <<蟹籽燒賣皇>>幾大粒, 有蝦味, 蟹籽份量都算多, 要熱辣辣食!!! <<黃金流沙包>>另一個要推介的手工點心. 好食的流沙包一定要介乎流與唔流之間. 呢間做得唔錯.

第一次寫食評的我，不是因為食物質素，而是食店態度的問題。這間店是第二次光顧，第一次是訂了位吃晚飯，食物不錯，服務也沒有問題，價錢也...見仁見智啦。光顧時已知這店略有名氣和很多舊熟客。因為這樣，所以打算去試埋中午茶市，星期六其實不算太多人等位，但當你在等位時就留意到她們會將位置先给上來的熟客時，你就會知道這樣會有排等，因為那裡地方不太，輪候的位置擠逼，放置餐枱地方有限，所以就算不多人輪候也要等耐一点。约等了30分鐘後，我們決定放棄，那樣等也沒意思，太多熟客了，況且附近酒樓多的是。你會見到她們對着熟客的恩切態度，這点我相信熟客年中幫襯唔少，派嘅利是也唔少，所以我相信這個是熟客的福利啊！可能係名氣名人效應，不過如果你有充裕時間就不妨去等下可，也可能係我當日唔好彩。不過天下的食肆多的是啊！

慣例放假同屋企人飲茶,朋友介紹兩間酒樓話都唔錯,咁就上黎睇下食評先!睇完發覺好似一間小菜比較出色,另一間點心比較出色,咁就試左點心出色果間!食完發覺果然無介紹錯!點心水準相當出色!由於我地食假日午市,食物價位屬於中等至中上,但食完覺得性價比都幾高!可惜食物無影相,推介食物有 - 馬拉糕,蝦餃,牛柏葉,炸芋角!馬拉糕鬆軟!蝦餃d蝦好爽口彈牙!(唔係雪藏果隻)唯獨珍珠雞平平無奇,其他手工點心全部好味!當日賣單後有紅豆沙送!勁香紅豆味!haha到好似幫人賣廣告咁!臨走前同女部長傾左幾句,屋企老人家讚d食物好味!後來得知原來d點心佢地當日朝早人手製造!好食係有原因的!3大1細1B賣單$263!

大年初二，一如以往，眾親戚會聚首一堂團拜和聚餐。今年參與人數很多，共三十六人，所以今年的團拜地點選了中式酒樓，並且選了 “財源廣進” 套餐 $3988，貪佢地方就腳、地方大。七點半開席，第一道菜是【鴻運乳豬全體】燒豬是時興的BB豬，唔超過兩個月大。老實講，味道好一般，味道偏淡，如果唔點乳豬醬的話，都幾難食。第二道菜是【上湯焗龍蝦伊麵】相信是有兩隻龍蝦，因為數到有四隻挾。雖然肉唔厚唔多，但味道做得唔錯。伊麵份量唔夠，每人都分唔夠一注。第三道菜是【碧綠鳳片鴛鴦蚌】份量OK夠，鴛鴦蚌都爽口，雞肉片都腍夠味。第四道菜是【酥炸黃金球】應該是蝦肉丸吧，好彩上到檯都仲係熱，味道一般，點埋啲甜酸醬來食會好啲。第五道菜是【紅燒雞絲大生翅】完全無期望。有得揀的話，寧願食十八座的碗仔翅。第六道菜是【運財金錢吉品鮑】這個菜就似番啲樣。用料和味道都有水準。第七道菜是【清蒸大海花尾班】魚新鮮，蒸得剛剛好，有魚味，肉質都好。第八道菜是【當紅脆皮燒雞】凍咗。但係層皮都仲係脆的。皮薄，肉唔肥，食得過。第九、第十道是【乾燒伊麵】和【臘味粒香芋紅米炒飯】伊麵鹹咗啲。炒飯加咗芋頭粒就香口好多。食埋個紅豆沙之後就完場。整體上，

新新酒樓係新樂酒店的中餐廳, 以前係新樂地下, 但以前聽過好似有老鼠, 所以我都有一段時間無入過去。不過佢將個地鋪搬左去隔離莊士倫敦廣場後, 我反而幾鍾意去。雖然酒樓環境都逼逼地ga la, 但係坐到窗邊位的話成個九龍公園景就在眼前, 光猛舒服, 野食又唔貴, 普普通通, 要求唔高的話, 性價比其實都幾高。而且平時下午茶一系列特價點心都只係12.8, 兩個人黎, 點幾款, 好似鳳爪, 叉燒包gam, 能夠滿足我鍾意食傳統點心, 而且又唔係比大點的價錢, 其實幾好, 老豆食完都話抵食。

在佐敦工作，同事介紹德興街上海菜，由於午飯時間，又沒有訂枱，所以唯有找中式酒樓。最終選了莊士敦廣埸新新洒樓，我們下單點了些點心，例如薑蔥牛栢葉，四寶滑雞扎、鮑汁花生鳯爪（$38），煎釀三寶（$42），XO醬煎腸粉（$36）、香茜瑤柱雞包仔，香煎蘿白糕、時菜鯪魚球，都覺得不錯。午市1130-2pm, 小點$20,中點$24,大點$28,特點$32,頂點$36,超點$48。迷你福建炒飯（$62），話係迷你，但足夠五至六個人分享，頂呱呱，今天人均消費$80。

星期日一早去飲茶(12點前)如果唔想同人迫一定會去尖咀或佐敦一帶去覓食。今日第一次來到新新完全係被佢宣傳字眼 "懷舊點心"已被吸引來到既。看到點心紙沒有太大的驚喜不是都坐底左 所以點了1. 蝦餃: 皮薄多汁蝦肉鮮味及彈牙。同埋真係熱到上台成分鐘後仍出曬煙。2.胡椒豬肚湯:胡椒味唔濃但個辣係由喉嚨慢慢走出來。真係未飲過甘堅既豬肚湯。3. 蝦腸: 買相唔靚但第一次食到有腸粉有淡淡既米味。又係第一次食到甘超級熱辣辣既腸粉。4. 春卷:即叫叫炸既春卷咬了一口後仲出煙。甘新鮮甘當然無得輸。5.羅白糕:啖啖羅白絲仲要即叫即煎真係好好食。只係衰在無甜醬。整體成日酒樓都係以熟客為主,衛生尚可以,食物超級熱辣辣食時要當心。以上5個點心合共200元。

今晚約埋一班舊同事去左敦新新酒家晩飯向來我對套餐無乜好感，由於侍應姐姐推介，而且我地又唔想諗，我地叫咗個"生龍活虎全包餐", 聽到個名都開心侍應姐姐好細心，因為我哋未齊人，佢幫我地安排廚房準備先先嚟個乳豬拼盤，乳豬皮脆肉嫩，似係即燒🔥跟着個燒汁焗大虎蝦好惹味蝦肉又爽錦鹵奇味骨，炸得香脆肉滑炒龍躉球好新鮮，頭腩麵醬蒸有D茄子墊底，茄子入哂味樣樣都幾好食本來已經好飽但係見到碟飯又食咗一碗埋單每人$220蚊，同事都讚好食今次令我對套餐大大改觀見佢哋其他餐牌都好吸引下次一定會再嚟試

新曆年初二跟朋友相約佐敦, 本來經常去的名苑今次不去, 在附近找了間”新新”, 以為是新酒樓原來係由樓下嘅新樂酒店中菜廳開上來, 賣點是懷舊點心,點心類大致上沒大問題, 但酒樓為咗要賺錢, 每張枱同枱都擺放得好貼, 基本上係兩枱人背貼住背座, 而最有趣的是友人K的太座一坐低就問阿姐有無濕紙巾?阿姐面有難色左顧右盼了一下, 然後話”有”跟住去咗一邊攞咗些過來給我們用, 到食完飯後K太再問企係度嘅經理有無濕紙巾? 男經理板起臉說:沒有! 但K太都不示弱地笑笑口舉起剛才用過印住LOGO嘅濕紙巾套同男經理講, 頭先阿姐又有嘅? 那目無表情嘅男經理沒有答話便行開了, 其實客人開到口問而自己而事實又係”有”, 作為服務業管理層這完全是一個壞榜樣, 作為服務業怎麼樣的客人都有機會遇上, 酒樓裡面印住LOGO嘅濕紙巾其實是軟性廣告品, 換上二十年前差不多是晚飯時間每個客人枱上都要放上一個小袋, 但當然那是個環保意識簿弱嘅年代, 現在是問到才俾的居多, 況且大家一般都自備的居多, 而再睇番這酒樓嘅食客評語大家都真的唔太滿意這裡的服務質素, 唔知道這裡老闆有否知道自己店已經一定程度上被態度惡劣嘅員工在破壞

have to fight for morning meal Not knowing what to eat the first breakfast This Chinese new good morning Luckily only using about 10minutes Wandering We find a Chinese restaurant and Yum ChaSun sun is the son of old Shamrock hotel Sun lok restaurant Which was famous for its history On day No 1We have congee Rice bowl And also Sticky fried Law Mai 🍚 rice Seems every one enjoy Law MaiGreedily 55$🌞each Plus the incredible kln park view from the upper house of London square I think the price okBut n

這天去到佐敦的莊士倫敦廣場，看看水牌，想吃中式小菜，便到新新酒家一試。酒家有一些不是很多地方吃得到的懷舊小菜，例如金錢雞和蝦多士等等。今天本來叫了三個小菜，但其中的薑葱蜆蚧魚雲煲，等到差不多吃完才發現廚房漏了單，所以不要了。新新小炒皇（$88）👍👍👍👍👍小炒皇的火喉夠，有鑊氣，用料新鮮和豐富，有韮菜花、蝦、蝦乾、魷魚、腰果和菜脯，味道也十分配合。啫啫沙薑雞煲（$118）👍👍👍👍👍雞煲一開蓋已聞到濃香的味道，加上啫啫聲響已食指大動，先吃一口乾葱頭，又熱又甜，再試試豬膶，非常爽口，雞塊也很入味鮮嫩。下次有機會來會試吓啲懷舊菜。

週日到新新嘆茶，第一次來，這裡的點心實在很有驚喜！先來個蝦餃，皮薄餡靚，鮮蝦味濃兼彈牙，筍爽且香，因材料新鮮，不用味精添家，跟各大連鎖酒樓點心的味精味道很不同。再來個豬膶燒賣，傳統點心，現今很多茶樓也找不到。豬膶雖然細片了点，但味道並不遜色，配上鮮豬肉，手找與機打確實不同。沒有一般味精豉油味，一向不喜歡食燒賣的我，也頗喜歡這個傳統點心。春卷招牌點心! 香脆，不油膩，內裏滿是那股鮮蝦味，用靚料，無得輸！我的是日至愛還是傳統馬拉糕，非常鬆軟，有股沖繩黑糖清香味，一點也沒有過甜，很好吃。細問之下，原來點心師父每天大清早三點多便開工備料，多年來老闆一直堅持手造點心，用靚材料，油也是用荷蘭來的上價油，怪不得點心有這個味道，以今時今日的營商環境，還有這份堅持，實在不簡單。門庭若市，不是沒原因的！

昨天到此酒樓大約下午1:45， 入到去同個穿黑色西裝衫，裙的女士講想飲下午茶。 她說還有一會，（下午茶時間是2點我知道的）， 叫我們等等。 大約等了5分鐘， 她安排入坐。好快便order了， 因為得一張紙。怎知道結算時不是下午茶的價錢，而是正價。 正當我問收銀時， 頭先安排坐位那個黑色制服女部長， 十分大聲及沒有禮貎說😡： 都叫你們2點才落單！ 講真一句，我們真的沒有聽到，重要係她把聲音唔細， 如果知道點會唔等多幾分鐘。我們係以為安排得入座，而係門口又等了一會（因為本身入面大把位）。 幾時落單也是下午茶！ 很可借張單我掉了， 張單時間是1:56。比多了一百元， 沒有所胃， 但整個過程及她的態度係好有問題😡😡

自從上次食完，對呢度既點心喜愛十足，今次特意再嚟。同是星期日中午，今次少左人，唔駛點樣等位。點心叫左：蒜蓉蝦春卷，好香蒜味，熱辣辣又鬆脆，蝦肉大粒小籠包就一般，嚿肉太大金沙魚肚，5大嚿，好鬆軟入味呢個馬拉糕，必食，又鬆又唔油唔太甜，剛剛好。叉燒餐包，係驚喜，姐姐臨時叫賣，點心紙沒有的， 熱辣辣剛出爐，好香好鬆既餐飽，入面叉燒粒又juicy大粒又肉質好，推介，而且好有兒時茶樓感覺流沙飽，好流沙干炒牛河，味道好, 牛肉唔同出面用梳打粉嗰d, 肉好firm, 又入味，但整體炒得有d油....燒腩仔兩次都係推介，熱辣辣，皮脆，肉質好，只係$45， 性價比高唯一既係老牌伙記既服務...叫極都唔應，可能太少人做野啦…但因野食好味，又未至於black list既

一行五大人來到新新飲早茶, 茶客不多, 亦無需等位。我們要求由細枱(二至四人枱)轉坐中枱, 知客/ 帶位小姐堅持要收六人茶錢, 原因是這張是“六人枱”。OK! 錢照比, 只是永遠唔會再幫襯! 新新酒樓老板真係多得呢位知客/帶位小姐唔少